The NutriMentum by Dr. Hagar Saed

Home
Egypt
Cairo
The NutriMentum by Dr. Hagar Saed

We specialize in assisting you in achieving your nutritional goals

01/03/2025

رمضان كريم! 🌙💕
بس خليني أقولها بصراحة… إنت مش محتاج السمبوسك والقطايف عشان تحس بروح رمضان! 🤷‍♀️ بعد جراحات السمنة، جسمك محتاج أكل صحي يحافظ على وزنك وصحتك، مش عادات أكل بتضرك. 🥗🚫 بدل ما تركز على الأكل المقلي والحلويات، جرب تختار حاجات تغذيك وتديك طاقة حقيقية! رمضان فرصة للتغيير، مش للوقوع في فخ العادات القديمة. 😉
مين معايا؟؟

28/02/2025

**رمضان كريم! 🌙✨**

كل سنة وأنتم طيبين، ربنا يجعله شهر خير وبركة عليكم جميعًا 🤲💛.

26/02/2025

🌙✨ لو عامل عملية التكميم وناوي تصوم رمضان، الفيديو ده ليك! ✨🌙

في الفيديو ده، هتلاقي نصايح وتريكات مهمة تساعدك على الصيام بأمان بعد التكميم! 💪🥗

🔹 إزاي تحافظ على ترطيب جسمك؟ 💧
🔹 أفضل وجبات السحور والإفطار 🍽️
🔹 إزاي تتجنب الدوخة والتعب أثناء الصيام؟ 🤕

متفوتش الفيديو عشان رمضان يكون صحي وسهل عليك! 🎥👇

18/02/2025

2️⃣ نزول الوزن والمفاجآت
🎯 نزول الوزن بعد الجراحة: امتى هبداء اشوف تغير؟

خسارة الوزن بعد العملية مش مجرد أرقام على الميزان, و لكن الاهم معدل انقاص الوزن و الحفاظ على كتلة العضل.
، النزول بيكون سريع فى الاول ، وبعدها يبدأ الجسم ينزل أبطأ ولكن بشكل صحي.

💡 تذكروا: النزول مش الهدف الوحيد، الأهم هو بناء عادات صحية تدوم للأبد, ركز دايما على الانجازات الى بتحصل بعيده عن الميزان.

إيه أكتر تغيير إيجابي حسيتوا بيه بعد العملية؟

#تغذية

14/02/2025

1️⃣ البداية بعد عملية التكميم و تحويل المسار

🔹 مرحلة جديدة بعد جراحة السمنة
أول أسبوع بعد العملية بيكون تحدي كبير، وده طبيعي جدًا! الجسم بيحتاج وقت علشان يتأقلم على التغييرات، وده يشمل الأكل، الهضم، ومستوى الطاقة. الأهم هو الالتزام بالتعليمات، شرب تاسوائل بانتظام، وتناول الأكل المسموح بكميات صغيرة.

✅ نصيحة اليوم: امضغ الأكل ببطء، وركز على جودة الأكل مش الكمية و اتعلم توقف اكل عن الشبع و قبل مرحلة الامتلاء! 🥄

لو عندكم أي استفسارات عن التغذية بعد العملية، اسألوني في الكومنتات! 👇

#خدعوك #تغذية #تكميم

19/01/2025

هل عمليات إنقاص الوزن عصا سحرية؟
كتير من الناس فاكرين إن عمليات زي التكميم أو تحويل المسار هي الحل السحري لكل مشاكل الوزن. الحقيقة؟ العملية مش أكتر من "أداة" بتساعدك تخسر الوزن، لكن النجاح الحقيقي بيجي من إزاي تستخدم الأداة دي صح.

الناس اللي بيحققوا أكبر نجاح بعد العملية هم اللي بيغيروا عادات أكلهم وأسلوب حياتهم في أول سنة بعد العملية. الفترة دي هي "الفرصة الذهبية" عشان جسمك يتأقلم على العادات الصحية الجديدة:

اختيار أكل صحي ومتوازن

الانتظام في الرياضة والنشاط البدني

التعامل مع الأكل كمصدر طاقة مش مجرد تسلية أو عادة

لو ما غيرتش عاداتك في الفترة دي، ممكن الوزن يرجع يزيد مع الوقت. والعملية تكون مجرد خطوة مش مكتملة.

لو محتاج مساعدة تفهم إزاي تحافظ على وزنك أو تحقق أكبر فايدة من العملية، ابعتلنا رسالة خاصة، وإحنا معاك خطوة بخطوة.

18/10/2024

أسرة The Nutrimentum تتمنى لكم جمعة مباركة ❤️

15/10/2024

لما تجيب وصفة من عالنت مليانة دهون و تحاول تخليها healthy 😂😂😂

14/10/2024

خدعوك ف قالوا!!!

🚫الشرب باستخدام "الشاليموه" هيوسع معدتك!! 🤔

بيقولوا الشرب بالشاليموه هيدخل هواء زيادة و دا هيوسع المعده و هيسبب عدم راحة...
دا مش صحيح، نسبياً ...
يعني بالنسبة لبعض الأشخاص، الشرب باستخدام الشاليموه بيساعدهم على شرب المزيد من الماء للحصول على ترطيب أعلى.💦
ولكن أشخاص تانيين، الشرب بالشاليموه بيتعبهم جدا لان بيسهل دخول هواء فى المعده و الاحساس بالامتلاء و الم فى المعده 🫠
المهم تعرفه ان استخدام الشاليموه مفيش خطورة منه
و لو جربت الشاليموه وتعبت
يبقى بلاش منه 🤷🏻‍♀️
بالتالي بلاش تقارن حالتك ب حد تاني 🤷🏻‍♀️
#خدعوك #تغذية #تكميم

13/10/2024

🚫 هتركز عالبروتينات و بس بعد جراحة فقدان الوزن!! 🤔

مش هننكر إننا بننصحكم دائماً بمكملات البروتين في نظامك الغذائي، خاصةً في السنة الأولى بعد جراحة السمنة☝🏻
و بنعيد و نزيد في أهميتها 👌🏻
و لكن...
هل دا معناه إنه جسمك هيكتفي بالبروتينات فقط ؟!؟🤔
لأ طبعاً 🤷🏻‍♀️
اكيد جسمك محتاج مجموعة متنوعة من "الأطعمة الحقيقية"
زي الكربوهيدرات والدهون والألياف و دا عشان نوفر لجسمنا اللي يحتاجه من الفيتامينات والمعادن اللي تعزز الصحة على المدى الطويل.
#خدعوك #تكميم

Address

Cairo

Telephone

+201029764358

Website

https://thenutrimentum.com/

Alerts

Be the first to know and let us send you an email when The NutriMentum by Dr. Hagar Saed posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to The NutriMentum by Dr. Hagar Saed:

Shortcuts

Want your practice to be the top-listed Clinic in Cairo?