Dr.Eithar Mahfouz

Dr.Eithar Mahfouz د.إيثار محفوظ
استشارية الصحة النفسية والإرشاد الأسري
Psychological Health and
Family Counseling Consultant
Certified Health Coach
wa.me/+201001118679

03/03/2026

باسم الله الفتاح تبارك وتعالي
سيفتح لنا أبواب رحمته
#اسم _الله_الفتاح

02/03/2026

اللَّهُمَّ رحمتَك أرجو فلا تَكِلْني إلى نفسي طَرْفةَ عَينٍ وأصلِحْ لي شأني كُلَّه، لا إلهَ إلَّا أنت
اللهم آمين

02/03/2026

اللهمَّ لا ينقضي شهر رمضان إلا وقد شفيت كل مريض
باسم الله علي أجسادنا حتي تتعافي،باسم الله علي قلوبنا حتي تهدأ، بسم الله الشافي ، بسم الله المعافي
بسم الله الرحمن الرحيم

02/03/2026

من هو الله؟
هو الذي يعطي بلا حساب
يغفر الذنوب مهما عظمت، ويقبل التوبة مهما طال الغياب.هو ملجأ العاصين، ونور الهائمين، وسلام النفوس المتعبة.

01/03/2026



تخيل تكون عايش جوا دماغك كأنها متاهة، كل فكرة فيها باب، وكل باب وراه خوف، وكل خوف بيجري وراك كأنه واقع حتى لو ملوش وجود حقيقي.

مريض القلق مش بس بيفكر كتير، هو بيفكر في كل السيناريوهات الممكنة والمستحيلة، بيحلل كل كلمة، بيدقق في كل نظرة، وبيحس بكل تفصيلة كأنها رسالة مخفية لازم يفك شفرتها.

النوم بالنسباله رفاهية، والسكون ساعات بيكون مرعب، لأن في اللحظات اللي المفروض يرتاح فيها، بيبدأ عقله يشتغل أكتر، يسأل: “هو أنا نسيت حاجة؟ طب لو حصل كذا؟ طب أنا وحش؟ طب الناس شايفاني إزاي؟” وسلسلة الأسئلة دي ملهاش نهاية.

القلق مش مجرد “توتر”، ولا هو بس “تفكير زايد”، القلق هو إنك تبقى حاسس بالخطر حتى لو كل حاجة حواليك آمنة، إنك تحاول تشرح اللي جواك ومحدش يفهم، إنك تتمنى تريح دماغك ولو للحظة بس متعرفش إزاي.

فلو عندك حد بيعاني من القلق، متستهونش بمشاعره، متقولوش “ما تكبرش الموضوع”، لأن الموضوع في دماغه أصلاً كبير، وأكبر حاجة تقدر تقدمها له.. إنك تكون جنبه، بجد.


01/03/2026

أنا عايز أتعافي …. نفسي أنسي !!!

طيب ، مين قال إن التعافي معتاه ( النسيان ) ؟!

تتعافي يعني هتفتكر المواقف والأشخاص اللي سابوا جواك
"أثر "لكن من غير ما يكون ليهم أي " تأثير سلبي" عليك

هتشوفهم وتقابلهم لكن خلاص مفيش ضعف ولا ألم ولا وجع

هيبقوا " مجرد درس "" اتعلمت منه تجربة ولحد هنا وخلصت الحدوتة بحلوها وبمرها

الإنسان ما بينساش ، مفيش حاجة بنمر بيها إلا ما بتسيب جوانا أثر واحنا اللي بنختار شكل الأثر ده يكون ازاي ؟؟؟


01/03/2026



انتوا عارفين إن المدة بين وقت القاء سيدنا يوسف في البئر، ووقت رجوعه لسيدنا يعقوب عليه السلام، اتقال في بعض الروايات إنها وصلت لـ40 سنة؟!
وفي روايات تانية قالت يمكن أكتر.. 80 سنة؟

سنين طويلة ما بين ألم الفقد، ووحشة البُعد، وانتظار الرجوع..
سنين بين ظُلمة البئر، وظُلم الناس، وغُربة السجن،ومع كل ده، فضل الصبر هو العنوان.

الصبر على أماني بتتأجل،الصبر على حكمة ربنا اللي دايمًا بتشملنا وإحنا مش شايفين.
الصبر على الطريق اللي باين إنه بعيد، بس آخره دايمًا فيه جبر وفرح.

مفيش وجع بيضيع، ولا لحظة انتظار بتروح هدر،
بس محتاجين نصدق، ونصبر.


01/03/2026

صباح الخير 🍃

في لحظات معينة في حياتنا
بنحس إن الطريق طول .
إن التعب مش راضي يخلص.
إن الدعاء بيتقال كتير… والنتيجة لسه.

وفي اللحظات دي
الإنسان بيبتدي يسأل:
هو في جبر جاي؟
ولا إحنا بنواسي نفسنا وخلاص؟

الحقيقة النفسية قبل الإيمانية إن
الإنسان وهو جوه المشقة، إدراكه بيبقي محدود.
الألم بيخلّي الصورة أصغر.
بيخلّي اللحظة تبدو أبدية.
لكن ربنا دايمًا شايف الصورة كاملة.

