https://www.facebook.com/598454246694749/

مؤسسة أثر athr foundation, Cairo (2025)

06/11/2025

🎓✨ وجوه من قلب العلم… ومحاضرات تصنع الفرق!
في يوم واحد.. هتكتشفوا علاقة التغذية بالعقل، والمشاعر، والهرمونات، والسكري بمختلف أنواعه.
وسط نخبة من المتخصصين اللي جمعوا بين العلم والخبرة والشغف الحقيقي بالتغيير ❤️

🔹 د. بسنت عبد العليم
أخصائية تغذية معتمدة & Health Coach
باحثة أكاديمية في علوم الأغذية – جامعة عين شمس
مدرب معتمد - جامعة عين شمس
رئيس مجلس أمناء مؤسسة أثر للخدمات الصحية
مؤسسة مبادرة خطوة تغيير

📚 محاضرة بعنوان:
١_"التغذية والعقل والإنسولين.. مثلث التحكم في السكر"
رحلة لفهم العلاقة بين غذائنا، أفكارنا، ومستوى السكر في الدم.
٢_" تكيس المبايض ومقاومة الإنسولين.. الحلقة الخفية في رحلة العلاج
العلاقة بين الهرمونات، الأكل، والعلاج الحقيقي للتكيس."

🔹 د. إيمان راشد
استشاري الصحة العامة والتغذية العلاجية – كلية الطب جامعة الإسكندرية
ماجستير الجلدية والتناسلية – جامعة شبين الكوم
البورد الأمريكي في التجميل اللاجراحي
مدرب دولي معتمد
🎯 محاضرة بعنوان:
"سكر الحمل – كيف نحافظ على صحتك وصحة الجنين"
لأن رحلة الحمل تستحق رعاية واعية، تبدأ من التغذية وتنتهي بالسلامة لكِ ولطفلك 🤰

🔹 د. أمنية الفار
أخصائية تغذية علاجية و"هيلث كوتش" معتمد، خريجة كلية الصيدلة – جامعة القاهرة
🧠 محاضرة بعنوان:
1️⃣ هل ارتفاع السكر مرتبط بالمشاعر وليس الأكل فقط؟
2️⃣ هل هناك علاقة بين ارتفاع السكر والمشاعر؟
هتكتشفوا جانب جديد من علاقة السكر بالنفس والمشاعر اللي كثير منا يغفل عنها.

🔹 د. دنيا شحتة
أخصائية تغذية علاجية، ماجستير التغذية – جامعة القاهرة
👧 محاضرة بعنوان:
"مقاومة الإنسولين عند الأطفال.. ناقوس خطر مبكر"
لأن الوقاية تبدأ من الصغر، والخطر ممكن نتجنبه بالوعي الصحيح.

🔹 د. فاطمة رأفت
Medical chemist
Clincal Nutritionist
Holistic wellbeing coach ICF
Diabetes educator
🧮 ورشة بعنوان:
"الكارب كونتينج – خطوة بخطوة لإدارة السكر بذكاء"
تطبيق عملي يعلمك إزاي تتحكم في سكرك من خلال حساب الكربوهيدرات بطريقة بسيطة.

🔹 د. يوسام لطفي
أخصائي تغذية علاجية
💊 محاضرة بعنوان:
"المكملات بين العلم والدعاية"
هل فعلاً المكملات تعالج السكر؟ أم هي مجرد دعاية على السوشيال ميديا؟
الإجابة عند العلم… لا عند الإعلانات.

🔹د. مي محمد سعيد
Clinical Nutrition and sports Nutrition Specialist
🥄 محاضرة بعنوان:
"السكري النوع الثاني.. رحلة الوقاية تبدأ من المعلقة الأولى"
خطوات بسيطة تعيد التوازن للجسم وتمنع تطور المرض.

📍 يوم علمي بيجمع الخبرة والعلم والوعي في مكان واحد.
كونوا جزء من التجربة، وتأكدوا إن كل محاضرة هتغير نظرتكم للتغذية والسكري للأبد 💫

📅 الجمعة 14 نوفمبر 2025
⏰ من 1 إلى 4 مساءً
📍 مكتبة مصر العامة – الدقي
📞 للحجز: 01149297157

#سمنة #سكري

05/11/2025

🧩كل فترة بيظهر دواء جديد...
وكل مرة المريض يسأل: "هو دا الحل السحري؟"
لكن المرة دي السؤال أكبر، لأن عائلة GLP-1 غيّرت المعادلة فعلًا.

