https://www.facebook.com/101626878742826/

YCD, Cairo (2025)

23/11/2022

*سمعت عن هرمون الثيروكسين (Thyroxine) ؟* 🤔
🟢 هرمون بتفرزه الغدة الدرقية
الموجودة في الرقبة .
🟢مهم للنمو وبيدخل في تركيبه عنصر اليود .

*إيه المشاكل اللي هتحصل لما يزيد إفراز الثيروكسين ؟*
في حالة الزيادة الخفيفة ممكن متظهرش أعراض، بس لو زيادة جامدة, هيحصل "التسمم الدرقي".(Thyrotoxicosis). وأعراضه
_تضخم في الغدة الدرقية.
_سرعة نبضات القلب.
_أرق
_زيادة في حركة الأمعاء.
_قلة تدفق الدورة الشهرية.
_فقدان في الوزن.
_التعب والتهيج.
_جلد رقيق وشعرخفبف.

*طيب إيه اللي يحصل لو نقص إفراز الثيروكسين ؟*
يحصل "قصور الغدة الدرقية".
_حدوث مشاكل في النمو لو حصل في مرحلة الطفولة.
_نقص معدل التمثيل الغذائي عند البالغين و زيادة في الوزن.
_بطء ضربات القلب
_ومشاكل في الذاكرة
_ و ضعف العضلات
_والعقم عند النساء

*عشان نتجنب أمراض الغدة الدرقية بسبب خلل الثيروكسين .* 👍🏻♥️
- تناول أطعمة تحتوي علي اليود خاصة الأسماك ومنتجات الألبان.
- امتناع عن التدخين لان فيه مادة السيانيد اللي بتمنع أمتصاص اليود .
- ممارسة الرياضة بانتظام .

#الثيروكسين #الدرقية #الهرمونات #هرمون

21/11/2022

استكمالا لسلسلة التطعيمات..
هنتكلم النهاردة عن تطعيم الحصبة MMR
تعالو نتكلم الاول بشكل سريع جدا عن ايه الحصبة ؟ و اي أعراضه ؟
الحصبة دي فيروس بيصيب الانسان، هتلاقي أعراضها:
التهاب في الحلق و سيلان الانف و كحة
التهاب في العين
حمي و طفح جلدي

هل دي حاجه خطيرة؟
للاسف ااه ، ممكن تسبب مضاعفات خطيرة في الجهاز التنفسي و كمان المخ
طيب ايه بقه لقاح الحصبه و عبارة عن ايه ؟
بيبقي عبارة عن فيروس ضعيف جدا بيتحقن تحت الجلد
لقاح الحصبة ده لقاح مدمج بيدي حمايه ضد تلات أمراض : الحصبة (Measles) والنكاف (Mumps) والحصبة الألمانية (Rubella)
بيتاخد ازاي ؟ و امته ؟
تحت الجلد ، أول جرعة عند ١٢ شهر
و التانيه عند ٦ سنين
هل في آثار جانبيه للقاح ؟
اه، بس آثار خفيفه مش خطيرة، زي مثلا :
احمرار و تورم او ألم مكان الحقنه
ممكن طفح جلدي و حمي من ٥ الي ١٢ يوم ( ده بسبب الفيروس الي في اللقاح )
طيب و هل اللقاح فعال ؟
اللقاح فعال جدا بنسبه ٩٧ ٪؜
طيب مين الي مايخدش اللقاح ؟
لما يكون عنده سخونيه شديدة
الحوامل و الي مناعتهم ضعيفة

#الحصبة #تطعيم

16/11/2022

*أكيد سمعت عن الكورتيزون* !؟ 🤔
🟢دا هرمون صنعه الإنسان وبيشبه تأثير الكورتيزول الطبيعي .
🟢 هرمون الكورتيزول بيُنتَج من قشرة الغدة الكظرية اللي فوق الكلية .
*طيب بيعمل إيه الكورتيزون في الجسم ؟*
بيثبط المناعة وبكدة بيعالج أمراض المناعة الذاتية، وبيُستخدم وبعد زراعة الأعضاء .
وبيقلل الالتهاب والعدوي .

