https://www.facebook.com/536561349835610/

Samra kid's Clinic, دكرنس شارع العروبه أ الميدان برج الهبه ٢ ناصية شارع الكنيسه , المحمودية الكوبري الجديد مقابل المجلس المحلي, Dikirnis (2026)

31/10/2025

كل عام وانتم بخير 🌹

23/10/2025

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة 💐

📌الفترة دي فعلًا ملاحظ فيها زيادة في حالات الهبوط (الخمول أو الإغماء أو الضعف العام) عند الأطفال، وده له أكثر من سبب ممكن، أهمها حسب الحالة المنتشرة حاليًا في مصر والمنطقة وهي العدوي الفيروسيه (الانفلونزا او Rsv او حتي الفيروس الغدي adenovirus)اللي بتبقي موجوده فعلا كل سنه في نفس التوقيت بتسبب حراره شديده وكحه شديده واوقات يبقي في اسهال وترجيع مع طبعا قلة الاكل ونقص السوائل مع انخفاض الضغط المؤقت كل دا بيؤدي الي هبوط وخمول وساعات بيحصل حالات إغماء عند الطفل في المدرسه بتسبب حالات هلع في المدرسه وعند الاهل...

📌وفعلاً دي من أكتر المشاكل اللي بتواجه الأهالي الأيام دي
لأن الأطفال بيروحوا المدرسة يوميًا وسط تعب موسمي وعدوى منتشرة، ومع ضغط التقييمات بيبقى الموقف صعب....

📌طيب ايه الحل 👌
🏫 أولاً: أثناء الذهاب للمدرسة
1. ما يروحش المدرسة لو في أعراض تعب واضحة
• زي خمول، حرارة، ترجيع، أو ضعف واضح.
• يوم أو يومين راحة أفضل من دخول في هبوط أو عدوى شديدة.
• ممكن تقدم عذر طبي بسيط للمدرسة، والمدرسين متفهمين الوضع حاليًا.
2. وجبة الإفطار أساسية جدًا
• أهم وجبة لتجنب الهبوط لو الطفل مش قادر ياكل يكفي تمرتين الصبح .
3. مياه وسوائل طول اليوم
• علميه يشرب مياه كل شوية، حتى لو مش عطشان.
• العصير الطبيعي أو مياه بلمسة سكر وملح خفيفة (تعويض أملاح).
4. نوم كفاية (8–10 ساعات)
• قلة النوم تزيد الخمول والهبوط.
• حاول يكون بينام بدري حتى لو المدرسة بدري.

🍎 ثانياً: في البيت
1. أكل متوازن غني بالحديد.
• ممكن إضافة مكمل حديد أو فيتامينات بعد استشارة الطبيب لو الهبوط متكرر.
2. راحة يومية بعد المدرسة
• نص ساعة قيلولة أو راحة بدون مجهود قبل المذاكرة أو التقييم.
3. فيتامين سي ومناعة
• برتقال، ليمون، جوافة، أو مكمل فيتامين C بسيط.
• ده يقلل من العدوى المتكررة.
4. متابعة مع الطبيب لو الهبوط بيتكرر.

⸻

📘 أثناء التقييمات:
• اتفق مع المدرس أو الأخصائي الاجتماعي لو الطفل مريض، إن التقييم يتأجل أويعاد......
أغلب المدارس حالياً متعاونة بسبب كثرة حالات البرد والهبوط.

دامت أطفالكم بخير 💖 💕
👨‍👩‍👧‍👦

🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
01220030454

🏚️ المحمودية الكوبري الجديد مقابل المجلس المحلي
0504501050

25/10/2024

امهات كتير بتسأل عن التطعيم السداسي hexaxim وما يعرفوش عنه حاجه...... وماحدش بيقوللهم عليه..
من مميزاته... إنه قوي وفي نفس الوقت أعراضه بسيطه...
هوه مش تطعيم إضافي... هو نفسه تطعيم الصحه بس البديل الأعلى جوده والاعلي امان والاقل اعراض جانبيه على الإطلاق..
ناس كتير ابتدت تجيلي وتطلبه... ووفروا على نفسهم مشوار الوحده الصحيه ومكاتب الصحه ... دا غير إنهم اتخلصوا من أعراض تطعيم الصحه الصعبه واللي ممكن الطفل يتعب ويسخن فيها لفتره طويله..
دا غير إن أطفال كتير الموضوع بيقلب معاهم بتعب بجد..
التطعيم بيتاخد في سن : شهرين واربع شهور وست شهور
التطعيم موجود في المصل واللقاح والعيادات الخاصة..
متوفر الان 👌

