El-Badawy Pharmacy

02/03/2026

https://www.facebook.com/share/v/18NGpEoCMP/

26/02/2026

موجود شريط واحد تاريخ 3/2026 سعره 70 جنيه بدلا من 109 جنيه

26/02/2026

موجود 2 شريط تاريخ 3/2026 سعرهم 50جنيه

25/02/2026

✳️ عندك أنيميا؟
طب قبل ما تجري تشتري حديد… بص في تحليل الـ CBC كويس 👀

في تريكة بسيطة جدًا هتفرق معاك في التشخيص 👇

💢 في التحليل ركّز على حاجتين بس…
ولو فهمتهم صح، هتعرف نوع الأنيميا من غير لف كتير.

🔴 أول حاجة: HB (الهيموجلوبين)
طبيعي يكون قليل في أي حالة أنيميا…
لكن ده مش بيقولنا السبب.

يعني إنت عرفت إن في أنيميا…
لسه ماعرفتش نوعها.

🟡 هنا بقى تيجي التريكة المهمة 👇

🔬 تاني حاجة تبص عليها: MCV
وده اختصار Mean Corpuscular Volume
يعني حجم كرات الدم الحمراء نفسها.

📏 الطبيعي من 80 – 100

🔹 لو الـ MCV أقل من 80
يعني كرات الدم صغيرة الحجم
ونسميها Microcytic anemia

وأشهر سبب؟
🩸 نقص الحديد (Iron Deficiency Anemia)

ساعتها العلاج بيكون حديد… مش فيتامينات تانية.

🔹 لو الـ MCV أكبر من 100
يعني كرات الدم كبيرة الحجم
ونسميها Macrocytic anemia

وأشهر سبب؟
نقص فيتامين B12
أو نقص حمض الفوليك
وأحيانًا الاتنين مع بعض

ساعتها الحديد مش هيحل المشكلة
لازم تعالج بفيتامين B12 أو Folic acid حسب السبب.

💡 الخلاصة:

مش كل أنيميا تتعالج بحديد.
ومش كل تعب ودوخة معناهم نقص حديد.

اقرأ الـ CBC صح…
هتوفر على نفسك علاج غلط،
ووقت ضايع،
وأعراض بتطول بدون داعي

25/02/2026

#مصر مبيعات الادويه ٢٠٢٥
مؤسسه IQVIA المتخصصه في تكنولوجيا المعلومات الصحيه اصدرت تحليل علي سوق الادويه في مصر .
التقرير قال أن مبيعات الدواء فى مصر عام ٢٠٢٥ وصل الي ٢٩٢ مليار جنيه للبيع الحر بدون ادويه القوات المسلحه والداخليه ومناقصات وزاره الصحه وتعاقدات هيئه الشراء الموحد .
أظهر التقرير اول ١٠ شركات في السوق .
المركز الاول شركه فاركو ١٤ مليار جنيه . المركز الثاني شركه سانوفي الفرنسيه ١٢ مليار جنيه . المركز الثالث شركه امون ٩ مليار و ٩٠٠ مليون جنيه ثم شركه ماركيرل ٨ مليار و ٣١٥ مليون جنيه ثم شركه نوفارتس ثم ابيكو ثم ايفا ثم جلاكسوا ثم المهن الطبيه ثم المركز العاشر الحكمه ب ٦ مليار و ٤٥٠ مليون جنيه .
أظهر التقرير ان سوق الدواء حقق نمو ١٢% اكبر الأسواق نمو في مصر كما أظهر ان نسبه القطاع العام ل ٨ شركات اقل من ١٠ % وان تعداد المصانع المعتمده تجاوز ٢٠٠ مصنع مع وجود عدد اخر ينتظر الاعتماد وان هناك ١٦ شركه تمتلك أكثر من مصنع وانا مبيعات اول ١٠٠ شركه أظهرت تقدم وزياده المبيعات عام ٢٠٢٥ عن عام ٢٠٢٤ . كما أظهر التقرير أرقام اخري سيتم تحليلها في بوست اخر .
شركه IQVIA تعمل في مجال الأبحاث الإكلينيكيةبعد اندماج كوانتيليز و شركه أي إم أس العالميه المهتمه بمبيعات الادويه سابقا .

