What are the opening hours?

Monday 9am - 11am 10pm - 12pm Tuesday 9am - 11am 10pm - 12pm Wednesday 9am - 11am 10pm - 12pm Thursday 9am - 11am 10pm - 12pm Saturday 9am - 11am 10pm - 12pm Sunday 9am - 11am 10pm - 12pm

https://www.facebook.com/596962137154455/

Reham Elbarqawy, Cairo (2026)

09/11/2025

صباح الياسمين من أرض الياسمين
يومكم حلو وسعيد

25/10/2025

أول مرة أدخل مسرح في حياتي كنت لما اشتغلت مدرسة وطلعت رحلة مع المدرسة للمسرح وحقيقي مش فاكرة اول مرة كانت ولا واحد فيهم قبل التاني
طبعا فى مسرح البالون انبهرت بأننا جوا بالونة كبيرة جدا وفى مسرح السلام كنا قاعدين بلكون وشوفت وقتها مي عبدالنبي القمر تلك الفاتنة التي أعشقها منذ الصغر وكنت منبهرة جدا بالأجواء العشرينات بقى والواحد صغنن ولاقيت جو تاني خالص اينعم كانت مسرحيات أطفال بس زرعت فيا حاجه لأننا اتربينا على الفرجه على المسرحيات فى العيد العيال كبرت والمتزوجون الراعي الرسمي للعيد وطبعا مسرحيات زمان الاخمسة وسيدتي الجميلة ونمرة اتنين يكسب ولو قولنا من هنا للصبح يكفي اننا نقول مسرحيات الاستاذ كلها وهالو شلبي ويااااااااه على الجمال مسرح فؤاد المهندس وعبدالمنعم مدبولي وغيرهم من عمالقة المسرح
كبرنا ودخلت مسرحية #الخيميائي واستمتعت بيها لدرجة اني دخلتها تاني واتبرعت اني اصورها وقعدت مع المخرج وصورتها كاملة فيديو وفاكرة اني جبت ترابيود تاني فكنت بصور باتنين ترايبود واديت الكاميرا بتاعتي وقتها للمصور بتاعهم واكتفيت اني اصور بالموبايل كنت مستمتعه أيما استمتاع
نيجي بقى على التغير اللي حصلي وعشقي للمسرح ومدي عشقي ليه اللي اتولد على في دار الأوبرا المصرية لما روحت بدعوة من صديقتي وحبيبتي المخرجة الجميلة مروة رضوان كانت بتخرج مسرحيه وروحت البروفات وحضرت الكواليس وشوفت التعب والمعاناة وشوفت الجمال وكنت بصورهم فى اوضهم وفى الكواليس وطبعا بفضل ربنا سبحانه وتعالى وبطلب من حبيبة قلبي مروة صورت الافيش اللي أتعرض على باب المسرح وقتها اول ما شوفت الافيش كلمتها بقولها دا تصوير مين قالتلي مين كان بيصور قولتلها انا وإسلام قالتلي اسلام في الصورة يبقى مين اللي صور قولتلها انا قالتلي يبقى خلاص وقتها انا صرخت من الفرحه صوتي جاب بتوع الأمن من على البوابة وصورت العرض وحضرته تاني لما دخل المهرجان كان امتاع مش فاكرة حضرته كام مرة الحقيقه بس حضرته كتير اوي وبعد كدا ربنا استجاب لامنيتي وحضرت حفلة عمر خيرت في بدار الأوبرا يوم عيد ميلادي ودا كان أجمل عيد ميلاد قضيته بعد تعب سنين طويلة قولت لنفسي كل سنة وانا طيبة بطريقه عملية اني حققت أمنيه كان نفسي اعملها طول عمري
دلوقت بيعمل عظمة بيقدم مسرحية من أمتع ما يمكن
المسرحيه دي اتقدمت على مدار سنين طويلة وكل مرة الكاست بيتغير وبنشوف إبداع متنوع كانت بسوسن بدر وفاروق الفيشاوي وأحمد سلامه طبعا انا عرفت تاريخ المسرحيه من ناس جميلة حكت عنها وانهم شافوها بالكاست القديم دا في ناس دخلت المسرحيه دي ١٢ مرة على مدار سنين
وطبعا مأسعدنيش الحظ اني اشوفها قبل كدا ولامرة بس اسعدني الحظ اني اشوفها في العرض الجديد اشوف ظلم الأب لبنته وانتقام الرب منه لهذا الظلم فى عقوق من فضلهم عليها القصة جميلة وممتعه فيها ظلم بين من آباء لابناء أشد حبا من اللي موجودين معاهم علشان الدنيا تدور ويعقوهم من ظلموا من أجلهم من كانوا يحبونهم بنشوف الخسه والندالة والوقيعه بين الأخ واخوة علشان يفوز بجاه وملك زائف بنشوف العقوق جزاء لظلم اوقعوه بمن أحبوهم بصدق
عادلة هي الدنيا حين تدور
يمكن زمان لو كنت شوفتها مكنتش هتلمسني زي دلوقت النضج النفسي عليه عامل طبعا في إدراك ماوراء الكلمات والسطور
على المسرح ستجد دنيا
وفي الدنيا ستجد المسرح
فما الدنيا إلا مسرح كبير
وما المسرح إلا دنيا صغيرة
👑 الملك لير 👑
رائعة شكسبير
الآن على المسرح القومي
يارب بس تلاقوا تذاكر
أو خلوا حد يعزمكم عليها أسهل
المسرحية متاحة على اليوتيوب بالفنان القدير أشرف عبدالغفور رحمة الله عليه

