دعاء زكريا النواصره

17/01/2023

وصفة سحرية أقدمها لكل زوج يسعى للتعاسة الزوجية:

أولا: ماتركزش في اي احتياج او طلب لزوجتك عشان انت مش مراهق انت اتجوزت خلاص وماعندكش وقت لشغل المراهقين دا 😐

ثانيا: لو طلبت منك ورد لأنها بتحب انك تقدمهولها أكيد مش لأن معهاش فلوسه......ولا عشان مفيش غيرك ممكن يقدمهولها.....لأن المفاجأة اللي حضرتك ماتعرفهاش ان بسهووووولة جدا ناس غيرك ممكن تقدمهولها وبمنتهى الإمتنان ويتمنوا منها نظرة رضا.....ودول بقه ممكن يكونوا صاحبتها...زميلاتها.....وممكن يكونوا للأسف ناس كتييييييير اوي من الجنس الآخر بيجاملوها عاااااااادي خالص وهي محتاااااااجة خاااااالص برضه.😏
بس انت خليك واخد دور حضرة الناظر الأحمق اللي شايف ان دي تفاهات لغاية ماتفوق على مصيبات مسيحححححاااااااات ان شاء الله

ثالثا: خليها تعبر عن احتياجها ليك ولمشاركتك حياتها فانت تروح دابب وشك في موبايل او تليفيزيون عشان انت راجل ياحرام طول اليوم شقيان وتعبان ومش فاضي خالص لكلام النسوان...... لكن هي كانت بتلعب جيم طول اليوم مع ولادك وبعدين قعدت في جاكوزي تأنتخ....لغاية ما انت جيت وبتدوشك بكلام مالوش لازمة........الله يكون في عونك حتستحمل ازاي😥

ثالثا: خليك دايما مؤمن ان بيتك ماشي لوحده.....وعيالك بيتربوا لوحدهم.......ومع ذلك لا البوليس بيطلبك كل يوم ولا الناس ملمومة تتفرج على مصايب العيال المثاليين اللي بيربوا نفسهم لوحدهم خالص دول.🤔
خليك دايما مؤمن بزراير الريموت كنترول اللي بتدوس عليها قبل ماتنزل تظبط بيتك لغاية ماترجع.

رابعا: لما انت تبقى ناسي ان الأنثى اللي انت متجوزها ليها حقوق انك تاخذها تخرج معاها مرة في الأسبوع ومرة في الشهر ليكوا ولو 24 ساعة لوحدكوا في اي سفرية صغيرة..حسب امكانياتكوا

وتيجي مراتك تفكرك..... ابقى اضحكلها ضحكة بلهاء وقول لها ما انا طول اليوم شقيان عشانك انت وعيالك......... 😏

خامسا: وليس أخيرا لما مراتك تؤمن انها بتتعامل مع واحد ما بيفهمش غير في لم الغلة طول اليوم ومش عارف يمتع نفسه ومراته بالمتاح من الامكانيات........وتطلب بقه منك حقها ناشف فلوس عشان تروح هي تعيش حياتها وتنبسط هي وولادها وخليك انت داير في ساقيتك مابين دور الشقيان لدور اللي بيريح ودابب وشه في موبايله...... ابقى ساعتها بقه فجأة طلعلك قروووووون وقول لها انت طمعانة فياااااااا وفي فلوسي
ليه هو اناااااااا خررررررنج

ياسلاااااااااااام أحلى كلااااام ولا في الأحلااااام........لما بقت بتعاملك بلغتك بقت طمعانة.......ولما كانت بتتكلم بلغتها.......كانت على نفسها نايماااااانة.....وللبيه مش فاهماااااانة

وماااااااله كمممممل وان شاء الله
حنشوف سوا الطريق......دا حيوصل لفين........

وصدق من قال أصحاب العقول يشقون بعقولهم.....وأبو الجهالة بجهله يتنعم....... 😶😶😶

ودمتم.....

11/01/2023

«أن ذكر الله ليس استحضارًا لغائب؟
إنما هو حضورك أنت من غيبة، وإفاقتك أنت من غفلة!»

- محمد الغزالي، الجانب العاطفي من الإسلام

10/01/2023

كلام للرجالة ....ويارب يجعل كلامنا خفيف عليهم....😃

هل من الممكن ان لو بيتك بيولع نار والحريقة والدخان محاصره من كل مكان ......تسيب الحريقة والعة ....وتجري تشتري بيت جديد تسكن فيه ......هل دا ممكن يكون رد فعلك ناحية بيوتك واملاكك المادية....

