NutriQueen

NutriQueen Contact information, map and directions, contact form, opening hours, services, ratings, photos, videos and announcements from NutriQueen, Nutritionist, Ahmed Orabi Street, Beni Suef.

مدرس بكلية الطب البشري 👩🏻‍⚕️🩺
استشاري التغذية العلاجية و علاج السمنة و النحافة.
المعهد القومي للتغذية.
هدفنا الاهتمام بالصحة والوصول للوزن المثالي بأبسط طريقة دون حرمان لنتيجة افضل و مستمرة.
تابعنا لصحة أفضل..
احجز استشارتك الآن👇

04/12/2025

لو بتخسي من كل حتة ماعدا بطنك..فدي غالبا مش مشكلة إرادة
دي علامة مقاومة إنسولين بتخلي الجسم في وضع تخزين.
الحل مش حرمان..الحل في توازن الهرمونات
اكتبي Insulin لو حاسة إن الكلام ده شبهك ✅ #صحة

مش الجو بس اللي مضعف مناعتك ضد الفيروسات المنتشرة الايام دي..السكر اللي بتاكله كل يوم هو السبب!🫣أيوه..مش تعب الشتا ولا ...
03/12/2025

مش الجو بس اللي مضعف مناعتك ضد الفيروسات المنتشرة الايام دي..السكر اللي بتاكله كل يوم هو السبب!
🫣أيوه..
مش تعب الشتا ولا العدوى اللي حوالينا بس🦠
في أغلب الحالات.أول سبب لضعف المناعة هو… طبقك🍽️

لما تاكل سكر كتير أو أكل متصنع، الجسم مش بس بيعلى فيه السكر..
ده بيدخل في حالة التهاب مستمر🤦🏻‍♀️
وبيجهد جهاز المناعة لدرجة إنه ما بقاش قادر يحارب كويس😞

العلم بيقول كمان إن بعد أي وجبة مليانة سكر،🍪🍨🍡
خلايا المناعة بتتشل جزئيا لساعات
يعني جسمك بيبقى مكشوف أكتر لأي فيروس أو بكتيريا🦠🧫

والصادم أكتر؟
٧٠٪ من جهاز المناعة موجود في الجهاز الهضمي
يعني لو أكلك غلط..مناعتك هتفضل ضعيفة مهما خدت فيتامينات💊

دول أخطر أعداء مناعتك..وأنت شايفهم “عادي”
• العيش الابيض والمكرونة البيضا🍝🥖🥐
• العصاير “الطبيعية”🧃
• الكورن فليكس🥣
• الزبادي المتحلي
• الصوصات الجاهزة🍝
• القهوة بالسيرب
مش هتكلم عن كمية الحاجات المسكرة اللي بتتحط فوق بعض و بيتعملها دعايا رهيبة و بتحري وراها انت وولادك🙃

كل دي بتعمل قفزة في السكر..
وقفزة في الالتهاب..
ونزول في المناعة..

الحل مش حرمان… الحل وعي
مش بقول لك امنع السكر خالص
لكن اختار:
فاكهة بدل عصير
حبوب كاملة بدل بيضا
مياه بدل مشروبات غازية ..

معلومة أخيرة لازم تعرفها
جسمك ذكي..بس بيعتمد على اللي بتاكله باستمرار
لو أكلك صح..مناعتك هتبقى درع
ولو أكلك غلط..حتى أقوى مكملات مش هتنفع. #مناعة #فيروس #انفلونزا #كورونا #برد

02/12/2025

فكر فيها كـ “ترموستات” للوزن
جسمك بيحافظ على رقم معين مهما حاولت تغيره
إلا لو غيرت أسلوبك مش بس أكلك
الدايت القاسي = جسم عنيد
التغذية الذكية = جسم متعاون. #صحة #وعي