24/10/2025

دا فيلم مصنف انه رعب وطبعا حقهم بصراحه كفاية عادل أدهم
لو اتفرجت على الفيلم
أو لسه متفرجتش فأنصحك تتفرج عليه بالنهار وسط ناس لو بتخاف لو قلبك جامد هو مش رعب اوي هو في حتت كدا تخليك تسأل نفسك سؤال مهم
ايه اللي يخلي زوج بيدعي حب زوجته يعمل فيها كدا ما الدافع يا لويزا؟ على رأي ست فرجينيا
المهم
ماعلينا
نكمل
الفيلم بيبدأ بحادث غريبة من نوعها زوج مش موجود وبنت قاعدة مع ابوها ويتهجم عليها ناس يغتصبوها أدام ابوها اللي بيقتل نفسه أدام بنته لانه معرفش يحميها
طبعا هى بتنهار نفسيا اغ**اب وابوها يقتل نفسه أدام عنيها فكل دي أحداث كانت صعبه خلتها تنهار نفسيا وبدأت رحلة العلاج النفسي
وتسافر تونس تغير جو مع جوزها وصاحبتها الممرضة اللي قايمه بدورها إلهام شاهين
بتشوف احداث جريمه قتل في الفيلا اللي جنبها وتبلغ الشرطة مرة في التانية في التالته الشرطة بتكبر دماغها دي واحدة مريضه نفسيا
مين بقى كان موجود فى الفيلا المهجورة دي
عادل أدهم اللي انت بتتخيل انه سبب في كل البلاوي اللي بتحصل الا انه ملوش دخل ولا ذنب في اي حاجه بالعكس هو اللي هيسمعلها وهو اللي هيعرف الحقيقه ويدافع عنها
اللي حصل ان جوزها السبب في الناس اللي اغتصبوها واللي أدى ان ابوها قتل نفسه وانهيارها نفسيا وعلشان يكمل باقى السيناريو المدمر اخدها معاه تونس مع عشيقته وشريكته في الجريمه الممرضة اللي مثلوا جرايم القتل في الفيلا المهجورة اللي هو أجرها يعني اجر فيلتين فيلا قعدوا فيها والفيلا التانيه اوهموا مراته يسرا ان بيحصل فيها جرايم قتل علشان تتجنن اكتر ويحجر عليها أو يموتها أو تموت نفسها وياخد فلوسها
هو فى حد ممكن يأذي حد نفسيا كدا ويوهمه بحاجات ملهاش اساس من الصحه عنه علشان يجننه مع الأسف بيحصل كتير وبنشوف نماذج من الضغوط النفسيه بتوصل لمراحل حرجه جدا وهى فى الأصل مكنتش كدا ممكن يكون عندها اضطراب من نوع ما بس مش بالشكل اللي وصلت ليه بعد التعامل مع الشخصيات المريضه دي
المريض النفسي طول ماهو معترف انه عنده مشكلة فدا بيخرجه من دايرة المرض النفسي إلى اضطراب نفسي لانه واعي ان عنده مشكلة عايزة تتعالج
الكارثه بقى في اللي ميعرفش ان عنده مشكلة نفسيه اصلا وبيتعامل باسقاطات وبيطلع عقده النفسيه على اللي حواليه
زي عزت العلايلي اللي طول الفيلم بيحسسك انه الزوج الطيب الحنون اللي مفيش منه اتنين لغاية ما تكتشف في الاخر انه السبب في كل اللي حصل
طيب ماهو ممكن تطلقها عادي
اه بس في الحالة دي مش هورث ومش هعرف اتجوز ست إلهام اللي هو تجنن واحدة علشان تتجوز التانيه ماعلينا
نيجي بقى للراجل الطيب عادل أدهم اللي بيخلص عليهم هما الاتنين الزوج وعشيقته بعد ما الحقيقه بتتعرف ويقولها تبلغ الشرطة اللي بتقولها اقفلى الخط ماهم زهقوا بقى
وبياخد الجثتين ويدفنهم ويزرع ورد لونه اصفر
وبعد ما تسافر يسرا للقاهرة بيروح رئيس الشرطة ويقول لعادل أدهم ريحه الورد حلوة اوي
يقوله ما هو متسبخ صح
مدفون جثتين تحت البستان حضرتك عايز ايه تاني
الفيلم احد الأفلام اللي بتعرض ان ممكن حد يإذيك نفسيا ويكون اقرب الناس إليك لمجرد غرض مريض في نفسه
#الخلاصة
راعي حدودك النفسية وابعد عن أي أذى نفسي ممكن يطولك من اي حد نفسك غالية احميها ودافع عنها بأنك تبعد عن الأذى
دمتم بصحه وعافيه
ريهام البرقاوى