دامت أطفالكم بخير 💖 💕

👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

09/10/2024

شايفين المنظر الجميل ده... بعض الاهالي شايفينه مقلق ...
دي بقي اسمها أسنان القرش عند الأطفال ☺️
دي من الحاجات اللي بتقلق الأهالي جداً اول لما يلاقو الاسنان الدايمة طالعة ورا الأسنان اللبنية 💔
طيب حابب اطمنكم خالص واقولكم حل المشكلة دي بسيط جداً بتروحي لدكتور الأسنان الجميل بتاعكم بيخلع الأسنان اللبنية اللي قدام الاسنان الدايمة بس كدا خلصنا 👌
مع الوقت بقا نمو الفك بيزيد مع تأثير قوة الدفع بتاعت اللسان بترجع الأسنان الدايمة مكانها الطبيعي ❤️
بس كدا 💪

دامت أطفالكم بخير 💖 💕

👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

12/09/2024

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة....

للمره المليون عينه الكعب للمواليد....
🍀عينة الكعب التى تؤخذ من كعب القدم في حديثي الولادة لتحليل الغدة الدرقية وأيضا نسبة الفينيل الانين في الدم (PKU ) وهو مرض هام جدا لأن الطفل يحتاج يمشي علي لبن خاص ثم طعام خاص يحتوى على القليل من البروتين..
💧 التشخيص المبكر هام جدا .و يجعل الطفل (مع اتباعه تعليمات العلاج و اللبن و الحمية الخاصة) طبيعي تماما بدون اي اعراض تأخر أو تشنجات أو غيرها، عشان كدة وزارة الصحة ضمت مرض التمثيل الغذائي لبرنامج المسح القومي..
💧في الوحدة الصحية ،بعد سحب عينة كعب القدم علي ورقة النشاف،بياخدوا رقم الاب أو الأم ،ولو طلع التحليل عالي بيكلموهم مرة تانية لتكرار التحليل و لو طلع عالي للمرة التانية بيسحبوا عينة وريدية تأكيدية ترسل الي المعمل المركزي في القاهرة..
💧لو طلعت إيجابية للمرة التالتة، بيتحول لمركز الارشاد الوراثي كحالة إيجابية تحتاج لصرف اللبن الخاص و متابعة من أطباء المركز للمريض عشان الكمية المطلوبة من اللبن و كمان تحديد الحمية الخاصة..
طيب ليه بكتب البوست ده؟
💧عشان فيه حالات بتطلع إيجابية لمرض التمثيل الغذائي و لما المعمل المشترك يبلغ الوحدة الصحية بذلك و يتم تبليغ أهل الطفل،احيانا الأهل بيفتكروا تحليل الغدة الدرقية هو اللي فيه المشكلة، و هنا بيحصل الخلط!
💧الأهل بيعيدوه تاني في معمل برة يطلع سليم..ف ينبسطوا و يقولوا تحاليل الوزارة دي أي كلام و ميسألوش تاني!
💧دي بتبقي مشكلة كبيرة، عشان الطفل عنده مرض ال PKU لكن الغدة الدرقية سليمة! و أي تأخير في علاج المرض ده بيأثر علي نمو الطفل و درجة ذكائه و بيسبب علي المدي الطويل التخلف العقلي!

