د. هيثم عفت دكتور العيال

د. هيثم عفت دكتور العيال صحه اولادنا اهم حاجه ف حياتنا نطمنكم عليها ف عيادتنا ببرج مزايا فوق فرع اتصالات ميدان الزراعين الدور5 دكتور العيال

03/11/2025

إنخفاض ملحوظ في درجات الحرارة اليوم واحتمالية كبيرة لسقوط أمطار خدوا بالكم ولبسوا العيال بكم وهم نازلين للمدرسة🙄

02/11/2025

إدخال السمسم ضمن وجبات الطفل يُسهم في دعم زيادة الوزن بطريقة طبيعية وآمنة، كما أنه مصدر غني بالكالسيوم الضروري لنمو العظام والأسنان.

01/11/2025

أكلوا أطفالكم بطاطا يا جماعه ، ممتازة لدعم نمو الدماغ و كمان مصدر غني بالطاقه ، و تعتبر كنز ڤيتامينات و معادن زي ڤيتامين سي و البوتاسيوم و المغنسيوم و الحديد و فوق كل دة بتسهل الهضم و بتدعم صحه العين.

31/10/2025

وجع الضهر ده جزء ثابت في حياة أي أم
تصحي بيه… وتنامي عليه…

ولو في يوم اختفى، بتحسي إن في حاجة ناقصة 😂

31/10/2025

اللي عندها بيبي ولد محدش يسألها مالك متغيره ليه ولا مرهقه كده ليه دي ليها ربنا بس والله 🫢😂😅

31/10/2025

الأمهات الأيام دي بتربي تربيه غريبه أوي.. ٥ دقايق بتطبطب و ٥ دقايق بتصوت و٥ دقايق بتزعق ، و٥ تربيه ايجابيه ، و ٥ بالشبشب
وده اسمه ((عك التربيه)) اللي هو ليط يا حبيبي ليط 😂😂

29/10/2025

مش عايز أفاجئكم واقولكم إن 80٪ من الأمراض اللي بتحصل للأمهات نتيجة الضغط العصبي مش أي حاجه تانيه!

ربنا يعينكم ويقويكم..

28/10/2025

اكتئاب الأم مش محتاج كشف ولا دكتور…
هو محتاج نوم ٨ ساعات من غير "مامااااااا" كل ٥ دقايق!

حوادث السقوط من الأماكن المرتفعة من أكثر الأسباب شيوعًا لإصابات الأطفال 💔والكارثة إنها بتحصل في ثانية واحدة بس… والأهل د...
25/10/2025

حوادث السقوط من الأماكن المرتفعة من أكثر الأسباب شيوعًا لإصابات الأطفال 💔
والكارثة إنها بتحصل في ثانية واحدة بس… والأهل دايمًا بيقولوا:
"سيبته دقيقة ورجعت لقيته على الأرض!"

👶 الرضع كمان مش استثناء!
▪️الرضيع ممكن يتقلب أو يتحرك فجأة حتى قبل ما يتعلم الحبو.
▪️بيكفي إنه يغيّر وضعه أو يمد إيده علشان يقع من السرير أو الكنبة.
▪️بعض الحالات بتكون إصابة بالرأس أو كسر في الجمجمة أو ارتجاج بالمخ — لا قدر الله.

🍼 نصائح لتجنب سقوط الرضع:

1️⃣ ما تسبيش الطفل نايم على سرير كبير أو كنبة من غير سياج أو حماية.
2️⃣ استخدمي سرير أطفال مزوّد بحواجز أمان عالية ومقفولة بإحكام.
3️⃣ أو حطيه على الأرض على بطانية أو فرشة آمنة مش على سطح مرتفع.
4️⃣ ما تغيريش له أو تلبسيه على السرير العالي إلا وإيدك عليه طول الوقت.
5️⃣ ما تسيبيش الرضيع على طاولة التبديل او مكان اللي بتغيريله فيه الحفاض أبدًا لوحده.

🧡 وبالنسبة للأطفال الأكبر سنًا:

1️⃣ ركّبوا حواجز أمان أو شبك معدني للشبابيك والبلكونات.
2️⃣ ابعدوا أي أثاث عن النوافذ (كنبة، كرسي، سرير).
3️⃣ استخدموا بوابات أمان للسلالم.
4️⃣ راقبوا الأطفال أثناء اللعب، حتى لو المكان “شكله آمن”.
5️⃣ علّموهم إن الشباك والبلكونة مش مكان للعب.

❗لو الطفل وقع:

▪️ما ترفعهوش بسرعة إلا لو متأكد إنه بيتنفس طبيعي ومفيش كسر واضح.
▪️اتصل بالإسعاف فورًا أو توجه لأقرب طوارئ أطفال.
▪️أحيانًا بيكون في نزيف داخلي أو ارتجاج بالمخ من غير أي علامات واضحة في البداية.

👁️ "الطفل محتاج عين… مش قفل"
خلي بالك، ثانية واحدة ممكن تغيّر عمر كامل 💔

23/10/2025

ابنك بيرضع كويس، ابنك شاطر في المدرسة، ابنك بيسمع الكلام، ابنك بياكل كويس..!!
متقوليش لحد لأن لو عملتي كده كل ده هيروح للأسف😓

22/10/2025

بنظام الامتحانات والتقييمات الدائم في المدارس، الطفل التعبان للأسف مش عارف يريح في البيت..
فأصبح أنه مش بيخف وبيعدي باقي زملاؤه، اللي أول ما يتحسن يعدوه تاني ولفي بينا يا دنيا..!

22/10/2025

مينفعش أبدًا نقارن تربيه زمان بتربيه دلوقتي ، زمان العيل كان بيتربى وسط عيله، ده يشيل شويه وده يأكل وده يلاعب شويتين.
دلوقتي كل واحد قافل علي نفسه والحِمل كله تقريبا عالأم ، عشان كده مهمة الأم بقت أصعب بمراحل !!

Address

برج مزايا ميدان الزراعيين الدور الخامس
Beni Suef

Opening Hours

Monday 11am - 11pm
Tuesday 11am - 11pm
Wednesday 11am - 11pm
Thursday 11am - 11pm
Friday 11am - 11:30am
Saturday 11am - 11pm
Sunday 11am - 11pm

Telephone

+201003533433

Website

Alerts

Be the first to know and let us send you an email when د. هيثم عفت دكتور العيال posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category