20/10/2025

اللي يعرفني عارف اني بكتب من وانا صغيرة جدا
الموضوع بدأ من قصة اتقطعت ادامى حلفت ستين يمين إني هقرا ومحدش يقرالي حاجه تاني كنت طفلة عنيده اوي
ماعلينا
كبر الموضوع مكنتش بعرف اكتب موضوع تعبير بس كنت بحب اكتب القصه كانوا زمان فى الامتحان يجيبوا قصه وموضوع تعبير فكنت اختار القصه الكلام دا من اولى إعدادى تقريبا وكنا فى مدرسة بنات فكانوا صحباتي ينزلوا يسمعوا مني القصه اللي كتبتها في الامتحان وبداية شراء القصص من بدري اوي من تانية ابتدائي تقريبا ويمكن من قبل كدا الله يرحمه عم علي كان بياخد المصروف ونجمع عنده نجيب قصه لما بدأت فى إعدادى اكتب بقيت اجيب من خالو الله يرحمه القصص والشياطين ال ١٣ وارسين لوبين واجاثا كريستي وطبعا لازم يطلع واحد ظهر مرة واحدة بس هو القاتل الفكرة ان فى كل قصص اجاثا كريستي مرة واحدة بس اللي عرفت فيها القاتل صح فطبعا ارسين لوبين كانت ولاحاجه قصاد الحاجه اجاثا فاول قصه كتبتها كانت مغامرة وليها شفرة كانت ايام الزلزال كنت فى ٣ إعدادى ساعتها
وكبرت الهواية ودخلت مسابقة وانا فى تانية ثانوي وكسبت المركز التاني على مستوى الإدارة النعليميه ساعتها المدرسة انقلبت عليا هي فين ريهام اللي هو في ايه ياجماعه انا اهو اتاريني كسبت وانا معرفش عمري ما هنسى ان عضوية المكتبة كانت لازم أول ما ادخل المدرسة ويخلص كارنية الاستعارة واجدده لدرجه فى ٣ إعدادى أو ٣ ثانوي نش فامرة الحقيقه المدرسة رفضت اخر تجديد قالتلي ذاكرى قولتلها دا اللي بيخليني اذاكر لدرجه خلصت كل القصص والروايات اللي في المكتبة مكنش فاضل غير الكتب المجلدات اللي مقرأتهاش ودي مكنتش بتطلع استعارة
طبعا زي اي طالب مجتهد كنت احط القصة فى الكتاب واقعد اقراها ولما اكتب كنت بكتب بالليل جنب لمبه فى الصالة اقعد فى الأرض اكتب كنت بكتب روايات كان التحدي بالنسبة ليا القصة القصيرة اللقطة تسجل فيها كل حاجه وتتفهم وحصل وبقيت بكتب قصه وشعر ورواية بعطل اه بس بكمل ليا أعمال منشورة الحمدلله مش باسمي عمل كامل من الألف للياء لسه بس فى كتب مجمعه نزلت فيهم اعمالي وطبعا في ديوان شعر منشور باسمي، اشتغلت في الصحافه ومواضيع بحالها نزلت باسمي حصل والحمدلله

