https://chat.whatsapp.com/KwKZyHNxUH8FTO7Zm7IW3M

Maaly ahmed, مدينة نصر, Cairo (2026)

04/12/2025

حياة شاب adhd

04/12/2025

حياة شاب adhd

03/12/2025

ال مصدق ان كونرز هو ال يقول انه adhd ام لاء
ينتطبق عليه
متلازمة نفسيه
اسمها منلازمه بارنوم او مايعرف بForer Effect
المتلازمه دي بتقول ان 👇
الناس بيميلوا يصدقوا أي وصف عام وغامض ويعتقدوا إنه بينطبق عليهم شخصيا… حتى لو ينفع ينطبق على أي حد.من مجرد اعراض ومقاييس

لان كونرز مش هو ال بيقولك ان الاعراض دي معناها انك adhd .هو مهم كخطوه اولي مش اكتر✋️

والفكره دي انا عذراكم فيها لان ال فهمكم دا المفروض مختصين ..لكن لو ركزتم ف كلامهم هتفهمو ✋️

كونرز بيقولك ان في مشكله وهو ال بيعمل تقدير وتحديد لشدة الأعراض السلوكية والمعرفية التي تتوافق مع معايير ADHD في الكثير من الاضطرابات والمشاكل الاخري مش ال adhd بس 👌

و لازم الطبيب النفسي او الاخصائي النفسي هو ال يحددلك هل فعلا الاعراض دي adhd
ولا مثلا قلق.. ولا ثنائي القطب ولا اي اضطراب او مشكله نفسيه او سلوكيه اخري

امهات كتير تجيلي عايزه جلسات بدون تشخيص وتقولي انا عملت اختبار كونرز وطلع ان هو عنده adhd

طب تعرفو مثلا إن👇

أعراض زي صعوبة التركيز وعدم الانتباه وفرط الحركه والاندفاع
ممكن تلاقوها مشتركة مثلا في👇

القلق لان التفكير المفرط والقلق بيعيقو التركيز.وبيعمل فرط حركه مع الصغار وتوتر داخلي مع الكبار

الاكتئاب لان قلة الطاقة وصعوبة اتخاذ القرار هتظهر كأنها ضعف في الانتباه.مع انخفاض الدوبامين بيحصل توتر وقلة تركيز

الاضطراب ثنائي القطب في نوبات الهوس والكلام السريع ممكن يظهر كفرط نشاط واندفاع بشكل كبير.

حتي مع
اضطرابات التعلم
التوحد وال هما مشاكل عصبيه ممكن اعراضه تتداخل معاهم ✋️

فقبل ماتقول انا adhd افهمو ان دا بيعرفكم بس ان في مشكله زي ترمومتر الحراره بيعرفنا ان ف حراره والدرجه بتاعتها مش اكتر👌

لكن مستحيل يعرفكم السبب بدون عمل فحص واختبارات للقدرات التنفيذيه بجانب الفحص السريري 😒 ودا مع المختص للاطفال والكبار فقط
✍️

03/12/2025

هحكيلكم قصه عن طفولتي اتعلمت منها ان العقاب لازم يبقي فوري...ومكنتش لسه اعرف عن العمي الزمني 😁

المهم انا كنت طفله اندفاعية جدا وبحب ابين اني مش بخاف من حاجه وسط اصحابي 🤭
كنت بفضل انط من اماكن عاليه زي سور بيت ارضي .. فوق الدولاب وهكذا... وامي ربنا يديها الصحه تعبت تنبه فيا وانا غير مستجيبه 🤪

مره كنت بلعب ف بيت جيرانا وكنت فوق سطح دور اول بنسميه زمان عريشه كان ف حوش البيت معمول للطيور
بتبقي حجره كدا ف الحديقه بتاعة البيت وفوق السقف خشب كتيير فوق بعضه مخلي المسافه عاليه جدا 🙄

.المهم قولت للبنات جيراني بوصو الحركه دي هوب نطيط منها ولقيت نفسي فوقت ع كسر ف دراعي من هنا 🥱

