Diet Action "Healthy Zone"

24/11/2025

🍽️ معلومة تغذوية مهمة

الأكل البطيء يقلّل استهلاكك للسعرات الحرارية بنسبة قد تصل لـ 20–30%!
ليه؟
لأن المخ بياخد حوالي 20 دقيقة عشان يستقبل إشارة الشبع، فلو كلت بسرعة هتكون شبعت فعليًا لكن لسه ما وصلتش الإشارة… فتكمل أكل بدون ما تحتاجه.

نصيحة عملية:
✓ امضغ كل لقمة 15–20 مرة
✓ استخدم معلقة بدل الشوكة لو بتاكل بسرعة
✓ اشرب مية خلال الوجبة
✓ اقعد على سفرة بدون مشتتات (موبايل/تلفزيون)

21/11/2025

17/11/2025

🍉 فواكه ترفع سكر الدم بسرعة (GI عالي)

دي فواكه مؤشرها الجلايسيمي مرتفع، فبترفع سكر الدم بسرعة، ويفضل تقليلها لمرضى السكري أو في الدايت:
البطيخ
الأناناس
المانجو
العنب
الموز (المستوي )الاصفر اوي
التمر بكميات كبيرة
الفاكهة المجففة عمومًا (الزبيب… إلخ)
> المناسبة فقط بكميات صغيرة جدًا ومع وجبة فيها بروتين أو ألياف.
---
🍎 فواكه مؤشرها الجلايسيمي منخفض (ممتازة للدايت والسكر)
دي بترفع السكر ببطء، وتشبع أكتر، ومناسبة لمعظم الأنظمة الغذائية:
التفاح
الكمثرى
البرتقال
الفراولة
التوت بأنواعه
الخوخ
البرقوق
الرومان باعتدال
الموز الأخضر أو غير المستوي تمامًا
الأفوكادو (GI شبه صفر)
🍽️ نصائح مهمّة للمرضى والدايت
الأفضل دايمًا أكل الفاكهة كاملة ومش عصير.
الجمع بين الفاكهة مع مصدر بروتين/دهون (زبادي – لبنة – مكسرات) يقلل ارتفاع السكر.
الكمية أهم من النوع، حتى الفاكهة المسموحة لازم حصة أو حصتين في اليوم

08/11/2025

🔥 الغدة الدرقية هي المسؤولة عن تنظيم معدل الحرق في الجسم.
❌ قصور نشاطها يؤدي إلى بطء الحرق وزيادة الوزن مع الشعور بالتعب والخمول.
✅ أما زيادة نشاطها فيؤدي إلى سرعة الحرق وفقدان الوزن بشكل غير طبيعي.

لذلك في حالة وجود صعوبة في فقدان الوزن أو زيادة غير مبررة شوف وظائف الغدة الدرقية 🩺✨

06/11/2025

بتسمع كتير عن هرمون الكورتيزول وكأنه بعبع بيزود الوزن؟❓

*طب ايه هو الكورتيزول ؟ ⬇️
- ببساطة دا هرمون التوتر، بيتفرز من الغدة الكظرية لوظايف محددة وفوائد للجسم

*طب ايه هي وظايفه ؟ ⬇️
ـ الكورتيزول بيتفرز عشان يساعدنا في التعامل مع الضغوط عن طريق زيادة طاقتنا
ـ بيساعد في تنظيم سكر الدم وضغط الدم
ـ بيدعم وظايف الجهاز المناعي وبيقلل الالتهابات
ـ مهم لعملية التمثيل الغذائي وتحويل المغذيات ل طاقة

*طب هل هو ممكن يضرنا ؟ 🔴
- للاسف طبعا لما بيفرز زيادة عن الطبيعي بتاعه

*طب ايه أسباب ارتفاعه ؟ 👇
- التوتر الشديد، قلة النوم، التدخين، افراط في تناول الكافيين، اجهاد بدني شديد، اضطرابات الغدة الكظرية، سوء التغذية

*طب ممكن يعمل ايه لو زاد ارتفاعه عن الطبيعي ؟👇
- بيزود القلق والتوتر اكتر، بيقلل المناعة، بيزود اضطرابات النوم، بيرفع ضغط الدم، وبيسبب مقاومة انسولين وزيادة خطر السكر

