Dr.Dina Aly اخصائي طب الاطفال و حديثي الولادة

25/07/2023

🥰🥰

21/07/2023

العنيد طفل مبدع وقيادي...
سيصبح ذو شأن عظيم في المستقبل إذا نجحنا في إحتوائه وتوجيهه بشكل صحيح..

20/07/2023

:
تحدث عندما يكون جسم الطفل غير قادر على تنظيم درجة حرارته بشكل صحيح بسبب تعرضه لدرجات حرارة مفرطة، ذلك أن نظامهم الحراري لم يكتمل بعد ولديهم سطح جلدي أرق وحساس.

تشمل أعراض ضربة الشمس في الأطفال:
- ارتفاع درجة الحرارة المفاجئ والشديد.
- الشعور بالارتباك والضعف أو الصعوبة في التركيز.
- الصداع والدوار.
- الغثيان والقيء.
- الجفاف والعطش الشديد.
- الجلد الساخن والجاف.
- الاعياء والكسل.

إذا كنت تشتبه بأن طفلك يعاني من ضربة شمس، فيجب عليك اتخاذ الإجراءات التالية:
1. قم بنقل الطفل إلى مكان بارد ومظلم.
2. ضعه في وضعية أفقية ورفع قدميه قليلاً.
3. قدم الماء أو السوائل للطفل للترطيب.
4. استخدم منشفة رطبة وباردة لتبريد جسم الطفل.
5. استشر الطبيب إذا استمرت الأعراض أو تفاقمت.

والخلاصة : من الأفضل دائمًا تجنب تعريض الأطفال الصغار للشمس المباشرة وتوفير واقي شمس لهم عندما يكونون خارجًا في درجات الحرارة المرتفعة.

19/07/2023

19/07/2023

ارجوكوا وضع الادوية و الأدوات الحاده في مكان عالي و بعيد تماما عن متناول الاطفال
ربنا يحفظ جميع الاطفال

19/07/2023

ممنوع ترك الطفل الرضيع على الكنبة او السرير بعد عمر ٣شهور.. كل يوم بنشوف عيال واقعين.. الحل افرشى له على الارض طالما مش جنبه🙄😭.

18/07/2023

🔰🔰موجه شديده الحراره الايام دى 🔥🔥 والاطفال الرضع معرضين للتاثر الشديد بالحر 😭😭 ...
نعمل ايه في الحر علشان نحمي عيالنا ⁉️ 🤔🤔

👈ناخد بالنا ان الاطفال بيتاثروا جدا بالحر عن الكبار وبيفقدوا السوايل اسرع 😰😰علشان كده لازم ميه كتييير وسوايل كتيير والأطفال الرضع تحت ٤ شهور رضاعه كتييير ✅️

🔰🔰الحر ممكن يسبب للاطفال اضطراب النوم وميعرفوش يناموا ويصحوا كتير ويعيطوا وبالتالي تاني يوم يكونوا مناموش كويس ويفضلوا ماريفين طول اليوم😔😔

👈- لبسي الواد لبس قطن وواسع وقطعه واحده بنص كم او قطعتين واحده حمالات وواحده كت 🤔

👈البامبرز يفضل يكون نوع في نسبه قطن عاليه😵

👈حمي الواد مره يوميا علي الاقل او مرتين بماء فاتر 🥸
👈شغلي التكيف واعمليه علي ٢٦ او ٢٥ عادي جدا 😎
👈التكيف افضل من المروحه وتيار الهوا المباشر 👻
👈شربي الطفل ميه ومتنسيش تعزمي عليه كام مره في اليوم 😍😍
👈متنسيش نفسك من السوايل لو بترضعي طبيعي والعصاير والميه 🥰🥰
👈لو هتخرجوا يفضل طبعا اخر النهار قبل المغرب بساعه ولا ساعتين 😉
👈لو مضطره تخرجي بطفل في الشمس لبسيه طاقيه واستخدمي الشمسيه ولو في عربيه شغلي التكيف عادي 😅😅
👈لو وصلتوا البيت والطفل عرقان جامد يفضل تغيريله لبسه وتنشفيه وبلاش تسيبيه يقلع هو هدومه ويجري في البيت 😊😊

18/07/2023

الفتق السري مشكلة بتحصل في مواليد كتير و بيكون اكتر في البنات من الأولاد

؟

في المواليد لما الحبل السري بيقع جدار البطن بيقفل الفتحة اللي كانت بين الحبل السري وبطن الطفل

نسبة من المواليد الفتحة الدائرية دي بتفضل مفتوحة و الأمعاء اللي جوا بطن الطفل ب تزق الجلد اللي فوق الفتحة ويعمل المنظر اللي بيخوف كل الأمهات دا

و دايماً حجمها بيزيد مع الحزق والكحة أو البكاء .... و غير مؤلمة على عكس إعتقاد بعض الأمهات

؟؟

في معظم الأطفال بتقفل في خلال السنة الأولى من العمر ...في أطفال بتطول لحد سنتين

...و إيه العلامات اللي لو ظهرت على الطفل تعرفي إنك لازم تكشف عليه ؟؟

مش مطلوب منك تعملي أي حاجه غير متابعة شكلها فقط ...و تتعاملي مع الطفل عادي و كإنها مش موجودة حتى لو كان حجمها كبير

بس في حالة ظهور الأعراض الجاية لازم تتحركي فوراً ل الطبيب

👈🏻 تغير شكل الجلد اللي بيغطي الفتق وكمان الجلد اللي حواليه يعني لونه يبقى غامق أو بدأ يبقى عليه تقرحات

👈🏻 الفتق يبقى صلب ومش بيرجع داخل البطن لو حاولتي تضغطي عليه

👈🏻 لو أي حاجه لمسته يصرخ.. يعني يبقى مؤلم

👈🏻 قئ مستمر ... صراخ وبكاء مستمر..انتفاخ البطن و إمساك و عدم إخراج غازات

دي كلها علامات تدل على حدوث إختناق في الفتق ولازم تدخل جراحي بس لازم تطمني انه حدوثه نادر

؟؟

أولاً من النادر الوصول لمرحلة العملية الجراحية في حالات الفتق السري وحتى لو وصلنا لمرحلة العملية أنا بطمنك وبقولك إنها عملية بسيطة والطفل ممكن يروح البيت في نفس اليوم

طيب أنتي اكيد سمعتي إنه لازم تربطيها ب من الصيدلية أو تجيبي #عملة وتربطيها على الفتق بشاش أو قماش ....دا صح؟؟؟

لأ غلط و ممكن يسبب التهاب مكان الفتق كمان الضغط على الفتق بطريقة مستمرة ممكن يسبب أضرار لبطن الطفل .....بلاش ربط بأي طريقة و هو في معظم الحالات ب يقفل لوحده...يعني نطمن

18/07/2023

17/07/2023