https://www.facebook.com/Nutritionist-Dr-Heba-Oraby-103096075102566/

Nutritionist Dr/ Heba Oraby, Cairo (2025)

19/07/2021

النحافة

أغلبنا بيعانى من النحافة وبنات كتير بتبعت تقول نفسي اتخن

أولا خلينا نعرف ايه هى النحافة !؟
النحافة بيكون مؤشر كتلة الجسم أقل من الطبيعي يعنى أقل من 18.5 وعرفنا قبل كده في post ازاى نحسبه

ايه أسبابها ؟!

ليها اسباب كتير
* وراثة
*انيميا
*ديدان
*جرثومة المعدة
*خلل في هرمونات الغدة الدرقية
* فقدان الشهية
*شعور بالقلق أو التوتر
*الاكتئاب
*اضطراب النوم
*زيادة معدل الحرق
*نقص بعض العناصر الغذائية
*سوء التغذية

طيب ايه التحاليل اللي بنعملها عشان نعرف السبب و نعالجه

* صورة دم كامله CBC
* براز stool
* بول urine
* الغدة الدرقية TSH
* جرثومة المعدة

طيب لو التحاليل سليمة يبقى نبدأ نظبط يومنا و
أكلنا
تابعونى و هنزل نصائح تانى للناس اللي عاوزة تتخن

06/07/2021

نظام البحر المتوسط هو أفضل نظام غذائي وأنجح نظام يطلق عليه دايت بدون حرمان
هو مش مجرد نظام للتخسيس ولكن نظام حياة يتبع
يحافظ على الصحة بصفة عامة و يحسن من صحة القلب والأوعية الدموية ويساعد على خسارة الوزن الزائد ويقلل من فرص الإصابة بالأمراض المزمنة زى السكر النوع الثاني والسمنة

21/06/2021

بدائل الخبز الأبيض

🟡 خبز الشوفان
🟡 خبز بذور الكتان
🟡 خبز الحبوب الكاملة

بيحتوى على نسبة fiber عالية
بيمنحك الشعور بالشبع لفترة أطول

دمتم بصحة وعافية

06/04/2021

قلل السكر الأبيض

السكر الأبيض قيمته الغذائية قليلة جدا
لو عاوز تخس وتعمل دايت قلل السكر الأبيض اكتفى بمعقلة في اليوم
لو عاوز تحافظ على صحتك قلل السكر الأبيض

13/02/2021

الشاى الأسود ☕
مين مش بيشرب شاي🤔 تقريباً كلنا بنشرب الشاي
سامعه حد بيقول انا مدمن شاي وبشربه ليل نهار ↪️
واللي بيقول انا كوباية الشاي مش بتفارقنى أبدًا↪️

طيب أيه رأيكم نعرف فوائده وأضراره ✍️
أيه ده هو ليه فوائد 🤔☕

أكيد ده بيحتوي على الفوائد الصحية و مضادات الأكسدة اللي بتساعد في الحد من أمراض كتير .......

✅ يساعد في حرق الدهون لأنه بيزود معدل الحرق عندنا وهو أفضل من الشاي الأخضر ( دايت بدون حرمان)

⬅️ يعزز صحة القلب🫀
يحتوي على العديد من مضادات الأكسدة زى (Theaflavins)، و(Flavonols)، و(Flavan-3-ols) وجميعها لها دور في المحافظة على صحة القلب والشرايين ويحمى من السكتات القلبية

⬅️ يساعد في تقليل الكوليسترول الضار، وخفض احتمال الإصابة بأمراض القلب والسمنة.

⬅️ يحافظ على مستويات ضغط الدم، له دور بارز في خفض ضغط الدم الانقباضي والانبساطي

⬅️ يساعد على تقليل فرصة الإصابة بمرض السكري من نوع 2

⬅️ يساعد في الحد من السرطان، حيث يعتبر مصدرًا رئيسيًا للفلافونويد

⬅️ خفض هرمونات التوتر و يساعد على التخفيف من ضغوط الحياة اليومية من خلال التقليل من مستوى هرمون الكورتزون

⬅️ يساعد على زيادة التركيز ويساعد أيضا في تسريع عملية الأيض.