*هل له علاقة بزيادة الوزن ؟ ❓
الاجابة اه، بيأثر مع كتير من الناس على شهيتهم وبيزودها، وبيأثر على عملية حرق الجسم، وبيسبب تخزين دهون في البطن
خاصة مع زيادة مقاومة الانسولين

📢 واخيرا، مافيش هرمون ربنا خلقه فجسمنا مش مفيد لينا، الفكرة ان أي شيء ميزيدش عن حده، اسلوب حياتنا لو غلط هو ال بيأثر على جسمنا، عشان تتجنب ارتفاع الكورتيزول، لازم تهتم بنفسيتك وتغذية جسمك 💜

05/11/2025

أضرار استخدام ادوية التخسيس

1)الاستخدام المفرط والزيادة لهذه الأدوية لفترات طويلة ثم توقفها بينتج عنها الرجوع للاكل بشراهه أكثر
2) التعود على تناول أدوية إنقاص الوزن تساهم بعد فترة فى ثبات الوزن.
3) تقوم الحبوب التى تعمل على زيادة معدلات الحرق بزيادة ضربات القلب وارتفاع ضغط الدم خاصة إذا كانت تحتوى على نسبة عالية من الكافيين والتورين
4) الصداع المتكرر.
5) الشعور بالأرق تحتوي نسب كافيين عاليه
6) تناول هذه الأدوية يؤدى إلى حدوث تأثير سلبى على هرمونات الجسم خاصة الغدة الدرقية.
7) الشعور بالهزلان

31/10/2025

"أنا باكل قليل، بس بزيد في الوزن بسرعة!" — تعالوا نفهم ليه

ناس كتير بتحس بالإحباط لما وزنهم يزيد رغم إنهم بيقولوا إنهم مش بيأكلوا كتير. بس في الحقيقة، زيادة الوزن مش دايمًا معناها إنك بتاكل كتير، فيه أسباب تانية ممكن تكون السبب.

خليني أقولك على ٤ أسباب ممكن تفسر ده:

1. بناكل أكتر من اللي إحنا فاكرينه
يعني مثلًا:

شوية مكسرات صغيرين = حوالي 200 سعر حراري

شوكولاتة = 250 لـ 300 سعر

مشروب قهوة = ممكن يوصل لـ 400 سعر أو أكتر

والأكل ده مش بيشبع، بس فيه سعرات كتير بتدخل جسمك من غير ما تحس.

2. الحرق بطيء
فيه ناس جسمها بيحرق أقل بطبيعته، سواء بسبب الجينات، السن، أو مشاكل زي الغدة الدرقية.

3. قلة الحركة
حتى لو بتاكل قليل، لو جسمك مش بيتحرك كفاية، السعرات مش بتتحرق، وده بيخلي الوزن يزيد.

4. أسباب طبية
زي تكيّس المبايض أو مقاومة الإنسولين أو بعض الأدوية، دي ممكن تزود الوزن حتى مع أكل قليل.

يعني لو حسيت في يوم إنك بتاكل قليل بس وزنك بيزيد، متقلقش، الموضوع ليه تفسير علمي ومش كسلك ولا ضعف منك

23/10/2025

🤔ايه الأفضل في الدايت والناس الي عندها IR او مقاومه انسولين (الارز ولا الخبز)
(مبدأيا الاتنين من انواع الكارب)
⬅️الارز اكلة طبيعيه مش مصنعه وده أفضل للجسم علي العكس الخبز مصنع بيضاف اليه سكر ومواد حافظة ومحسنات طعم.
⬅️ الارز مش بيرفع نسبه للسكر بالدم بالتالي مش هيرفع هرمون الأنسولين
علي العكس الخبز بيرفع سكر الدم وبيزود هرمون الأنسولين وبالتالي تخزين الدهون بيزيد ف محيط الخصر والبطن.
💡افضل انواع الارز (البسمتي او الارز البني)
افضل انواع الخبز (خبز الشوفان والخبز الاسمر وخبز العدس والخبز من الحبوب الكامله)