🟣 *بس خد بالك متخدهوش إلا بوصف الطبيب اللي بيحدد الجرعة والمدة وطريقة التناول بالظبط ، عشان بيَنتُج عنه أثار جانبية* ، مثل :
_ارتفاع في ضغط الدم.
_ضعف العضلات .
_زيادة سريعة في الوزن .
_بيزود السكر في الدم , واحتباس السوائل .
_ضيق تنفس .
_مشاكل في الرؤية .
🟣 *كمان خد بالك متوقفش الدواء فجأه عشان مَتُصَابش بأعراض أنسحاب* .

#الكورتزون #الهرمون #الهرمونات

15/11/2022

تكملة سلسة {وَفِي أَنفُسِكُمْ ۚ أَفَلَا تُبْصِرُونَ}
#8

▪️قال تعاليٰ: (لَقَدْ خَلَقْنَا الْإِنْسَانَ فِي أَحْسَنِ تَقْوِيمٍ) [التين 4].
هتكلم عن تناغم اجهزة جسم الانسان و تكاملها سوا و ازاي كل جزء في جسمنا عندو مسؤولية و وظيفة تساعدنا نعيش و نتعايش مع اللي حوالينا

▪️لو بدأنا نتكلم عن اهم اجهزة جسمنا هو الجهاز العصبي اللي بيتكون من جزئين العقل و هو الجزء المركزي الاساسي و الحبل الشوكي هو الجزء الطرفي اللي بيوصل الاورمر من المركز لاطراف جسمنا
فالعقل هو المتحكم الاول لاي حركة و اي كلمة او اي فكرة و اي نظرة و اي رد فعل بينتج حسب مؤثرات معينة حواليه

▪️بمعنى لو شفت او شميت ريحة حاجة بتحب تاكلها هتلاقي لا تلقائياً بعث اشارات للفم و المعدة بانتاج انزيمات تساعد على بدء عملية تجهيز للهضم اللي هيحصل
او لو مثلاً لا قدر الله فجأة حصل و انت بتعدي الشارع سيارة وقفت فجأة العقل هيرسل اشارة لجهازك العضلي و هيكلك العظمي يهيئه انو يتحرك بشكل اشرع عشان يتفادى اي خطر

▪️العقل بردو مسؤول بشكل كبير عن الذاكرة و التعلم و الوعي باللي حواليك و احساسك بحواسك زي الشم و السمع و التذوق و فيه مراكز التحكم في التنفس و التحكم في خروج هرمونات بكميات محددة لو زادت او قلت بيحصل امراض بمسميات كتيرة و بيتحكم ايضاً في الاتزان سواء في المشي او غيره و فيها مركز بيتحكم في درجة حرارة جسم الانسان و يحافظ على اتزانه الداخلي

▪️و بيطلع منو ١٢ عصب كل عصب مسؤول بشكل او اخر بوظيفة معينة و محددة ، مثلا العصب السابع هو عصب مشهور مسؤول بشكل رئيسي في التحكم في الوجه و لو اصابه اي خلل ممكن يحصل شلل في الجزء اللي اتأثر و ممكن نفرد بوست كامل يتكلم عن الاعصاب دي عشان نحمد ربنا على نعمة الصحة و العافية

▪️لو جينا نتكلم عن حبلنا الشوكي هو عبارة عن موصل للسيل العصبي من المركز للاطراف بيخلينا نحس بالحاجات السخنة و الباردة و نحس بملمس الاشياء ناعم ولا خشن و في بعض الاعصاب حسية و اعصاب اخرى مسؤولة عن تغذية العضلة عشان تديها اوردر او امر انها تتحرك الحركة الفلانية عشان تقوم بوظيفتها علي اكمل وجه و كل عضلة في كل جزء من جسمنا لها حركتها و شكلها الخاص بيها و في عضلات ارادية زي عضلات اليد و القدم و عضلات لا ارادية زي الموجودة داخل جهازنا الهضمي مثلاً

▪️فلك الحمد يا ربنا على نعمة عضلاتنا و اعصابنا و عظامنا السليمة و لك الحمد ياربنا على صحة ابداننا و عقلنا و لك الحمد ياربنا على نعمة اتزاننا و خلقنا في احسن صورة و جعلتنا في افضل هيئة.

