Dr. Ehab Fakharany - د. إيهاب الفخراني

13/06/2025

👶 لو انتي بترضعي، خدي بالك إن أكلك بيأثر على البيبي بشكل مباشر!
في شوية حاجات ممكن تزعجه أو تتعب بطنه، فحاولي تقللي منها:

🍫 الشوكولاتة والكافيين (زي الشاي والقهوة) ممكن يصحّوه ويخليه مش عارف ينام
🥦 أكلات زي الفول والكرنب والعدس بتعمل غازات وتعب في البطن
🌶 التوابل الكتير والمأكولات الحارة ممكن تغيّر طعم اللبن
🐟 بعض أنواع السمك (زي التونة الكبيرة) فيها مواد مش مناسبة للرضيع
🧀 منتجات الألبان ساعات بتسبب مغص لبعض الأطفال
🥫 الأكل المعلّب أو اللي فيه مواد حافظة مش الأفضل وقت الرضاعة
🧅 كمان البصل والثوم ممكن يخلو البيبي يرفض الرضاعة لو حس بطعم غريب

🎈 مش لازم تمنعي كل ده، بس تابعي البيبي ولو لاحظتي أي حاجة غريبة ارجعي لدكتورك فورًا.
صحة طفلك تبدأ من أكلك... وإحنا دايمًا معاكي ❤

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

10/06/2025

☀️ الحر وصل ؟ خلي بالك من طفلك في الصيف 👶💧
الصيف محتاج شوية اهتمام أكتر بأطفالنا، عشان جسمهم حساس وبيتأثر أسرع من الكبار.
جايبين لك شوية نصايح بسيطة تحافظي بيها على راحة وصحة ابنك في الجو ده:

👕 اختاري له لبس خفيف وقطن 100% علشان جسمه يتهوى ومفيش التهابات.
💦 ما تنسيش السوايل! الرضاعة أو الميّه مهمة جدًا، خصوصًا لو الحر شديد.
🌬️ خلي المكان اللي بينام فيه فيه تهوية كويسة، ويفضل مروحة مش مباشرة عليه.
🧴 استخدمي كريم مرطّب لو الجلد ناشف، وبلاش أي حاجة فيها عطور أو كحول.
🧼 غيري هدومه لو بلت أو عرق بسرعة، عشان تتجنبي التسلّخات.
☀️ لو هتخرجي بيه، البسيه لبس خفيف يغطي جسمه، وحطيله طاقية، وامشي في الضل قد ما تقدري.

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

05/06/2025

عيد أضحى مبارك 🌙🐑
كل سنة وكل أسرة بخير وسعادة،
ودايماً ولادكم بصحة وعافية، وفرحتهم دايمًا مالية بيوتكم.
في عيد الأضحى بنفكركم إن صحتهم أمانة، وإحنا دايمًا موجودين علشان نساعدكم تطمنوا عليهم في أي وقت 💙

د/ إيهاب الفخراني

23/05/2025

مواعيد العمل بالعيـادة :

📆 السبت - الاتنين - الأربع
⏰ من 4 العصر لحد 8 بالليل

💬 وبنرد على أي سؤال أو استفسار على الصفحة أو التليفون،
🎯مرور استشاري يومياً
🎯وجود طبيب الطوارئ علي مدار الـ 24 ساعة

27/03/2025

🤔 طفلك بيصحى بالليل كتير ومش عارفة تعملي إيه؟ متقلقيش، من بعد 6 شهور تقدري تبدأي تساعديه ينام فترة أطول بالليل من غير ما يصحى كل شوية! 😴💙

✔️ لو بيرضع طبيعي، خلي آخر رضعة قبل النوم مشبعة، لإنه في السن ده مش محتاج أكل بالليل زي الأول.
✔️ لو بيرضع صناعي، حضّري له رضعة صغيرة جنب السرير، بحيث لو صحي يشربها بسرعة وينام تاني من غير ما يفضل صاحي.
✔️ الإضاءة الخافتة مهمة، لإن بعض الأطفال بيقلقوا في الضلمة الشديدة.
✔️ متتكلميش بصوت عالي أو تصدري ضوضاء لو صحي، عشان يرجع ينام أسرع.
✔️ الـ Skin to Skin (يعني يفضل قريب من جسمك) بيطمنه جدًا، بس وهو جنبك مش على إيدك، عشان ما يتعودش ينام وهو مرفوع.
✔️ ممكن تسمعيه بيعيط وهو نايم، ده طبيعي جدًا! ساعات بيعمل أصوات أو يتحرك كتير وهو لسه نايم، فمتجريش تصحيه على طول، راقبيه الأول!

