https://www.facebook.com/1404924412958317/

Sp.Basma Altommy, Cairo (2026)

25/10/2025

حكايه ناس كتير
لسنين… كنت فاكره إنّي مجرد عندي ADHD.
كنت بحاول أفهم نفسي من خلاله،
بس كل مرة كنت بحس إن في حاجات مش راكبة… مش منطقية.

لحد ما بدأت أقرأ عن التوحّد.
وفجأة حاجات كتير بدأت توضح.
وبعدين… استوعبت إني ممكن أكون عندي الاتنين.
وساعتها فهمت إن وجود الاتنين مع بعض… بيخلق تجربة مختلفة تمامًا.

الناس بتفتكر إن الـ ADHD والتوحّد شبه بعض —
الاتنين فيهم صعوبة في التركيز، في التنظيم، في العلاقات.
بس الحقيقة؟
السبب اللي وراهم مختلف… تمامًا.

ولما يكون عندك الاتنين؟
الموضوع مش بيبقى مجموعهم على بعض…
بيبقى مضاعف.
زي معركة بين احتياجات بتتناقض جواك كل يوم.

أنا مثلًا… بحب الروتين جدًا.
بس مخّي… مش بيساعدني ألتزم بيه.
فبعيش بين توتر إني محتاجه النظام،
وتوتر إني مش قادرة أعمله.

وبعدين فيه الإرهاق…
مش بس من التعب أو الزحمة،
لكن من إني بحاول أوفق بين اتنين جوايا مش دايمًا متفاهمين.

ولما أحب حاجة؟
بغرق فيها.
بحسها بزيادة.
لدرجة بتتعبني… أنا واللي حواليا.

وبعد كل دا،
فهمت إن الدعم اللي بينفع غيري مش شرط ينفعني.
لأن اللي عنده الاتنين… محتاج نوع دعم مختلف.

مش عيب إنك لسه بتفهم نفسك.
ومش غلط إنك لسه بتدوّر على إجابة.

لو الكلام دا شبهك…
صدق إحساسك.
الفهم مش عن إنك تجمع تشخيصات،
هو إنك تلاقي اللغة اللي تشرح اللي جواك.

كل مخّ مختلف.
وكل حد يستحق يتفهم… على طريقته.”

24/10/2025

😰 بتحس أوقات بقلق أو توتر؟
🫰جرب الطريقة دي👇:

🫁 تمرين التنفس العميق (Deep Breathing)

1️⃣ خد نفس عميق من أنفك لمدة 4 ثواني.
2️⃣ احبسه جوا صدرك 4 ثواني.
3️⃣ طلّع النفس من فمك ببطء 6 ثواني.

👌 كرر التمرين 3 مرات

✅ النتيجة: هدوء أكتر + تركيز أعلى + تقليل التوتر.
#قلق #توتر

01/08/2025

الشخص اللي بيعاني من فرط الحركة وتشتت الانتباه (ADHD) لحالة الـ meltdown مش دايمًا بيتفهم صح، خصوصًا من الناس اللي حواليه. الـ meltdown هنا بيكون نتيجة تراكم ضغط، ومشاعر، ومحفزات كتير لحد ما الشخص “ينفجر” حرفيًا، سواء بالبُكا، أو الصريخ، أو حتى الصمت والانغلاق.

علشان نساعد الشخص يتغلب على الوصول للمرحلة دي، محتاجين نركز على الوقاية أكتر من التعامل وقت الانفجار.

تعال اقولك ايه هيا طرق الوقاية ومنع الوصول لحالة الـ Meltdown:

1. 🧠 الوعي بالذات والتعرف على العلامات المبكرة
- لازم تعرف إيه العلامات اللي بتظهر عليك قبل ما توصل للانهيار:
- توتر في الجسم
- عصبية مفرطة
- نسيان متكرر
- زيادة الحركة أو الكلام
- حساسية من الأصوات أو الروائح أو الطلبات

2. تعمل ⏸️ وتلجأ لفترات راحة منتظمة
- أي نشاط محتاج تركيز (زي الشغل أو المذاكرة) لازم يتقسم:
- 25 دقيقة شغل + 5 دقايق راحة
- أو كل ساعة ياخد 10 دقايق يغير فيهم جو
- في الراحة دي: تمشي، تتنفس، تسمع موسيقى هادية، أو تشرب حاجة بيحبها