#الله #العقل

14/11/2022

سمعنا قبل كده عن التطعيم الثلاثي للاطفال،
طيب ايه هو؟
DPT Vaccine

هو التطعيم بيبقي عبارة عن ٣ حاجات و هما (الخناق /Diphtheria، الكزاز /tetnus و السعال الديكي /pertussis).

👌ايه هي الامراض دي و ايه مشاكلها؟

١. الخناق اللي معروف باسمه العلمي ب ال Diphtheria، هو عبارة عن عدوة بكتريا شديدة جدا بتصيب الجهاز التنفسي بتسبب اختناق و مشاكل خطيرة في التنفس و كمان بتسبب مشاكل في القلب و ممكن الموضوع يوصل لشلل.

٢. الكزاز المعروف باسمه العلمي ب Tetanus
ده فيروس بيخترق الجلد من خلال الجروح وبيأثر علي الاعصاب و بيؤدي الي تنشجات

٣.السعال الديكي المعروف باسم Pertussis،
ده اعراضه و مشاكله زي دور البرد بالظبط بس بنتج عنه مضاعفات خطيرة و بيكون كحة الطفل مميزة جدا شبه الديك.

اعتقد كده عرفنا قد ايه التطعيم ده هيبقي مهم و هيقوي مناعة الاطفال ضد الامراض دي ، لذلك التطعيم آمن جدا عليهم.

👌الطفل بياخد التطعيم عن طريق حقن عضل و بيتكون التطعيم من مرحلتين:

١. التطعيم الاساسي:
٣ جرعات متقسمة بحيث ان اول جرعة عند ٦ اسابيع و الجرعة التانية عند ١٠ اسابيع و الجرعة التالتة عند ١٤ اسبوع،
بحيث كل جرعة يفصلها عن اللي بعدها اربع اسابيع ووقتها هيكون فعال بنسبة ٩٥٪؜ .

٢.جرعة تنشطية:
بتكون جرعة واحدة في خلال الشهر ١٢ و ٢٣ من عمر الطفل.

👌 ايه هي الاثار الجانبية و هل هي خطيرة؟

الاثار الجانبية بسطية و بتحصل مع اي تطعيم زي:

● الحمى و التهيج و النعاس و فقدان الشهية
●ممكن يسبب ألم و احمرار مكان الحقنة.

❌❌ناخد بالنا ان التطعيم مينفعش مع الأطفال اللي اكبر من ٧ سنين؛ بالتالي مش بينفع مع الستات الحوامل او المرضعات.

ولان الوقاية خير من العلاج متنسوش تستشيرو الطبيب المختص المتابع لحالة طفلك يقدر يفيدك اكتر عن التطعيم.

Follow 💛

✔️ #

13/11/2022

روتين العناية بالبشرة الجافة
بتشتكي من جفاف في البشرة حاسه ان بشرتك دايما ناشفة وملتهبة و لان بشرتنا من النوع ده بتحتاج لعناية خاصة بنقدملك روتين يومي ومتكامل وبسيط.

1- الغسول:
مهم جدا الغسول لانه بينظف البشرة من الأوساخ والاتربة اللي بتتعرض ليها البشرة ومهم يكون الغسول يكون في مواد ملطفة زي جلسرين والبانثينول والصبار-فيتامين ه والجلسيرين وحمض الهيالورونيك والزيوت المغذية، زيت الأفوكادو والكاموميل.