القراءة خلت في حصيله لغوية لدرجه مش بلاقي كلام بالعاميه يوصف اللي عايزاه
ساعة المناقشة أحد المناقشين قالتلي كتابتك تميل إلى الأدبية ودا واضح فى الإهداء أوي
الإهداء دا كان خاص بجدي اللي كنت اتمنى يكون حاضر اللحظة دي اللي إلى الآن كنت اتمنى انه يبقى موجود على الأقل كانت حاجات كتير اوي اتغيرت في حياتي
لحظة واحدة
البوست دا ليه
وعشان ايه
مش هنتعرف عليكي
البوست دا علشان أقولك أهمية القراءة ليك ولاولادك
القراءة بتعمل حصيلة لغوية
بتكون مفردات
بتنمي مهارات
أحد طرق العلاج
العلاج بالكتابة
تخيل بقى انك تكتب وجعك في صورة قصه
تكتب مشاعرك في رواية
تنقل احساسك على الورق تخليه صاحي ادامك والأهم انك وانت بترسم على الورق بالكلمات هتلاقي الحل
حل مشكلتك اللي مش لاقيلها حل
سامعك ياللي بتقول كدا هتدي الموضوع طاقة وهيكبر اكتر
نسيت حضرتك لما انا قولت بعدها على طول انك هتلاقي الحل
حقيقي انك لما بتكتب مشاعرك واحساسك بتزود طاقته لان الكلام ليه طاقة طب ازاي بقى هعالج اقولك إزاي
الخطوات
الخطوات اللي بتمشي عليها مش إنك تكتب وتحرق وبس دي خطوة لكن فى خطوات تانيه كتير بنكتشفها لما بتكتب بالطرق المختلفه عن طريق إجابة أسئلة محددة بعينها
من ضمن الحالات اللي عالجتها بالكتابة ودي اخدت يوم كامل كانت حالة اكتئاب شديد يوم كامل مش بعمل حاجه غير انى أسأل سؤال نص ساعه نكتب ونكمل فى اخر اليوم كان الموضوع فارق جدا بدرجه مذهله اول ما خلصت المكالمه انا حمدت ربنا على طولة بالي بصراحه
فالكتابة مش بس تفريغ مشاعر
مش بس هواية
دي طريقه علاج
وأسلوب حياة

20/10/2025

مفيش أجمل من إنك تطيب خاطر طفل بيتكلم لغة مختلفة عن اللي حواليه وبعيد عن بلده وحاسس إنه غريب ومحتاج يطمن وان شكوته تتاخد بعين الاعتبار انك تقوله انا اسف وحقك عليا انا ومتزعلش وتاخده في حضنك بالدنيا واللي فيها ان ميهنش عليك دمعته وتفضل وراه لغاية ما يديك أحلى حضن دي بالدنيا واللي فيها فعلا
والله مصر بيتنا الكبير
أتا فخورة إن البلد دي بلدي
مش مهم يتقال عليك إنك بتدلع العيال الصغيرة
أعيش وادلع المهم محدش يعيط عشان حاجه عبيطه حتى لو هقول مليون اسفه على حاجه معملتهاش بس الدنيا كلها متستاهلش دمعه طفل
الأطفال بيحسوا بغربة وخصوصا لو لغتهم مختلفه
الأطفال احباب الله ربنا يحفظهم ويبارك فيهم

16/10/2025

أول ما اشتغلت في مهنة التدريس وقعني حظي الحلو اني قابلت مدرس اللغة العربية بتاعي وأنا في إعدادي أستاذي الفاضل أستاذ خلف ربنا يديله الصحة والعافية ساعتها كنت موجودة عند ناس وهو بيدي درس ولما خلص جريت وراه حافيه علشان أسلم عليه فلما سألني بتشتغلي ايه كان وقتها بقالي كذا سنة في المهنة فقولتله مدرسة قالي جملة عمري ماهنساها قالي زميلة يعني وقتها قولتله العين عمرها ما تعلى على الحاجب
في ناس بتعلي منك فتقوم انت تتواضع ليها اكتر من تواضعها معاك وتفتكرها دايما بكل خير ربنا يشفيه ويعافيه يارب ويرزقه الصحه والعافيه هو آخر مرة شوفته من كام شهر كان عيان وجع قلبي عليه بصراحه ربنا يرزقه الصحه والعافيه كفاية اني بفتخر اني تلميذته إلى الآن وليا الشرف طبعا
الناس الحلوة دي كانت عارفه انها لما بتكبرك فهي بتكبر نفسها
طب انا بقول الكلام دا ليه دلوقت
لان في شخصية لطيفة جدا فوجئت بيها النهاردة بتقول كلام هو المفروض نقد بس من حلاوة التوجيه انت عايز تقوم تعمل انت الحاجه بنفسك الله على الرقي والكلام الحلو
فاكرين طريقة الساندوتش
شاطر وشاطر وبينهما مشطور
عايز تقول كلام فى نقد فى توجيه فى لوم فيه اي حاجه قولها بين حاجتين حلوين فاللي ادامك هيتقبل التوجيه والنقد واللوم لان الطريقه تفرق كتير.
مفيش بني آدم في الدنيا مفيهوش حاجه واحدة على الأقل حلوة كلنا فينا حاجات حلوة زي ما فينا حاجات وحشه بس فيه اللي قرر يشوف الوحش بس فمهما عملت من حلو هو مش شايفه وبيعمل اسقاطات فظيعه وانفعالاته مبالغ فيها زيادة عن اللزوم ودا ممكن يكون راجع لأنك عامله تريجر مثلا وفي ناس قررت تشوف الحلو اللي جواك وتغاضت عن الوحش وبتوجهك تصلحه إزاي بطريقه راقيه
وعلى رأي الجميل شكوكو
حلو الحلو بكل خصاله الا دلاله ميعجبنيش
قالوا بيهجر قولت وماله يهجر يهجر بس يعيش
حلو الحلو مفيهش وحاشه غير بيوعد ولا يوفيش دا اللي فتح قلبي بطفاشه ثم قابلني مكلمنيش
كلمات لو حسبتها وشوفتها من زاوية شكوكو
هو قرر انه يشوف الحلو
رغم انه مبهدله مخاصمه ومش بيكلمه بس هو حلو
حتى بيهجره مفيش مشكله بس يعيش
هو قرر يشوف الحلو
ياترى انت كمان هتقرر تشوف ايه
يومكم حلو وسعيد
ريهام البرقاوى

