جميع أنواع التحاليل الطبيه بأحدث الأجهزه ودقه فى التحا
08/03/2025
مرض الزهرى من الأمراض التي يسهل علاجها ولكن الخطر يكمن في أن معظم من يحملونه قد لايعرفون بإصابتهم
فتظهر العلامات الأولى لمرض الزهرى في غضون ثلاثة أشهر من العدوى 🤢.....
✅عليك اجراء الفحص اللازم للاطمئنان
فمرض الزهرى يصيب المرء دون أي أعراض لمدة تصل إلى 30 سنة دون الشعور به ولكن هنا يكمن الخطر⛔️ في مضاعفة الاعراض عليك منها إيذاء الجهاز العصبي
وأيضا من مضاعفاته :
❌ صعوبة تحرك العضلات.
⭕️الشلل.
❌فقدان البصر.
⭕️مشاكل عقلية كالعته أو الخرف.
❌يؤدي في النهاية إلى الموت.
طيب يعني مفيش اي اعراض هتظهر عليا الا بعد تلااتين سنه من الإصابه 🤔
💡لا في أعراض هتظهر عليك بس بردو مش هتظهر عليك في بداية الإصابة مباشرة منها 🦠اعراض تشبه الإنفلونزا زي التعب وفقدان الشهية .
🟢فقدان جزئي للشعر .
🔘بقع خشنة حمراء🔴 أو سمراء⚫️ علي راحتي اليدين وباطن القدمين .
طب علاجه ايه .... بيتم علاجه بالمضادات الحيوية المناسبة ✅
يظهر أنه مرض يسهل علاجه لكن اعراضه شديدة تؤدي إلى الوفاة ☠
فعليك بالمتابعة والفحص اللازم 💉🧪
✅✅✅✅✅✅
طب ايه التحاليل اللازمة ... تحليل TPHA لمعرفة اذا كنت حامل للعدوى أم لا ونوفره في معاملنا لسهولة الإطمئنان عليكم ..دمتم في حفظ الله ورعايته.
#معمل العرب🌞
01149958611
🌻🧪💉
08/03/2025
اي مريض بياخد دوا للسيولة ركز معايا ❤️👌
ليه تعالى اوضحلك
الدم بتاعنا له معدل سيولة ماشي عليه وهو من ١١ الى ١٤ ثانيه، ربنا عمل المعدل دا عشان
👇 لا يقل عن كدا يحصل لك جلطات في دمك وتموت
👆ولا يزيد عن كدا عشان لو اتعورت متنزفش وتموت بردو
في حالات كتير ممكن الدكتور يكتب لك دوا زي اللي ف الصورة دا عشان يميع دمك او يسيل دمك شويه، وبمعنى اصح يخليه بعيد انه يتجلط
لاسباب كتير
ممكن تكون عامل عملية قلب مفتوح
ممكن تكون في جلطة ف الوريد العميق بتاع رجلك مثلا
ممكن يكون في سدة رئوية
جلطات بالقلب
صمامات صناعية بالقلب
اي سبب، اي سبب يخلي الدم يتجلط، هنا الدكتور ممكن يقرر يكتب الدوا دا
طيب ما دي كارثة سودا، كدا الدكتور سيل دمي وانزف واموت🥹🥹🥹
صح كلامك صح
ولذلك الدكتور يوم ما كتب لك العلاج دا قالك كلمه بس انت ناسيها
قالك ياعم ابراهيم انا كاتب لك دوا يعملك سيولة شويه، فخد بالك لازم تحلل التحليل دا وتتابع بيه وتبلغني نتيجته اول بأول
اسمه اي يادكتور اسمه🤔
Prothrombin time
او روح اي معمل وقوله عايز اعمل تحليل سيولة عشان باخد مانع تجلط اسمه كذا وتركيزه كذا
او خد علبة الدوا ووريها لدكتور المعمل
واعمل التحليل دا كل أسبوع او كل شهر حسب رأي دكتورك
وهنا بقا الدكتور هيقولك
زالفل يا عم ابراهيم الارقام كويسه استمر ع نفس الجرعة
او يقولك
معلش ياعم ابراهيم الارقام قليلة ممكن نكون عرضه للجلطات انا هزود لك الجرعة
او يقولك
معلش ياعم ابراهيم الارقام عالية ممكن نكون عرضه للنزف انا هقلل لك الجرعة
المهم خد بالك م الجاي
👈 الدوا دا زي ما هو مهم بردو خطر
👈 الدوا دا عايز متابعه مش تاخده وتنسى ع كدا
👈 اللي بيظبط لك جرعة الدوا طبيبك فقط مش اخصائي المعمل ولا الصيدلي
👈 ابوس ايدك وانت رايح تحلل عرف المعمل انك بتاخد الدوا دا وبردو عرفه التركيز والجرعة
👈 حاول تحلل ف مكان واحد بس مش كل مرة تحلل ف معمل شكل
👈 لو حسيت بأي نزيف من منخيرك او اي مكان تاني ع طول اعمل التحليل وتوجه لدكتورك فورا
👈 لو حسيت بأي الآلام في قلبك او تنفسك او رجلك ع طول توجه لدكتورك فورا
معمل العرب
01149958611
☘️👌👌
08/03/2025
معلومه مفيدة
لضمان ترطيب الجسم خلال فترة الإفطار في رمضان، يُفضل شرب 8-10 أكواب من الماء بين الإفطار والسحور، لكن بشكل متوازن وليس دفعة واحدة. من الأفضل:
البدء بكوب ماء عند الإفطار لتعويض السوائل.