2- المرطب:
اهم حاجه الترطيب ولازم نرطب صباحا و مساءً، ويفضل نستخدم مرطبات يكون فيها سيراميد لانه بيقوي حاجز البشرة
كمان بيحميها من الجراثيم .

3- واقي الشمس:
لازم نستخدمه قبل التعرض للشمس و يكون فيه مرطبات عامل حماية للبشره من الشمس كويسة.

*بعض النصائح للبشره الجافة*

1- نشرب ماء كويس جدا، ده بينعكس علي نضاره البشره وحيويتها
2- ناكل خضروات وفواكه خصوصا الغنية بالفيتامين سي، لانها بتساعد علي الحفاظ علي رطوبة البشرة
3- نحاول ما نتعرضش بشرتنا للمياه السخنة لانها بتجرد البشرة من الزيوت اللي بتفرزها وننشف بشرتنا براحة عشان ماتتهيجش
4- نبعد عن المواد الللي بتسسبب التهيج البشرة زي الكحول والعطور

#غسول #مرطب #جفاف

09/11/2022

تفتكر هفيدك بأيه إنهاردة ؟؟😊
*تعرف إيه عن هرمون الميلاتونين Melatonin (هرمون النوم )؟*🤔
🟢دا هرمون بيفرز من الغدة الصنوبرية في الدماغ .
🟢يُنتج مساء نتيجة تعرض العين للظلام ،وبكدة بيتحكم في ساعة الجسم البيولوجية ، و بينبهك لوقت النوم .
🟢يقل إفرازه بتقدم العمر وده سبب بيخليه يعمل كمضاد للأكسدة (مضاد للشيخوخة ).
🟢ودي بعض العوامل اللي بتأثر في إنتاجه مثل
-التدخين
-تقدم في العمر
-الضوء وخاصة الضوء الازرق من الهواتف والشاشات .
-تغير ساعة الجسم عن طريق إنك تسهر بالليل وتنام النهار .

*طيب في الحالات دي أعمل إيه ؟*
مكملات الميلاتونين تكون جيدة.
لاكن بنستشير الطبيب عشان نتجنب الأعراض الجانبية، والتفاعلات مع الأدوية الأخري.

#هرمون

08/11/2022

تكملة سلسة {وَفِي أَنفُسِكُمْ ۚ أَفَلَا تُبْصِرُونَ}
#7
▪️قال تعالىٰ: وَلِسَانًا وَشَفَتَيْنِ (9) سورة البلد
في الآية الكريمة يذكر الله بنعمته على عبده انه خلق ليه لساناً يتحدث بيه و يتفوه باطيب الكلام و يتذوق بيه احسن الطعام و الشراب و لكن بمنظور طبي و تحليلي
هنتكلم عن اللسان كتكوينه من انزيمات و غدد و براعم التذوق

▪️عضو صغير زي اللسان بيتكون من عضلة مغطاة بطبقة من براعم التذوق و انواعها الاربعة عشان تدوق الحلو و المالح و الحامض و المر و طبعا بيغذيها باعصاب و اوردة و شرايين زي اي عضلة في جسم الانسان و بيفرز انزيمات تساعد على هضم و مضغ الطعام و تحويله من مادة صلبة لنوعا ما لسائلة تساعد في بلعه و نقله للبلعوم ليتم هضمه في المعدة

▪️ممكن جداً يُصاب بامراض كتير زي القرح نتيجة التهاب ما او بسبب التدخين و ممكن تصاب بصعوبة في تحريكه او الشعور بالتنميل في اللسان و يعتبر عرض و دلالة مرضية زي مثلا اما جلطة او مرض مناعي ما
و ممكن حد يلسع لسانه او يحس ان جزء منها فيه زي كحت او تقشير نتيجة التعرض لحاجة سخنة
و ممكن يتغير لونه للابيض نتيجه التهاب فطري
و ممكن يصاب بالتشقق بسبب الجفاف بردو
و ممكن يصاب بالكانسر بسبب التدخين و معظم حالاته تؤدي للوفاة

