عبير درويش

03/02/2026

المراهق كبر فجأة…
مش لأن الزمن جري
لكن لأن في حاجة جوّه استعجلت
صحينا لقينا الصوت اتغيّر
النظرة بقت تقيلة
والضحكة اللي كانت سهلة
بقت محسوبة
كبر فجأة
عشان عقله سبق سنّه
وقلبه شاف أكتر مما يحتمل
وعينه اتفتحت على أسئلة
لسه مفيش ليها إجابات
كبر فجأة
مش تمرد
دي محاولة يفهم هو مين
ويمسك نفسه في زحمة التحوّل
المراهق مش صعب
هو مرتبك
واقف بين طفل عايز يتحامي
وشخص كبير مطلوب منه يفهم ويقرر
أكتر حاجة محتاجها
مش أوامر
ولا محاضرات
ولا مقارنة
محتاج حد يقوله
“أنا شايفك… وحاسس بيك”
الاحتواء هنا مش ضعف
ده أمان
والحدود مش قسوة
دي حماية
المراهق اللي كبر فجأة
لو لقى صدر يسمعه
هيطوّل باله
ولو لقى حضن نفسي
هيرتاح
ولو لقى احترام
هيرجع طفل شوية
علشان يعرف يكبر صح
كبر فجأة؟
آه
بس لسه محتاج يتربّى على مهله♥️
#ـ01068246433

02/02/2026

علامات الشريك الصح
#عبيردرويش

01/02/2026

أحيانًا بنكمّل
مش لأن الطريق صح،
لكن لأننا خايفين نرجع
أو نواجه فكرة إننا غلطنا.
التعب المتكرر
مش دايمًا علامة اجتهاد،
أحيانًا إشارة
إننا محتاجين نراجع الاتجاه.
التوعية الحقيقية
إنك تسأل نفسك بهدوء:
"اللي بعمله ده بيقوّيني؟
ولا بيخلّصني؟"
الراحة مش في الإصرار الأعمى،
الراحة في الوعي
واختيار ما يليق بقلبك
#عبيردرويش

31/01/2026

31/01/2026

أحيانًا التخلّي هو أعظم عمل رحمة…
للقلب قبل أي شيء.
نمسك حاجات مش لنا،
نتعلق بعلاقات، أو بأفكار، أو حتى بذكريات،
مش من حب…
لكن من خوف… من فراغ… من فكرة إننا لو سيبناها، هنخسر كل شيء.

📌التعلّق الزائد يثقل العقل والجسد،
ويخنق روحنا قبل ما يجرحنا الآخرون.

أتعلم اللي ربنا كتبه لنا مش هيمرّ علينا من غير حكمة،
وإن كل شيء بيكون خير لما تسلمه لله وتتوكل عليه..

لما تقول بصدق:
"يا رب، سلمتك أمرى وتوكلت عليك "
تلاقي قلبك بيهدأ،
وروحك تتنفس،
والفراغ اللي خايف منه
بيتحول لمكان للنور، للسلام، للقبول.
التخلّي مش ضعف،
التخلّي شجاعة، ثقة، وحرية للروح…
وللخير اللي لسه جاي 🤍
#عبيردرويش

30/01/2026

لما تنشغل أوي بالناس…
بتنسى نفسك.

تراقب مين سبق،
ومين اتأخر،
ومين عمل ومين قال،
وتتعب.

🤍🤍القلب ما بيستريحش
غير لما يبقى مشغول
بربّه وبنفسه.

كل ما تركيزك راح لبرّه،
زاد القلق جواك،
وكل ما رجعت لنفسك
هدِيت.

﴿ما يلفظ من قولٍ إلا لديه رقيب عتيد﴾
تذكرة إن المراقبة الحقيقية
مش علينا إحنا…
دي على أفعالنا واقوالنا...

خلّي عينك على طريقك،👀
وقلبك على نيتك، 🗯
وسيّب الناس لرب الناس.