23/02/2026

22/02/2026

🧵 خيط فيكريل ولا برولين؟
لو جالك سؤال في الشيفت… لازم تبقى فاهم الفرق 👌
كتير بنسمع الجراح يقول:
"هات فيكريل" 👨‍⚕️
أو "اقفل ببرولين"
طب الفرق بينهم إيه؟ 🤔
🔹 Vicryl (فيكريل)
خيط قابل للامتصاص ✨
يعني الجسم بيذوبه لوحده خلال شهرين تقريبًا
قوته كويسة في أول 2–3 أسابيع
وبيستخدم غالبًا في خياطة الأنسجة الداخلية
زي العضلات أو تحت الجلد
📌 ميزته إننا مش محتاجين نشيله تاني
🔹 Prolene (برولين)
خيط غير قابل للامتصاص 🚫
يعني لازم يتفك بعد مدة لو مستخدم في الجلد
سطحه أملس (Monofilament)
فمعدل الالتهاب أقل 👌
وبيستخدم كتير في خياطة الجلد
وكمان في جراحات الأوعية الدموية
💡 الخلاصة:
جرح داخلي؟ → فيكريل
جرح جلدي؟ → برولين
المعلومة الصغيرة دي تفرق جدًا في شغلك 👨‍⚕️

22/02/2026

اول بروتوكول لعلاج التسمم بحبة الغلة

18/02/2026

6 أحكام دستورية تتعلق بمهنة الصيدلة
===
خلال 21 عاما بدءا من 2005 و حتى اليوم
صدرت 6 أحكام دستورية
تتعلق بمهنة الصيدلة و قانونها رقم 127 لسنة 1955 المنظم لها فى مصر
1- حكم 2005 ...
بأحقية الصيدلى الحكومى فى تملك صيدليتين دون إدارتهما
2- حكم 2009 ...
بدستورية قيد مسافة ال 100 متر بين الصيدليات
أو قيد المسافة عموما .
3- حكم 2017 ...
بإسقاط الرخصة الحمراء
أو حق فتح صيدلية دون التقيد بشرط المسافة فى حال الهدم أو الحريق
4- حكم 2018 ...
بدستورية منع امتلاك الصيدلى أكثر من صيدليتين
أو بمعنى آخر التأكيد على دستورية (مخالفةسلاسل الصيدليات للقانون)
الخيط الرفيع الذى يربط هذه الأحكام الأربعة
هو أنها جميعا تتعلق بحق "تملك أو فتح" صيدلية.
5-حكم 2021
يتعلق بنقابة الصيادلة
بعدم دستورية إسناد الفصل فى نزاعات نقابة الصيادلة إلى محكمة النقض ,و اختصاص القضاء الإدارى بذلك.
6- حكم 2026
عدم دستورية قرار رئيس هيئة الدواء بتعديل جداول المخدرات فى القانون رقم 189 لسنة 1960 و بيان أن هذا من اختصاص وزير الصحة و السكان.
===

17/02/2026

مطلوب مندوب مبيعات لشركة ادوية السن لغايه 30 سنه
مؤهل عالى
من بلقاس او ارياف بلقاس
مش شرط خبره فى شركات الادويه

14/02/2026

❤️❤️❤️

14/02/2026

علمياً، دي قفزة كبيرة في عالم تغذية الأطفال حديثي الولادة في الحالات الحرجة و بعض مشاكل التغذية بعد الولادة
عملياً؛ حاجة جميلة جداً و سهلة و مفيدة جداً جداً
إفتائياً؛ أنا مش بحب اثير الجدل طبعاً و مش هدخل في قصة ازاي عملوها و كيفية تجميع الحليب الطبيعي من سيدات طبيعيات و لا الموضوع ده خالص
بس ده حليب إنسان طبيعي و مجفف يضاف الي حليب الأم الطبيعي لتعزيز القيمة الغذائية
اول مرة في العالم العربي مع بداية عام ٢٠٢٦