29/06/2025
مش شرط تبقي مرفوض من مجموعة من الناس علشان انت عملت حاجة غلط .ممكن جداً علشان رفضت تعمل حاجة غلط .رفضت تبقي مع القطيع اللي بيطبل او رفضت انك تدادي شخص مش سوي بيغذي الايجو بتاعه وشعوره بالأهمية علي محايلة الناس ليه علي تفاهات .او انك رفضت تبقي ساكت عن قولة كلمة حق او رفضت انك تبقي ماشي جنب الحيط في وسط ناس بيعملوا العكس . فشافوا ان انت مبوظ الانسجام اللي بينهم حتي لو كانوا منسجمين انسجام سلبي وهو ده الأمان لهم حتي لو كان مش مريح او مؤذي او بيحطهم في مواقف مهينة.بس قدرتك غير قدرتهم .كونك شخص بيقدر يرفض ، دي حاجة تخليك تفتخر بيها بس لها تكلفة لازم هتدفعها .من الاخر خليك إنسان حقيقي وطبيعي حتي لو كان الثمن بعض الرفض والوحدة اللي انت هتتعرض لها .مع الوقت هتخرج من العلاقات دي وهتكون مستعد لعلاقات طبيعية خالية من الدراما والصراعات ….بس خلاص