✨ "ثورة علاجية" بيقولوا عليها...
بس هل كلنا فاهمين الثورة دي بمعناها الحقيقي؟
هل فعلاً أدوية GLP-1 هي طريق النجاة من السمنة والسكري؟
ولا مجرد أداة لازم نعرف إزاي نستخدمها صح؟

في الورشة دي هنتعمق سوا في كل التفاصيل اللي بتشغل أي أخصائي تغذية دلوقتي:

🔹 إزاي بتشتغل أدوية GLP-1 فعليًا في الجسم؟
🔹 الفرق بين الأنواع المختلفة وتأثير كل واحدة.
🔹 إزاي يتكامل العلاج الدوائي مع النظام الغذائي؟
🔹 وإزاي ترد علميًا على أسئلة المريض بثقة بدون مبالغة أو تخويف.

📚 ورشة “عائلة GLP-1.. ثورة علاج السمنة والسكري”
هي مش بس شرح علمي... دي مساحة للفهم، للحوار، وللثقة اللي بتخليك تجاوب على أسئلة مرضاك وأنت مطمن.

🎁 والأجمل؟ إنها مجـــــاناً ضمن فعاليات اليوم العالمي للسكري!

📅 الجمعة 14 نوفمبر 2025
⏰ من 1 إلى 4 مساءً
📍 مكتبة مصر العامة – الدقي
📞 للحجز: 01149297157

خليك الأخصائي اللي بيتكلم بلغة العلم…
مش بلغة الترند 💙

#سمنة #سكري

05/11/2025

🔑 هل الكارب كاونتينج (حساب الكربوهيدرات) دايمًا بيحسسك إنه متاهة؟
بتحاول تحسبها صح... بس كل مرة بتتلخبط بين الوجبات، والأوزان، والجداول؟ 😣

لو انت أخصائي تغذية فـ انت
أكيد عديت بالموقف دا قبل كده 👇
تحاول تحسب الكارب في وجبة مريض سكري…
بس الأرقام مش مظبوطة، والمعلومة مش واضحة،
وتفضل تسأل نفسك: “هو أنا ماشي صح ولا لأ؟” 🤔

الحقيقة إن “الكارب كاونتينج” من أكتر الحاجات اللي بتلخبط الأخصائيين،
مش علشان صعب… لكن علشان مفيش حد شرحها بطريقة بسيطة وعملية!

بس الحقيقة إن الحل أبسط مما تتخيل.
ورشة “فُك شفرة الكارب كاونتينج” هتخليك تمسك الخيط خطوة بخطوة،👏
من أول فهم الكارب في كل نوع أكل، لحد التطبيق العملي على حالات حقيقية.🔍☝️

هنتعلم مع بعض:
🍽️ إزاي نحسب الكارب بسهولة ودقة.
💉 إزاي نربط بين الكارب والأنسولين والنشاط البدني.
🧮 إزاي نحول الأرقام المعقدة لأدوات بسيطة تستخدمها مع أي مريض.
✨ والأهم: إزاي تكتسب الثقة إنك فعلاً قادر تتحكم وتفهم، مش تحفظ وتكرر.

🎓 الورشة دي جزء من إيفنت اليوم العالمي للسكري 2025 اللي بتنظمه مؤسسة أثر،
ومجـــــــــــــانًا 🎉
علشان هدفنا إن كل أخصائي يخرج من الورشة وهو “فاهم مش حافظ” 💪

📅 الجمعة 14 نوفمبر 2025
⏰ من 1 لـ 4 مساءً
📍 مكتبة مصر العامة - الدقي

📞 للحجز والتفاصيل:
01149297157

🚨 الأماكن محدودة جدًا، احجز مكانك دلوقتي قبل ما تفوتك الفرصة تكون من الأوائل اللي فكّوا شفرة الكارب كاونتينج 🔑

04/11/2025

تحية خاصة لأحدث المتابعين لي! يسرني انضمامك! Manar Sheta, Nancy Mohammed, Ãmera Salama, Dina Khalil, Rone Ahmed, Nutritionist Nourhan, Gana Ibrahim, Kholod Reda, Salma Sakr, Dera Naturalcosmetics, صالحة الجوهري, Gannah Farghaly, Sama Muhammad, Koka Kh Elhasi

04/11/2025

💙 خسارة الوزن VS السكري
هل فعلاً خسارة الوزن ممكن تغيّر مسار مرض السكري؟
الإجابة: نعم، وبطريقة أعمق مما تتخيل.