دامت أطفالكم بخير 💖 💕

🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

17/08/2024

السلام عليكم ورحمة الله وبركاته
خبر لا بد من التبيه له لأخذ الحيطة والحذر
جدري القرود مرض بداء انتشاره بشكل ملحوظ وهناك وفيات حصلت في أوروبا من هذا المرض .
جدري القرود (بالإنجليزية: Monkeypox)، أو ما يعرف بجدري النسناس، هو مرض نادر ينتج عن الإصابة بفيروس جدري القرود، وهو مرض يشبه مرض الجدري (بالإنجليزية: Smallpox) الذي يسببه فيروس فاريولا (بالإنجليزية: Variola Virus)، ولكن لا يعد جدري القرود قاتلاً كما هو الحال عند الإصابة بالجدري☠️

حديثاً، ازداد عدد الإصابات بمرض جدري القردة مختلف أنحاء العالم، الأمر الذي جعل منه مصدر للقلق لدى العديد من الأفراد خوفاً من أن يصبح وباء عالمي، كما حصل لفيروس كورونا الجديد🥺😢

💢الأعراض.....
فترة حضانته قد تطول لمدة 21 يوم كاملين، قبل ما تبدأ تظهر عليك الأعراض المميزة له، اللي هي بتبدأ بمزيج من الحمى والصداع وآلام العضلات وآلام الظهر والقشعريرة والإرهاق وتضخم الغدد الليمفاوية.. زي برد المروحه كده 😏

وبعد ما تجيلك الحمى، هتبدأ تظهر السمة المميزة للمرض، اللي هي بتكون عبارة عن طفح جلدي قوي ولونه غامق، في الغالب بيظهر على الوش، وبعدين بينتشر لأجزاء تانية من جسمك اغلبها في بطن اليد والقدم والظهر والبطن زي بالظبط الجديري العادي وعندنا في الأطفال زي اعراض متلازمه اليد والقدم والفم....

💢 طرق انتقاله.....
يمكن للفيروس أن ينتقل من خلال الاتصال المباشر مع الحيوان أو الإنسان المصاب، أو من خلال المواد الملوثة مثل الفراش أو الملابس ممكن حتى اغلفة السرير لذلك الناس اللي تسافر و هتنزل فالفنادق و الشقق المأجرة تاخد بالها . يمكن أن ينتقل أيضًا من إنسان إلى آخر عبر رذاذ التنفس أو ملامسة الطفح.

💢الوقايه والعلاج.....
لا ان شاء الله مفيش علاج ولا حاجه 😌
لا يوجد علاج محدد لهذا المرض مجرد علاجات داعمة زي مسكنات خوافض حراره وادويه الهرش وخلافه بتعلاج اعراض يعني ..

ادعو الله ان يحفظنا ويحفظكم ولا تنسوا الوقاية خير من العلاج 🤲

دامت أطفالكم بخير 💖 💕

🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

24/04/2024

مواعيد العياده مع بداية التوقيت الصيفي ⏳
👨‍👩‍👧‍👦

10/02/2024

اليومين دول علي غير العاده في هجمه شرسة من النزلات المعوية ع الأطفال 👶
💭 🤮 عند الاطفال
💭هذه نقاط مهمة جداً⬇️⬇️ ماتنسوش انه النزلات المعوية تهدد حياة الطفل ...

💊الترجيع ممكن يوقف مرة وحدة بس الاسهال بياخد وقت لحد ما يخف ⌛️ممكن نعطي حقنة للترجيع او حتي في أقراص علي اللسان ممكن نستخدمها

💊لو ترجيع بس من غير اسهال هذه حاجة تقلق🧐 لان في اسباب تانية تسبب غير النزلات زي الانسداد الامعاء او ارتفاع في السكر الدم مع حموضة.

💊 محلول معالجه الجفاف🍶 والزنك مهمين جدا بالذات في منع الجفاف .

💊 النزلات المعويه نادرا ما تحتاج مضاد حيوي💉 والغالب يكون التهاب فيروسي زي الروتا 🦠

💊 الاسهال الشديد يسبب التهابات في منطقة الحفاظ ولازم الام من الاول تدهن مرطب مع كل مره تغيير للحفاظ 💯

💊لو طفلك عنده ترجيع مستمر او اسهال مزمن غير مستجيبين للعلاج يبقي محتاج يعلق محاليل💉 عشان مايخشش في جفاف خاصه السن الصغير 👶يكون اكثر عرضه للجفاف✅️.

