07/12/2025
انا بس عاوزه اقول كلمتين مهمين
" مفيش حاجه اسمها كل ماتبقي زعلان أو عندك أي مشاعر سلبيه اشتغل
اكبر خطأ ممكن يرتكبه انسان في حق نفسه هو أنه يدفن مشاعره و يهرب منها و يروح يشتغل لانه بيتحول لقنبله موقوته هاتنفجر في اي وقت و بشكل لا يمكن توقعه
علشان ماتقوليش لا ماانا عامل حسابي و مراقب نفسي كويس 😏
ببساطه اللي هايحصل كالاتي
ضغط عصبي شديد جدا
انفعالات غير مبررة علي اتفه الأمور
جهازك العصبي دايما متوتر و متحفز لاي حدث مهما كان و الكارثه الأكبر هي ال psychosomatic symptoms
تبدأ تشتكي من أعراض جسديه مختلفه مش عارف سببها و تدخل في cycle من اللف علي دكاتره كتييييير في تخصصات مختلفه وانت تايه ومش عارف فيك ايه
الاعراض دي بتظهر في هيئات مختلفه زي
القولون العصبي
الام المفاصل و الظهر و تشنجات مميته في الرقبه
اضطرابات في التنفس و الام في القلب " نوبات "
صداع مستمر
الام في ذراعك الشمال و غيرها كتير من الأعراض اللي اجمع الأطباء انها مالهاش اي سبب عضوي ولكن ناتج من الضغوط النفسية و كبت المشاعر
و خليني اقولك أن حالتك النفسيه كل ماكانت مستقره كل ماكانت مناعتك النفسيه و الجسديه اقوي 😉
فبلاش ارجوكم كلام التنميه البشريه ده بتاع اشتغل و اهزم اعداءك بالعمل والنجاح و أنسي مشاعرك
علشان انت اللي هاتدفع الفواتير لما تعيش انفصالك عن ذاتك نتيجة الطريق ده
فبلاش تهرب من مشاعرك و لا تتحداها
