https://www.facebook.com/812885558828523/

فاطمة المكي Fatema Elmakky

Home
Egypt
Cairo
فاطمة المكي Fatema Elmakky

إذا ضاقت الدنيا بك, وعقلك توقف عن التفكير,وتريد ان تستشير ف بالتأكيد.. أنت تبحث عنّا

13/01/2024

فتح باب الحجز ل عمرة ترانزيت 23 يناير وعمرة رجب 10 ايام فاز من لحق بهم 🕋

التفاصيل اول كومنت

14/10/2023

بعد غياب فترة طويلة رجعنالكم برحلة عمرة اربع ايام مكة والمدينة أول نوفمبر، مع صحبة آمنه كمان وشاملة كل شيء، ما عليكم غير انكم تجهزوا باسبوراتكم مع صورة شخصية وتتواصلوا معانا خاص هنبلغكم بكل التفاصيل ❤🕋

20/02/2023

لما تحب تبيع بنت الأصول متقولهاش اصل ظروفي صعبة وبتاع وتحوّر عليها, عشان هتتمسك بيك اكتر وهتساعدك وتقف جمبك ، لأ
وفر على نفسك وعليها، وقولها علطول إنك مش راجل ✋

16/02/2023

والله مش بس أطفال فيه كبار ميعرفوش المعلومات دي

19/11/2022

قرار الطلاق بالذااااات مينفعش تقوى حد عليه حتى لو كان ده حل مشكلته فعلا
لازم يكون نابع من صاحب الشأن نفسه ، وهو فقط اللي ياخده
لو انت ساعدته ربما يكرهك طول العمر لو معرفش يعيش بعيد عن الشخص ده ، رغم كل حاجة نجى منها مش هيشوف غير انه كان عايش وكان فيه حلو ممكن يكمل بيه وهيوحشه الشخص بإهاناته ليه وذله وكل شيء

حتى احنا دورنا كمرشدين نوضح بس كل طريق ممكن يوديه لفين وايه تابعاته وبنخليه هو اللي يستنتج ويقول كمان ،مجرد بس اشارات وإرشادات تساعده انه يشوف الصورة بشكل كلي مش جزئي وف الاخر يقرر المناسب ليه وبعدها نساعده ازاى يخرج خروج اءمن

لكن اللي مش قادر ياخد قرار مصيري زي ده ف حياته بنفسسسه.. عمررره ما هيقدر يتحمل تابعاته 👌

06/11/2022

ف العلاقات دايما الطرف اللي سايب.. الناس بتعامله على انه المتهم والمدان وإن اللي اتساب ياعيني هو الضحية وحرام وليه ومش ليه
مع انه مش شرط
اللي ساب بيكون ساب بعد ما خلاص طاقته خلصت
ساب بعد اتحمل وحاول وصبر واستحمل الف حاجة غصب عنه وفيه الآخر لقى نفسه .. مبيتقدّرش
ساب عشان خسارته عماله تزيد وروحه بتنطفي
ساب عشان خلاص اتكسر وروحه ماتت ومبقاش لاقي نفسه ولا حتى ملامحه بقت نفسها
ساب عشان مكنش عنده اصلا اختيار انه يكمل تاني ف علاقة بتستنزف كل حاجة فيه ، علاقة ضيّع فيها من عمره سنين عشان يحاول ينقذها وفي الآخر ..
برضه طلعوه انه وحش وندل وانه اتخلى وانه رجع من نص الطريق وان قلبه قسي وانه اكيد هيندم وهرررررري كتير وجلد لشخص اتجلد بما فيه الكفاية ومحتاج فعلا لايد تطبطب عليه 😔

متحكموش ع العلاقات من بره ، لازم تفهموا ان مش كل اللي اتسابوا ضحية .. وكل اللي سابوا جناه
ولو كانوا اللي اتسابوا ضحية ف جايز جدا يكونوا ضحية نفسهم ، لإن اللي لعب جاني من الاول لازم هتلف الأيام وييجي يوم ويقتل نفسه
💔

13/10/2022

الدعاء فعلا رزق ونصيب
قبل ما اطلع العمرة كنت محدده ناس كتير جدا ادعيلهم وفيه ناس كنت كتباهم بالاسم ، وسبحان الله فيه ناس مش عارفه ازاي روحت هناك نسيتهم وناس دعيتلهم مرة ولا مرتين ولا حاجة ، وفيه ناس حرفيااااا مكنتش بتروح من بالي ، كنت بذكرها ف دعواتي يومياااا ، ده غير الناس اللي كانت بتيجي على بالي في اوقات السحر وصلاة الفجر ، كم ناس وصلت سلامها للنبي صلى الله عليه وسلم ف الروضة عجيب ، افتكرتهم ليه وازاي معرفش
طب اشمعنى دول اللي جم على بالي وف التوقيت ده بالذات برضه معرفش ، كل اللي عرفته وشفته ولمسته انه رزق ونصيب ونواياااااا