دامت أطفالكم بخير 💖 💕

👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

22/01/2024

☑ الأم في العياده
اابني سخن بقاله اسبوعين كانت حرارته ٣٩.٢ اديته لبوسة سيتال نزلت شويه ورجعت تاني رجعت اديته بروفين بتروح وتيجي.. من ٣ ايام بدأ يكح والكحه بتزيد بليل مش بتهدي خالص وبيرجع بلغم كتير... كانت اصلا اخته تعبانه وتقريبا هو اتعدي منها... ومش بياكل خالص مغلبني في الأكل كل حاجه بيرفضها وهو مولود اصلا كان دايما بيخنفر لفيت به علي كل الدكاتره ومفيش فايده خالص وبيرجع علي طول مره ترجيع عادي ومره ببلغم... في تطعيم الشهرين اصلا كان مطعم في ميعاده لكن مع تطعيم ال٤ أتأخر ٥ أيام... عاوزه اكشف عليه بقي

☑ الأب في العياده
حراره وترجيع

الآباء عالم جميل 💞

16/01/2024

الناس اللى بتسأل عليا فى الجروبات..علشان يطمنوا على مستوايا وطريقة شغلي
ممكن استأذنكم تجاوبوهم هنا
👇👇

15/01/2024

شعب سمره كيدز كلينك الخلوق المهذب المثقف الواعي أينما كنتم طبتم وطاب صباحكم بكل خير وسعادة
كل عام وانتم بخير عام جديد سعيد علي الجميع 🌹

منشن و اضافه لكل ام جديده 👏
👈بوست #لحديثي الولادة طويل شويه بس مهم💯👌

🛑 اى ام لسه والده أو حامل وعلى ولادة اي سؤال يخطر على بالها هتلاقيه هنا... هو طويل شويه بس فيه تجميعه تقريبا لكل مايدور في بالك👇

🤱 يادكتور ابنى اتولد ضعيف اوى وزنه اتنين كيلو ونص!!
👨🏻‍⚕️ طبيعى جدا لان وزن الطفل الكامل الطبيعى من اتنين كيلو ونص لتلاته كيلو.

🤱 طب يادكتور انا لسه والده وعاوزه اديله اى حاجة لحد ما اللبن عندى ينزل ؟
👨🏻‍⚕️ ماهو السرسوب ده اسمه لبن وكميته قليل بس مشبعه ومفيدة جدا لانه مليان مضادات حيوية طبيعة

🤱 طب كنت عاوزه اديله اعشاب أو رضاعة صناعى أو ينسون
👨🏻‍⚕️ ممنوع

🤱 طب يادكتور انا لبنى خفيف وعاوزه ادخل صناعى ؟
👨🏻‍⚕️ مافيش حاجة اسمها لبن خفيف ولبن تقيل لانه ببساطه اكتر من ٨٠ ٪ من اللبن عموما مائه

🤱 طب أنا ابنى مازادش غير كيلو بس من لما اتولد وعمره دلوقتى شهر ؟
👨🏻‍⚕️ اول اربع شهور الطبيعى أنه يزيد بس كيلو الا ربع كل شهر يعنى هو كده تمام

🤱 طب يادكتور معلش ابنى مولود صدره كبير شويه وقالولى اعمليله تعصير لصدره .. اعمله ؟
👨🏻‍⚕️ اوعى ياماما انتى كده هتعملى خراج وصديد وبلاوى دى هرمونات أنثوية منك يعنى وبمجرد ما هتتسحب من الدم هيخف لوحده.

🤱 تطعيم الدرن يادكتور بتاع كتفه حاسه أنه ملتهب اصفيه ؟
👨🏻‍⚕️ ماتقربيش منه خالص ممنوع هو هيخف لوحده برضو

🤱 طب يادكتور فى احمرار كده فوق جفون بنتى من الجانبين ؟
👨🏻‍⚕️ طبيعى وبيختفى لوحده

🤱 طيب ابنى اليوم التانى أو التالت مش فاكره بالظبط بدأ عنيه تصفر وباباه حطه تحت لمبه نيون عشان الصفراء تنزل ؟
👨🏻‍⚕️ الصفراء اول يوم باثولوجيه يعنى مش طبيعية وغالبا أسبابها تكسير فى الدم ودى بتحتاج حضانة لأننا بنعمل تغيير للدم أو الطفل بيتحط فى الكبسوله أو الغواصه ودى علاج ضوئى ٣٦٠ درجة يعنى من كل النواحى .. انما صفرا اليوم التانى أو التالت أو الرابع دى اسمها فسيولوجية ودى أما تحتاج حضانة بعلاج ضوئى عادى أو لو النسبة قليله هتحتاج رضاعة فقط كويسه .. لمبة البيت بقى هتسخنه فقط ومش هيستفيد منها حاجة فى موضوع الصفراء .

