30/09/2025
فيه بنوته جميلة سألت
أنا وزني 57، شكلي رفيعة لكن عندي دهون، وكمان مقاومة إنسولين ودوخة
الحقيقة إن رقم الميزان عمره ما كان المقياس الأهم
المقياس الحقيقي هو:
نسبة العضلات قد إيه؟
نسبة الدهون قد إيه؟
نظام الأكل معتمد على إيه؟
الدهون المتراكمة حوالين البطن والكبد من أخطر أنواع الدهون، لأنها بتأثر بشكل كبير على توازن الهرمونات
طيب مقاومة الإنسولين بتيجي منين؟
لما الأكل يكون معتمد طول الوقت على هاي كارب ونشويات زي العيش، الرز، الفاست فود، البيتزا والبرجر… بيخلي الإنسولين عالي طول اليوم. مع الوقت الخلايا متستجبش للإنسولين، فالبنكرياس يفرز إنسولين أكتر وأكتر بمعني اصح بنستفز الانسولين وهنا يحصل هبوط ودوخة حتى لو الوزن مش عالي.
الحل:
تغيير العادات الغذائية من نشويات عالية ل بروتين أعلى وكارب أقل.
زيادة الحركة والنشاط اليومي.
استبدال الزيوت المهدرجة (زيوت الماركت والتموين) بزيوت صحية زي زيت الزيتون.
الأهم من وجهة نظري الرياضة، خصوصًا تمارين المقاومة عشان تبني عضلات تحرق دهون.
مواعيد الأكل لازم تكون منظمة زي أي حاجة في يومنا ليها وقت وميعاد
الصحه مش محتاجه اكتر من وعي وتنظيم وانتقاء نوع الاكل