▪️فلازم نهتم بنظافة اللسان و نشرب مية كتير و نبعد عن التدخين و ناكل حاجات صحية للمحافظة عليه و يقوم بوظايفه بكفاءه انو يدوق كويس و يحرك الاكل الممضوغ للبلعوم بشكل فعّال و يسمح بالتنفس بالحفاظ علي مجرى الهواء مفتوح طول ماهو في مكانه الصحيح
لان في حالات الطوارئ احياناً اللسان ممكن يسد مجرى الهوا فالواحد يغمى عليه بسبب انقطاع الامداد الاكسجيني للجسم

▪️فالحمدلله الذي خلق لنا لساناً سليماً ، و نسأل الله ان يعيننا على حفظ السنتنا من الكذب و قول السوء و نحسن استخدامه و يكون شفيع لنا لا علينا ✨

02/11/2022

الي اصحابنا الرياضيين و محبي الجيم و التمرين، مش بتحسو بوجع عضلي كده بعد التمرين او تاني يوم من التمرين،
لا تقلق ده طبيعي جدا الظاهرة دي اسمها (Delayed onset muscle soreness-DOMS ).

🏋طيب ايه هي أسبابها؟

١.الآم بتنشأ نتيجة لتمزقات صغيرة جدا بتحصل في العضلات بعد التمرين
٢.جهاز المناعة بيعمل رد فعل إلتهابي علي الاماكن اللي حصل فيها تمزيق عضلي بهدف التسريع من عملية التعافي
٣.بتراكم بعض السؤائل في مناطق التمزق العضلي فبتالي بتحس بالآم.

نفهم من كده انه طبيعي جدا و بتقعد الاوجاع من ٣ ل ٥ ايام و بتقل بشكل تدريجي وممكن تختفي مع تعود الجسم علي التمارين.
ولكن في علامات لو ظهرت يبقي ده الآم غير طبيعية و لازم تروح تستشير دكتور و تكشف.

🏋ايه هي العلامات دي؟

١.وجع شديد لدرجة انه بيمنعك من أداء الانشطة اليومية بتاعتك
٢.ظهور اي وجع اثناء التمارين فجاة، دي إشارة انك توقف تمرين فورا؛ لان الاستمرار في التمرين بعد الوجع ده ممكن يسبب مشاكل صحية بعد كده.
٣.ظهور كدمات او صعوبة في تحريك مفاصل الجسم
٤.تورم و سخونية
٥.ترجيع و غثيان

🏋ازاي الوقاية من ألم العضلات بعد التمرين؟

١.ممارسة تمارين التسخين (Warm up exercises) قبل بداية التمارين الرياضية.
٢.ممارسة تمارين التمدد (stretches exercises/cool down exercises) بعد الانتهاء من التمارين الرياضية.
٣.اعمل التمارين صح و اتاكد من المدرب بتاعك انك بتعمل التمارين صح و بشكل صحي لجسمك.

🏋طيب لما يبقي في آلام بعد التمرين، ازاي نتعامل معاها؟
شوفو الصورة و هتعرفو تفاصيل اكتر .

دُمتم سالمين 💛🖤

01/11/2022

اضطرابات الأكل او حدوث خلل في الطريقة اللي بناكل بيها سواء كان في عدد الوجبات او كميه الوجبه الواحده ده اكيد هيكون له تأثير علي الشخص دا سواء نفسيا او جسديا وقد يؤدي الي الوفاه في بعض حالاته.

