18/11/2025
الطلاق تجربه صعبه ومؤثره ،، وصادمة أحيانآ،،
حسب التفاصيل اللي حصلت و درجة هشاشة الانسان النفسية .
سيدنا النبي في جزء من حديث شريف قال ( و كسرها طلاقها ) .
عشان كده ( رأيي الشخصي ) قبل ما تتحركي للطلاق:
انتِ محتاجه يكون عندك اسباب كبيره ومهمه و حقيقية عشان تفكري في الخطوة دي خصوصآ لو في أطفال . إبذلي طاقة و مجهود للحفاظ علي بيتك و حياتك واستقرارك ،، البذل ده هيطمنك كتير وقت ما تقرري تمشي فعلا . استشارة العقلاء اللي عندهم خبرة مهم ومفيد ،، أو حكم من أهلك و حكم من أهل جوزك ( إن وجد ) . اللجوء لربنا لجوء حقيقي بالدعاء بإنه يتولي أمرك و أمر ولادك و يختار لك ولا يخيرك مهم جدا جدا .إحسبيها ( أن أمكن ) بالورقة والقلم ،، مكسب وخساره لك و لأولادك في حالة الطلاق أو الاستمرار . كل تجربة طلاق مختلفه عن التانيه ،، ما تتشجعيش لما واحده تنجح و تنور أدامك بعد الطلاق ،، ظروفك غير ظروفها ،، بصي في ورقتك .
ولما تستنفزي كل الحلول وميبقاش في إيدك حاجه تتعمل ،، أدامك طريقين :
- طريق الصبر
( و إنما يوفي الصابرون أجرهم بغير حساب ) .
- أو طريق الانفصال
( وإن يتفرقا يغني الله كلآ من سعته ) .
كل اختيار فيهم له تمن و له مكسب ( في الدنيا وفي الآخرة ) ،، إحسبيها كويس .
كلامي للسيدات و لاحقآ بوست للرجال
