Diettopia with Rania

27/10/2025

أوقات الحياة بتفاجئنا بحكاية ماكناش مستعدين لها،
بس يمكن تكون هي نفسها السبب إننا نكتشف نفسنا من جديد.
وحكايتي مع السكّر كانت كده بالضبط… 🌿

26/10/2025

24/10/2025

22/10/2025

🍹 عملتي عصير البنجر لابنك اللي عنده أنيميا نقص حديد ولا لسه؟

لو لسه، ده الوقت المناسب تدي له عصير صحي مليان طاقة ومغذيات! 💪

المكونات وفوائدها:
• بنجر: غني بالحديد والفولات، بيساعد على إنتاج الهيموجلوبين وتحسين مستوى الدم. ❤️
• برتقال: مصدر ممتاز لفيتامين C، اللي بيساعد الجسم على امتصاص الحديد من البنجر بشكل أفضل. 🍊
• جزر: غني بالبيتا كاروتين وفيتامين A، مفيد لصحة العينين والمناعة. 🥕
• عسل طبيعي (اختياري للأطفال فوق سنة): يدي طعم حلو ويزود الطاقة بطريقة صحية. 🍯

✨ طريقة التحضير:
1. اغسلي البنجر والجزر كويس وقشريهم لو تحبي.
2. اعصري البرتقال.
3. اخلطي كل المكونات في الخلاط لحد ما يبقى العصير ناعم.
4. قدميه فوراً لطفلك للاستفادة القصوى من الفيتامينات
وصحه وهنا على قلبه 😋😋

‏ #ديتوبيا #سكري #دايت #تغذية

22/10/2025

ّر_في_المدرسة
🎓 المعمل 🤓– فهم أسباب ارتفاع السكر الجزء ٣

🎒 بعد الغداء، بطلي متحمس جدًا لأنه يعرف إن حصة العلوم النهارده هتكون في المعمل 🔬✨
👦 قال لنفسه وهو بيجرّي ناحية الفصل:
“أخيرًا! هاعرف أعمل تجربة حقيقية عن السكر في الدم!”

👩‍🏫 الميس استقبلته بابتسامة:
👀 “جاهز يا بطل؟ النهارده هنعمل تجربة عملية ونفهم ليه السكر ممكن يرتفع بعد الأكل أو في أي وقت.”

1️⃣ القياس العملي

📊 البطلي مسك جهاز القياس، وطلع السكر ٢٨٥ 🔺
الميس رفعت حاجبها وقالت:
“ده ارتفاع بعد الغداء، لازم نصححه، بس كمان لازم نفهم السبب.”

👩‍⚕️ الدكتورة قربت وقالت:
“تمام… دلوقتي هنبحث عن الأسباب خطوة خطوة، كأننا علماء 🧪”

2️⃣ التجربة العلمية – فحص الأسباب

👩‍⚕️ الدكتورة سألت البطلي بطريقة ممتعة:
👩‍⚕️ “تعال نفكر كعلماء… ليه السكر ممكن يرتفع؟”

💡 البطل والميس بدأوا يسجلوا الملاحظات العملية:

1️⃣ صلاحية الإنسولين 🧴 – كل نوع انسولين ليه مدة صلاحيه بعد الفتح.
2️⃣ حفظ الإنسولين ☀️❄️ – بعيد عن حرارة أو ضوء مباشر.
3️⃣ جرعة الإنسولين والكارب 📏 – هل المعاملات مضبوطة؟
4️⃣ الأكل بدون حقن أو نسيان جرعة الطعام 🍽️ → ارتفاع فوري للسكر.
5️⃣ أماكن الحقن ↔️ – لازم تدوير الأماكن، مش نحقن نفس المكان عشان الانسولين يمتص كويس.
6️⃣ طريقة الحقن 💉 – السن يتحرك صح ومافيش انسولين بيطلع برا الجلد.
7️⃣ نسيان جرعة القاعدي أو السريع ⏰ → السكر هيطلع عالي بعد الأكل.
8️⃣ مرض أو التهاب أو عدوى 🤒 → ممكن يرفع السكر.
9️⃣ أدوية زي الكورتيزون 💊 → ممكن تسبب ارتفاع مؤقت.
🔟 تغيرات عمرية أو هرمونية 👦👧 – البلوغ، البيرود، هرمونات.
1️⃣1️⃣ توتر عصبي أو ضغط امتحانات 😰 → stress يزيد السكر.
1️⃣2️⃣ قلة النشاط أو رياضة 🏃‍♂️🚫 → مقاومة للإنسولين.
1️⃣3️⃣ الشتاء ❄️ → ضعف الدورة الدموية وكميات أكل أكبر.
1️⃣5️⃣ الأكل الجاهز 🍔🍟 → ارتفاع طويل وممكن يحتاج أكثر من تصحيح.