🤱 طب يادكتور النقط الزرقا اللى على ضهرة وعلى فخده من وراء دى حلها ايه ؟
👨🏻‍⚕️ دى اسمها مونجوليان سبوت ودى طبيعية وبتروح لوحدها

🤱 معلش بقى يادكتور فى حاجة عاوزه اقول لحضرتك عليها بس مكسوفه شويه .. وانا حامل كان نفسى فى حبايتين فراولة وجوزي قالى بس ياطفسه ومارضيش يجيبهالى واهو يادكتور زى ماحضرتك شايفه لزقت لابنى بعد ما اتولد 😰
👨🏻‍⚕️ مش مظبوط ياماما دى وحمه دموية وبرضو لو حضرتك اكلتى شجرة الفراولة كلها كانت هتظهر .

🤱 ماشى يادكتور والتسلخات بقى ؟
👨🏻‍⚕️ لازم حضرتك تنشفى كويس لان الفطريات بتحب المايه وكمان استخدمى ع طول كريم يحتوى ع الزنك زى موندو أو سودو قبل تغيير كل حفاضه.

🤱 طب والحمام بقى يادكتور عشان احيانا بحس أنه عنده اسهال وأحيانا بحس أنه إمساك عاوزه افهم الليله دى !!
👨🏻‍⚕️ أنماط الإخراج عند حديثى الولادة مختلفه ممكن يعمل حمام بعد كل رضعه وممكن مرتين او تلاته فاليوم وممكن كل يومين او تلاته وممكن كل اسبوع

🤱 كل اسبووووع ياااه كتير اوى .. وماستخدمش لبوس ملين ؟
👨🏻‍⚕️ ممكن لو بعد ٣ أو ٤ ايام استخدم لبوس بس عشان البراز ممكن يبقى ناشف شويه فيعمل تجريح شرجى انما لو مش ناشف مش هنستخدم.

🤱 طب يادكتور شوفلى حل مع الخنفره لانى تعبت ؟
👨🏻‍⚕️ الخنفره من علامات نضوج الطفل ودى حاجة طبيعية والطبيعى مش بيخف هنستخدم نقط ملح زى اوتريفين بيبى سالين أو سالينكس وكمان ممكن نستعين بماء البحر زى الفزيومير والماريمير والبوليمير والفرى نوز وغيرهم وبرضو مش هيختفى افتكرى انى قولت لحضرتك أنه طبيعى

🤱 طب الخنفره وعرفنا أنها طبيعى والانتفاخ الرهيب ده يادكتور وبسببه زن طول الليل والنهار ومش بينام ؟
👨🏻‍⚕️ نفس الفكره بالظبط اى طفل بيتولد كامل النمو بيبقى عنده انتفاخ وخنفره واحيانا ارتجاع وكل ده طبيعى طالما الطفل بيرضع كويس ووزنه بيزيد ونفسه مش عالى وركزى ياست الكل مع كل كلمه انا قولتها لأن اى تغيير فيها فده مش طبيعى

🤱 يعنى كده يادكتور الانتفاخ مش هيخف خالص ومش هياخد اى أدوية ؟
👨🏻‍⚕️ بيخف متوسط ٦ شهور وبياخد أدوية للانتفاخ بس نفس الفكره لأنه طبيعى فممكن يخف شويه انما مش بيختفى بياخد أدوية زى الدنتينوكس وماء نونو وغيرهم

🤱 والترجيع بقى اللى شغال معاه من وقت الولاده وكل ما يرضع رضعه يرجعها كلها وبيرجع من بقه ومناخيره تقريبا كده كل الرضاعة بيرجعها مع العلم بيرضع كويس ونفسه بيزيد ؟
👨🏻‍⚕️ كويس ياماما أما هبدأ من اللى حضرتك انتهيتى بيه أنه طالما بيرضع كويس ووزنه بيزيد فده برضو طبيعى

🤱 يعنى مش هياخد اى ادوية؟؟
👨🏻‍⚕️ هياخد بس برضو مش هيخف وممكن الموضوع ده ياخد معاه من ٦ شهور لسنة وأدوية زى موتينورم وجاست ريج وحاجة تخف الحموضة زى مالوكس بس مش عاوز أحبط حضرتك هو برضو هيفضل يرجع لحد الفترة اللى قولت لحضرتك عليها.