في القرآن الكريم ربنا يقول:
“فإن مع العسر يسرا * إن مع العسر يسرا”
في سورة الشرح

مش بعد العسر…
مع العسر.
يعني الجبر ما بيبقاش دايمًا مؤجل لمرحلة تانية،
أحيانًا بيكون بيتكوّن وإنت لسه جوه التعب.

جبر الله مش دايمًا بييجي بالشكل اللي إحنا متخيلينه.
مش شرط يرجّع الحاجة اللي راحت.
ولا يمسح الألم كأنه ما كانش.
لكن بيعمل حاجة أعمق…
بيطمن قلبك.
يقوّي ظهرك.
يفتح باب ما كنتش شايفه.
أو يبدّل الخسارة بحاجة أنضج وأبقى.

الجبر العظيم غالبًا بييجي بعد مرحلة استنزاف.
بعد صبر طويل.
بعد ما تخلص محاولاتك البشرية.
وكأن الرسالة بتقول لك:
كنت بتجاهد على قد طاقتك…
دلوقتي شوف أنا هاجبرك إزاي.

وأجمل ما في الجبر
إنه بييجي فجأة.
في توقيت محسوب بدقة.
وقت ما تكون خلاص على الحافة…
يحصل شيء بسيط أو كبير
يخليك تقول:
آه… ده كان بيتدبّر.

إحنا مش مطلوب مننا نفهم كل التأخير.
ولا نفسّر كل المشقة.
مطلوب مننا بس نكمل سعي…

لأن ربنا لما يجبر
بيكون الجبر ( عظيم ).


28/02/2026

عن رسول الله ﷺ
أنه قال ( إن للصائم عند فطره دعوة لاترد )
ادعوا وألحوا علي الله في الدعاء 🍃

28/02/2026




مريض الاكتئاب في رمضان…
يعبد ربنا إزاي وهو مش قادر يقوم من السرير؟

خلينا نتفق على حاجة مهمة
الاكتئاب مش كسل
ومش ضعف إيمان
ومش قلة رغبة في الطاعة

الاكتئاب بيأثر على الطاقة
التركيز
القدرة على اتخاذ القرار
والإحساس بالمتعة حتى في العبادة نفسها

عشان كده… فكرة شد حيلك مش حل
لكن نقلل المطلوب ونثبّت الاستمرارية : هو الحل

وده خطوات عملية واضحة:

⸻

١) قلّل سقف التوقعات

بدل ما تقول: هصلي قيام ساعة
قول: هصلي ركعتين

بدل ما تختم القرآن
اقرأ من ٥ ل ١٠ آيات كل يوم بتدبّر
ولو قدرت علي الأكتر من كدا …. كويس

القاعدة هنا:
القليل المستمر أحسن من الكثير المنقطع

⸻

٢) اربط العبادة بروتين ثابت

الاكتئاب بيخلّي القرار مرهق
فما تسيبش العبادة للمزاج

خلي بعد كل فرض ذكر بسيط ثابت
حتى لو:
سبحان الله 10 مرات

الدماغ بتحب الروتين
ومع التكرار بيبقى أسهل

⸻

٣) استخدم مبدأ

اسأل نفسك:
إيه أقل عبادة أقدر أعملها حتى في أسوأ يوم؟

ذكر وأنت نايم
استغفار وإنت سايق
سماع قرآن بدون قراءة

ده مش تقليل…
ده تكيف صحي

⸻

٤) غيّر شكل العبادة مش معناها

لو مش قادر تقرأ… اسمع
لو مش قادر تقف قيام… صلّي قاعد
لو مش قادر تطيل الدعاء… قول جملة واحدة من قلبك

العبادة مش استعراض قدرة
هي صلة بينك وبين ربنا

⸻

٥) اشتغل على الجسد عشان تقدر تعبد

نوم منتظم
أكل متوازن
مشي 15 دقيقة قبل المغرب

تحسين الطاقة الجسدية بيرفع القدرة الروحية
لأن النفس والجسد مش منفصلين

⸻

٦) ابعد عن لوم نفسك

أخطر حاجة على مريض الاكتئاب في رمضان
إنه يحس إنه مقصّر دينياً

الشعور بالذنب المزمن بيزود الاكتئاب
ومش بيزود الطاعة

ربنا عالم بضعفك
ولا يكلّف نفساً إلا وسعها

⸻

٧) خليك في عبادة المعنى

ممكن عبادة رمضان عندك السنة دي تكون:
الصبر
تحمّل اليوم
مقاومة فكرة سيئة
القيام رغم الثقل

أحياناً أعظم عبادة… إنك ما تستسلمش

⸻

رمضان مش سباق
وربنا مش بيقارن بينك وبين حد

ربنا شايف محاولتك
حتى لو محدش شايفها

ولو أنتِ/أنت مريض اكتئاب
وجودك في رمضان…
ومحاولتك تعبد رغم الثقل
ده في حد ذاته عبادة.


27/02/2026

اللهم إنى لست سيء ويكفيني أنك تعلم ، اللهم أحيي بداخلي ما أماته الناس ، اللهم إنى تائه ف المنتصف فِي كل شئ
ف رتب لي دُنياي وأرشدني إلي كل ما هو خير وإختر لي ما تُحب يا الله فأنا شئ وأنت رب كل شئ ..

Address

Cairo

Telephone

+201001118679

Website

Alerts

Be the first to know and let us send you an email when Dr.Eithar Mahfouz posts news and promotions. Your email address will not be used for any other purpose, and you can unsubscribe at any time.

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category