3️⃣ التطبيق العملي – تصحيح السكر

👩‍⚕️ الدكتورة قالت:
“دلوقتي بعد ما عرفنا الأسباب، هنبدأ تصحيح السكر خطوة خطوة 💙”

💡 حسب معامل التصحيح:
• 1800 ⚡ للإنسولين السريع
وبعض التوصيات بتقول 1700

• 1500 ⏱️ للإنسولين القصير

📏 البطلي حسب المعادلة مع إشراف الدكتورة:
“القاعدة ÷ مجموع الأنسولين السريع + القاعدي”
➡️ كل وحدة هتنزل السكر كام نقطة

👀 الميس واقفة جنب الطاولة تراقب وتسجل كل خطوة

💉 البطل أخذ الجرعة التصحيحية وحدة وحدة تحت إشراف الدكتورة والميس
•مهم ان الوحده تنزل السكر 100 ديسليتر في الساعه ليه مهم عشان اكتر من كده ليه اثر ضار على الطفل
• لو السكر >400 → نصحح أولًا للـ ٢٥٠ بعد كده المستهدف من ١٢٠-١٤٠
• لو بين 200–400 → المستهدف 150
( وزى مااتعلمنا مع سكر مرتفع مننساش نقيس اسيتون ونشرب مايه
ووجبة الأمان لما السكر ينزل لمستوى آمن )

🎉 اليوم كان شيق جدًا في المعمل!
البطل اتعلم بنفسه: القياس، تصحيح السكر، مراقبة نفسه، وفهم كل الأسباب المحتملة للارتفاع 😎✨
يابطلنا الجميل لازم دايما تبقى فخور بنفسك احنا كلنا فخورين بيك 💙💙

‏ #ديتوبيا #سكري #دايت #تغذية

21/10/2025

🧭 حاسس إنك دايمًا تعبان ومش مستريح؟
يمكن السبب إن مركزيتك مش في المكان الصح…
🎥 في الفيديو الجاي هتشوف إزاي لما مركزيتك تبقى الله، هتلاقي القوة والطمأنينة الحقيقية ✨

#ديتوبيا #دايت

21/10/2025

ّر_في_المدرسة (التعامل مع ارتفاع السكر الجزء التاني)
📘 “يوم الميس الواعية”

النهارده وأنا بودّي بطلنا المدرسة، الميس كانت مستنياني عند الباب بابتسامة.
قالتلي:
“هو كويس النهارده؟ الولاد امبارح اتخضّوا شوية لما عرفوا إن سكره كان عالي.”

ضحكت وقلت لها:
“الحمدلله، كان ارتفاع بسيط واتصرفنا صح، وده طبيعي يحصل أحيانًا.”

الميس قالت:
“أنا نفسي أفهم… يعني إزاي الأم تعرف إمتى الموقف خطر وإمتى عادي؟
علشان لما يحصل لأي طفل تاني نتصرف صح.”

وهنا كانت فرصتي أشرح لها – بطريقتنا، ببساطة – الحالات كلها 👇

قلت لها:
“بصي يا ميس… لما السكر يعلى فوق ال٢٥٠، أول حاجة بنعملها إننا نغسل الإيدين كويس ونعيد القياس.
بعدها بنقيس الأسيتون.”

وسحبت ورقة صغيرة من شنطتي، فيها الحالات اللي كل أم لازم تعرفها:

☢ الحالة الأولى:
أسيتون +1 ومن غير أعراض 👈 بنصلح الجرعة + نزوّد من ٥-١٠٪؜ على جرعة التصحيح،
ونشرب مية كتير ومحاليل متابعة.
لو فيه اعراض 👈مستشفى فورا.

☢ الحالة التانية:
لو الأسيتون ++ أو +++ 👈 مفيش تفكير، المستشفى فورًا 🚑
ويشرب زجاجة مية في الطريق.
ده معناه الجسم بدأ يدخل في حموضة.

☢ الحالة التالتة:
الأسيتون سلبي، بس في أعراض زي مغص أو ترجيع أو كسل او نفس غريب 👈
برضو مستشفى فورًا.
الأعراض أهم من الرقم نفسه.

☢ الحالة الرابعة:
مافيش شرايط أسيتون 👈
لو في أعراض 👉 مستشفى.
مافيش أعراض 👉 تصحيح + شرب مية كل ربع ساعة + محلول جفاف.
ونتابع بالقياس كل ساعتين.

