Stethoscope

11/06/2024

From the river to the sea,
Palestine will be free

08/06/2024

08/06/2024

08/06/2024

بعد اكتر من 8 شهور الجيش الاكثر خنزيرية في العالم قدر يحرر 4 من حوالي 120 رهينة عند حماس.
8 شهور من القصف العنيف المستمر يوميا وبدون توقف وقنابل محرمة ودخول بري وقطع المساعدات وكل انواع المجازر تمت داخل القطاع بدعم مادي ومعنوي وتسليحي وكل انواع الدعم المعروفة والغير معروفة تمت من كل دول العالم اجمع بما فيها الدول العربية
وفي النهاية بتنجح الترسانة دي كلها اخير ف تحرير 4 من الرهائن بس الخبر ده ع قد مهو فرح عند النتن وبن خنزير وباايدن إلا ان الخبر ده معاه قصف مخيم النصيرات ونتج عنه استشهاد اكتر من 250 واحد + حوالي 600 اصابة
عشان يتم تحرير ال4 دول حصلت #مجزرة بحق #المدنيين فـ
محدش عنده مشكلة ابدا مع استشهاد المجاهدين ، المشكلة كلها ف استهداف المدنين
اللى هوا ده شخص مدني معندوش اي حاجة يدافع عن نفسه بيها فليه يستهدف ولما يتدمر 1000 واحد عشان خاطر تحرر 4 ناهيك عن كل المباني والقطاعات الصحية وووو
"كل وقت بيعدي العالم كله بيدرك ان المقاومة صح وان السلام والحب والشعارات الفارغة دي بتبقى مع الدول الكبيرة بس ، وانك تطالب بحقك معاهم هيبقى بلا جدوى"
فاللهم ثبت جنودك يارب

#مجزرة

01/10/2020

الاوعية الدموية فى اصبع اليد

30/09/2020

ال refered pain
وده بتبقى المرض ف مكان
والمكان اللى فيه الوجع فى حتة تانية خالص
ع سبيل المثال
مرض التهاب المرارة بيسمع ف الكتف اليمين
ويجى المريض يشتكى م الكتف مش م بطنه عادى

13/07/2020

12/07/2020

تشريح اليد

12/07/2020

طريقة الحقن
لو حقن عضلى 👈👈 الدخول بالابرة عمودى
لو حقن تحت الجلد 👈👈 الدخول بزاوية 45 درجة
لو حقن داخل الوريد 👈👈 الدخول بزاوية 25 درجة
لو حقن داخل الجلد 👈👈 الدخول بزاوية 15 درجة

