03/01/2020
موضوع النهاردة عن خطأ شائع بيحصل بين الناس تحت مسمى انا بوجب معاك ✅😂
الورقة اللى بتلف على العيلة كلها بالوصفة السحرية للتخسيس او ايا كان الغرض...
لازم نفهم ان التوائم نفسهم ممكن يختلفوا فى عوامل كتير تخلى فيه اختلاف فى ال (nutrition program)
1- age (العمر)
العمر بيفرق جدا لدرجة ان فيه فرع كامل فى علم التغذية اسمه تغذية الاطفال .. ومعدلات الحرق بتزيد فى فترة البلوغ نتيجة بناء الانسجة وكل عشر سنين الحرق بيتاثر وبيقل + ان العمر طرف مهم فى معدلات حساب الطاقة (BMR) .. يعنى باختصار شديد الشاب اللى عنده ٢٠ سنة مستحيل يكون جسمه واحتياجه اليومى زى اللى عنده ٤٠ .
2-sex
هنا لازم نفهم ان الرجالة عندهم ال (BMR ) اعلى حوالى ١٠٪ من الحرق عند السيدات . طبعا اهم عامل هو العامل الهرمونى واختلافه .
فيه عوامل تانيه زى ان (fat stores) مخازن الدهون عند السيدات اكبر ودا بيخلى الحرق اقل .
وفترات تانية زى الحمل والرضاعة ال (BMR ) يزيد .
3-dietetic habit
العامل ده بيقول ان عادات الاكل وطبيعته بتاثر .يعنى استهلاك وجبات غنية بالبروتين (high ptn diet ) لفترات طويلة بتزود الحرق (BMR) . ودى حاجة هتختلف بطبيعة البيئة والعادات والتقاليد..
4- Race ( عنصرية بحتة )
لسبب جينى ما لقوا ان الشاب الابيض معدلات الحرق عندهم اعلى من الشاب الاسمر ..
✅ هنكمل عوامل تانية مهمة زى النوم و الهرمونات ومعدل النشاط و .....wait 🌹