الغريب ان الكسر دا مخففش من اندفاعيتي ولا خوفني من الاماكن العاليه

لحد ف يوم كنت ببيتنا بالبلكونه بنت عمتي الله يهديها قالتلي ال يطلع علي سلك المنشر دا يبقي فاندام(دا سلك بننشر عليه الهدوم بيكون بيطل ع الشارع✋️

المهم انا طلعت مع العلم مكنتش صغيره كنت ٤ او ٥ ابتدائي تقريبا

وقعدت فعلا علي الحبل ورجلي بهزها وميسوطه كأني راكبه مرجيحه لاء وكمان بشجع اخويا الصغير يعمل زي واحنا دور ثاني😆

مين شافني

ايويا الله يرحمه ويغفرله يارب وال عمره ماضربني ولا لمسني ف يوم لقيته اتحول ومسكني وانا لسه ع الحبل وضربني علقه محترمه 😳

ودي كانت اخر مره اغامر فيها مع العلم اتعرضت للمواقف دي تاني واصبح عندي رهبه اني انط ولحد الان فاكره اول مره حصلي فيها الرهبه وخفت انط😁

ال عمله والدي دا اسمه ف علم النفس الاشراط الاجرائي
وال شغل الذاكره العاطفيه عندي وخلاها ف حاله صدمه سلوكيه من أثر العقاب الفوري القوي ال حصل عمل ربط بين السبب(جلوسي علي منشر الغسيل )والنتيجه(ضرب والدي الله يرحمه ليا )❤️

عشان كدا لو تشخيص طفلك طلع فيه عمي زمني وهريته ضرب ومفيش نتيجه.بالعكس الوضع بيسوء. اعرف انه عشان حضرتك بتعاقب بعد ماخرج بره اطار الغلط بتاعه
لان هو مش بيعرف يربط مابين السبب والنتيجه وبالعكس انت هنا بتأذيه نفسيا لانه لما بيضرب مش بيبقي فاهم ليه وعشان ايه فبيحس بالظلم والغضب💔

ولازم تعاقب وانا هنا مش بقول ان العقاب يكون بدني
البدني لو بيعرض حياته للخطر .. لكن لو في سلوكيات ضد قوانين البيت مثلا اول مايصدر السلوك العقاب فورا يكون بنفس اللحظه عشان تشغل الذاكره العاطفيه مش العامله فالعقاب يجيب نتيجه لفتره ع الاقل...👌

✍️

03/12/2025

علم ابنك يدافع عن نفسه لكن يكون رد فعل وليس معتدي

02/12/2025

اطفال كتير للاسف متشخصين او عندهم بوادر اضطراب السلوك المعروف باضطراب المسلك✋️

طب هو الاضطراب دا معناه إيه بالضبط؟🤔

هو حالة عند الأطفال أو المراهقين (تحت 18 سنة) بيتصرفوا فيها بطريقة عدوانية جدا🙄

بتلاقيهم بينتهكوا حقوق الناس، وبيكسروا القواعد باستمرار...

وتصرفاتهم مش مجرد شقاوة عيال عادية أو نقول دا الولد ف مرحلة مراهقة وطبيعي✋️

لا، ده نمط سلوكي خطير ومتكرر ومستمر لمدة طويلة سنة على الأقل غالبا

الطفل ده مش بس عصبي أو عنيد لا ده ممكن يكون بيأذي الناس أو الحيوانات. وبيدمر حاجات وبيسرق وبيكذب بشكل مرضي وبيهرب من البيت أو المدرسة.💔

طيب ليه ده خطير جدا✍️

لأنه لو ما اتعالجش في الصغر، غالبا جدا بيتحول في الكبر إلى اضطراب الشخصية المعادية للمجتمع
وما يصاحبه من
إدمان مخدرات... سجن....علاقات فاشلة.. عنف أسري..بطاله... فشل مجتمعي

يعني من الاخر المستقبل بيكون سوداوي لو اتساب الطفل كده.😳

عايز تعرف الانواع تابعو التعليقات اما نوع العلاج فاسألني ف التعليقات

✍️

02/12/2025

شاب adhd متعدد المواهب

01/12/2025

تعرفو ان في تأثير اسمه
تأثير زييجارنيك
بيسبب توتر خفي تعالو احكيلكم الحكايه من الاول