❎ أضراره ❎

** يمنع امتصاص الحديد ويزيد من مخاطر حدوث النزيف

** دايما بتسمع أن الشئ اللي يزيد عن حده بيتقلب ضده
نفس الموضوع لما تتناول كميات كبيرة من الشاى يوميا بتمنع من امتصاص بعض الأدوية زى أدوية القلب والضغط 🫀

** يسبب اضطرابات في ضربات القلب ،وضيق التنفس ،وفقدان الشهية، واصفرار اللون والارق

✅ تنويه ✅ الكمية المسموح بيها 2_4 فنجان يومياً

✅ أفضل وقت لشرب الشاي ✅ بعد الأكل بساعة أو ساعتين

❎ تحذير ❎ اوعى تشرب الشاي على معدة فاضيه أو مع الأكل أو بعد الأكل مباشرة

$$ملحوظة$$. بلاش 50 معلقة سكر في الشاي يفضل أن تشربه من غير سكر أو على الأقل معلقة وحدة صغيرة
السكر هيضيع فايدة الشاى وده غير الأضرار اللي هيسببها

بلاش المج الكبير بقول فنجان ☕ أيوة زى ده

30/01/2021

فيتامين C الجبار وفوائده المذهلة 🤫

⬅️ فيتامينC هو أحد الفيتامينات المهمة والضرورية وهو أساسى في النظام الغذائي اليومي، اللي للأسف الشديد لا يمكن لجسمنا إنتاجه.

الحل ايه طيب 🤔
نحصل عليه من الطعام.

⬅️ يعد فيتامين قابل للذوبان في الماء لذلك لا يتم تخزينه بكميات كبيرة في الجسم.

©️ فوائده المذهلة ايه 🤔

طبعا هو مفيد جداً للبشرة والجسم و الشعر و الأظافر
✅ يساعد على امتصاص الحديد.
✅ يقوى جهاز المناعة و يحسن من أداء الجسم.
✅ أحد مضادات الأكسدة القوية.
✅ يقلل من مخاطر الإصابة بأمراض القلب.
✅ مفيد في منع السرطان.
✅ يبطئ الشيخوخة.
✅ بيقلل التوتر والعصبية
🔸عشان كده لما بتكون متوتر أو متعصب تلاقي حد يقولك خد كوباية ليمون روق بيها دمك 🤫☺️🍸

السؤال بقى هو موجود في ايه؟!؟!🤔
موجود في الفواكه
زى الكيوي🥝 ، البرتقال واليوسفي 🍊 ، الفراولة 🍓 ، الجوافة🍐، الليمون🍋
الخضروات
زى البقدونس، البروكلي🥦، القرنبيط، الطماطم 🍅، الفلفل بكل أنواعه وخاصة الفلفل الأحمر، النعناع، الجزر 🥕، السبانخ.

24/01/2021

الجو برد، الجو تلج الأيام دى🧣🧤
كلنا عاوزين مشروبات سخنه وكمان مفيدة لينا ☕

ازااااااى 🤔؟!؟!
بسيطة كاكاو باللبن

طيب ليه الكاكاو باللبن 🤔
⬅️ لأن ببساطة أغلبنا بيحب الشكولاته وخاصة الأطفال وكمان الناس اللي عاوزة تخس وتعطي شعور بالدفء والاسترخاء.

⬅️ فوائدها كتير

* يحتوى على قيمة غذائية عالية
الكاكاو غنى جدا بالمعادن زى الحديد والكالسيوم والمغنيسيوم والنحاس والمنغنيز والزنك والنحاس والفسفور.
تزويد الجسم بالكربوهيدرات والبروتين والالياف الغذائية.

* بيلعب دور كبير في تحسين الحالة المزاجية و التخلص من القلق والحزن والاكتئاب ويعطى الشعور بالسعادة
لانه بيحتوي على مركب الثيوبرومين و الفينيل و ثيامين.

* مهم لصحة القلب والشرايين ويعمل على تعزيزها.

* يعمل على خفض الكوليسترول في الدم و خفض ضغط الدم.

* تقوية جهاز المناعة.

* يعالج الأمراض المزمنة مثل السكتات الدماغية وأمراض القلب التاجية والسرطان ويعمل كمضاد للالتهاب ويدعم الجهاز المناعي للجسم ويحتوي على مركبات الفلافونويد.

* بيساعد على التخلص من السمنة الناتجة عن تراكم الدهون فهو ينظم عملية التمثيل الغذائي للدهون.

* يحتوى على نسبة من الألياف الغذائية اللى تعزز الشعور بالشبع والامتلاء و يحتوى على عدد قليل من السعرات الحرارية.