3. 💣 تقليل المحفزات الزايدة
- تنظيم المكان: يقلل الفوضى البصرية
- تقلل الأصوات العالية أو تلبس سماعات
- تقلل من المهام اللي بتتعمل في نفس الوقت (multi-tasking)

4. 📋 التنظيم وتفريغ الدماغ
- استخدم دفتر أو تطبيق اكتب فيه كل اللي محتاج تعمله
- اعمل checklists
- كتب أفكارك بدل ما تفضل تفكر فيها طول الوقت

5. 😮‍💨 تمارين التنفس وتنظيم الاستجابة
تمارين زي:
- تنفس 4 ثواني، كتم 4، زفير 4
- أو تمرين “5-4-3-2-1” لتثبيت الحواس
- دي مفيدة جدًا وقت التوتر العالي

6. 📝 تفريغ المشاعر قبل ما تتراكم
ممكن عن طريق:
- الكتابة اليومية (journaling)
- اتكلم مع شخص بتثق فيه
- جلسات علاج نفسي أو دعم سلوكي

7. 🕒 حاول تلتزم بروتين يومي ثابت قدر الإمكان
- الروتين بيريّح الدماغ المصابة بـ ADHD وبيقلل المفاجآت
- تكون مثبت فيه وقت للنوم، الأكل، الشغل، الراحة

طيب ولو دخلت في حالة ال meltdown فعليًا:

دي خطوات انصحك تعملها للتعامل وقتها:
- الانسحاب لمكان هادي وآمن
- ماحدش يضغط عليه يشرح أو يتكلم
- يستخدم أدوات مهدئة زي كورة ضغط، بطانية تقيلة، أو سماعة
- اتنفس ببطء
و أخيراً ادي لنفسك وقت للتعافي، وبعدها حاول تفهم إيه السبب

30/07/2025

💥شويه علامات إن الشخص اللي عنده ADHD هيبدأ ينهار (يتعب نفسيًا)

1. 🤯 صداع بيبدأ يجيله

تحس بوجع في دماغك كده فجأة، كأن دماغك بتزن أو بتقفل.

2. 😮‍💨 بتتنفس بشكل سطحي ومره واحدة تاخد نفس عميق

يعني بتاخد أنفاس سريعة خفيفة، وفجأة تاخد نفس جامد كأنك بتنهج.

3. 🧠 التفكير بيبطأ (الاستيعاب بيقل)

تحس إن الكلام اللي بتسمعه عامل زي الزنّ أو الضوضاء، وصعب ترد أو تستوعب.

4. 🚶‍♀️ جسمك بيتحرك كتير من غير ما تحس

زي إنك تهز رجلك، تفرك إيدك، أو تعدل في هدومك كتير.

5. 😠 تغيّر مفاجئ في المزاج

يعني ممكن تكون عادي وفجأة تتعصب، تزعل، أو تتقفل من غير سبب واضح.

6. 💢 توتر أو وجع في الجسم بيزيد

تحس إن في شدّ أو ألم في كتفك، رقبتك، أو أي حتة في جسمك.

7. 🔊 بتتضايق بسهولة من الأصوات أو حد يقاطعك

أي صوت عالي أو إن حد يقطعك في الكلام بيضايقك أكتر من العادي.

💡 ملحوظة:

كل دي علامات إن الشخص خلاص على وشك “meltdown”، يعني عقله وجسمه مش قادرين يتحمّلوا أكتر من كده وبيحتاج وقت يرتاح فيه.

29/07/2025

دي بعض العوامل اللي ممكن تخلّي الشخص اللي عنده ADHD ينهار أو يتعب نفسيًا وعقليًا. دي عجلة مقسومة لأجزاء، وكل جزء فيه نوع من الضغوط أو المؤثرات اللي بتسبب الانهيار تعال نفهمهم سوا

🧠 الضغط الذهني (Mental Overload):

يعني العقل مش قادر يستوعب أكتر من كده.
• بتنسى الحاجات
• مش عارف تبدأ حاجة
• أو بتتنقل بين حاجات كتير
• بتخطط كتير بس مش بتنفّذ
• مركز على حاجة واحدة ومش عارف تطلع منهم

💥 الضغط الحسي (Sensory Overload):