انا شخصيه مش بتوتر بسهوله.. بس لاحظت الفتره ال فاتت ان عندي نسبة توتر غريبه كدا مخلية الدنيا مقلوبه عندي وفي عدم نظام وعصبيه ع ابني 💔

ركزت وبحثت جوايا لقيت صوتي الداخلي مش سامعاه .☹️ استخدمت
اسلوب ال Self-talk وبدات اتحين الفرص ال بكون فيها لوحدي واتكلم بصوت عالي شويه بدات كل مالاقي سبب اقول لاء مش هو بدليل كذا لحد ما عرفت السبب🙄

اكتشفت اني متوترا بسبب حجات بسيطه جدا مأجلاها لامكانية للتأجيل بس مسببه توتر صغير فتوتر صغير علي واحد كمان عمل توتر و قلق كبير 🫣

زي مثلا المواعين يبقو طبقين فأجلهم الاقي اخر اليوم الحوض اتملي
واخد فيهم وقت اطول بكتير من لو كنت خلصتهم اول بأول

عندي البوتوجاز محتاج صيانه واجلتها لحد مالمشكله كبرت بالنسبالي معئنها كانت تتحل بمكالمه تلفون مش انا ال هعملها اساسا بس اطلع ورقة الصيانه فقط

مكالمه لوالدتي معملتهاش ولما اتأخرت سببتلي توتر خفي معئنها مكالمه مش هتاخد ربع ساعه ولما كلمتها فضل جوايا تأنيب ضمير اني اتأخرت

ابني محتاج اهتمام معين وللاسف بسبب ضغط الشغل مأجلاها للاجازه وبرضو ماتعملتش معئنها مش هتاخد نص ساعه

تأجيلات بسيطه ورا تأجيلات بسيطه ف حجات بسيطه جدا لما اتراكمو فوق بعض فعلا عملو توتر شديد وقلق ظهر ف مزاجي العام وادارتي لبيتي💔 والغريب ان حتي بعد مابتتعمل تأثيرها بيفضل مستمر فتره 🙄

هو دا تأثير زييجارنيك
التأثير ده يعتبر اكتشاف نفسي بيقول ان
المهام الغير مكتملة بتفضل مفتوحة في الدماغ وتعمل توتر لحد ما تخلص.لانه بيخلي المخ ف حاله تنبيه مستمر
حتى لو المهمة صغيرة زي تليفون أو طبقين مواعين.

عشان كده بقيت حاسة بتوتر خفي…
وحتي بعد ماعملتها برضه التوتر مكمل شوية… ودا لان الدماغ بياخد وقت عشان يفصل الإشارة ويدرك إنها اتقفلت

وعشان اكتشف التوتر دا عملت حاجه بنسميها ف علم النفس
الوعي بالإشارات الداخلية.عن طريق الself_talk

فقررت علي قد ماقدر مأجلش لان فعلا التوتر بيأثر علي جوده حيات الشخص✋️

ايه رأيكم هل حصلكم زي وشوفتم ان دا ممكن يكون السبب ف توتركم ؟🤔

✍️

30/11/2025

سمعتم قبل كده عن تأثير دانينج–كروجر؟

كلمتكم عن متلازمة المحتال ال بتخلي الشخص يحس إنه أقل من الحقيقة…
تعالو بقي اقولكم عن تأثير دانينج–كروجر… وال بيعمل العكس تماما😅

هو عبارة عن حالة أو نمط تفكير بيخلي الشخص مقتنع إنه فاهم وعارف ومتمكن ف مسافه دراسه لكام يوم
…لكن هو بالحقيقة معرفته سطحية جدا.
والأغرب إن الشخص مش بس مش فاهم دا
لكنه كمان مش فاهم إنه مش فاهم 😁

من علاماته مثلا 👇
1 المبالغة في تقدير القدرات
تلاقيه داخل على مجال جديد… وبدل ما يقول
لسه بتعلم
لأ… يقولك سهل كله على بعضه يومين وابقي احسن واحد ف المجال🤭
وده بيبقي راجع لعدم الوعي بعمق الموضوع أصلا✋️

2 رفض النصيحة أو التصحيح
لو حد حاول يرشده بيشوفه بيقلل منه
ويمكن كمان يتضايق… ودا لأنه مش قادر يميز الفرق
بين
انت غلطان وبين .. المعلومة ناقصة عندك🙄