الراحة مش في المتابعة…
الراحة في التوكّل 🤍

#عبيردرويش

28/01/2026

مشاعر بلا أقنعة
(( لقاء اونلاين مجانى ))
مش كل ابتسامة راحة
ولا كل سكوت رضا
في مشاعر اتعلمنا نخبيها
علشان نكمل… مش علشان نطيب
المحاضرة دي مساحة آمنة
نخلع فيها القناع
نفهم مشاعرنا
ونتعلم نفرّغها من غير خوف
ولا جلد ذات
لو حاسة إن جواكي كلام مكبوت
وغضب مكسور
وحزن مؤجل
المكان ده ليكي 🤍
مشاعر بلا أقنعة

📅الأربعاء ٢/٤
🕐 الساعة ٧م
📍تليجرام
اللينك أول تعليق 👇👇

لأن البوح شجاعة… مش ضعف
#عبيردرويش
#السيكودراما
#المشاعر

27/01/2026

مش كل تعب محتاج حل…
أحيانًا محتاج يسمعه حد.

المشاعر المكبوتة
بتتراكم جواك،
وبيجي يوم الانفجار أو الإنهاك.

الاستماع لنفسك
والاعتراف باللي جواك
هو أول خطوة للراحة والشفاء 🌿
#سيكودراما

#عبيردرويش

26/01/2026

يعني إيه سيكودراما؟ وهتستفيدي منها إزاي؟
خلّيني أقولها ببساطة ومن غير تعقيد 🌿
السيكودراما
هي طريقة علاج نفسي بالحركة والتمثيل، مش بالكلام بس.
يعني بدل ما نحكي اللي جوانا… بنعيشه على المسرح (مساحة آمنة)،
نمثل مشهد حصل، أو إحساس مستخبي، أو حتى حوار ما اتقالش.
مش تمثيل عشان الناس تتفرج،
تمثيل عشان النفس تطلع صوتها.
بتتم إزاي؟
في جلسة جماعية، مع مُيسّر/معالج:
تختاري موقف مأثر فيكي
أو علاقة موجعاكي
أو شعور مكرر (خوف، غضب، ذنب، فقد…)
وتبتدي تعيشي المشهد:
مرة بدورك،
مرة بدور الشخص التاني،
ومرة كمراقبة…
والحاجات بتبان، وتتحل، وتتخفّ.
هتستفيدي إيه؟
كتير قوي، منها 👇
تفريغ مشاعر مكبوتة بقالها سنين
فهم أعمق لنفسك ولتصرفاتك
شفاء جروح قديمة من غير ما تحكيها ألف مرة
تحرر من أدوار غلط عايشة فيها (المنقذة، الضحية، القوية زيادة)
تحسين العلاقات وحدودك مع الناس
إحساس بالخفة والراحة بعد الجلسة
السيكودراما بتخاطب الجسم والقلب والعقل مع بعض،
عشان كده تأثيرها قوي وسريع.
مناسبة لمين؟
لكل حد حاسس إنه:
الكلام لوحده مش مكفّي
بيفهم بس مش عارف يغيّر
عنده وجع قديم ومش لاقي له اسم
ولو مش بتحبي الكلام الكتير؟
السيكودراما بتحبك جدًا 😌
اللينك اول تعليق👇
#عبيردرويش
#سيكودراما

26/01/2026

أكتر حاجة بتريح القلب…
إنك تسمح لنفسك تحس بدون حكم.
مش لازم كل وجع تتحرك عليه،
مش لازم كل دمعة تتحاسب.
لما تسمح لمشاعرك تطلع
بهدوء وأمان،
العقل والجسم بيهدوا،
والقلب بيرتاح
#عبيردرويش

25/01/2026

اول فيدباك ((لبوح ))محاضرة السيكودراما وبإذن الله هيتم تكرار المحاضرة الأسبوع الجاى بناءا على طلبكم
خلى قلوبكم تهدى وتصفى
الحمدلله الذى تتم بنعمته الصالحات
#عبيردرويش
#سيكودراما
#بوح