Dr \ Dalia lbrahim

09/12/2025

لقد حصلتُ على ما يزيد عن ‏٥٠‏ من التفاعلات على منشوراتي الأسبوع الماضي! شكرًا للجميع على الدعم! ‏🎉‏

03/12/2025

🎓 إلى كل معلم مخلص 📚
لا تنتظر التصفيق ، 👏
فالأثر أعمق من الصوت .
الإخلاص هو القيمة🔥
التي لا تُشترى ولا تُفرض .
قد لا تجد من يشكرك
وقد تُرهق جسديًا ...
لكن حين ترى طالبًا يكتب جملة صحيحة ،
أو يفهم فكرة لأول مرة ،
أو يبتسم لأنه شعر بالأمان في حصتك ...
فاعلم أن هذا هو " الراتب الحقيقي "
الذي لا يُخصم و لا يُؤجل .
🧠 الإخلاص ليس أن تعمل كثيرًا ،
بل أن تعمل بقلبك .
💬 ليس أن تشرح الدرس ، بل أن تزرع أثرًا .
🕊️ ليس أن تُعاقب ، بل أن تُربّي .
لكل معلم يزرع في أرضٍ لا تُروى
إلا بالصبر ... أنت تبني وطنًا ،🥰
حتى لو لم تُذكر في نشيده 💥..

كوكى فى قلبى فى حته تانيه ❤️‍🩹 احلى حضن واحلى كلمة بحبك دكتور داليا بسمعها من احلى ظابط بحريه 🥰

23/05/2025

تحت شعار المؤتمر معا نستطيع 🦾🫴 أود أن أقول إن الاعاقة الذهنية والاعاقه الجسدية ليست إعاقة ذهنية اوجسمية بل إن الاعاقة الحقيقة هيا إعاقة الفكر لذلك يجب علينا أن تمحى امية إعاقة الفكر وليس محو أمية القراءة والكتابة فقط ودى وجهة نظرى 🌹

09/05/2025

تم بفضل الله أمس تفعيل كورس
Good touch and Bad touch 🌝🌚
وإليكم بعض النصائح للماميز لتطبيقها مع فهم اولادنا للكورس 🙏🌹

02/05/2025

"قضية ياسين مش مجرد حادثة دي صرخة محتاجة كل بيت يسمعها"🫵🏻
🔮 اللي حصل مع الطفل ياسين في مدرسته مش بس جريمة بشعة، ده جرس إنذار لازم يصحّي كل أم وأب ومُربّي. ياسين مش أول طفل يُعتدى عليه، لكنه كان من القلائل اللي قدروا يتكلموا.وده في حد ذاته معجزة.🤏🏻

⭕ السؤال الأهم: إزاي نربي أولادنا بحيث نمنع أو على الأقل نقلل فرص حدوث التحرش❓
💡فيه 3 محاور أساسية لازم نشتغل عليها:
1⃣ - التربية الجنسية المبكرة (الآمنة والمناسبة للسن)
كلمة "أعضاء خاصة" لازم تكون مفهومة من عمر 3 سنوات. نعلّم الطفل إنه جسده ملكه، وإن في أماكن محدش ينفع يلمسها، مهما كانت درجة القرب⚠️

2⃣التواصل المفتوح والثقة:
الطفل مش هييجي يحكي لو حس إنك هتصرخ، أو هتقوله "انت كذاب"، أو "أكيد انت اللي غلطان". لازم نخلق بيئة فيها أمان عاطفي، فيها سؤال يومي: "مين صاحبك النهاردة؟ حصل حاجة ضايقتك؟ حسّيت بالخوف من حد؟"
التواصل مش واجب، ده خط الأمان الوحيد✅

3⃣تربية على الوعي مش على الطاعة العمياء:
علم ابنك إن احترام الكبار لا يعني الطاعة المطلقة. "لو حد كبير طلب منك حاجة بتحس إنها غلط، قول لأ وتعالى احكيلي".
⬅️اللي اعتدى على ياسين كان شخص له سلطة ومكانة داخل المدرسة -وده يخلينا نعيد التفكير في فكرة "ما تعاندش الكبار" ونستبدلها بـ"اسمع إحساسك، وتعالى احكيلي".
أعراض ما بعد الصدمة (PTSD) مش بتروح لوحدها. طفل اتعرض لتحرش ممكن يتغير فجأة:
⬇️⬇️⬇️⬇️⬇️⬇️⬇️
🔴 يبلل نفسه بعد ما كان اتعلم الحمام
🔴 يخاف ينام لوحده
🔴 ينطوي أو ينعزل
🔴 يتكلم عن الموت أو يظهر عليه اكتئاب
🔘 كل دي علامات لازم نتعامل معاها بوعي وسرعة، سواء بالاحتواء العاطفي أو اللجوء لمعالج نفسي مختص.👩‍⚕

💌رسالة لكل أم وأب: ابنك مش صغير على الوعي، لكن ممكن يكون كبير جدًا على الصمت.🤐
قضية ياسين كانت ممكن تندفن، لولا أم عندها وعي وصبر وكرامة.💪🏻
كوني صوت ابنك واحميه مش بس بُحبك، لكن بعلمك ووعيك📢
💟 *لمزيد عن الصحة النفسية والجسدية تواصل معنا 👇

د.داليا ابراهيم/ استشارى التربية الخاصة والحاصلة على شهادة الايزو تعديل السلوك صحة نفسية. ارشاد اسرى. تخاطب صعوبات التعلم

17/04/2025