يعني الحواس مش قادرة تتحمّل.
• صوت عالي
• حرارة زيادة
• ريحة قوية
• ملمس مش مريح (لزج – مش ناعم)
• إضاءة قوية
• ناس بتتحرك كتير حواليك
• هدوم ديقة
• طعم مسكّر زيادة

🔁 التغييرات (Changes):

يعني أي تغيير مفاجئ ممكن يسبب ارتباك أو ضيق.
• دوشة الطريق
• حد ييجي فجأة من غير ترتيب
• حد يلغي خطة كنت متحمس لها
• حد يقاطعك وانت مركز
• تغييرات في نظام أو برنامج بتستخدمه

🧍‍♀️ الاجتماعيات (Social):

المواقف الاجتماعية صعبة ومجهدة.
• توقعات اجتماعية مش مناسبة
• الناس تفهمك غلط
• تحاول “تندمج” ومش عارف
• متأخر دايمًا وبتتلخبط في المواعيد
• الناس تفترض عنك حاجات مش حقيقية
• مش بتلقط الإشارات الاجتماعية زي نظرات أو تعبيرات

🧘‍♀️ المشاعر (Emotions):

مشاعرك بتكون قوية وصعب تسيطر عليها.
• إحساس بالإحباط
• إحساس بالعجز
• بتحس إنك مرفوض
• حزن أو اكتئاب
• قلق
• بتحس إنك مش كفاية

🧂 الجسد (Physical):

الجسم كمان ليه دور.
• مفيش نوم كفاية
• بتنسى تاكل
• بتاكل أكتر من اللازم
• بتعمل مجهود أكتر من طاقتك
• مفيش رياضة أو حركة كفاية

💡 ملحوظة:

الانهيار مش ضعف، ده رد فعل طبيعي لجهاز عصبي حساس ومجهد أكتر من طاقته.

28/07/2025

تعال أقولك أفضل المكملات الغذائية لاضطراب فرط الحركة وتشتت الانتباه (ADHD)، وزيادة التركيز والانتباه.

1. أوميجا 3 (Omega-3s)

الأحماض الدهنية أوميجا 3 بتساعد المخ، خصوصًا عند اللي عندهم ADHD، يشتغل بشكل أفضل.
ودا لأن أوميجا 3 بتغذي المخ وبتساعده يركز أكتر، وناس كتير لاحظوا تحسّن في الأعراض بعد استخدامها.
*******

2. الماغنيسيوم (Magnesium)

في دراسات بتقول إن نقص الماغنيسيوم والمعادن عمومًا ممكن يكون ليه دور في أعراض ADHD.
بمعني ان الجسم والمخ محتاجين معادن علشان يشتغلوا صح، ونقص الماغنيسيوم ممكن يزود التشتت وفرط النشاط.
******

3. إل-تايروسين (L-Tyrosine)

L-Tyrosine ممكن يزوّد نسبة الدوبامين والنورإبينفرين في المخ.
-دي مواد كيميائية في المخ مسؤولة عن التركيز والمزاج، فزيادتها ممكن تحسّن الأعراض.
******

4. الزنك (Zinc)

معدن تاني مهم هو الزنك، ممكن يساعد في إنتاج النواقل العصبية (المواد اللي بتوصل الإشارات في المخ) ويخفف من أعراض ADHD.
-الزنك بيساعد في توازن المواد الكيميائية في المخ، وده بيساعد في تقليل الاندفاعيه وقلة التركيز.
******

5. الحديد (Iron)

الحديد بيأثر على إنتاج الدوبامين في المخ، وقلة الدوبامين ممكن تكون سبب في ADHD.
فلو الطفل أو الشخص عنده نقص حديد، ممكن ده يكون سبب في التشتت وفرط النشاط، فلازم يتعالج.

27/07/2025

الصوره بتوضحلنا مشكله بيواجهها الشخص اللي عندو ADHD
شلل تنفيذ المهام عند الشخص ال ADHD (فرط الحركة وتشتت الانتباه)، حسب نوع المشاعر اللي بيحسّوا بيها، سواء كانوا تعبانين – منهارين عاطفياً – زهقانين.
هديك شويه حلول هتساعدك

💤 لو حاسس إنك تعبان (Tired):

يعني جسمك ومخك مش قادرين يشتغلوا، فـ جرّب الآتي:
• 🧠 نشّط العصب الحائر (ده بيهدي الجسم): زي التنفس العميق أو حاجات بتحفّز الحواس.
• 💧 اشرب كوباية مية كاملة.
• 🍳 كُل بروتين (زي بيضة أو زبادي).
• 🌬️ تمرين تنفّس طاقته عالية (شد نفسك كده وتنفّس بتركيز).
• 🏃‍♂️ تمرين كارديو 5 دقايق (زي الجري في المكان).
• 👀👂 حفّز الحواس (حاجات زي ريحة حلوة، صوت مفضّل).
• 🔁 ابدأ بأي حاجة بسيطة وخليها تديك دَفعة (momentum).