11/07/2020

الغدة النخامية

12/06/2020

بوست هتلاقى فيه كل حاجة ع الكورونا
بينا
يلا
👈👈 ايه هوا ؟🤔
اسمه كوفيد 19 تمام
وهوا واحد م عائلة الكورونا من ضمنها السارس وغيره
👈👈بدأ امتى ؟🤔
الفيرس بدأ ف مدينة وهان الصينية فى ديسمبر 2019
👈👈ظهر ازاى ؟🤔
محدش يعرف ازاى طلع . تمام ( لسه مش مأكد )
👈👈الحيوان اللى السبب فيه ؟؟🤔
مش مأكد حتى الان ولكن غالبا هوا اكل النمل الحرشفى
غالبا ها
👈👈اعراضه ؟🤔
اعراض رئيسية : كحة ناشفة ، سخونية ، تعب ف الجسم كله
اعراض غير رئيسية : احتقان الانف ، صداع ، اسهال ، التهاب ف الحلق ، التهاب ف العين
👈👈ازاى بتعدى بيه ؟🤔
{ غيرك يعديك } او { تعدى نفسك }
ازاى
انا اقولك
-- { غيرك يعديك }: ان واحد يعطس او يكح او يتكلم معاك بمسافة حوالى متر
-- { تعدى نفسك } : ان واحد يعمل الحاجات دى بس ع اسطح او يعطس او ... في ايده ويسلم عليك او يلمس بايده الملوثة دى حاجة وانت تيجى تلمس الحاجة دى
وبدأ ما ايدك تكون مليانة كورونا تقوم تلمس بيها مناخيرك ( your nose )
وساعتها تبقى كورونا
👈👈ايه فترة الحضانة اللى بيقولوا عليها دى ؟؟🤔
هيا الفترة اللى مبيظهرش فيها الاعراض ويكون الفيرس جواك
ممكن تبقى يوم او اتنين او تلاتة او 14 يوم
بس غالبا 5 او 6 ايام
👈👈هل بينتشر ف فترة الحضانة ؟يعنى لو واحد كان عنده كورونا ولسه معندوش اعراض ( فترة الحضانة ) هل ممكن يعدينى ؟؟؟؟؟؟؟🤔
فيه تقارير قالت ممكن ، بس صراحة ده مش موجود ف الفيروسات اللى نعرفها ولا نعرف ازاى الفيرس يعملها
بس حتى الان
التقارير دى غير مؤكدة الى الان
ولسه البحث شغال ع الموضوع ده
بس كنتيجة نهائية الى الان فمبيحصلش الكلام ده
👈👈ازاى نحمى نفسنا ؟؟🤔
-- اولا كده : لا سلام باليد لا سلام باليد لا سلام باليد
اختراع السلام بالايد ده ابتدى يظهر لما الانسان حاول يبين انه اعزل مش معاه سلاح بس
واتطور استخدامه لدرجة انها اصبحت روتينية يومية
-- ثانيا : ملتمسش مناخيرك بايدك خالص ، كإن ايدك مقطوعة
-- ثالثا :
3 حجات بتموت الفيرس 🧐
الكحول والكلور والصابون
{ الكحول }
لازم تكون معاك ازازة وانت ماشى وعلطول تبخ وتمسح ايدك كويس علطول ؛ انت مش ضامن ايدك لمست ايه
{ الكلور }
تعمل بخاخة وتخلط فيها كوب م الكلور وعدد 10 كوب م المايه
النسبة لازم تكون 10 ماء : 1 كلور ( 10:1)
وتبخ بيها ع الاسطح بتاعة بيتك وع المقابض وع البوابات والببان كل شوية صبح وبالليل
{ الصابون }
اى صابون بيموته
كل شوية تغسل ايدك بالمايه والصابون لمدة 20 ثانية
وانت داخل بيت اى حد
خش اغسل ايدك
👈👈لو انا عندى كورونا اعمل ؟؟او شاكك هتى ؟🤔
لو الاعراض خفيفة اعزل نفسك والبس كمامة ويفضل كمامتين فوق بعض
كل كوباية او اى حاجة هتلمسها لازم تخلى حد يعقمها بال3 حجات اللى قلنا عليهم
ومتنساش اى حد م اهلك لازم يلبس كمامة ويخلى باله كويس اوى
👈👈هل الاطفال بتتعرض للعدوى ؟؟🤔
اه بس بنسبة قليلة ، بس ممكن تتعرض فعلا وممكن تبقى حالتهم خطر جدا عادى زيهم زى الكبار
فلازم يتعقموا كويس
👈👈بالنسبة للكمامة ؟؟🤔
الكمامة مش لازم انك تلبسها علفكره
ايوة مش لازم
بس فيه حالتين لازم ساعتها تلبسها
1- زى انك تبع المهنة الطبية ( دكتور او ممرض او مرافق هتى ) وبتتعامل مع حالات يوميا سواء كورونا او غيره