* يحتوي على مادة البوليفينول اللي تساعد على تقليل إنتاج الخلايا الدهنية في الجسم.

الناس اللي عاوزة تخس هتسألنى ازاى اشربه و اخس 🤔
اولا بلاش علب الكاكاو الجاهزة لأنها بتحتوى على نسبة عالية من السكريات

***طيب الطريقة أو الحل أي ****
نستخدم كاكاو خام غير محلى
✓ معلقتين كاكاو خام
✓ كوب الا ربع لبن خالى الدسم
✓ معلقة عسل أبيض
وبالهنا والشفا ☕

✅ ملحوظة ****

ممكن نستخدم لبن كامل الدسم بس للناس اللي وزنها كويس أو الناس اللي عاوزة تتخن

20/01/2021

مهم جداً للسيدات الحوامل🤰

(الحامل تأكل لشخصين ، كلى كتير أنتي حامل🤨🤨🤔)

مستغربين ليه أكيد كلنا سمعنا الجمل ده من طنط و خالتو و عمتو و جارتك و من غيرهم كتير.

كل الكلام ده مش صح

❎ أكبر غلط بنعمله فترة الحمل هو الأكل الكتير و الوزن بتاعنا يزيد عن الطبيعى ونرجع نقول ياريت.

المعدل الطبيعي لزيادة الوزن خلال الحمل حوالى 12 كيلو.

طيب ليه بنقول أن الزيادة عن المعدل الطبيعي غلط وخطر ؟!!
لأن ببساطة هيدخلك في مشاكل كتير أنتي في غنى عنها.

ازااااااى 🤔؟!

ببساطة زيادة الوزن ممكن تعرضك لخطر الإصابة بسكر الحمل و تسمم الحمل وزيادة حجم الجنين اللي احتمال يعرضك للولادة القيصرية.

طيب الحل أي؟؟!!!

⏪⏪ ننظم وجباتنا ونقسمها من 4_5 وجبات متكاملة ومتنوعة
يعنى بتحتوى على بروتين🥚🧀🥩وخضراوات 🫑🥒و نشويات و الفواكه بين الوجبات الأساسية.

✅ تناول كميات وفيرة من الماء للوقاية من الإمساك، وغيرها من العوارض المرتبطة بفترة الحمل.

✅ تناول الأطعمة الغنية بحمض الفوليك اللي بيعمل على حماية الجنين من التشوهات، و موجود في الخضراوات الورقية الخضراء🥬🥬، والحمضيات، والفاصولياء المجففة.

✅ تناول الخضراوات والفواكه🍎🍊🍍🥝 اللي تمد الجسم بالألياف و تساعد على الهضم، و غنية بالفيتامينات والمعادن المختلفة.

✅ تناول الأطعمة الغنية بالدهون غير المشبعة زى الأوميجا 3 الموجودة في الأسماك الدهنية كالسالمون والتونة، و الدهون الصحية الموجودة في البذور والمكسرات🥜🥜.

✅ تناول كميات كافية من البروتين زى اللحوم الخالية من الدهون🥩 والدواجن والأسماك والبيض🥚، و البقوليات.

✅ تناول الألبان🥛 ومنتجاتها🧀 لحصول الجنين على حاجته من الكالسيوم اللي يساهم في بناء عظام الجنين.

✅ تناول الأطعمة اللي تحتوي على الحديد، لتجنب الإصابة بفقر الدم.

✅ التقليل من المشروبات اللي تحتوي على الكافيين زى القهوة☕ و النسكافية، لأن الكميات العالية منها تشكل خطورة على الجنين، ويفضل استبدالها بالعصائر الفريش.🍹🍸

✅ تجنب تناول الوجبات السريعة🌮🫔🌯🧇 و الأطعمة الغنية بالسكر والحلويات🍫🍩🍰🍦 والمشروبات الغازية🧉🍷 التي لا يستفيد منها الجنين و اللي تعمل على زيادة الوزن إلى جانب أضرارها الصحية الأخرى.

✓ ملحوظة زيادة الوزن اللي اتكلمت عنها ده لو وزنك سليم أما لو وزنك زائد أنتى محتاجه تخسي بس يفضل أنك مش تخسي و أنتى حامل.
وإذا انتى مصرة أنك تخسي وانتى حامل يبقى لازم تحت إشراف الطبيب مش نعمل اى دايت من نفسنا وخلاص.

