Dr-Hoda ElShiekh د-هدى الشيخ أخصائية تغذية علاجية

04/11/2025

🦵💫 الشد العضلي في الرجل.. مش دايمًا من الإرهاق!

تحس فجأة بعضلة رجلك شدت؟
الوجع بيصحيك من النوم أو بيجيلك بعد المجهود؟
يبقى لازم توقف لحظة وتسمع جسمك 💬

✨ أشهر الأسباب:

نقص في الماغنسيوم أو البوتاسيوم أو الكالسيوم

قلة شرب المية أو فقدان الأملاح مع العرق

الوقوف أو الجلوس لفترات طويلة

قلة النوم أو التوتر

أو أحيانًا أدوية معينة زي مدرات البول أو أدوية الكوليسترول

💚 نصايح بسيطة هتفرق:

اشرب مية كويس طول اليوم

خلي أكلك فيه موز، مكسرات، سبانخ، بطاطا

اعمل تمدد للعضلات قبل النوم أو بعد مجهود

بلاش تفضل في نفس الوضع فترة طويلة

⚠️ ولو الشد متكرر جدًا أو مؤلم اوي، اعمل تحاليل بسيطة تشوف مستوى المعادن وفيتامين D والغدة الدرقية.

جسمك مش بيتعبك على الفاضي.. هو بس بيطلب اهتمامك 💚

#شدـعضل #صحة

28/10/2025

في وسط الضغط اليومي،،، كلمة شكر صادقة تهون تعب اليوم 😍

#صحة

27/10/2025

صباح الخير 😍😍❤️❤️❤️

#صحة

25/10/2025

في انتظاركم 😍

🍎 عايز توصل لهدفك بأسرع وأصحّ طريقة؟
دلوقتي مع د. هدى الشيخ 💚
اخصائي التغذية العلاجية الإكلينيكية والسمنة والنحافة
هتتعلم تاكل صح وتحقق النتيجة اللي بتحلم بيها 🔥

📍 عيادات اللوتس – حلوان
☎️ 01001350447 – 01112778499

22/10/2025

هل لو اتشخصت ان مريض سكر نوع تاني، كدة خلاص الحياه خلصت؟؟ 🫥
كدة مش هعرف استمتع بحياتي و هفضل طول عمري باخد أدوية سكر؟؟
الإجابة انه أكيد لأ طبعاً 🤍 بالعكس احنا بالتغذية العلاجية حياتنا هتتحسن كتير اوي، و ممكن كمان نوقف استخدام الأدوية بعد الرجوع للطبيب المعالج 😍

🍽️ ايه هي بقى التغذية العلاجية لمرضى السكر النوع التاني

مرض السكري النوع التاني مش “حرمان”.. هو تنظيم و اختيارات ذكية علشان نحافظ على سكر الدم في المعدل المناسب من غير ما نرهق الجسم 👇

✅ أهم قواعد التغذية لمرضى السكر النوع التاني:

• أول طبق سلطة أو خضار — يثبت السكر و يقلل الشره 🥗
• بروتين مع كل وجبة (بيض — تونة — فراخ — لحوم — بقوليات) يقلل ارتفاع السكر بعد الأكل 🍗🥚🍳
• قلّل النشويات البيضاء (عيش أبيض — رز — مكرونة — بطاطس) واستبدلها بـ حبوب كاملة 🍞🥖
• قسم أكلك 3 وجبات + 1-2 سناك لتجنب الصيام الطويل والهبوط والارتفاع في نسبة السكر 🍲
• اشرب مايّه كفاية — العطش الشديد أحياناً علامة ارتفاع السكر 🧊🍶
• متنساش الدهون الصحية (زيت زيتون — مكسرات — أفوكادو) بتحسن الحساسية للانسولين 🥑
• نام كويس و امشي 15-30 دقيقة مشي بعد الوجبة يقلل ارتفاع السكر بشكل ممتاز 🚶🚶

🚫 تجنب :

سكر مضاف — حلويات — عصاير — مقليات — وجبات سريعة —مشروبات غازية
🍕🍔🍤🧁🍰🍩🍫🍹

🎯 الهدف من التغذية العلاجية :

مش بس ضبط قراءة نسبة السكر …
لكن حماية الكلى — الأعصاب — العين — والقلب على المدى الطويل.

#صحة #السكري #مرضالسكري

16/10/2025

الكلام الجميل الي يفرح أي حد 😍😍❤️❤️❤️❤️
من العملاء المميز جداً عندي❤️❤️❤️
الحمدلله ده كرم و فضل من ربنا ❤️❤️❤️

#صحة

14/09/2025

أوقات بنحس بجوع، و بنبقى عايزين ناكل أي حاجة قدامنا 😂 و ممكن تبقي لسه مخلصة الغداء مثلاً
طيب هل ده فعلاً جوع بجد؟
طيب لو كلت دلوقتي، هحس برضا؟ ولا هفضل عندي إحساس الجوع ؟

عندنا حاجة اسمها جوع عاطفي، و جوع بجد

🍽️ طيب ازاي أعرف أفرق بين الجوع الحقيقي والجوع العاطفي؟

🔸 الجوع الحقيقي:

بييجي تدريجي.

بتحسي بمغص أو قرقرة في معدتك.

أي أكل صحي ممكن يشبعك.

بيقل بمجرد ما تبدأي تاكلي.

🔸 الجوع النفسي:

بيظهر فجأة وبيكون مرتبط بمشاعر (ملل، توتر، زعل).

بيخليكي تميلِي لأكل معين (شوكولاتة، حلويات، أكل مقرمش).

حتى بعد الأكل بتفضلي مش راضية أو عايزة تاكلي كمان.

✨ طيب هنعمل ايه؟
جربي تسألي نفسك
"أنا فعلاً جعانة ولا محتاجة حاجة تانية زي راحة أو تسلية؟"
ولو طلع جوع نفسي، ممكن تشربي مية، تتحركي شوية، أو تعملي نشاط تاني.

#صحة
#سعرات