*********

😵‍💫 لو حاسس إنك غرقان عاطفياً (Emotionally Flooded):

يعني مشاعرك كتير ومش قادر تشتغل، جرّب الحاجات دي:
• ✍️ اكتب مشاعرك في نوتة.
• 🌬️ خد نفس عميق علشان تهدّى.
• 🧊 استخدم حاجة باردة تهدّيك (زي كيس تلج على الرقبة).
• 📋 اكتب “قائمة الإنجازات” حتى لو حاجات بسيطة.
• 🧠 ركّز على التقدّم مش الكمال (يعني مش لازم كل حاجة تبقى مثالية).

*******

😐 لو زهقان (Bored):

يعني دماغك مش لاقي حافز، جرب الآتي:
• 🌅 غيّر المكان أو المشهد (قوم امشي في أوضة تانية مثلًا).
• 🎨 اتفرّج على حاجات تلهمك (فيديوهات أو صور بتشدّك).
• 🔢 طريقة 2×12 (يعني اشتغل دقيقتين بس، وهتكمل تلقائيًا).
• ⚡ زوّد التحفيز (موسيقى، ألوان، صوت خلفية… إلخ).
• 🎯 زوّد اهتمامك بالموضوع بأي طريقة.
• 🧠 ابدأ بحاجة سهلة بس قريبة من اللي وراك.
• ⏳ حدد وقت (زي تايمر: “هشتغل ربع ساعة بس”).
• 👥 اشتغل مع حد أو خليه يراقبك (Body Double حد موجود يخليك ملتزم).

26/07/2025

مش كل اللي عندو ADHD بياخد أدويه
طيب اللي مش بياخد ادويه ايه ال حاجات اللي يقدر يعملها فيومه و تبقي عادات ليه تساعدو اثناء اليوم

خليني اقولك شويه نصايح كدا تساعدك

🧠 كل أكل صحي

الأكل اللي فيه مواد كيميائية ممكن يزود الأعراض. حاوِل تقلل أو تبعد عن الأكل المُصنّع والمليان إضافات.

🧘‍♀️ اعمل تأمل أو يوجا

خد وقتك إنك تتنفس ببطء، تهدى، وتسترخي بأي طريقة تريحك.

😴 نام كويس علي قد ماتقدر

النوم مهم جدًا لصحتنا ومناعتنا، وكمان بيأثر على اختياراتنا في الأكل والرياضة تاني يوم.

⏱ استخدم مؤقت

اضبط وقت لكل حاجة بتعملها. ده بيساعد على تنظيم الوقت، وتقليل التشتت أو التركيز الزيادة عن اللزوم في حاجة واحدة (اللي اسمه Hyperfocus).

🎨 خليك مبدع

استغل وقتك في حاجات إبداعية زي الرسم أو الأشغال اليدوية، وده كمان بيقلل القلق.

😌 قلل التوتر

قلل الحاجات اللي بتتعبك نفسياً. متضغطش على نفسك، ابعد عن الناس أو الشغل اللي بيؤذيك، واشتري بس اللي محتاجه.

🎵 اسمع موسيقى مش أغاني

المزيكا بتساعد على تحسين الحالة النفسية، وبتديك دافع وطاقة كويسة.

🌳 اخرج للطبيعة

الخروج في الهواء الطلق مرتين في اليوم بيحسن النفسية والراحة الذهنية.

🏋️‍♀️ مارس رياضة

الرياضة بتساعد على التخلص من الطاقة الزيادة، وبتنظم المشاعر وبتخلي الجسم في صحة كويسة.

📵 قلل السوشيال ميديا

ده هيوفرلك وقت، وهيزود ثقتك في نفسك، وهيقلل الإحساس بالإحباط اللي ممكن ييجي من المقارنة بالناس.