15/10/2025

فى ناس كتير لما بتبعد بتعرف قيمة الحاجه اللي كانت معاها بتكون عايزة ترجع بس في وجع فتبعد وتبعد اكتر وتمر سنين وممكن سوء التفاهم دا كان يخلص فى قاعدة بس فى ناس بتخاف من العتاب وفي ناس بتحب العتاب عشان تصفي في ناس تجربتها المرضيه خلاها مش فاهمه هي بتعمل ايه وبتبوظ حياتها إزاي وعلاقتها إزاي في ناس دمرت حياتها ووقفت بعيد تتفرج
كل اللي بيحصل ان بيجيلك وقت بتحصلك صحوة
قلم بتاخده على غفله يتولك بتقف بعدها تقول
لحظة
هو ايه اللي بيحصل
هو مين بيودي على فين
هو انا مين
هو ايه دا
طبعا عقلك مبيقدرش يستوعب كل دا فيعمل الحاجه الوحيدة اللي بيعرفها يهرب
بالنوم ممكن يشغل نفسه يجوز ميفكرش احتمال يعمل شششششششش زي التليفزيون زمان وارد المهم انه يهرب
ومع اول مواجهه بتلاقي شوية حاجات كدا بدأت تنور هي كانت فين هي كانت مستخبيه عشان تاخد القلم دا عشان تفوق
عشان السكة دي مش سكتك
عشان الطريق دا مش طريقك
يارب انا صليت استخارة
ايوة وربنا يسرها بس عشان تفوق
علشان تعرف أنت ايه تحديدا
انت مخلوق لهدف ولما بعدت عنه توهت
فوقت
رجعت
طيب ياسيدي هتتيسر فى حتة تانيه ومن اول وجديد
يالا نبدأ بسم الله
بس انا كبرت
مش مهم
انا توهت
المهم انك رجعت
انا اتوجعت
عند ربنا
في وفي وفي
بسسسسسسس
قول ورايا وأفوض أمري إلى الله إن الله بصير بالعباد
اهدا
ارجع تاني نقطة ومن اول السطر
انا عايز اعاتبهم
لا
انا عايز اقول انهم وحشوني
قول
انا عايز اشوفهم
كفاية انك شايفهم بقلبك
انا
ششششششششش
قول ورايا
كل سنة وأنتم أينما كنتم في صحة وسعادة وهنا
كل سنة وأنتم طيبين
بس كدا
بس كدا
كفاية انك كنت مبسوط وانت معاهم
وكفاية إن اللي حسيته عمرك ماحسيته فى حياتك
الحلو والوحش
نفتكر الحلو بقى ونركن الوحش العمر مش مستحمل
ايه اللي اتغير
القلم اللي جه من ناس الله يسامحهم
خلى الواحد عرف هو مين
عشان كدا
أوعى تتوه عن نفسك مهما حصل
ولو توهت اعرف انك هتاخد قلم من حيث لاتحتسب
وافتكر إن مع القلم دا هتلاقي ربنا في ساعتها بيطبطب عليك مش بعدها في ساعتها وقتي

أسأل نفسك ياترى هحاول علشان الحاجه اللي بحبها وأبدأ من حديد
وافتكر انك تحب نفسك وتحاول علشانها
دمتم طيبين وبسعاده وهنا
ريهام البرقاوى