📊 زيادة الوزن مش مجرد رقم،
دي حالة بيبدأ فيها الجسم يفقد قدرته على التعامل الطبيعي مع الأنسولين.
الدهون — خصوصًا الدهون الحشوية (الداخلية) اللي بتتجمع حوالين الأعضاء — بتقلل من حساسية الخلايا للأنسولين.
وده اللي بيخلي السكر في الدم يرتفع، ويبدأ الجسم يدخل في مرحلة مقاومة الأنسولين، وهي الباب الأول نحو النوع التاني من السكري.

✨ لكن الجميل في القصة دي إن الاتجاه مش دايمًا واحد.
العلم أثبت إن فقدان حتى 5 إلى 10٪ من الوزن الكلي ممكن يحقق نتائج مبهرة:

يحسّن حساسية الخلايا للأنسولين.✅

يقلل الدهون الحشوية الضارة.✅

يخفض السكر التراكمي (HbA1c).✅

وفي بعض الحالات، يوصل المريض إلى حالة من الهدأة (Remission)، يعني تحكّم ممتاز في السكر بدون أدوية — طالما استمر نمط الحياة الصحي.👏

🎯 وعلشان توصل للمرحلة دي، السر مش في "الدايت"،
السر في الاستمرارية والوعي:

🍽️ ابدأ من طبقك:

قلل السكريات المضافة خطوة بخطوة.✅

اختار الحبوب الكاملة بدل المكررة.✅

خلي الخضار جزء أساسي من كل وجبة.✅

نوّع بين البروتينات:🐔

الدواجن والبيض.✅

الأسماك زي السلمون الغني بالأوميغا-3 اللي بيقلل الالتهابات.✅

والبروتينات النباتية زي الفول والحمص والعدس.✅

🚶 حرّك جسمك بذكاء:
المشي اليومي 20-30 دقيقة بداية ممتازة،
لكن إضافة تمارين المقاومة (زي رفع الأوزان الخفيفة أو تمارين وزن الجسم) بتفرق جدًا لأنها تبني عضل،
والعضل هو "المصرف الطبيعي" للجلوكوز في جسمك.

💧 واهتم بالماء والنوم:
قلة النوم أو الجفاف ممكن ترفع السكر حتى من غير أكل.

والأهم:
التعامل مع السكري مش حرب… هو رحلة وعي.
كل وجبة متزنة، وكل خطوة مشي، وكل ساعة نوم كافية — هي خطوة ناحية توازن وسلام داخلي.

في مؤسسة أثر، إحنا مؤمنين إن الوعي مش رفاهية،
بل هو الدواء الأول.✅🎖️
عشان كده بنسعى نخلق جسر بين العلم والإنسان — بين البيانات الطبية وحياة الشخص اليومية.
لأننا مؤمنين إن التغيير الحقيقي بيبدأ من “فهم النفس” مش “محاربة الجسم”.👏

🩵 ابدأ رحلتك نحو التوازن.
احكيلنا في التعليقات عن أكبر تحدي بتواجهه في التحكم بالوزن أو السكر،

مع بعض… نقدر نحقق الصحه مش بس في الأرقام، لكن في نمط الحياة كله.💙

|

03/11/2025

🎯 محاضرة موجّهة لأخصائيي التغذية والمهتمين بصحة المرأة:
🤰 "سكر الحمل – حافظي على صحتك وصحة جنينك"

في اليوم العالمي للسكر، د. إيمان راشد Emy Rashed د ايمان راشد - Dr Eman Rashed
هتفتح ملف من أهم الملفات اللي لازم كل أخصائي تغذية يكون متمكن فيه 👩‍⚕️
هتتعرف على:
🔹 آليات التغيرات الهرمونية أثناء الحمل وتأثيرها على الإنسولين
🔹 كيف تكتشفين سكر الحمل مبكرًا وتتعاملين معاه بالتغذية العلاجية
🔹 تصميم النظام الغذائي الآمن للأم والجنين
🔹 التكامل بين الطبيب وأخصائي التغذية في إدارة الحالة

📅 14 نوفمبر 2025
📍 برعاية مؤسسة أثر – إشراف د. بسنت عبدالعليم
رئيس مجلس أمناء مؤسسة أثر

💙 لأن وعيك كأخصائي هو أول خطوة لحماية جيل جديد من خطر السكري.