☢ الحالة الخامسة:
السكر فوق 200 والأسيتون سلبي 👈
تصحيح عادي جدًا،
لكن لو بيتكرر في نفس الوقت كل يوم، لازم نراجع الكارب أو الجرعات.

وفي الآخر الميس سألتني:
“طب وبالنسبة للأكل؟ الولاد كانوا بيقولوا إنه ماكنش عايز ياكل امبارح!”

قلت لها وأنا بضحك:
“هو كان عنده حق 👏
وقت ارتفاع السكر ممنوع الأكل خالص لحد ما الرقم ينزل تحت الـ١٤٠.
ساعتها بس ممكن ياخد حاجة بسيطة وآمنة على جسمه،
زي بيضة مسلوقة 🥚 أو أي أكل فري بالنسباله.
لكن طول ما السكر عالي، الجسم محتاج يرتاح ويشرب مية كتير، مش أكل.”

الميس قالت:
“يعني كأن الجسم بياخد استراحة علشان يرجع يتنفس!”
قلتلها:
“بالظبط 💧 المية هي البطل الحقيقي في الوقت ده.”

رجع بطلنا من الحوش، سمع آخر الجملة وقال:
“يعني المية بطلة زيي يا ماما؟” 😎

ضحكنا كلنا،
وقلتله:
“أيوه يا حبيبي، أنت والمية فريق الإنقاذ بتاع السكر!” 💙

‏ #ديتوبيا #سكري #دايت #تغذية

20/10/2025

🎒 ّر_في_المدرسة… والتعامل مع ارتفاع السكر الجزء ١
👦✨
كان يوم عادي جدًا… بطلي المسكّر في الفصل، بيكتب الواجب وبيضحك مع أصحابه.
لكن الميس بدأت تلاحظ حاجة غريبة 👀
وشه محمّر، عطشان جدًا، بيطلب يدخل الحمّام كل شوية، ومش مركز خالص في اللي حواليه.

👩‍🏫 الميس قربت منه وقالت:
“حبيبي، إنت تمام؟”
قالها بصوت واطي: “حاسس بدوخة… وعطشان جدًا.”

الميس على طول افتكرت كلام مامته لما سلّمتها ورقة التعليمات في أول الأسبوع:
📄 (لو حسيتوا بأي أعراض من دي: عطش – إرهاق – صداع – دخول حمّام متكرر، قيسوا السكر فورًا).

الميس جابت جهاز القياس اللي مامته كانت حاطاه في الشنطة 💼
قاست السكر… طلع فوق 250 🔺
تصرفت بهدوء جدًا 👇

1️⃣ غسّلت له إيده كويس جدًا قبل ما تعيد القياس عشان تتأكد.
2️⃣ بلغت الممرضة فورًا وجابت له زجاجة مية يشربها شوية بشوية.
3️⃣ اتصلت بولدته وقالتلها القراءة والملاحظات.

👩‍👦 الأم قالت:
“فيه شرايط أسيتون في الشنطة، قيسيها.”
الممرضة قاست… طلع + واحد بس ومفيش أعراض ترجيع أو تعب شديد.

فالأم قالتلها بهدوء:
“تمام، ادّوه جرعة التصحيح المكتوبة في الورقة، وزودوا عليها من ٥-١٠ ٪؜ ، وخلوه يشرب ميّه ومحلول جفاف.”

⏳ بعد ساعتين الميس قاست تاني… السكر بدأ ينزل تدريجيًا 💙
والبطل رجع يضحك ويلعب زي الأول 🙌

💬 الخلاصة:
مش كل ارتفاع سكر يعني رعب أو توتر.
الهدوء + القياس الصحيح + شرب الميه + التصرف المنظّم = أمان لبطلنا 💙

‏ #ديتوبيا #سكري #دايت #تغذية

17/10/2025

جمعه مباركه 🤲
🍴 جاهزين للسؤال المنتظر يا أبطال الكارب؟ 😍
المرة دي التحدي حقيقي 👀
🎯 هدفنا دايمًا إن كل بطل سكري يعرف يختار ويحسب بنفسه 👏

قدامكم وجبة متوازنة فيها كارب + بروتين + فات، وكل صنف مكتوب وزنه بدقة 🍚🥦🍗
افتحوا تطبيقكم المفضل، واحسبوا الكارب بنفسكم، وشاركوا إجابتكم في الكومنت 👇
خلينا نشوف مين الأقرب للأرقام الصح 👏💙

#سكري #دايت

14/10/2025

استعدوا يا أبطال السكر!
بطلنا المسكر عنده امتحان صغير في حساب الكارب
وعلشان تكونوا جاهزين راجعوا البوستات كويس جدًا 👇
السؤال الجمعة القادم ونشوف مين فهم وهيجاوب صح ✅💪