06/12/2025
النشويات ممنوعه في الدايت❌❌وخطر كبير علي الصحه🫣
كلمه اتعودنا عليها وتداولناها كلنا بدون اي فهم ومعرفه الواقع🤔
✋ولو سالنا نفسنا في التاريخ الناس كانت عايشه ازاي هنلاقيهم كلهم كانوا بياكلوا حبوب زي الشعير والقمح
👈حتى في عهد سيدنا يوسف كان تخزين الطعام في السنوات العجاف على شكل حبوب
👈وحتي في القران مذكور "والحب ذو العصف والريحان"
✋والمشكله فعلا هقولها عمرها ما كانت في الحبوب نفسها ولكن في عمليات التصنيع ،🫣اللي دمرت فائده الحبوب دي وحولتها من شيء مفيد جدا وصحي لشيء ممرض وسام❌
👈لان ربنا سبحانه وتعالى لما خلق الحبوب خلق معاها جنين القمح اللي مليان مضادات اكسده بيحميك من سموم الدقيق👌
👈وكمان في قشره بتبطئ من عمليه امتصاص النشا الموجود في الدقيق
⛔لكن الانسان دمر كل ده وشايل القشره وشال مضادات الاكسده
😉وانا النهارده جاي اقول لك على خمس انواع من الكربوهيدرات المفيده جدا لصحتك
👈و السر كله في كلمة واحدة: "الألياف".
👀الأنواع اللي هنتكلم عليها دي اسمها
"كربوهيدرات معقدة"
⛔ يعني بتاخد وقت في الهضم فبتخليك شبعان فترة طويلة، ومستوى السكر في دمك ميعلاش مرة واحدة، وبالتالي جسمك ميخزنش دهون بسهولة.
١- الشعير:
👈ده ممتاز لمنطقة البطن بالذات. فيه نوع ألياف بيدوب في المية وبينفش في المعدة بيحسسك بالشبع، وبيساعد جداً في تقليل الكوليسترول وتظبيط السكر.
👈٢- الشوفان:
شبه الشعير في فوايده. بيشبع جداً، وبيشتغل زي المكنسة في الجسم يقلل الكوليسترول الضار، وده مفيد جداً لصحة القلب.
👈٣- الكينوا (Quinoa):
دي بيسموها "سوبر فود". ميزتها الكبيرة إن فيها بروتين كامل (حاجة نادرة في النباتات) وفيها ألياف كتير جداً. بتشبع وبديل صحي هايل للرز الأبيض والمكرونة العادية.
👈٤- الفاصوليا والبقوليات (زي العدس والفول):
👆دول "قنابل شبع".
مليانين بروتين نباتي وألياف. هضمهم بطيء جداً، فبيخلوا سكر الدم مظبوط ومش هتجوع بعدهم بسرعة، فبالتالي هتخس وكمان مليانين مغذيات نباتيه رهيبة للصحة والكوليسترول والقلب😎
👈٥- البطاطا الحلوة:
بديل ممتاز للبطاطس العادية. مليانة فيتامينات ومغذية، والميزة إنها مبتعليش سكر الدم بسرعة زي البطاطس المحمرة مثلاً❌( خصوصا لو بقشرها)
، فبتديك طاقة من غير ما جسمك يخزنها دهون على طول
😉كل اللي قلناه ده بيتاخد في صورته الطبيعيه بدون اي عمليات تعديل وطبعا الكميه بتحدد إذا كنت عايز تزيد في الوزن أو تخس
وافتكر دايما.. كلوا واشربوا ولا تسرفوا❤️
بحبكم في الله