02/11/2025

🩵 ماذا تعرف عن يوم السكر العالمي؟
يمكن الكلمة أول ما تتقال، يجي في بالك “المرض”..
لكن الحقيقة إن يوم السكر العالمي مش يوم زعل و حزن ،
هو يوم وعي... ويوم أمل... ويوم بداية جديدة.

📅 بيتكرر كل سنة يوم 14 نوفمبر،
علشان يذكّرنا بحاجة بسيطة لكنها مصيرية:
إن الوقاية مش رفاهية، وإن كل خطوة صغيرة نعملها النهارده ممكن تحمينا من طريق طويل بكرة.

🍎 انت عارف إن مرض السكر بيعتبر من أكتر الأمراض المنتشرة في العالم؟
حوالي واحد من كل 10 بالغين مصاب بالسكري،
والأخطر إن نصهم تقريبًا مش عارف إنه مصاب!
يعني ممكن يعيش سنين وهو مش حاسس بالخطر اللي بيقرب خطوة بخطوة.

لكن هنا بييجي دورنا...
ودور كل مؤسسة، وكل أخصائي تغذية، وكل شخص مهتم بصحته.

خلينا نفكر مع بعض:
– هل بتحلل سكر صايم مرة في السنة على الأقل؟⁉️
– هل بتلاحظ لما جسمك يطلب مية كتير أو تنام أكتر من المعتاد؟❓
– هل بتخلي نمط أكلك وساعتك البيولوجية في صفك ولا ضدك؟‼️

الحقيقة إن الوقاية مش دايمًا قرار كبير…
أوقات بتبدأ من اختيار طبق صحي، أو مشي نص ساعة بعد الغدا، أو حتى قرار بسيط تقلل به السكريات المضافة.
كل خطوة صغيرة ليها أثر كبير.
وعشان كده... إحنا اخترنا اسمنا "أثر". ☝️🎖️

🎯 في مؤسسة أثر بنشتغل علشان نوصّل الوعي ده لكل بيت.
مش بس بالأرقام، لكن بالمشاعر، بالتجربة، وبالقصص الحقيقية.
عايزين كل واحد فينا يعرف إنه يقدر يعيش حياة متوازنة حتى مع السكري،
وإن الفحص المبكر مش علامة خوف، لكنه علامة وعي وشجاعة.

فخليك دايمًا قريب من نفسك... من إشارات جسمك... ومن المعلومة الصح.
ابدأ النهارده بخطوة صغيرة — فحص، حركة، أو حتى مشاركة للمعلومة دي مع غيرك.
يمكن تكون أنت "الأثر" اللي يغيّر حياة حد تاني. 💙

01/11/2025

🧠💚 بناءً على طلبكم... رجعنا تاني بالجزء الأقوى
بعد التفاعل الكبير في المحاضرة السابقة، هنكمل رحلتنا في عالم الميكروبيوم 🎯

المرة دي مش بس هنتكلم عن السمنة و GLP-1،
لكن كمان هنفك شفرة العلاقة المعقدة بين:
🧩 الأمعاء والمخ (Gut-Brain Axis)
⚖️ الميكروبيوم والمناعة والسمنة
👶 هل فعلاً الميكروبيوم بيتحدد من أول الحمل؟
وصحة الأم والرضاعة ممكن تكون السبب في تكوين ميكروبيوم طفل صحي أو العكس؟

أسئلة كتير هنجاوب عليها بشكل علمي مبسط وعميق في نفس الوقت 🔬
استعدوا لنقاش ممتع ومليان معلومات جديدة!