🔹 وهنا هنتكلم عن نوعين من انواع الخلل وهما:

١- انوركسيا نرفوزا Anorexia Nervosa : دي عباره عن حالة فقدان للشهيه وهو خطير جدا ويهدد الحياة، فالشخص يحاول دائما أن يفقد وزنه بطرق غير مناسبة زي انه ياخد ملينات لسهولة إخراج الطعام او التقئ بعد اكل الوجبة او ممارسة الرياضة بصوره عنيفة وهذا يؤدي الي مشاكل صحية حاده خاصة ان كان وزن الشخص تحت المعدل الطبيعي من البداية.

النوع التاني وهو البوليميا نرفوزا Bulimia Nervosa:
و هي عباره عن شره او نهم في اكل الطعام ففي الحالة دي بيكون الشخص عايز يقلل من الاكل فيحصل العكس تماما و يبدا الشخص ياكل كميات كبيرة من الأكل وفي وقت قصير.

🔹 ياتري ايه هي العلامات اللي بتظهر علي الأشخاص المصابين بالخلل في تناول الطعام ؟
١ - الحرص علي التخلص من الوزن والاكثار من الحديث عنه.
٢- استخدام المكملات الغذائية والملينات.
٣-تكون طبقة جلدية سميكه علي مفاصل الأصابع نتيجه القئ المتعمد
٤- اكل كمية كبيرة من الطعام بصورة غير المعتاده بشكل متكرر .

🔹كدا عرفنا الاعراض نعرف بقا ايه المضاعفات؟!

١- مشاكل صحية
٢- الاكتئاب والقلق
٣- مشاكل في النمو والتطور
٤ - استخدام الادوية بشكل خاطئ

🔹وبما اننا عرفنا ان اضطراب الاكل ده حاجة خطيرة، يلا مع بعض نعرف ازاي نحمي نفسنا ؟

١-اتباع نظام صحي تحت إشراف دكتور تغذية متخصص
٢ - ان تكون الوجبة متكاملة من البروتين والالياف والفيتامينات

ويتوجب علينا جميعا أن لا نسخر من احد بسبب وزنه وان نكون عونا له لا عليه .
متعنا الله وإياكم بكامل الصحة والعافية.💛

30/10/2022

تعالو النهاردة نكلمكم عن فيتامين د | Vitamin D💛💛

#فيتامينات #فيتامين

26/10/2022

تعرف إيه عن هرمونات السعادة ؟؟ 🤔 😃
هي هرمونات بيفزها المخ , وهم أربعة ، هنختصرهم في كلمة DOES
1. Dopamine دوبامين
يفرزه الجسم بعد الشعور بالإنجاز و التحفيز و المكافئة . وهو يحفز الانسان للقيام بالخطوات الجريئة .
2. Endorphins الإندروفين
مسؤول عن تسكين الألم والشعور بالراحة بعد بذل مجهود بدني
3. Serotonin سيروتونين
مسؤول عن مزاج الانسان وشعورة بالتوازن ،ويعالج الاكتئاب .
4. Oxytocin الأوكسيتوسين
يعرف بهرمون العناق أو الحب. ويُفرز عند التواصل الجسدي , كأن تمسك بيد أحد.

طيب إزاي نزيد هرمونات السعادة ؟ 🤩
1 ممارسة الرياضة بانتظام . يرفع الاندروفين
2 التعرض للشمس . يرفع سيريتونين
3. قضاء وقت لطيف مع الأقارب والأهل وحافظ علي تواصل جسدي ملائم . يرفع الأوكسيتوسين
4 . خطط اهداف يومية حتي لو بسيطة وحققها . يرفع الدوبامين
5 . تناول غذاء صحي للحفاظ علي توازن الهرمونات بالجسم .

و طبعا مع قلة هرمون زي ال serotonin او dopamine ده اللي بسبب لينا الشعور بالحزن.

#هرمونات

YCD

23/11/2022

21/11/2022

16/11/2022

15/11/2022

14/11/2022

13/11/2022

09/11/2022

08/11/2022

02/11/2022

01/11/2022

30/10/2022

26/10/2022

Address

Website

Alerts

Contact The Practice

Shortcuts

Share

Category