💙 كلها خطوات بسيطة، بس هتفرق معاكي ومع طفلك وتساعده ينام بعمق أكتر! 😴✨

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

24/03/2025

🌙 "رمضان فرصة عظيمة لتعليم طفلك معنى الدعاء!"
الأطفال بيحبوا يقلدوا الكبار، ولو شجعناهم على الدعاء، هيكبروا وهم مرتبطين بربنا. 💙
علّم طفلك يرفع إيديه ويدعي بكل حب، وابدأ معاه بالأدعية البسيطة دي:

🤲 "اللهم أعني على الصيام والقيام، وارزقني الصحة والعافية."
🤲 "يا رب بارك لي في رمضان واجعلني من الصالحين."
🤲 "اللهم احفظ أبي وأمي واغفر لهما وبارك لنا في أهلنا."
🤲 "يا الله، ارزقني قلبًا طيبًا ولسانًا صادقًا."

22/03/2025

طفلك مستعد للصيام؟ ولا لسه بدري عليه؟

مش كل الأطفال يقدروا يصوموا بنفس القدرة، وده بيختلف حسب صحتهم وحالتهم البدنية.

✔️ الأطفال أقل من ٧ سنين مش مفروض يصوموا فترات طويلة
✔️ من ٧ لـ ١٠ سنين ممكن يتعودوا تدريجيًا على الصيام
✔️ من ١٠ سنين فما فوق، لو صحتهم تسمح يقدروا يصوموا يوم كامل

⭕ لكن لو الطفل بيعاني من أمراض مزمنة أو وزنه ضعيف، لازم استشارة الطبيب أولًا!

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

19/03/2025

أحيانًا العلاج مش بيمشي بخط مستقيم، ممكن نحتاج نعدل الجرعات، نغيّر الدواء، أو حتى نوقف نوع معين حسب استجابة طفلك. وده مش معناه إن العلاج مش فعال، بالعكس، ده معناه إننا بنتابع كل تفصيلة عشان نوصل لأفضل نتيجة.

عشان كده، المتابعة عندنا جزء أساسي من العلاج، وحابين نوضح إن المتابعة عندنا مجانية تمامًا، مهما احتاج طفلك زيارات.

احنا معاك من أول لحظة، لحد ما طفلك يبقى بأفضل حال. لأن دي مسؤوليتنا…! 💙

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

19/03/2025

تحذير مهم لكل الأهالي: انتشار ملحوظ لفيروس الهربس الفموي عند الأطفال! 🚨

👶 الهربس مش مجرد قرحة… ده فيروس لازم ناخد بالنا منه!
العدوى دي بتصيب الأطفال من سن 6 شهور لـ 5 سنين وبتسبب تقرحات مؤلمة حوالين الفم والشفايف، وده بيخلي الأكل والشرب كابوس للطفل! 😞

⚠️ أعراض الهربس عند الأطفال:
🔹 قرح وتقرحات مؤلمة في الفم، اللسان، واللثة.
🔹 صعوبة في الأكل والشرب بسبب الألم.
🔹 سخونية ممكن تبقى عالية أو متوسطة.
🔹 انتفاخ الغدد الليمفاوية (خصوصًا تحت الفك).
🔹 فقدان الشهية وتعب عام.
🔹 رائحة نفس كريهة بسبب التقرحات.

💡 طب نتصرف إزاي؟
👩‍⚕️ أهم حاجة… ما تجربش أي علاج من نفسك! علاج الهربس لازم يكون تحت إشراف دكتور متخصص لأن مناعة الأطفال ضعيفة، وكل طفل ليه بروتوكول علاج مختلف حسب حالته.

📌 لحد ما تروح للدكتور، دي شوية حاجات ممكن تعملها:
✅ خلي طفلك يشرب سوائل كتير عشان ما يحصلش جفاف.
✅ قدم له أكل طري وسهل البلع، ويكون بارد شوية (وتجنب الأكل الحامض أو المالح).
✅ لو الحرارة عالية، استخدم خافض حرارة لكن باستشارة الدكتور.
✅ الأدوية المضادة للفيروسات موجودة، لكن ما تديهاش من نفسك، لازم الدكتور يحدد الجرعة الصح!