2- او انك مريض او شكيت باعراض الكورونا فلازم تلبسها
ساعتها
3- هتروح مكان فيه زحمة كتيير وتجمعات وغيره
👈👈 الكمامة الجراحية العادية ولا الكمامة القماش ولا الn95 ؟؟🤔
اولا : مش لازم الكمامة زى مقولت
تمام
الا لو كنت مريض او بتتعامل مع حد قريبك مريض او ف اماكن زحمة فلازم ساعتها تلبسها
تمام ؟
خلصانة
ثانيا :
افضل حاجة n100 بتنقى حوالى 99.93%
بعدها n99 بتنقى بنسبة 99%
بعدها n95 بتنقى بنسبة من 90% الى 98%
بعدها الكمامة الجراحية بتنقى بنسبة تتراوح م 10% الى 80%
الكمامة القماش ولا لها لازمة ولا كإنك لابسها
الا اللى مطابقة للمواصفات
دى بتنقى بنسبة اقل م 10% 😂
👈👈هل ملوش علاج ؟ ولا لقاح ؟ 🤔
حتى الان لسه مفيش علاج او لقاح مثبت ومعتمد م منظمة ال FDA
👈👈طب اومال الدكاترة بيعالجوه ايه ف اماكن العزل ؟؟🤔
بس يسيدى
العلاج بيكون علاج ال symptoms ( الاعراض يعنى )
مثلا
كحة ⁦⬅️⁩ ادوية الحكة
سخونية ⁦⬅️⁩ خافض حرارة
مشاكل التنفس ⁦⬅️⁩ نحطه ع جهاز التنفس
كده
لو تتطلب الامر ندى مضادات حيوية
ولو تتطلب الامر ندى مثبطات المناعة
ولو تتطلب الامر نستخدم الادوية اللى عليها ابحاث مثلا زى ال cloroquine وكده يعنى
وهكذا
انما علاج السبب وهو الفيرس
لسه مفيش حاجة مؤكده حتى الان
👈👈البلازما بتعالج زى ما وزارة الصحة المصرية بتقول ؟؟🤔
زى ما قلت كل ده درسات تمام لسه مش مؤكده
فادام الدراسات دى اتعملت ونجحت زى ما بيقولوا
المفروض انهم بيعملوا الاوراق البحثية ويودها للWHO ( منظمة الصحة العالمية ) والمنظمات التانية علشان يقرروا اذا كان صح او لا ؟
لكن اذا كان ده حصل او محصلش اصلا والتجارب مش مظبوطة او اى حاجة تكون
لسه محدش طلع واعتمد حاجة
تمام
فتبقى دراسات عادية الى ان يتم اعتمادها
ان كانوا عملوا دراسات اصلا 😂
ده الFDA بتقول لأى حد بيعمل دراسات يجيبها عشان نشوف ونقرر
👈👈عصير البرسيم بيعالج الكورونا ؟؟🤔
لازم تفهم حاجة
فيه معامل ومنظمات وجامعات عالمية شغالة دلوقتى حالا
وبتدور ع اى فتلة خيط عشان توصل بيها للعلاج
فميجيش واحد بهيم لا مؤاخذة ومش عارف اى حاجة ف اى حاجة ومش عارف ايه تعريف الvirus علميا ايه
ويقولك دا رجل النملة الحامل فيها علاج الكورونا
الكلام ده كله هطل
العلاج لما يطلع هيطلع م اماكن فاهمة ودارسة مش الهبل ده
تمام
👈👈 الفيرس بيدنه قد ايه ع الاسطح ؟🤔
اقصى حاجة 72 ساعة
وفيه ( ابحاث ) بتقول 7 ايام ع البلاستيك 😳
بس ده لو محطلش تطهير وتعقيم للمكان ده
👈👈الكورونا هتنتهى امتى ؟موعد انتهاء الكورونا؟ 🤔
يجدعان بالصلاة ع النبى كده
مفيش حد ف الكون يقدر يجاوب ع السؤال
والله مفيش حد عالم بالغيب والله
تمام
👈👈الفرق بين البرد والكورونا ؟🤔
لقيت بلغم يبقى برد تمام
وكمان لقيت runny nose يعنى الانف بتاعتك بتنزل gelly 😂 ( طبعا عارفين الاسم بتاعه 😂 )
ومفيش سخوية ولو فيه فهيا بسيطة
مفيش ارهاق ف الجسم
يبقى ده برد
اركن البرد بقى ع جنب
👈👈الفرق بين الانفلونزا والكورونا ؟🤔
صعب جدا جدا نفرق بينهم clinically ( عن طريق الاعراض يعنى )
الفرق بقى ف التحاليل والحجات دى
فانت لو عندك اعراض الكورونا ممكن متكونش كورونا ويكون انفلونزا
بس كده 🥵🥵
مش هتكلم ع الكورونا تانى 😂
تمام ؟
هتكلم لما يطلع العلاج ان شاء الله

11/06/2020

الكروموسومات تحت المجهر الالكترونى الماسح