شرب الماء على فترات بدلاً من تناول كميات كبيرة دفعة واحدة.
تجنب المشروبات الغازية والكافيين لأنها تزيد من فقدان السوائل.
تناول الفواكه والخضروات الغنية بالماء مثل الخيار والبطيخ، لأنها تساعد في ترطيب الجسم.
الاعتدال هو المفتاح للحفاظ على الترطيب دون الشعور بالامتلاء أو الانزعاج الهضمي!
معمل العرب للتحاليل الطبية
صحتك تهمنا
08/03/2025
ماهو تحليل النقرص ؟؟؟ وماهي اعراضه ؟؟وماهو اسبابه؟؟ وماهو علاجه ؟؟ .
هو تحليل مايعرف بي تحليل حمض اليوريك
✅ Uric acid تحليل
يقيس نسبة حمض اليوريك في الدم والادرار الذي ينتج عن تحطيم مركبات البيورين الموجودة في خلايا الجسم وبعض الأطعمة (سمك السردين ، الكبده، الفاصولياء ) بعد ذلك يذوب هذا الحمض في الدم وينتقل عن طريقه إلى الكلى التي تقوم باخراجه مع الإدرار، وبالتالي فإن إنتاج كميات كبيرة منه أو عدم التخلص منه يودي الى تكوين بلورات تترسب في المفاصل وتسبب داء النقرس وممكن أن يسبب هذا الارتفاع قصور الكلى أو تكون حصى فيها.
⭐ #الاعراض
▪️داء النقرس هو احد التهاب المفاصل الناتج عن ترسب بلورات حمض اليوريك في المفاصل وتسبب شعور بالألم خاصة إصبع القدم الكبير ممكن ان يمتد إلى الكاحل والقدمين واليدين وقد يودي الى تورم واحمرار تلك المفاصل او تقلل القدرة على الحركة.
▪️حصى الكلى هي كتل صغيرة صلبة تشبه الحجارة تتكون في الكلى نتيجة إرتفاع حمض يوريك بشكل كبير واعراضها شعور بالألم الشديد اسفل الظهر ووجود دم مع الادرار وتقيو وشعور بحاجة ملحه للتبول
*إرتفاع حمض اليوريك أثناء العلاج الكيميائي أو الاشعاعي اذ تودي هذه إلى قتل الكثير من خلايا الجسم وبالتالي ممكن ان ترفع مستوى uric acid في الدم
📉ارتفاع uric acid
▪️خضوع الشخص للعلاج الكيميائي
▪️إتباع حميه غذائيه غنيه بالبيورين
▪️اضطرابات في نخاع العظم( سرطان الدم)
▪️الاصابه بقصور الغده الدرقيه
▪️فشل كلوي حاد
▪️داء النقرس الي يسبب نوبات متكرره من التهاب المفاصل
▪️وجود حصى في الكلى
▪️ورم نخاعي متعدد multiple myeloma
📈انخفاضuric acid
▪️الاصابه بمرض Wilson's disease هو ااضطراب وراثي يؤدي الى تجمع نحاس في انسجه الجسم
▪️الإصابة بمتلازمة fanconi syndrome اضطرابات في الكلى بسبب الإصابة بداء السيستيني cystinosis
▪️ إدمان الكحول
▪️الإصابة بامراض الكبد أو الكلى
💢 #الاسباب
السبب الرئيسي هو تناول كميات كبيرة من البروتين لكن توجد اسباب اخرى👇
▪️تحطم الخلايا اثناءالمعالجه الكيميائية او الشعاعيه لمرضى السرطان
▪️بعض الادويه مثل المدررات وادويه السل
▪️أمراض الغده الدرقيه
▪️الامراض أو الحالات الوراثية
▪️الإصابة بمتلازمة داون
💢تحليل uric acid يحتاج صيام اربع ساعات تقريبا قبل الفحص
💊الادويه التي تؤثر على uric acid
الكحوليات
الادويةمثل الاسبرين Bufferin
الايبوبروفين Motrin IB
الاشعة بالصبغة
معمل العرب
01149958611
08/03/2025
علامات جرثومة المعدة 🐛
تعيش جرثومة المعدة ( Helicobacter pylori ) في جدار معدة المصاب تحديداً بطانة المعدة الداخلية . و يمكن أن تعيش جرثومة المعدة داخل بطانة المعدة فترة طويلة من دون ان تظهر أية أعراض لها ، إلا أنَّها قد تتسبب فيما بعد للبعض بأمراض مثل التهاب المعدة ( Gastritis ) و / أو القرحة المعدية ( Gastric ulcer )
#يمكن أن تنتقل جرثومة المعدة للإنسان من خلال الفم🤕 إما عن طريق الإصابة بالعدوى من شخص آخر مصاب عن طريق العطاس🤤 ، وأما بالنسبة للطريقة الأخرى و الأكثر شيوعاً للإصابة بجرثومة المعدة عن طريق الطعام و الشراب الملوث بها كالخضار و الفاكهة غير المغسولة جيداً🍏🍊🍎🍉 .
