NutriSmart

21/11/2025

هل تعلم أن سكر الدايت أو المحليات الصناعية كلها ليها إضرار
كتير علي الصحه حتي المنتجات الدايت والمشروبات الدايت
مليانه سكر ولما قاسوا سكر الدم للناس اللي بتشرب مياه غازيه دايت لقوا إن السكر بيرتفع ومع الوقت حصل مقاومه انسولين...
وكمان يتقبل فرص الخصوبه والانجاب وممكن تعلي الدهون الثلاثيه و
تعمل كبد دهني كمان
ايه الحل ؟
الحل ف انك تاخد سكر عادي بكميه مقننه .بحد أقصي ٣ معالق يوميا صغيره .ولو عرفت تقلل منهم يبقي برافو عليك لو معرفتش خلاص ..
التزم بيهم بس وهتلاقي فرق ف صحتك

23/10/2025

20/10/2025

لو قسمت طبقك نصه خضار والنص التاني
بروتين ونشويات
هتخس بدون اي دايت
يعني ايه
يعني ربع الطبق نشويات زي الارز اوالمكرونه وعلي حسب سعراتك هنحسبلك انت محتاج كام معلقه رز
ونص الطبق خضار سواء ني أو مطبوخ وربع الطبق الاخير هو البروتين الصحي بتاعك اللي مش مقلي خالص.
ولو عايز تاخد ثمره فاكهه كمان مفيش مشكله
وكله حسب وزنك ومؤشر كتله جسمك ..
و بكده هتاكل كل شي ومش هتزيد ف الوزن ابدا

20/10/2025

متتنسوش مع أي نظام غذائي ماشيين عليه انكم
تاخدوا مقاساتكم خصوصا مقاس البطن
او محيط البطن
لانه بيدل علي خسارتك للدهون ف الدايت
وبيعرفنا هل تعاني من مشكله ف الايض او نظام الميتابوليزم للجسم ولالا .ولو مقاس بطنك كبير ده مشكله كبيره لانه ممكن لاقدر الله يعمل ضغط اوسكر أو دهون كبد أو مقاومه انسولين .هنتكلم البوست الجاي عن أسباب الكرش لو مهتمين اكتبوا مهتم

15/10/2025

فيتامين سي
مهم اوي الايام دي عشان الشتا والمناعه
حاول تتناول كل يوم فاكهه او مصدر من مصادر فيتامين سي

فلفل الالوان او فلفل اخضر او زي الفراوله ( لو موجوده ) أو الجوافه او
الليمون أو الكيوي أو البرتقال

08/10/2025

مصادر فيتامين د
الهام جدا جدا لكل وظائف الجسم سواء المناعه او العظام أو الهرمونات
قولنا بتاكلو الحاجات دي ولالا

30/09/2025

بمناسبه المدارس واللانش بوكس
لازم ناخد بالنا بنحط ايه لولادنا ف المدرسه
(اللانش بوكس الصحي )

خضروات مقطعه بانوعها زي الخيار او الجزر او طماطم اوفلفل الوان *

فاكهه: اي فواكه يحبها الطفل زي الموز او التمر والعنب والجوافه اوالكيو عشان مليانه * فيتامين سي

نشويات صحيه : عيش بلدي او عيش توست اسمر او عيش دقيق كامل الحبه
بروتين : زي الجبنه القريش او البيضاء العادي ملح خفيف او بيضه يوميا او يفطر بيها ف البيت
منتجات البان: زبادي او رايب اوكوب لبن
دهون صحيه: مكسرات صحيه زي اللوز او عين الجمل.
او زيت الزيتون او الزيت الحار معلقه صغيره

22/09/2025

تعرف ان البكتريا النافعه الموجوده ف جهازك الهضمي هي اساس مناعتك
وصحه جسمك وفي اكلات بتعملها خلل وبتخلي جهازك الهمضي كله متلخبط ومناعتك ضعيفه زي السكريات والحلوياات واكل الشارع
وكمان في اكلات بتحسنها وبتزودها وبتخلي جهاز الهضمي مرتاح من غير انتفاخات ولااي مشاكل ومناعتك قويه ودي هي الاكلات اللي فيها بروبايوتكس
زي الزبادي والرايب والكفيرر ( لبن في دول الخليج) والمخللات
والجبنه القريش
طب تعرف ان البكتريا النافعه دي نفسها بتتغذي علي اكل معين عشان تنمو وتزيد ف الجهاز الهضمي واسمه بريبايوتكس زي
التفاح والمشروم
والشوفان والموز
والبنجر والطماطم والبصل والتوم ..
حاول دايما تجمع ف اكلك بين البروبايوتكس والبريبايوتكس زي مثلا اسهل وجبه وهي زبادي بالموز ..
فيها البكتريا النافعه البروبايوتكس والغذاء اللي بتتغذي عليه وهو الموز البريبايوتكس .دمتم بصحه
قولولنا لو عندكم اي سؤال بخصوص البروبايتوكس وهل بتحرصوا عليها ف وجباتكم ولالا ؟
#صحه #دايت #تخسيس

22/09/2025

هل تعرف ان الحلويات والعصاير المعلبه او الجاهزه كلها سكر فركتوز .
واللي زيادته بتكون خطر ع الجسم وبتعمل مقاومه انسولين وكبد دهني وسمنه مركزيه وتكيس مبايض كمان.
ايه الحل ؟
هو اننا ناخد الفاكهه بصورتها الطبيعيه بدون ماتكون عصير ونقلل الحلويات تماما بقدر المستطاع
ونبعد كمان عن استخدام سكر الفركتوز المحلي الصناعي ودمتم سالمين

22/09/2025

طبعا كلنا عارفين ان البروتين الحيواني بيكون غالي علي بعض الناس .وللاسف هو مهم جدا جدا لانه يحتوي علي الاحماض الامينيه الاساسيه اللي الجسم بيحتاجها في كل وظايفه وعملياته الحيويه وفي بناء الخلايا والجلد والشعر والاظافر والعضلات وتقويه المناعه ولكن عندنا خبر حلو .ان البقوليات لما بتتحط مع النشويات بنقدر كده ناخد كل الاحماض الامينيه الاساسيه زي البروتين الحيواني .واكبر مثال هو الكشري اللي بنضيف فيه رز ومكرونه وشعريه مع حمص وعدس .وب كده يبقي اخدنا الاحماض الامينيه الاساسيه
الهامه جدا لحياه الانسان ..لو عندكم سؤال او عايزين نظام ابعتولنا

18/09/2025

دي بنوته ١٢ سنه كانت معانا من فتره والحمدلله نزلت كويس جدا
بتظبيط اكل فقط واول اسبوع نزلت ٤ كيلو وبدون اي ادويه والحمدلله وصلت لهدفها والشكل اللي هيا عايزاه.
وبصحه كويس