25/07/2025

خليني اوضحلكم الجانب النفسي و التربوي لإضطراب فرط الحركه وتشتت الإنتباه
من خلاص الصوره اللي قدامنا

أولاً: الجانب النفسي

الصورة بتوضح التناقضات اللي بيعاني منها الشخص المصاب بـ ADHD، ودي أهم جوانبها نفسيًا:

1. صعوبة التركيز (Poor attention span)
• الشخص بيلاقي صعوبة في التركيز على المهام التقليدية (زي المذاكرة، أو الشغل المكتبي).
• ده بيحصل بسبب خلل في تنظيم كيمياء الدماغ، خاصة الدوبامين والنورأدرينالين، اللي بيأثروا على الانتباه والتحفيز.

🧠 نفسياً: ده بيخلي الشخص يشعر بالإحباط أو الذنب، لأنه حاسس إنه “مش قادر يعمل اللي المفروض يعمله” بالرغم من محاولاته.

2. الاندماج في أشياء معينة (Hyperfocus)
• على عكس المتوقع، الشخص ممكن يركز تركيز عالي جدًا في حاجة واحدة هو بيحبها (زي لعبة أو هواية).
• ده مش تناقض، ده جزء من ADHD، لأن الدماغ بتدور على التحفيز باستمرار.

🧠 نفسياً: الشخص ممكن يحس إنه غريب أو متناقض، وده يزود التوتر أو قلة الثقة بالنفس.

3. الاندفاعية والتسرع (Impulsivity)
• الشخص بيتصرف بسرعة من غير ما يفكر، سواء بالكلام أو الفعل.
• ممكن ياخد قرارات خاطئة أو يحط نفسه في مواقف خطر.

🧠 نفسياً: بيحس بالندم بعد التصرف، وممكن ده يسبب قلق أو اكتئاب على المدى الطويل.

4. التفكير الزائد (Overthinking)
• رغم الاندفاع، هو برضو بيفكر كتير جدًا في حاجات بسيطة.
• الدماغ بتفضل تكرر المواقف وتراجعها، بسبب القلق المزمن.

🧠 نفسياً: ده بيؤدي لتعب ذهني وإرهاق، وأحيانًا قلة نوم أو توتر.

5. الاختلاف عن الآخرين (Feeling out of sync)
• الشخص بيحس إن عمره العقلي مش زي اللي حواليه، يعني ممكن يكون سلوكه “طفولي” أو “أكبر من سنه”.

🧠 نفسياً: ده بيخليه يحس بالعزلة أو الرفض الاجتماعي ويأثر علي ثقته فنفسه

ثانياً: الجانب التربوي

من الناحية التربوية، الصورة بتوضح حاجات لازم المربيين (أهل – مدرسين – أخصائيين) ياخدوا بالهم منها:

✅ 1. احتياجات تعليمية خاصة
• الطفل/الشخص المصاب بـ ADHD محتاج طرق تعليم مختلفة، فيها حركة وتنوع ومكافآت.
• مش هيستفيد من الأسلوب التقليدي اللي بيعتمد على الحفظ أو السكون لفترات طويلة.

✅ 2. مرونة في التعامل
• مش معنى إنه بيتصرف بلطافة أو بيندمج في لعبة إنه “كسول” أو “مش عايز يذاكر”.
• لازم نفهم إن دماغه بتشتغل بشكل مختلف، ومحتاج تحفيز مستمر.

✅ 3. التعامل مع الاندفاعية
• لازم نعلم الطفل ازاي يفكر قبل ما يتصرف، من خلال تمارين سلوكية زي “توقف – فكر – نفّذ”.
• نستخدم القصص، والأنشطة التفاعلية لتعديل السلوك.

✅ 4. تقدير مشاعره المختلفة
• لما يقول “حاسس إني مش زي اللي حواليا”، لازم نطمنه إن الاختلاف مش عيب.
• نساعده يكتشف نقاط قوته ونميها.

وأخيرًا حابه اوضح :

اضطراب فرط الحركة وتشتت الانتباه مش “كسل” ولا “شقاوة زيادة”ولا "سؤ تربيه "، هو اضطراب عصبي بيأثر على طريقة تنظيم الدماغ.

وكل شخصية مصابة بيه عندها جوانب مميزة ممكن تتحول لنقاط قوة لو اتفهمت واتوجهت صح.