13/10/2025

دا فيلم قديم من الستينات بطولة جيمس جارنر ورود تايلور بيحكي عن ضابط أمريكي هيحط خطة نورماندي وهيتجرح من الخريطة جرح صغير جدا شكة دبوس مش متلاحظه المهم الألمان هيعملوا خطة لطيفه جدا هيخدوه ويخدروه ويعملوا زي ذاكرة مشوهه كدا ليه والبوم صور وافلام وقصه كبيرة سعادتك علشان يوهموه ان الحرب خلصت وايه خطة نورماندي بالضبط كان الإنزال هيكون من هناك ويمكن دا سبب ان أمريكا كسبت الحرب إلى جانب قنبلة هيروشيما طبعا
ماعلينا
الخطة فعلا كانت ناجحه جيمس جارنر كان اقتنع ان الحرب خلصت وأنه اتجوز والدنيا بيس يامان وزبادي خلاط فعلا لأنهم اوهموه ان عدا كذا سنه فعادي ماشي زي الفل إلى أن......
ندخل بقى بالموسيقى التصويرية.......
🙈🙈🙈
صباعه جه عليه شوية ملح فحرقه
انت متخيل خطة محكمه زي دي تفشل علشان شكة دبوس في صباع محدش خد باله منها
(اصل بالعقل كدا إزاي جرح بقاله يوم لسه موجود وانتوا بتقولوا ان عدا كذا سنه)
طبعا اخينا مسكتش بدأ يوقعهم واحدة واحدة لغاية ماعرف الحقيقه وان كل اللي هو عاش فيه دا مجرد وهم وحيلة ولعبه نفسيه اتعملت عليه صح وهو شرب المقلب لانه كان قالهم الحقيقه فبدأ يلعب عليهم هو كمان لانه مش عارف يهرب والخطة قربت على التنفيذ فعايز يلحق المهم هو فعلا هيقنع القادة بعكس الحقيقه وهيعرف يهرب بس الضابط المسؤول عن خطة اللعبه النفسية هيقوله انه فعلا خطة نورماندي صح وأنه فعلا اقتنع بالوهم واللعبه النفسيه بتاعتهم طبعا محدش هيصدق الضابط الألماني وخصوصا ان دا كان مشروع نفسي هو مقدمه فهيموت نفسه تقريبا (الفيلم اتفرجت عليه من زمان اوي وكويس اني لسه فكراه بصراحه)
الألمان كانوا متفوقين جدا أثناء الحرب فى الالعايب النفسية دي بس رغم تفوقهم معرفوش يكسبوا علشان الغرور افتكروا نفسهم انهم فاهمين وعارفين كل حاجه هتلر هبت منه اوي لغاية ما لبس في حيط
الفيلم دا من الأفلام اللي تشدك اتفرجوا عليه
اينعم حرقتلك القصه بس فيلم حلو
طيب إيه السبب اني قولته وذكرته هنا
اقولك ياسيدي
انك مش شرط تلاقي حد ألماني يمارس الاعيب نفسيه عليك ابسلوتلي
دا ممكن تلاقي اب بيمارس الاعيب نفسيه على مراته وعلى عياله ام نفس القصه صاحب شغل اخ اخت زوج زوجه موظف فكرة الالاعيب النفسيه بتتعمل بشكل لاواعي هتقولي إزاي
هقولك فاكر فيلم أين عقلي بتاع محمود ياسين وسعاد حسني شوفت هو جننها إزاي قرأ كتاب عن اللي كانوا بيعملوه الألمان فى المعتقلين وبدأ ينفذوا عليها طيب فى الواقع ممكن ميكنش قرأ كدا اتفرج على حاجه زي كدا فى ناس بتعمل كدا بالفطرة موهوبين ماشاء الله المان كدا فى نفسهم
المهم خليك واعي ان الكلام اللي بيتقالك والافعال اللي بتحصل معاك ممكن متكنش كلها حقيقيه اسمع صوت تاني غير صوتك وغير صوت اللي قالك كدا أو عمل معاك الموقف دا اسمع أصوات تانيه ناس تانيه وكتير مش واحد ولا اتنين وبلاش اصحابك علشان محدش يطبلك ويطبطب عليك حد متخصص تاني حد بيحلل شخصيات حد واعي تاني وتالت ورابع النفس البشريه معقده ولما بتعمل فعل بيكون فى هدف انت ممكن تضحك على نفسك لكن حد غيرك وكتير مش كل الناس هتضحك عليك هتلاقي حد يقول الحقيقه وهتلاقي اللي يوافقه الرأي
#الخلاصة
الفيلم هنا مش مجرد لعبه هو صدق فعلا انه عاش حياة مش فاكر عنها حاجه بس جرح صغير مش متشاف شكة دبوس رجعته تاني لحقيقته
ياترى بقى شكة الدبوس بتاعتك لاقتها وحستها وشوفتها ولالسه
دور عليها هتلاقيها المهم انك ترجع لحقيقتك
ومش عيب انك تسأل المهم انك توصل
يومكم حلو وسعيد
ريهام