🕙 المعاد: الليلة الساعة 10 مساءً بتوقيت مصر
📍 المكان: عبر تطبيق ZOOM

https://us06web.zoom.us/j/82364870791?pwd=lG53MNFqIR2XGJr5a5fLU0j6eFgHHN.1

Meeting ID: 823 6487 0791
Passcode: 508342

#الميكروبيوتا #المناعة #السمنة

31/10/2025

🌿 عضويتك في أثر.. مش مجرد بطاقة، دي بداية رحلة تأثير حقيقي 🌿

في مؤسسة أثر، إحنا مؤمنين إن التغيير الحقيقي بيبدأ من الناس اللي عندها شغف، رغبة تتعلم، وتحب تسيب بصمتها في المجتمع.
وعشان كده، فتحنا باب العضوية الرسمية لكل حد حابب يكون جزء من كيان بيجمع بين العلم، الإنسانية، والعمل المجتمعي.

✨ مميزات عضويتك في أثر:

1. فرص حقيقية للمشاركة في المبادرات والمشروعات التوعوية والصحية.✅

2. أولوية في حضور الورش والمحاضرات المجانية والدورات التدريبية المتخصصة.✅

3. دعم مهني وشبكة تواصل قوية مع خبراء وأخصائيين في مجالات التغذية والصحة العامة.✅

4. شهادة عضوية رسمية معتمدة من المؤسسة.✅

5. فرص التطوع والمشاركة الفعلية في حملات المؤسسة الميدانية والإعلامية.✅

🎁 وعشان نحتفل بإشهار المؤسسة رسميًا، خصم خاص 50٪ على الاشتراك في العضوية لفترة محدودة!

كونك عضو في أثر يعني إنك بتختار تكون صوت واعي.. ويد بتبني.
تعال شاركنا رحلتنا، خلّي وجودك أثر 🌱

📩 للتسجيل أو الاستفسار:
تواصل معنا عبر الرسائل 📩
أو من خلال رقم المؤسسة 01149297157📞

مستني اي؟؟

٪

30/10/2025

سؤال وجواب مع مؤسسة أثر✍️
💚

ليه أغلب الناس تبدأ نظام غذائي بحماس شديد… وبعد فترة بسيطة تفقد الدافع وتسيب كل حاجة⁉️

الإجابة مش في ضعف الإرادة زي ما بنفتكر.
السبب الحقيقي إننا بنبدأ التغيير من "النتيجة" مش من "الجذر".
بنغيّر في الأكل قبل ما نفهم نفسنا.

🧠 الإنسان مش آلة بتحسب سعرات وتمشي على أوامر.
هو مزيج من عقل، إحساس، وسلوك.
عشان كده التغذية الناجحة لازم تبقى أعمق من مجرد دايت أو جدول سعرات.

لازم تبقى رحلة وعي سلوكي نعرف فيها:

إيه اللي بيخليني أكل وأنا مش جعان؟‼️
إمتى الأكل بيكون وسيلة راحة مش تغذية؟❓
جسمي بيرتاح لإيه؟ بيتعب من إيه؟❗
ليه لما أتوتّر بدوّر على السكر؟⁉️
دي الأسئلة اللي بتخلّي التغيير حقيقي ومستدام.

🎯 هنا بييجي دور التغذية السلوكية (Behavioral Nutrition):
فرع علمي بيعلّمنا إزاي نفهم العلاقة بين العقل، والمشاعر، والجسم في عملية الأكل.
هو اللي بيخلينا نسمع لجسمنا بوعي بدل ما نحاربه.

ولما الشخص يبدأ يتعامل مع جسمه كلغة محتاجة ترجمة مش حرب،
يبتدي يلاحظ إشاراته:
_الجوع الحقيقي مش هو الملل.👀
_الشبع مش دايمًا امتلاء المعدة، أحيانًا راحة داخلية.✅
_والرغبة في الأكل ممكن تكون دعوة للهدوء مش للطعام.🙃

👩‍⚕️ دور أخصائي التغذية هنا مش إنه يقول “كُل دا وما تاكلش دا”،
لكن إنه يساعدك تفهم جسمك وتفك شفراته.
هو شريكك في الرحلة، بيترجم لك العلم بلغة تناسبك،
وبيوازن بين الجانب النفسي والعلمي علشان يوصلك لتغيير فعلي مش مؤقت.✅👏

وده بالضبط جوهر رسالة مؤسسة أثر🎖️:
إن الوعي مش رفاهية،
ولا الصحة هدف مؤقت،
لكنها رحلة إنسانية متكاملة.
نمزج فيها بين العلم الدقيق والاحتواء الإنساني،
بين الفهم العملي والدعم النفسي،
علشان نخلق "أثر" حقيقي جوّا كل شخص.