📍 لو لاحظت الأعراض دي على طفلك، متتأخرش في استشارة الطبيب عشان العلاج يبقى أسرع وأسهل! 💙🩺

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

Pediatrician طبيب اطفال

08/03/2025

كل يوم بنشوف أطفال بيعانوا من النزلات المعوية، تعب، إسهال مستمر، جفاف، ودوامة من العلاج والمحاليل اللي بتنهك الطفل والأهل. وكتير من الأهالي بيسألوا نفس السؤال: هل تطعيم الروتا ضروري؟ والإجابة بكل وضوح... مش بس ضروري، ده أساسي لحماية طفلك! ✅

تطعيم الروتا بيقلل بشكل كبير خطر الإصابة بالنزلات المعوية اللي بيسببها فيروس الروتا، واللي ممكن تسبب مضاعفات خطيرة زي الجفاف والتعب المزمن، وده مش كلام نظري… الدراسات أثبتت إن التطعيم ده حمى ملايين الأطفال حول العالم!

لكن الفكرة مش بس في حماية طفلك من النزلة المعوية نفسها، لأن فيه حاجة مهمة كتير من الأهالي مش بياخدوا بالهم منها…

لما الطفل بيصاب بنزلة معوية، جسمه بيتعرض لإجهاد شديد، وفقدان للسوائل، وده بيضعف مناعته بشكل كبير، وبيخليه عرضة لأي عدوى تانية بسهولة، وده اللي بيخلينا نسمع جملة زي:
"ابني بدأ بإسهال وترجيع، وبعدها بكام يوم لقيته بيكح ونهجان!"

ده لأن الجسم بعد ما يخلص من النزلة المعوية، بيكون في أضعف حالاته، وبالتالي أي فيروس أو بكتيريا تانية بتهاجمه بسهولة، وده اللي بيخلي الأطفال اللي بيتصابوا بنزلات معوية بشكل متكرر يكونوا عرضة أكبر للنزلات الشعبية والتهابات الجهاز التنفسي.

يعني جرعة بسيطة من تطعيم الروتا مش بس بتحمي طفلك من النزلات المعوية، لكنها كمان بتحافظ على مناعته قوية، وبتقلل فرص إصابته بعد كده بالنزلات الشعبية والرئوية!

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

Pediatrician طبيب اطفال

08/03/2025

لأن التطعيم أمانة ومسؤولية ، حابين نوضح بعض النقط المهمة جدا

البعض ممكن يفكر إن التطعيم مجرد مصاريف إضافية، لكن الحقيقة مختلفة تمامًا!

لما نحسب تكلفة علاج النزلات المعوية من أدوية، محاليل، زيارات للطبيب، تعب ومعاناة للطفل، هنلاقي إن التطعيم أوفر بكتير، والأهم إنه بيجنب الطفل كل ده!

وإحنا مش بنقول إن لازم تاخد التطعيم من عندنا لأن هدفنا مش "بيع التطعيم" هدفنا الأول والأخير هو الحماية الحقيقية لطفلك وده ممكن يحصل حتى لو اشتريتي التطعيم من أي صيدلية موثوقة، لكن لازم تعرف إن الطريقة اللي بيتنقل ويتخزن بيها بتفرق جدا في فاعليته عشان كدا لازم تتأكد إن التطعيم محفوظ بالطريقة الصحيحة، في المكان الصح، ويكون من جهة موثوقة. عشان كدا احنا كمان بنراجع أي تطعيم تجيبيه بنفسك. لو جبتي التطعيم من مكان موثوق، هنراجعه معاك، ولو لقيناه سليم، معندناش أي مشكلة إننا نديه لطفلك.

لأن هدفنا مش "بيع" التطعيم زي ما قولنا ، هدفنا إن طفلك ياخد جرعة تحميه بجد!

بعد التطعيم بيتم عمل جدول متابعة لكل تطعيمات طفلك، عشان نضمن إنه محمي في كل مراحل عمره.
بمجرد ما بنطعم الطفل، بنوثّق مواعيد الجرعات الجاية، اللي الطفل محتاجها، لان ضروري يكون في خطة واضحة لصحة طفلك.

العنوان: مستشفى الفخراني الطبي التخصصي، الدور الأول - ادفينا - طريق رشيد - المحمودية.
📞 للحجز والاستفسار: 01030060034

06/03/2025

مواعيد العيادة خلال رمضان!
يوميًا من 7 مساءً حتى 11 مساءً وكل عام وانتم بخير وصحة 👶✨