02/10/2025

من كام يوم لاقيت واحدة لطيفة جدا بعتتلى رسالة على الواتس اب خاص هى معايا فى جروب بس استغربت لما لاقتها بعتالي خاص الحقيقه ان كلامها كان جميل جدا لدرجه بكيت من الفرحه حسيت ان ربنا أجرى الكلام دا على لسانها علشان يطمني
كلام مش قادرة اوصفه من حلاوته
حد حس بيك من مجرد كلام انت بتقوله فدخلت خاص تقولى احساسها عني لدرجه بقولها ازاى قالتلي مش إزاي ومعرفش انا ببعتلك ليه بس انا عرفت فهمت ان ربنا حب يطمني حب يقولي انا معاكي حب يقولي اني جنبك مهما كنتي تايهه مهما كنتي خايفه مهما كنتي ايه انا هنا وهبعتلك رسائل تفرحك وتطمن قلبك
فاكرين سيدنا إبراهيم قال ايه لربنا
"قال ربي أرني كيف تحيي الموتى قال أولم تؤمن قال بلى ولكن ليطمئن قلبي"
ربنا مورلوش الأحياء بيكون إزاي بس قاله ادبحهم وحط على كل جبل جزء وناديهم هيجولك طب هو شاف الأحياء لأ طيب هو اتطمن اه إزاي ربنا بعتله إشارة انت دبحتهم بإيدك والمولى عزوجل احياهم بقدرته وبعث الطمأنينة في قلبه
علشان كدا لما تيجي إشارات تطمنك اطمن وآمن بيها ربنا جنبك
لو كان سابك قبل كدا يبقى هيسيبك دلوقت
فكر شوية
حياتك كلها مش ماشيه بلطف ربنا
انت موجود علشان تتعلم درسك
علشان تاخد بالك
بس المهم
اطمن
لسه قلقان
وادي شوية أطفال ياسيدي اول ماشافوك ضحكولك وعايزين يجيوا عليك واول مرة يشوفوك
ها
اطمنت
نام بقى وقول الحمد لله
تصبحوا على خير وسعادة وطمأنينة من المولى عز وجل
ريهام

19/09/2025

طبعا في عظمة بتحصل على المسرح القومي وكل اللي بيروح لازم ينزل بوست طويل عن الملك لير وأداء د/يحي الفخراني وطارق دسوقي والوجوه الجميلة المتميزة
أحمد عثمان بدور (أدموند)
ولقاء علي بدور (كورديليا)
ودور البهلول بيقول حكم بجد مش مجرد مهرج دي الحقيقه المره مع الأسف
وغيرهم كتير
أداء استثنائي
وزحمة غير عادية دليل على أن لسه الذوق العام بخير
نيجي بقى على المهم
الملك لير بتتكلم عن جزأين مهمين جدا
جزء ودا الشائع وهو عقوق الأبناء للآباء
طيب حد خد باله ان فى جزء مهم هو ظلم الآباء للأبناء
الملك ظلم بنته واكتر واحدة بتحبه في بناته وطردها علشان يواجه جزاء ظلمه ليها في عقوق الاتنين التانين وترجع هي في الاخر تبقى جنبه وتموت في سبيل انقاذه
والأمر مقتصرش على الملك لير وبس لأ دا كمان وقع في نفس القصه الدوق وظلم ابنه وطرده وخلى اللي عمل المصيبة والوقيعه اللي بينهم هو المحظي عنده
علشان يتجازى بفعله ويروح نور عنيه واللي يساعده ابنه اللي طرده ويموت وهو في حضن ابنه بعد مايعرف الحقيقه
تخيل كدا معايا كام اب ظلم ابنه أو بنته بدون وجه حق
طيب على الصعيد الاخر كم اب عانى من عقوق أبنائه
هو ليه دا بيحصل
نتيجه الظلم
الكارما
قانون كوني
داين فكما تدين تدان
ربنا قال كدا
فكلمة لكل اب وكل ام
قبل ما تفكر تظلم حد من عيالك افتكر ان دا هيتردلك في عقوق في ظلم
ربنا مش هيسيب الظلم يعدي
المظلوم صاحب حق ودعوته منها للسما من غير حجاب
الملك لير
تناولت العدل الإلهي وهو بيتحقق
على الجانبين
ظلم الأب
وعقوق الابن
واللي بيحصل ان المظلوم هو اللي بيرجع ويساعد في الآخر
تحية لصناع هذا العمل الرائع
أمتعوتنا
اللي متفرجش عليها يلحق يتفرج هيستمتع بيها جدا