01/12/2025

هل فكرتِ قبل كده ليه اللبن بقى طعمه عادي؟
وليه الفاكهة مبقتش حلوة زي زمان؟
السر مش في اللبن..
ولا في الفاكهة،.
المشكلة في مستقبلات التذوق عندك
السكر الصناعي والمأكولات المصنعة بتعمل:
• إنهاك لحلمات التذوق
• تعوّد على الجرعات العالية من السكر
• ضعف الإحساس بالحلاوة الطبيعية
لكن الخبر الحلو 👇
مع أول أسبوع من الأكل الصحي وتقليل السكر:
✅ مستقبلات التذوق بتبدأ تتجدد
✅ المخ يعيد ضبط الإحساس بالطعم
✅ ترجعي تحسي بحلاوة اللبن والفاكهة الطبيعية
وده مش رأي..ده علم و تجربة
لو نفسك ترجعي تستمتعي بالأكل الحقيقي
اكتبي في الكومنت:
عايزة أرجّع التذوق من تاني 💬
#صحة #وعي

30/11/2025

الفطار عندي هو أهم وجبة في اليوم..🫣
ومش علشان مقولة منتشرة وخلاص.لكن لأن الجسم بعد 8–10 ساعات من غير أكل بيكون محتاج يعوض الطاقة اللي استهلكها وهو شغال في صمت. إهمال الفطار أو الاكتفاء بقهوة وسكر بيخلي مستوى السكر في الدم يتلخبط، وده غالبا بيظهر في صورة صداع، تعب سريع، عصبية، وقلة تركيز، ومع الوقت ممكن يزود شراهة الأكل آخر اليوم ويأثر على الوزن والحرق.

أما الفطار المتوازن 🥚🧀🥗اللي فيه بروتين كفاية مع ألياف وكربوهيدرات صحية ودهون مفيدة، فهو بيساعد على ثبات مستوى السكر في الدم، ويحسن المزاج والتركيز، ويدّي طاقة مستقرة بالساعات بدل الارتفاع والهبوط السريع. 💪
كمان بيلعب دور مهم في تنظيم الشهية، وتقليل النهم والوجبات غير الصحية فيما بعد، وده بيخلي التحكم في الوزن أسهل بكتير.

علشان كده، بالنسبة لي الفطار مش رفاهية ولا وجبة ممكن تتأجل..ده الأساس اللي ببني عليه يومي كله. لما أبتدي يومي بفطار واعي، بحمي صحتي، أظبط مزاجي، وأدّي لجسمي حقه قبل ما أي حاجة أو أي حد ياخد من طاقتي.و بعدين نبدأ نفوق و نتكلم 😅 ..متكلمنيش قبل ما افطر 🫥. #صحة #وعي #فطار

اشطر دكتور نساء و توليد و علاج العقم و الحقن المجهريربنا يباركلك و يجعلك امتداد لعمل بابا الصالح❤️
26/11/2025

اشطر دكتور نساء و توليد و علاج العقم و الحقن المجهري
ربنا يباركلك و يجعلك امتداد لعمل بابا الصالح❤️

26/11/2025

مع الوقت:
• هرمون الجوع Ghrelin بيعلى
• وحساسية هرمون الشبع Leptin بتقل
• والمخ بيبدأ يرفع الكمية المطلوبة للشبع تدريجيًا

دي بنسميها:
‏🧠 Food Neuroadaptation
يعني المخ بيتبرمج على الكمية الجديدة #صحة #وعي

25/11/2025

مناعة الاطفال ⛔️‼️⚠️☣️. #صحة #وعي #مناعة

24/11/2025

1️⃣ اختلال الميكروبيوم = هضم أبطأ
2️⃣ زبادي = Probiotics
3️⃣ شوفان / شيا / تفاح = Soluble Fiber
4️⃣ ثوم / بصل / موز أخضر = Prebiotics
5️⃣ + ماء كفاية = حركة أفضل للأمعاء
#صحة #وعي

Address

Ahmed Orabi Street
Beni Suef

Opening Hours

Tuesday 6pm - 9pm
Sunday 6pm - 9pm

Telephone

+201068491268

Website

Alerts

Be the first to know and let us send you an email when NutriQueen posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category