3 الثقة الزائدة بدون دليل
ثقة عالية جدااااااا…
حتى لو مفيش خبرة ولا تعليم ولا ممارسة.
مجرد ياخد كورس ٣ شهور يعلن عن نفسه الاول ف المجال😸

4 الصدمة عند مواجهة الواقع
لكن أول ما يدخل عمق المجال الحقيقي
تبدأ الثقة تنهار فجأة…
ويكتشف إن الموضوع أعقد بكتير من اللي كان متصوره🙄 لانه كان بيعمل المقارنة السطحية فبيقارن نفسه بخبير حقيقي…
ويفتكر إنهم واحد
لأنه مش قادر يشوف حجم التفاصيل اللي ما يعرفهاش.

طيب ليه بعض المصابين بـ ADHD عندهم قابلية يعيشوا التأثير دا
تأثير دانينج–كروجر ممكن يظهر عندهم بسبب الاندفاعية + حماس البدايات + Hyperfocus🔸

لو شايف كدا ف نفسك او حد ف محيطك نفس الموضوع ابعتله البوست وقوله ان الحل موجود بالتعليقات 👇❤️

✍️

29/11/2025

في معلومه منتشره انك لو ركزت ع الادراك كدا مش محتاجين الذاكره العامله والدليل ع كدا ان الشخص وقت الصدمات بيدرك بكل جوارحه وبتتسجل بدون الحاجه لذاكره العامله

الكلام دا غير سليم نهائي ف جزء الادراك لان الادراك مهمن اتقوي لا تغني عن الذاكره العامله.ف توصيل المعلومات الأكاديمية المعرفيه .

اما حته الصدمه فدي ذاكره عاطفيه وفعلا هيا بتصب علي الذاكره طويله المدي وقت الصدمات الشديده لانها بتمر من خلال اللوزه الدماغيه ال ليها مسار مختلف للذاكره و ال بتأمر المخ يسجلها فورا لكن هل ينفع تخلي الطفل يعيش صدمات فرح او حزن شديد لكل معلومه كلام غير علمي للاسف

فالكلام دا مش صح الادراك غير كافي ومحتاج للمعالجه المعرفيه من خلال الذاكرة العاملة لكن زي ماذكرتلكم ممكن نستخدم الذاكره الإجرائية ال هو التكرار.و نحكي او نرسم او نستخدم طريقه بوزان ال هيا الخرائط الذهنيه مع الذاكره العامله

وممكن نستخدم الذاكره العاطفيه اننا نربط الدرس بحاجه بيحبها الطفل زي مثلا بيحب كرة القدم نخليه يقرأ عنها ..او نستخدم اسأله بشكل يثير فضوله

فكدا وزعنا الجهد فالذاكره العامله قدرت تشتغل لكن مستحيل نستخدم الادراك فقط ولا حتي اي ذاكره اخري الا بحضور الذاكره العامله و بنسب بسيطه ..

28/11/2025

في ايه ياجماعه اطفال ماتتعداش ال ١٢ او ١٣ سنه بيعملو كدا بالشارع وشايلين اسلحه اكيد بيخبوها بشنطهم . لدرجاتي مفيش مراقبه.. وكمان الام بتهدد .وبتبرر .ايه حالة الانكار دي .. ابنك بدل بيعمل كدا بالشارع فاكيد هو مغرقكم مشاكل بالبيت.. يبقي لازم يتعرض ع مختص وتحاولي تلحقي الدنيا .. دا لولا ستر ربنا كان ممكن يحصل مصيبه والشيطان يحضر زي ماحصل بحوادث اخري .

28/11/2025

البنت بيظهر عليها
تدني الذات القلق.
الارتباك.. ضعف الثقه
بالنفس...عدم الاستحقاق
علاقه مضطربه مع الام
إحباط

Maaly ahmed

04/12/2025

04/12/2025

03/12/2025

03/12/2025

03/12/2025

02/12/2025

02/12/2025

01/12/2025

30/11/2025

29/11/2025

28/11/2025

28/11/2025

Address

Website

Alerts

Contact The Practice

Shortcuts

Share

Category