حتى الماسيدجات اللي جاتلي والكومنتات على بوستاتي وانا هناك ، سبحان الله فيه ناس الرسالة بتاعتها تنط ف وشي الاقي نفسي بدعيلها بفتح عجيب , وناس تاني اجي ادعيلها التليفون يرن يحصل حاجه.. انسى ، والكومنتات كنت بفتحها واقرأها عشان ادعي، ناس تجيلي كذا مره وناس تتوه ف النص ، ناس سجلتلها دعواتها فيديو وناس شفت الماسيدج بتاعتها اصلا بعد ما رجعت
ناس عملتلها عمره مكنتش ناوية اعملهم اصلا وسبحان الله كانت متيسرة ، وناس كنت ناوية وسبحان الله متوفقتش فيها ومقدرتش اعملها

النية محلها القلب واحنا اصلا لا نملك من امرنا شيء سوى النية ، كل ده كوم واني الاقي الناس بتكلمني تقولي دعوتك استجابت انا ربنا كرمني ب كذا وكذا وكذا وكذا ، انتي دعيتلي ب ايه ؟
ف ارد اني حرفياااا مش فاكرة انا دعيت باللى ربنا فتح عليا بيه في وقتها ❤️

شوف بقى جمال وصدق نيتك لما ربنا يسخرلك غيرك يدعيلك بظهر الغيب ويجعله سبب ف انها تفرج

جددوا نيتكم يا جماعة وزي ما قولت اوعوا تتعاملوا مع ربنا بالورقة والقلم ، "سبحانه يقول للشيء كن فيكون " توكلوا على الله وجددوا نيتكم ف كل شيء ، ف شغلكم ف تربيتكم لولادكم في علمكم في صحتكم ف تنضيفكم للبيت ف اصغر حاجة بتعملوها ، تجردواااا من حولكم وقوتكم لحوله وقوته

وربنا يارب يثبتنا ويقوينا جميعاااا ويرزقنا حبه وحب من يحبه يستخدمنا ولا يستبدلنا ويجعل اعمالنا خالصة لوجهه الكريم ، قولوا امين
وبالله عليكم متنسونيش من دعواتكم

15/08/2022

النهاردة بس اقدر اقول اني حبيت الخيل وكسرت حاجز الخوف جوايا ، حقيقي مكنتش اتوقع اني ف يوم الايام هقدر ألمسه حتى مش انطلق بيه ف الصحراء ف عااااالم حقيقي إحساسه ميتوصفش 🙈❤️

انا بجد مبسوطة وعايزة اسمع برافوا كتير قوي بقى 👏👏

ان شاء الله هيكون عندنا طلعة الجمعة الجاية عائلات فقط ، بس من غير اطفال يعني ازواج اخوات ماشي يالا بينا

10/08/2022

الاهتمام ف بداية اى علاقة بيخليك تتعود ع الشخص اللي قدامك وتفرح بيه وبوجوده
وده بيخلي ناس كتير تفتكر ان هو ده" الحب " وانها كده حبت الشخص ده خلاص

لكن للأسف ده حب وهمي ، انت حبيت الاهتمام من الشخص ده واتعودت عليه ، لكن محبيتهوش "هو " انت اخرك اعجبت بيه ، عايش معاه حالة رومانسية

الحب الحقيقي فعلا مبيجيش غير بالمواقف ، لما كل واحد فيكم يشوف عيوب التاني ويفضل يحبه برضه ، لما المشاكل تقربكم متبعدكمش وترجعوا بعدها اقوى ، لما كل واحد يعرف ازاي يتعايش مع عيوب اللي قدامه ويتقبله بكل ما فيه وف عز اختلافاتهم ميفقدوش احترامهم لبعض ، ساعتها كلموني عن الحب

ما قبل ذلك .... كلها مراحل بنفرح بيها لاننا محتاجين ف حياتنا حد يهتم بينا وبكامل تفاصيلنا ، حد يسمعنا كلام حلو ونناقشه ف خصوصياتنا ونحكيله ونترمي ف حضنه ، لما بنلاقي ده بنفتكر ان هو ده الحب وبنمسك ف الشخص ده بايدينا وسنانا ونضحي ونتنااااازل علشانه ونصدق اننا بنحبه فعلا ونستعجل واول ما يتقفل علينا باب واحد ، نتفاجيء بشخص منعرفوش ...!

راجعوا حساباتكم عشان بيوووووت كتير اتهدمت بسبب السناريو ده

Address

Cairo

Telephone

+201114185973

Website

facebook.com

Alerts

Be the first to know and let us send you an email when فاطمة المكي Fatema Elmakky posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to فاطمة المكي Fatema Elmakky:

Shortcuts

Want your practice to be the top-listed Clinic in Cairo?