#الأعراض و العلامات التي تنتج عنها ترتبط بالأعراض الناتجة عن الإصابة بالتهاب المعدة 🔥 و / أو القرحة المعدية ، و من هذه الأعراض : الشعور بآلام في منطقة البطن 🥴 و تحديداً عندما تكون غير ممتلئة و غالباً ما يذهب هذا الشعور بعد تناول الطعام. يشعر المصاب أيضاً بحموضة المعدة 🔥🔥و قد تؤدي إلى حدوث ما يعرف بالإرتجاع المريئي🤒
الشعور بالغثيان و الرغبة في التقيؤ 🤮و أحياناً ما يصاحب القيء خروج الدم. قد يصيب البعض فقدان الشهية و خسارة في الوزن ، قد يصاحب ذلك شعور المصاب بالجوع في الصباح الباكر ، قد يكون البراز غامق اللون ، قد يظهر للمريض رائحة فم كريهة و قوية و كما قد يصاب المريض بالخمول و الوهن . من المضاعفات الخطيرة التي قد تحدث للمريض نتيجة جرثومة المعدة هو كما ذكرنا سابقاً قرحة المعدة بالإضافة للإصابة بقرحة الإثني عشر ، و كما قد تتسبب هذه الجرثومة بحدوث سرطان المعدة
لا يمكن الإكتفاء و الإعتماد على الأعراض فقط لتشخيص وجود الجرثومة فلا بُدَّ من القيام ببعض الفحوصات الطبية للتأكد منها ، و من هذه الفحوصات : فحص #الدم و #البراز
مع تحيات
معمل العرب
01149958611
06/05/2023
العالم شغال بحث علمي في وادي واحنا شغالين في وادي تاني خالص . . .
معلش تعالى إقرأ حاجة من اللي بتبهر وتلف العقل دي:
في نوع من انواع الديدان اسمها ( الديدان المسطحة – Planarian ) ودي بتعيش في المستنقعات والبرك والأنهار وحتى ممكن تلاقيها على الشجر.. يعني بإختصار موجودة في كل حتة تقريبا.. الديدان دي تكوينها مُسطح، ولو قسمتها بالطول لنصفين؛ هتلاقي النص الشمال واليمين متماثلين تماما وعندها جهازين تناسلين ( ذكر وانثى) في نفس الجسد..
طيب احنا ليه بنتكلم عنه هنا برضه؟ هقولك:
زي ما انت عارف ان في انواع كثيرة من الحيوانات لو فقدت عضو من جسدها بتقوم بإنتاجه مرة ثانية في عملية اسمها ( التجدد - regeneration ).. زي مثلًا نجمة البحر – بعض انواع الضفادع و السحالي..
ولكن النوع ده من الديدان عندها خاصية مش موجودة في اي كائن حي على وجه الارض (حاليًا) وهي:
إن خاصية التجدد مش مقتصرة فقط على الأعضاء المفقودة لأ:
الديدان دي لو قطعت اي جزء منها سواء الرأس او المنتصف او الذيل هيعيد إنبات باقي الأجزاء اللي خلاها واحدة من أكبر الألغاز العلمية:
هو انك لو حتى قطعتّ أي جزء ولو كان في حجم حبة الأرز من أي جزء في جسدها ( رأس، باطن، رأس) هتلاقي بعد شوية الجزء ده اصبح دودة كاملة بعينين ورأس وجميع اجزائها العصبية والخلوية..
العملية دي كانت محيّرة كل العلماء في جميع انحاء العالم لإن ده الكائن الوحيد اللي عملية التجدد بتشمل كامل الجسد وتحديدًا الرأس!!
