Naglaa AbduAllah

16/09/2025

أحلى شعور ممكن الواحديحسه من الشغل لما تجيله رسالة زي دي من أم جميله عن ابنها الرائع ❤️

11/09/2025

06/09/2025

هو احنا بنربي أولادنا بالوعي ولا بالكلام اللي اتعودنا عليه من غير تفكير ؟!🧐

مرة بنوته صغيرة بتقول لمامتها أنا مش شاطرة زي أصحابي 💔
الطفلة قالت الجملة دي بعد ما الأم قالت لها : شوفي صاحبتك بتكتب أحسن منك .😒
الأم افتكرت إن الكلمة عادية وإنها كده بتحفزها بس اللي حصل إن البنت فهمت من كلام الأم إنها أقل من غيرها😔
صحيح إن الموقف حصل في ثواني بس أثره فضل معاها 💔 وظهر على شكل:
-فقدان للثقة بنفسها
-احساس الغيرة من أصحابها
-وخوف من المحاولة أحسن حد يضحك عليها

ودا كان موقف عن إزاي كلمة أو جملة ممكن تغير نفسية الطفل سنين طويلة …….
تابعونا في اللايف المجاني أخطاء تربوية صغيرة بتصنع مشاكل كبيرة

‎يوم الخميس:١١ سبتمبر 🗓️
Live(Facebook):📍
Safe zone hub
⏰: ٧ مساءً

19/08/2025

من أمتع وأجمل الورش ان شاء الله 😍🤩

ورشة (طفلك ورسمته بتحكي)🤩🥰

👧👦 كل طفل عنده مشاعر وأفكار جواه… ساعات مش بيقدر يقولها بالكلام، لكن بالرسم بيكشف اللي جواه!

في الورشة دي هنسيب أطفالنا يرسموا بحرية ومن خلال رسوماتهم هنعرف مع بعض:
✨ نقاط القوة والجوانب الجميلة عند كل طفل
✨ الحاجات اللي محتاجة دعم بسيط عشان يزيد ثقته بنفسه ويتعامل مع مشاعره
⸻
المدرّبة:
الأستاذة أمل السيد حسن – أخصائية علاج بالفن واستشارية نفسية
• فنانة تشكيلية وخبيرة في تعليم الرسم والعلاج بالفن منذ 2007
• مشاركة في معارض ومهرجانات دولية بمصر وتونس
• معتمدة من جامعة عين شمس كمتخصص في العلاج بالفن
⸻
بعد انتهاء نشاط الرسم، المدربة هتراجع الأعمال وتبعت لكل ولي أمر ملخّص فردي عن شخصية ابنه/بنته، مع خطوات عملية تساعدكم تدعموه أكثر.

المكان: أونلاين – من بيتك بكل سهولة
الفئة العمرية: 7 – 12 سنة
الأماكن محدودة جدًا – احجز لطفلك مكانه الآن عبر رسائل الصفحة أو واتساب
01093197230
01099218232
✨ الورشة مش مجرد رسم… دي فرصة تكتشفوا أطفالكم من زاوية جديدة، وتساعدوهم يعبّروا عن نفسهم بثقة وسعادة🥰
⚡ سجّل لطفلك الآن قبل اكتمال العدد😍

11/08/2025

لو حابة تتعلمي أكتر عن التربية السوية وتحصلي على دعم نفسي لكِ ولطفلك🤍…
احجزي جلستك الآن وابدئي رحلتك التربوية والنفسية بثقة وحب 🥰
عن طريق الرسائل أو على الأرقام:
01093197230 –
01099218232

09/08/2025

08/07/2025

❤️

02/07/2025

من أجمل الحاجات اللي الواحد بيعملها إنه يتعامل مع الجيل الصاعد ويديهم كورسات أو سيشنز من سن ٨ سنين فيما فوق (أما اللي أقل من كده دول حتة من قلبي ❤️🥰)
حقيقي بيبقى شيء ممتع جدًا إني أسمع آرائهم وأفكارهم وإبداعاتهم.. مميزين فعلًا! والأجمل إنهم بيقدروا يكسروا حاجز الخوف والخجل لما يلاقوا حد معاهم بيديهم أمان وثقة وتشجيع حقيقي وبيتطوروا يوم بعد يوم ❤️