10/10/2025

الدايت أسلوب حياة Life Style ↩️

🟦نزول الوزن مش نظام اكل نمشي عليه أسبوعين او تلاته او حتي شهرين وبعدين تزهق ونرجع نزيد تاني
🟨 نزول الوزن مش خسارة أرقام علي الميزان واحنا مش عارفين احنا بنخسر عضلات ولا ماية ولا دهون ....
🟩الدايت مش حرمان من الاكل اللي بحبه و روتين ممل....
الدايت نظام حياه ،، نظام اكل ونوم و رياضه...
🟧احنا بنخس عشان صحتنا تبقي احسن عشان نظبط الضغط و السكر عشان نظبط دهون الدم عشان نقلل وجع المفاصل و علشان نمنع امراض تانيه كتير..
[مش مهم انك تنزل ع الميزان المهم ان صحتك تكون أفضل ]
⬜احنا بنخس عشان شكل و مقاسات تتغير وصحه افضل مش بس رقم علي الميزان

09/10/2025

( فيتامين K2)

🔹أهمية فيتامينK2 للجسم؟

⬅️يساعد على تحفيز عملية إزالة الكالسيوم الزائد 🩸الذي يترسب في الأوردة والشرايين لدى الإنسان🕴🏻

⬅️ الحماية من الجلطات، فمن أهم أسباب تصلب الشرايين هو ترسب الكالسيوم، والذي يؤدي إلى أمراض القلب🫀

🔹ماذا يفعل فيتامين K2 في الجسم؟
١-يُحسن صحة العظام💪🏻

٢-يساعد فى التمثيل الغذائي للكالسيوم، وهو المعدن الرئيس الموجود في العظام والأسنان🦷.

17/09/2025

📌 إزاي تزود وزنك بطريقة صحية؟ 🥑💪

كتير من الناس فاكرة إن زيادة الوزن معناها أكل سكريات ومقليات كتير، وده غلط ❌.
الزيادة الصحية بتخليك تبني جسم قوي وتحافظ على صحتك.

✨ نصائح لزيادة الوزن بشكل سليم:
1️⃣ زود السعرات الحرارية: كل وجبات أكبر شوية أو زوّد عدد الوجبات لـ 5–6 وجبات يومياً.
2️⃣ اهتم بالبروتين: زي البيض، الفراخ، اللحوم، التونة، البقوليات – البروتين بيساعدك تبني عضل مش بس دهون.
3️⃣ الكربوهيدرات الصحية: زي الشوفان، البطاطس، الرز البني، المكرونة الكاملة.
4️⃣ الدهون المفيدة: زي المكسرات، زبدة الفول السوداني، زيت الزيتون، الأفوكادو.
5️⃣ مشروبات عالية السعرات: سموزي بالحليب، الشوفان، الفاكهة، والمكسرات.
6️⃣ رياضة مقاومة (جيم/تمارين وزن الجسم) عشان تبني عضل وتزيد وزنك بشكل متناسق.
7️⃣ النوم الكافي والراحة 🛌 لأن النمو وزيادة الوزن بتحصل أثناء الراحة.

16/09/2025

📍معدن مهم جدا ممكن نستخدمه ك supplement بيعمل علي :
⬅️ تحسين حساسية الأنسولين
⬅️تنظيم مستويات السكر في الدم مفيد لمرضى السكري
⬅️مفيد لمن يعانون من مقاومة الأنسولين أو متلازمة تكيس المبايض
⬅️يمنع تراكم الجلوكوز في مجري الدم ويساعد في تحسين استجابة الخلايا للأنسولين وبالتالي يقلل من ارتفاع السكر في الدم بعد الأكل
⬅️تنشيط الغدة الدرقية وينشط حرق الدهون
⬅️تحسين امتصاص فيتامين D
⬅️المساعدة في فقدان الوزن قد يساعد في تقليل الرغبة الشديدة في تناول السكريات
🔼(المعدن هو الكروميوم Chromium)
الجرعة الموصى بها
تناول 200 ميكروجرام بعد الإفطار بساعتين من الأفضل استشارة طبيب قبل الاستخدام خصوصا لو بتتناول أدوية أخرى أو تعاني من مشكلات صحية معينة
📌[مصادر الأطعمة فيها الكروميوم لحم البقر والدجاج والأسماك الحبوب الكاملة زي الشوفان والشعير والقمح الكامل متتجات الالبان وبعض الخضراوات والفاكهة زي البروكلي التفاح والموز وكمان في المكسرات والبذور ]