طيب ممكن أعرف ازاي ممكن دا يكون تفكير مقبول يطرقه عقلك لما علاقتك الزوجية مع مراتك تتدمر.......

ازاي ماتحاولش تصلح علاقتك وتبذل فيها وترمم الشقوق اللي قضت على العلاقة دي.......

ازاي تستسهل تتجوز بدعوى انه مباح وانه حقك.....بدون ماتقدم وتبذل في اصلاح نفسك اولا وطريقة ادائك ثانيا في التواصل داخل هذا الرباط المقدس.......

طيب بفرض انك اخترت هذا الاختيار فعلا......ليه المفروض على الزوجة الاولى ترضى بدا......يا اما يتسلط على رقبتها التهديد والوعيد بأنها خالفت الشرع وطلبت الطلاق او حتى الخلع........

فين العدل اللي بيتحقق هنا اللي ممكن نستجلب فيه البركة في الزواج التاني اوالثالث والرابع........

مين قال ان لما يكون عندي مشكلة بدل ما واجهها اهرب منها .......

التعدد مباح......وهو رحمة تشريعية لهذا الدين الكامل الذي لايأتيه الباطل من بين يديه ولا من خلفه........

ولكن تطبيق الشرع بهوى النفس هو ما يجعل فاعله بالفعل يتحمل وزر
سوء الفهم واللبس الشائع للأسف........

فلنستقم جميعا يرحمنا ويرحمكم الله.........

09/01/2023

06/01/2023

ولاد الأصول مختلفين عن ماعمت به البلوى ربنا يرزقنا صحبة ولاد الأصول ويعلمنا ماينفعنا وينفعنا بما نتعلم

06/01/2023

الناس اللي مصابه بجلد الذات
بداية كده ركز وركزي معايا

فيه مشكلة خطيرة مستترة عند المصاب بجلد الذات وهو انه حاسس ان جلد ذاته وتأنيب ضميره دا حاجة كويسه فكل مايضرب في نفسه اكتر جواه يحس انه كدا ماشي في الطريق الصح وعنده ضمير وندخل في سكة اجلد اكتر حسس نفسك انك وحش اكتر وان غلطك كبير ولا يغتفر اكتر
وجواه صوت بيقول انت كدا بتعمل حاجه صح وندخل في المحرقة الداخلية النفسية

طيب افتحلي قلبك قبل عينيك وركز معايا

ربنا سبحانه وتعالى سمى نفسه التواب الغفور الرحيم الودود العفو الكريم

احنا متعبدين لله سبحانه وتعالي بتوحيد الأسماء والصفات
اي عبد فينا يقنط او ييأس من عفو ومغفرة ورحمة وكرم الله سبحانه وتعالى اي حد يستعظم ذنبه على ان يغفر ممن سمى نفسه العفو الكريم الرحيم الرحمن غافر الذنب وقابل التوب
معناه انه بيسيئ الادب والتعامل مع الله عز وجل
لانه سبحانه عز من قائل (ان الله لايغفر ان يشرك به ويغفر مادون ذلك لمن يشاء )

وبالتالي اصبح من الأدب مع الله وحسن الظن في الله ان اتعامل معه بما اوحى لنا وكتب على نفسه

التوبة والمغفرة لذنوب عبيد الله الضعفاء العصاة المذنبين اي نحن جميعا فكيف لنا ان نستعظم اي ذنب ايا كان دون الشرك بالله مع التوبة والاستغفار والعمل الصالح ان يتم غفرانه من لدن عفو غفور رحيم

أخيرا من حسن الأدب في التعامل مع رب العزة أن أحسن الظن بربي ولا اكن من القانطين فالله تعالى لايحب القانطين

قال تعالى ﴿ وَآخَرُونَ اعْتَرَفُوا بِذُنُوبِهِمْ خَلَطُوا عَمَلًا صَالِحًا وَآخَرَ سَيِّئًا عَسَى اللَّهُ أَن يَتُوبَ عَلَيْهِمْ ۚ إِنَّ اللَّهَ غَفُورٌ رَّحِيمٌ﴾
[ سورة التوبة: 102]

دمتم بسكن وسكينة🌹

29/12/2022

شغلك الحلال يكسر ظهرك.... لكن عمره ما يكسر عينك 👌