جرب النهارده تبدأ بخطوة صغيرة جدًا:
قبل ما تاكل، اسأل نفسك سؤال بسيط:
"أنا جعان فعلاً؟ ولا محتاج راحة، و لا حضن، أو استراحة من التوتر؟"
مجرد السؤال دا بداية جديدة، لأن أول علامات الوعي دايمًا بتبدأ من لحظة صمت صادقة مع نفسك.😊☝️

💚 شاركنا في التعليقات:
هل جربت قبل كده تسمع لجسمك بجد؟
ولقيت فرق في إحساسك بالأكل بعد ما بدأت تفهمه؟

29/10/2025

🌿 الصحة والتنمية المستدامة… وجهان لعملة واحدة 🌿

لما نتكلم عن “التنمية المستدامة”، يمكن الكلمة تبدو كبيرة…
بس في الحقيقة، معناها بسيط جدًا وقريب من حياتنا اليومية.
هي إننا نعيش النهارده بشكل يحافظ على بكرة.
نستفيد من مواردنا، من غير ما نستهلكها أو نؤذي البيئة اللي بتدّينا الحياة 🌍

التنمية المستدامة مش مجرد مشروعات ضخمة أو قرارات دولية،
هي بتبدأ من كل بيت، من كل شخص عنده وعي إن “كل تصرف صغير ليه أثر كبير”.

🌱 لما تختار أكلك بعناية…
تقلل الهدر، وتستخدم الأكل الموسمي والمحلّي بدل المستورد —
إنت كده بتحافظ على البيئة وبتدعم الاقتصاد المحلي.

🚰 لما توفّر في استخدام المية، وتصلّح تسريب بسيط بدل ما تسيبه —
إنت بتحمي مورد هو أساس الحياة.

💨 لما تقلل استخدام البلاستيك، وتستخدم شنطة قماش بدل كيس بلاستيك كل مرة —
إنت بتحمي الهواء والمياه والتربة من تلوث بيقتل كائنات وبيأثر على صحتنا.

🚶‍♀️ لما تختار تمشي أو تركب عجلة بدل العربية لمسافات قريبة —
إنت بتقلل التلوث، وبتحافظ على صحتك في نفس الوقت.

💚 لما تشارك في توعية صحية أو تنموية، حتى بكلمة أو مشاركة بسيطة،
إنت كده بتساهم في نشر وعي بيبني مجتمع أقوى وأكثر استدامة.

كل دي خطوات صغيرة، لكنها مع بعض بتعمل تغيير ضخم.
التنمية المستدامة مش بس “حماية البيئة”،
هي كمان “حماية الإنسان” — صحته، وطاقته، ومستقبله.

في مؤسسة أثر، بنشوف إن الطريق لبناء مجتمع مستدام
يبدأ من “الوعي الصحي” ومن “الفعل المسؤول”.
لأن صحتك مش منفصلة عن صحة الكوكب اللي بتعيش عليه.
والاتنين محتاجين منك اهتمام، ووعي، والتزام.

خلينا نعيش كل يوم بهدف إننا نسيب “أثر” حقيقي:
أثر في صحتنا، في بيئتنا، وفي الأجيال اللي جاية ❤️

#استدامة

28/10/2025

📌 *اعلان هام، حبينا نبلغكم ان جروب فرص العمل بقا متواجد على التلجرام لأخصائيين و اطباء تغذية على التلجرام*

📍هيكون جروب خاص فرص العمل للمتخصصين فى التغذية فى الوطن العربى
📍فرص فى ( مصر - سعودية - قطر - الكويت ) و غيرها من الدول
📍فرص عمل فى
( مستشفايات - عيادات - مراكز - GYM ) لمتخصصين فى التغذية
📍فرص عمل لاصحاب خبرة
و ( حديث تخرج - طلاب )

*رابط جروب Nutrition Secret Job Advertisments:*
https://t.me/NutritionSecret_Community

مؤسسة أثر athr foundation

06/11/2025

05/11/2025

05/11/2025

04/11/2025

04/11/2025

03/11/2025

02/11/2025

01/11/2025

31/10/2025

30/10/2025

29/10/2025

28/10/2025

Address

Website

Alerts

Shortcuts

Share