06/10/2025
أكتوبر الوردي = وعي وحياة
يا بنات ويا سيدات
شهر أكتوبر هو شهر التوعية بـ سرطان الثدي، ودي فرصة نفتكر فيها قد إيه مهم نهتم بنفسنا ونفحص بدري عشان نطمن.
✅ ليه الفحص مهم؟
لأن الكشف المبكر بيساعد إن العلاج يكون أسهل ونسب الشفاء أعلى.
إزاي تعملي تشيك لنفسك؟
خصصي يوم كل شهر بعد انتهاء الدورة الشهرية.
وقفي قدام المرايا وبصي على أي تغييرات (حجم – شكل – لون).
حسي بإيدك أي تكتلات أو تغير في الجلد.
لو لاحظتي حاجة مختلفة → لازم تراجعي دكتور فورًا.
💡 نصايح للوقاية ودعم صحتك:
حافظي على وزنك الصحي.
كلي خضار وفاكهة كتير.
قللي الدهون والسكر.
مارسي رياضة حتى لو مشي نص ساعة يوميًا.
قللي التدخين والكحول (لو في).
وما تنسيش الفحص الدوري عند دكتور.
🎗️ رسالة لكل ست:
إنتي قوية.. وصحتك أهم من أي حاجة.
اعملي الفحص.. واطمني على نفسك.