وسبب الحيرة هو ان طبيعي اي كائن حي بيكون عبارة مجموعة من التجارب والخبرات اللي بتشكل سلوكه في تحصيل الطعام والدفاع عن نفسه.. طيب بالنسبة للدودة المُعاد إنتاجها دي هل بتكون نسخة من الجديد للكائن الاصلي من حيث السلوك ولا بيكون كأنه لسه مولود؟
وعلشان يجاوبوا على السؤال ده اثنين علماء امريكان" قاموا بتجربة رائعة ونشروا نتيجة البحث في مجلة شهيرة لعلوم الأحياء وهي " The Journal of Experimental Biology ..
في البداية جابوا مجموعة من الديدان وعرضوها لحاجة هما بينفروا منها -فطريا- الا وهي الضوء..
وبدؤا يطوروا اسلوب يخلوا بيه الديدان تتصرف عكس طبيعتها؛ بإنها تتعود على الضوء وتالفه وعلشان يوصلوا للنتيجة دي وضعوا ليهم الطعام بالقرب من مصدر للضوء علشان يوصلوا ليه لازم يعبروا من خلال متاهة، ومع مرور الوقت وزوال الرهبة بالفعل الديدان بعد فترة قِدرت تمشي فالمتاهة بسرعة، ومش بس كده دي اعتادت الضوء واصبحت مش بتخاف منه..
بعد كده أخذوا الديدان اللي اتعودت على الضوء دي وقطعوها لنصفين: نصف فيه الذيل ونصف فيه الرأس وبعد 14 يوم كل جزء اصبح دودة كاملة.. وراحوا واخدين الديدان اللي نبتت من الذيل المقطوع ( يعني الديدان الجديدة ) وقاموا بتعريضها للضوء بإعتباره خوف فطري يعني المفروض بيتولد معاهم.. والمُبهر بقى ان الديدان الجديدة دي لاحظوا انها هي كمان مش بتخاف من الضوء وقدروا يعبروا المتاهة في زمن أقل من اللي لم يتم تدريبهم..
طيب معناه ايه الكلام ده؟
التجربة اثبتت ان مش بس الديدان بتعيد انتاج جسدها بالكامل من مجرد جزء صغير ( اي جزء مهما كان صغير) لا.. دول بينقلوا كمان الذاكرة ( عن طريق الحبال العصبية) يعني كل جزء في الدودة عنده نسخة من الحمض النووي ( Memorial RNA ) للدودة الأصل.. واستنتجوا من ده انها مش مجرد نسخة في الشكل والتكوين؛ دول بينقلوا نسخة من الذكريات السابقة..
طيب عارف ده بيحصل ليه؟
الديدان دي بطبيعتها ( في معظم الأحيان) حجمها صغير، وتكوينها الفسيولوجي والجسماني ضعيف جدًا، ومعندهاش اي وسائل دفاعية زي بعض الحيوانات الصغيرة حجمًا.. بالإضافة لإنها بتكون موجودة في اماكن مُعرضة فيها للخطر، فتقوم ناقلة مع الديدان الجديدة الذاكرة علشان تقدر تتجنب الأخطار المُحيطة بدل متتفاجئ بحاجات لم تتعلمها بالتجربة زي اقرانها..
لو انت لسه مش متخيل اهمية الموضوع ده، فلازم تعرف انهم حاليا بيحاولوا يعرفوا الجين المسؤول عن إعادة الإنبات، علشان يكون نواة يقدروا يستفيدوا منها على البشر الذين فقدوا اعضائهم في الحوادث والحروب.. يعني تخيل شاب أُصيب بفقد لأحد أطرافه، فياخد حقنة او يتعرض لمُحفزّ ما، فيعيد إنبات الجزء المفقودة..
طيب معلش تأمل كده: جيش من العلماء في كل انحاء العالم من جميع الجنسيات ، بما فيهم وكالة "ناسا" اللي شغالة على مشروع لدراسة النوع ده من الديدان، وأخذت عينات منهم بالفعل معاها للفضاء لدارسة امكانية الإستعانة بقدرتها في علاج الإصابات والجروح لرواد الفضاء عن طريق دراسة قدرتها على التجدد..
تخيّل كل دول مكرّسين اموالهم وجهودهم علشان يقدروا يعرفوا حقيقة واحدة فطرية عند كائن طوله ممكن لا يتعدى سنتيمتر واحد -في أغلب الأحيان-، وهو نفسه مش مُدرك انها بتحصله..
وتخيل الطفرة والقفزة الطبية والعلمية اللي هنسفيد منها كبشر لو ده حصل..
*طالما وصلت للسطر ده فمش فاضل غير انك تشارك المعلومة مع الناس عندك خليهم يستفادوا.. ومفيش مانع انك تنادي على اصحابك المهتمين بالنوع ده من الإعجاز..
Be the first to know and let us send you an email when معمل العرب للتحاليل الطبيه posts news and promotions. Your email address will not be used for any other purpose, and you can unsubscribe at any time.