21/06/2025

من أكتر الحاجات اللي بتستنزف النفس وبتضغط عليها فوق طاقتها… إنك مش قادر تعبّر لا عن اللي مضايقك ولا عن اللي مش قابلُه ولا حتى عن حبك للناس اللي بتحبهم! تبقى زعلان وساكت وموجوع وبتضحك ..
محتاج حضن ودعم بس بتقول (أنا تمام ) عشان ماتبانش إنك ضعيف أو عشان محدش يقول ( مش انت اللي تطلب ده ) دي مش شخصيتك
ناس شايلة جواها كلام بقاله سنين ولما بيتقال لأول مرة بيبقى فيه راحة وبكاء وشفا
التعبير عن مشاعرك مش ضعف ده قوة وراحة نفسية

16/06/2025

21/05/2025

🧠 هدوء نفسي وإنجاز فعال: سر التفوق في الامتحانات! ✨
فترة الامتحانات ممكن تكون مليانة توتر وضغط، لكن مع التخطيط الصح وتقنيات إدارة الضغط، نقدر نحافظ على هدوئنا ونحقق أفضل النتائج. مش بس المذاكرة هي اللي بتفرق، الهدوء النفسي جزء أساسي من المعادلة!
إزاي نحافظ على سلامنا النفسي وننجز في نفس الوقت؟ إليك بعض النصائح:
1. خطط صح، ترتاح نفسياً:
* جدول مذاكرة واقعي: قسم وقتك بين المواد بشكل منطقي، وحدد أهداف صغيرة قابلة للتحقيق لكل يوم. ده بيقلل الإحساس بالضغط وبيخليك تحس بالإنجاز.
* راحة ضرورية: متنساش تخصص وقت للراحة والأنشطة اللي بتحبها. المذاكرة لساعات طويلة بدون فواصل بتقلل التركيز وبتزود التوتر.
2. ركز على صحتك:
* نوم كافي: قلة النوم عدو التركيز والذاكرة. حاول تنام من 7 لـ 8 ساعات يومياً عشان مخك يشتغل بكفاءة.
* أكل صحي: الأكل الجيد بيدي جسمك الطاقة اللازمة وبيدعم وظائف المخ. حاول تتجنب الوجبات السريعة والسكر الزائد.
* حركة بسيطة: حتى لو 15-20 دقيقة مشي أو تمارين بسيطة، الحركة بتساعد على تقليل التوتر وتحسين المزاج.
3. تدرب على الهدوء:
* تمارين التنفس: لما تحس بالتوتر، خد نفس عميق من الأنف واكتمه لثواني، وبعدين أخرجه ببطء من الفم. كرر التمرين ده كام مرة، هيساعدك تهدى بسرعة.
* ابتعد عن المقارنات: كل واحد ليه طريقة مذاكرة وقدرات مختلفة. ركز على تقدمك أنت ومتقارنش نفسك بحد تاني، ده بيسبب إحباط وتوتر.
* تجنب السوشيال ميديا الزائدة: السوشيال ميديا ممكن تكون مصدر لتشتيت الانتباه وزيادة التوتر. حدد أوقات معينة لاستخدامها أو حاول تقللها قدر الإمكان.
4. خليك إيجابي:
* تكلم مع حد بتثق فيه: لو حاسس بضغط كبير، اتكلم مع أهلك أو أصحابك أو حتى مستشار. مجرد التعبير عن مشاعرك بيقلل الحمل عليك.
* كافئ نفسك: بعد كل إنجاز صغير، كافئ نفسك بحاجة بسيطة بتحبها. ده بيحفزك وبيخليك تستمر.
تذكر دايماً: الامتحانات فترة وهتعدي. الأهم هو إنك تعمل اللي عليك وتحافظ على صحتك النفسية والجسدية. كل التوفيق في امتحاناتكم.

19/05/2025