✓ ملحوظة المكملات الغذائية زى الحديد والكالسيوم وفيتامين د وفيتامين سي و حمض الفوليك كل ده مهم جداً للحامل بس يبقى تحت إشراف الطبيب.

18/01/2021

خلى الرشاقة عنوانك 🏃
ازاااااي 🤔🤔🤨

اتبع النصائح السهلة والبسيطة دى ↪️ ووصل لهدفك

✅شرب الماء Drink water 💦🥛

بسم الله الرحمن الرحيم "وجعلنا من الماء كل شيء حي"

الماء ثم الماء ثم الماء. نشرب كمية كافية من الماء خلال النهار.

يعتبر الماء مشروب المعجزات لأهميته للجسم في مختلف الجوانب.

⏪⏪ مهم للبشرة ونضارتها وترطيبها وزيادة نعومتها وتجديد أنسجة الجلد.☺️😊

⏪⏪ مهم للدورة الدموية و للجهاز الهضمي فهو يسهّل عملية الهضم ويمنع الإمساك.

⏪⏪ يساعد على فقدان الوزن و يساعد على زيادة معدل حرق دهون الجسم ، ويعمل على القضاء على الخلايا الدهنية. وخفض نسبة السيلوليت.

⏪⏪ يخفف من التعب و الإرهاق خلال النهار. ويحسن المزاج ويعالج الصداع.

⏪⏪ يخلص الجسم من السموم و الفضلات عن طريق العرق والبول، ويقلّل الماء من حصى الكلى عن طريق إذابة الأملاح والمعادن في البول.

⏪⏪ يساعد على تنظيم درجة حرارة الجسم.

✓ ✓ يوصى بشرب 8 _ 10 أكواب ماء.

✅ الحركة Stay active أو الرياضة 🚶🏃🚶

زى ما بنقول دايما الحركة بركة.

⏪⏪ يساعد على تنشيط الدورة الدموية.

⏪⏪ يعزز الثقة بالنفس والشعور بالسعادة 😊☺️ لأن الحركة تساعد على إفراز هرمون السعادة 😊☺️
دلوقتي أكيد عرفت ليه لما بتكون مخنوق بتقرر أنك تتمشى.🚶

⏪⏪ تساعد على فقدان الوزن لأنها تحرق السعرات الحرارية والدهون الزائدة بالجسم.

✓✓ يوصى بالمشي أو الرياضة لمدة 30 دقيقة على الأقل يومياً.🚶🚶

✅ تنظيم الوجبات Organise your meals 🍱

نقسم الوجبات بتاعتنا 3 لوجبات أساسية و وجبتين خفيفتين Snacks

1) الفطار breakfast 🧀🥚

أهم وجبة هى الإفطار ويفضل أنها تكون بدري. ( يعنى الساعة 8 أو 9 مثلاً) لأنها بتعطى طاقة للجسم ونشاط.

2) الغذاء Lunch 🍗

لازم تكون متعادلة ومتوازنة تحتوى الخضروات 🥦🥒 والبروتين🍗🥩 والنشويات 🍝

3) العشاء Dinner 🧀🥚🍳

يفضل أنها تكون وجبة خفيفة ومتنوعة.

4) الوجبتين الخفيفتين snacks 🍎🥜🥝

** وحدة بتكون بين الفطار والغذاء
والثانية بتكون بين الغذاء والعشاء

** يفضل أنها تحتوى على الفاكهة 🍊🍍🍌
الزبادى أو اللبن أو منتجات الألبان الخالي من الدسم لأنه بيساعد في عملية الهضم.

✓ يفضل أن الفطار والغذاء والعشاء يحتوي على الخضروات 🫑🥬🍅

✓ يفضل الأكل ببطئ.

✅ النوم الكافي 😴😴

قلة النوم تجعلك أقل نشاط و أكثر عرضه للأمراض.

خذ قسط كافى من النوم و ستفاجئ بمدى شعورك بالتحسن والنشاط.

✓✓ يوصى بالنوم من 6_ 8 ساعات يومياً.

Nutritionist Dr/ Heba Oraby

19/07/2021

06/07/2021

21/06/2021

06/04/2021

13/02/2021

30/01/2021

24/01/2021

20/01/2021

18/01/2021

Address

Telephone

Website

Alerts

Contact The Practice

Shortcuts

Share