في

24/07/2025

خليني اوضحلكم جانبين مختلفين لل ADHD
عن طريق الصوره دي
الجنب الشمال:
1. I have trouble focusing
🧠 قدام لابتوب وشعره مكركب
→ “مش بعرف أركز بسهولة، دماغي بتتشتت في كل حاجة حواليّا.”
2. Fun with a lively character
🧠 بيجري وراه شبح
→ “بضحك وبهزر وممكن أتصرف كإني طفل صغير، حتى في مواقف مش لازم فيها كده.”
3. I overthink decisions
🧠 واقف قدام رف مليان حاجات ومحتار
→ “بفكر كتير جدًا قبل ما آخد أي قرار، حتى في حاجات بسيطة.”

⸻

الجنب اليمين:
1. But I still somehow spend my day concentrating on a mentally draining game
🧠 قاعد بلعب لعبة معقدة
→ “بس الغريب إني ممكن أركز بالساعات في لعبة متعبة ذهنيًا من غير ما أزهق.”
2. But I feel like my mental age never seems to align with others
🧠 بيعيط وسط ناس بيضحكوا
→ “بحس إن عمري العقلي مش زي الناس اللي حواليا، دايمًا مختلف.”
3. But I can be reckless and impulsive
🧠 بيجري يمسك موبايل وفي طريقه مخاطر
→ “بس ساعات بتصرف من غير تفكير وباندفاع، ممكن أحط نفسي في مواقف خطر.”

طيب يعني ايه باردو الكلام دا
يعني إن ADHD مش مجرد عدم تركيز، لكن فيه تناقضات زي:
• صعوبة التركيز في حاجات عادية بس تركيز عالي في حاجات معينة
• تفكير زيادة في قرارات بسيطة لكن اندفاع وتصرفات متهورة في مواقف تانية
• حس فكاهي وروح طفولية بس مش دايمًا متفاهم مع
اللي حواليه

طيب هل الكلام دا ليه تفسير نفسي و تربوي ؟!
دا اللي هنوضحه فالبوست الجاي. 😎

17/07/2025

عشان تساعد شخص عنده ADHD يركّز أكتر خلال اليوم، مهم نرتّب له يومه بخطة واضحة باستخدام جدول مرئي أو قائمة مهام بسيطة، ونقسم اليوم لمهام صغيرة وسهلة بوقت محدد وراحات قصيرة بينهم.
كمان لازم نوفّر له مكان هادي بعيد عن المشتتات، ونشجع على الحركة والنشاط البدني خلال اليوم، لأن ده بيساعده يفرّغ طاقته.
النوم الكويس والأكل الصحي، خصوصًا البروتين، ليهم دور كبير في تحسين التركيز. ممكن نستخدم أدوات زي التايمر، أو تطبيقات تساعده ينظم وقته، ومعاها كمان ألعاب بسيطة للحركة أو أدوات ليفضفض أو يهدّى.
كمان نعلمه يتحكّم في نفسه بالتدريج عن طريق تمارين التنفس أو التأمل. التشجيع المستمر والمكافآت البسيطة بيفرقوا جدًا، ولو الحالة محتاجة، ممكن نلجأ لطبيب أو متخصص للمساعدة بالعلاج أو الجلسات.

To enhance daily focus and attention for individuals with ADHD, it’s important to create a structured routine using visual schedules, clear goals, and checklists. Breaking tasks into short, manageable chunks with timed work and regular breaks (e.g., the Pomodoro technique) can improve concentration. A distraction-free environment, regular physical activity, and proper sleep and nutrition also play key roles. Tools like fidget items, movement breaks, and technology apps can support focus. Teaching self-regulation through mindfulness and reflection, along with positive reinforcement and consistent support, helps build attention skills over time. In more severe cases, medical or therapeutic intervention may be beneficial.

16/07/2025

شغلك مُتعب في إيه يعني أنت شغلك كله لعب مع الأطفال
وتدردشي مع الكبار
أنا:

Sp.Basma Altommy

25/10/2025

24/10/2025

01/08/2025

30/07/2025

29/07/2025

28/07/2025

27/07/2025

26/07/2025

25/07/2025

24/07/2025

17/07/2025

16/07/2025

Address

Website

Alerts

Shortcuts

Share

Category