🤱 طب يادكتور انا برضع طبيعى وسمعت كلمة انى لازم ارضعه كل ساعتين وانظم الرضاعة ؟
👨🏻‍⚕️ مافيش حاجة اسمها تنظيم رضاعة مع الطبيعى والطفلة يرضع وقت اللزوم .

🤱 ابنى بقى يادكتور عينه الشمال من وقت الولاده هو ما شاء الله عنده شهر ومن وقتها وعينه بتعمل إفرازات جامده اوى وبتحمر ؟!
👨🏻‍⚕️ ده اسمه انسداد فى القناة الدمعية و ٩٠٪ من الأطفال بتخف لوحدها والعلاج كمادات مائه دافية من فوق لتحت ١٠ مرات كل مرة وبنستخدم وقت الافرازات مضاد حيوى زى الفيجاموكس ومرهم باليل داخل العين وال ١٠٪ اللى مش بيخفوا بيتعملهم عملية تسليك للقناة الدمعية ع سن سنة ونص.

🤱 معلش بقى يادكتور بتقل عليك كنت عاوزه اعرف من حضرتك قصة الفيدروب وجرعته ومن سن كام وأدى كالسيوم امتى ؟
👨🏻‍⚕️ الفيدروب اسمه العلمى فيتامين د جرعته ٤٠٠ وحده يوميا وكل نقطة من الفيدروب فيها ١٠٠ وحده فأنا محتاج ٤ نقط يومياً تحت سنة و ٦ نقط فوق سنة ودى جرعة وقائيه .. أما بالنسبة للكالسيوم فممنوع الا لو عملنا تحليل كالسيوم كلى ومتأين وظهرلنا أنه فى نقص وقتها هنصرف كالسيوم غير كده لأ لانه بيأثر على الكلى وبيعمل حصاوى وبلاوى زرقا

🤱 طب والحديد ؟
👨🏻‍⚕️ ده على سن ٤ إلى ٦ شهور وبنديه برضو كجرعة وقائيه عشان نمنع الانيميا ونقص الحديد.

🤱 سؤال تانى يادكتور ابنى عنده فتقين واحد سره وبلبسله حزام والتانى اربى عاوزه اعرف بقى علاجهم ايه؟
👨🏻‍⚕️ ناخدهم واحد واحد فتق السره مشهور جدا فى كتير من الأطفال ومش بنستعمل حزام سره ممنوع وغالباً هيخف على سنه ولو ماخفش عملية انما الفتق الاربى عملية ع طول .

🤱 حماتى بقى يادكتور من لما اتولد ابنى وبتلف حوالينا بطنه وظهره بحاجة كده شبه الملائكه بحجة أنها بتسند ظهره ايه رأى حضرتك ؟
👨🏻‍⚕️ ممنوووووع ده بيخنق الطفل اكتر ومالوش فايده جهاز الطفل العصبى بيكبر ويكتمل ببطء وعلى مراحل يعنى مش هتفيده.

🤱 والاستحمام يادكتور وقت الشتاء والصيف ؟
👨🏻‍⚕️ الشتاء يوم استحمام ويومين لأ .. الصيف كل يوم.

👨🏻‍⚕️ فى حاجة تانى ياماما فى حديث الولادة عاوزه تسألى عليه ؟
🤱 شكراً لحضرتك يادكتور كده كل حاجة واضحة وتمام 🌸

🛑 دمتم بخير 💖

👨‍👩‍👧‍👦
🏚️ دكرنس شارع العروبه أ الميدان برج الهبه ٢ ناصية شارع الكنيسه الدور الرابع
🏚️ المحمودية الكوبري الجديد مقابل المجلس المحلي
01220030454
0504501050

Samra kid's Clinic

31/10/2025

23/10/2025

25/10/2024

09/10/2024

12/09/2024

17/08/2024

24/04/2024

10/02/2024

22/01/2024

16/01/2024

15/01/2024

Address

Telephone

Website

Alerts

Shortcuts

Share

Category