16/09/2025

دي صوفيا مكنتش بتجيلي نهائي
وكنت لما أقرب منها تجري بعيد عني
النهاردة فوجئت بيها جتلى وقعدت في حضني لدرجة اني استغربت جدا فكنت بعمل حاجه ونزلتها طلعتلي تاني مبقتش عارفه هي فيها ايه
صوفيا غبر ليو خالص لابتخربش ولابتعض عكس ليو وحبتها اوي وخصوصا انها تعبانه الا ان ليو هو أول قط في حياتي اشيله خلاني احبه رغم انه مؤذي وخربشني وتقيل في نفسه كدا صوفيا ايدي جت ناحيه بقها وهو مفتوح معضتنيش بل بالعكس كانت بتتمسح في أيدي
فكرتي اتغيرت تماما عن الحيوانات
طباعهم زي البشر في ناس أذتك وانت كنت بتحبها زي ليو بس مع الأسف بحبه بردوا
صوفي حبيبتي واحلى حضن في الدنيا

06/09/2025

#الفوبيا
كتير مننا بيكون عنده فوبيا فى كذا حاجه خلونا نتكلم عني مش هقول حالات المرة دي
كان عندي فوبيا من الأماكن المرتفعة
وكان عندي فوبيا من الحيوانات
وعندي فوبيا من شوية حاجات تانيه كتير
ومش لازم اقولهم كلهم علشان محدش ياخدهم ضدي خليهم في سري🙈🙈🙈
المهم مطولش عليكوا قولولي طولي
المرتفعات عالجتها بالصدمة
انا بخاف من المرتفعات فطلعت جبل
وطلعت مأذنة باب زويلة وقعدت فى الأرض واتصورت صورة حلوة جدا تدل عمليا على اني لسه فى حتة بشلن خوف من المرتفعات
نيجي بقى على الحيوانات
اني امسك قط واحضنه وألعب معاه دا كان من رابع المستحيلات وان كلب يعدي من جنبي وعادي دا بردوا مكنش اوبشن عندي
التغيير حصل ان ليو ودا القط اللي في الصورة معايا
جه جنبي وقرب مني واحدة واحدة
حد حاسس ان فيك حاجه وعايز يلفت انتباهك ويخليك تقرب منه بالراحه اينعم دلوقت بقى يعضني ويخربشني المجرم بس دا حبيبي وعلى قلبي زي العسل كفاية اني لما باجي انام بيفضل جنبي لغاية ما ابقى خلاص هروح فى النوم يقوم خلاص عايز يخرج كأنه بيطمني انه موجود لغاية ما انام ويمشي
طيب ليه بقول الكلام دا لأن كتير سألني انت عملتيها إزاي دي لان اي حيوان يقرب مني كنت بخاف جدا حاولت اني أواجه الخوف دا مقدرتش ولما دخلت ماتركس لاقيت الكلبه بتاعتي اللي كنت بربيها وانا صغيرة لما ماتت فى حادثة اتكون عندي انى السبب لاني نسيت اقفل البوابة وطلعت ورايا تدور عليا فلومت نفسي جدا اينعم صلحت المعتقد دا فى الماتركس بس فضل جوايا رفض للحيوانات لكن ليو صلح دا واحدة واحدة فضل جنبي مستني اني ألمسه وألعب معاه لغاية ما خدنا على بعض الحكاية اخدت يوم او يومين تلاته تقريبا وبعدها احنا بقينا أصحاب وحبايب
#الخلاصة
الفوبيا خوف شديد محدش بيحس بيه غيرك لو عايز تغيره اقبله اقبل انك خايف وواحدة واحدة التغيير بيحصل ودا لان التغيير اي تغيير بيكون محتاج وقت فأدي لنفسك فرصة

كلمتين فى سركم ليو واحشني بصراحه
بالمناسبة ليو القط بتاع صاحبتي ومش عايزة تتنازل عنه وانا مفتقداه بقالي يومين مشفتوش
كلمتين في حب ليو
استنونا
البوستات اللي جاية مفاجأة

Reham Elbarqawy

09/11/2025

25/10/2025

24/10/2025

20/10/2025

20/10/2025

16/10/2025

15/10/2025

13/10/2025

02/10/2025

19/09/2025

16/09/2025

06/09/2025

Address

Opening Hours

Telephone

Website

Alerts

Shortcuts

Share

Category

Monday	9am - 11am
	10pm - 12pm
Tuesday	9am - 11am
	10pm - 12pm
Wednesday	9am - 11am
	10pm - 12pm
Thursday	9am - 11am
	10pm - 12pm
Saturday	9am - 11am
	10pm - 12pm
Sunday	9am - 11am
	10pm - 12pm