Ph Rizk Mostafa

24/11/2025

عجبني اللي قال بطلي هبد يا ولية ده 😂

17/11/2025

دي مش جلسة ديرما بن 😯

دي الديرما رول زي الديرما بن بالظبط بس هي موجودة في كل بيت و في اي صيدلية و مش محتاج تروح تعمل جلسة ديرما بن بالشئ الفلاني و وفر فلوسك كلها 250 جنية
و هتعقد معاك سنين

بتعمل ايه الدراما رول دي ؟

بتحفز الجسم علي انتاج الكولاجين جديد من خلال مبدأ اسمه microneedling

ده بيحصل عن طريق خدوش عبارة عن micro صغيرة خالص الجسم بيفتكر أن فيه إصابة بسيطة فيبدأ يعمل healing response النتيجة ايه بقي ؟

* زيادة كولاجين
* زيادة الـ elastin
* تنشيط الدورة الدموية
* تحسين امتصاص أي سيروم

مفيدة لايه ؟

* اثار حبوب الشباب الـ mild و الـ moderate

ركز بقول اثار مش معالجة الحبوب نفسها لو استعملتها و فيه حبوب في وشك اي كان السبب هتكتر منها و هيحصل التهاب جامد في الوش

* المسامات الواسعة

لو عاوز نتيجة حلوة مع الديرما رول في المسامات الواسعة استعمل معاها تونر و علي ضمانتي بس يكون شركة نظيفة

* لو انت عاوز تزود من الـ effective بتاعت اي سيروم
أو اسبراي أو جل او كريم او اي حاجة عموما topical
استعمل الديرما رول

* التجاعيد و الخطوط الدقيقة

بص كدا فوق عندي هتلاقي تجاعيد في الجبهة بتاعتي
و خطين كدا علشان كدا استخدمتها في المكان ده لتقليل التجاعيد و تقليل الخطين دول و اديك شايف بنفسك عملت ايه 😌

لو لاحظت فيه انتفاخ في الجبهة دا بسبب كمية الكولاجين اللي اتفرزت وقتي في المكان ده وقتي ركز بقولك وقتي

* الجلد المترهل بشكل بسيط و الاستريتش مارك

هتلاقيني كنت بقول في البثات بتاعتي لو حد متابعني علي التيك توك الناس اللي عندها استريتش مارك أو جلد مترهل تستعمل الديرما رول مع شوية كريمات كدا هبقي اقول عليهم بعدين

* تحسين نضارة الجلد

طبعا عارفين ليه 😒

الحجم المناسب لبشرتك ايه ؟

والله علي حسب انت بتستعملها فين و ليه

* لو انت عوزها لنضارة البشرة خليك من 0.25 مل لـ 0.5 مل

* اثار حب شباب خليك 1 مل لـ 1.5 مل

* علامات التمدد و الاستريتش مارك من 1.5 مل فيما فوق لحد 3 مل

* تطويل و تكثيف الذقن من 0.5 لـ 1 مل

* تطويل و تكثيف الشعر من 1.5 مل لـ 3 مل

ملاحظات هامه جدا بعد اذنك

* قبل اي حاجة بقي لازم تعقم كويس الدراما رول قبل الاستخدام و بعد الاستخدام علشان الفيروسات و الميكروبات و الاجسام الغريبة حاجة عندنا كدا بنسميها الـ infection control

* ممنوع تستخدم علي جلد فيه حبوب اي كان السبب سواء حب شباب خفيف او متوسط او شديد أو حبوب بسبب البكتريا و الفطريات

* ممنوع حد يستعملها غيرك يعني اخوكي ابوكي جوزك مراتي لا دي لوحدك انت بس برضوا علشان الـ infection control

* طبعا تلت مرات في الأسبوع حلو اوي بليل قبل ما تنام بليل قبل ما تنام بليل قبل ما تنام

* الفرشة اللي هتنام عليها أو المخدة او البطانية اللي هتفضل حاضنها طول ما انت نايم تكون نظيفة بعد اذنك 😊

ملاحظات من عندي أنا بقي بتاعتي أنا مش بتاعت حد تاني

* استعملها في الشتاء كتير و اهتم جامد في الشتاء و طبعا احنا دخلنا الشتاء اهتمي بقي 😒

* قبل النوم متروحشي تنام علطول لا اصبر شوية نص ساعة مثلا و عرض وشك لوش تكييف أو مروحة علشان يرطب الدنيا معاك شوية و ممنوع تستعمل مرطب غير بكرا الصبح

* استعمل كريم فيوسدين فقط لو حصل التهاب أو احمرار جامد فيوسيدن فقط أو أي مثيل ليه نفس المادة الفعالة زي ما انت شايف كدا في الفيديو هتلاقي عندي في خدودي حصل احمرار خفيف حطيت عقلة فيوسدين علي المكان فقط مش وشي كله علي المكان فقط علي المكان فقط

* لو حسيت بوجع الديرما رول أو مش قادر تتحكم فيها بسبب الوجع أو القشعريرة 😂

هات مخدر موضعي قبلها و اصبر نص ساعة لما المخدر يعمل مفعول و بعد كدا اعمل روتينك

هنزلك صور النتيجة بكرا الصبح علشان تشوف بنفسك فتابع التعليقات

لو تلاحظ أنا عامل البوست بليل و لسه عامل الروتين حاليا فأكد عليك تاني بليل قبل ما تنام و بعد لما تصحي من النوم شوف النتيجة بنفسك و بكرا هوريك 😊

16/11/2025

احـ ـــا بالعربي بقي

شفتوا صورتي عاملين فيها ايه
😂😂😂😂😂
طيب بمناسبة اليوم العالمي للسكر
و مرور ١٠٠ سنه ع استخدام الانسولين
🤣🤣🤣🤣🤣👇👇
بقول للأستاذ ده و اللي علمه و اللي شبهه
👌👌👌👌🤣🤣
🤚🏻انت مش بتفهم حاجه🤚🏻
🎈🎈🎈🎈🎈🎈🎈🎈
و مفيش مرض اسمه سكر
و اللي عنده كلام علم عن علم
و هو واثق فيه
يطلع معايا قدام الناس
و له عندي مكافأه ماليه كبيرة

لو عرف يرد نص ساعه
—————-/————:—————😒😒😒😒
و يشرح اللي فاهمه و شاف نتايجه
لكن قلة أدب و وقاحة
أنا هزعل الناس مني
👇👇👇👇👇👇👇👇👇👇
هوه ده أسلوب المناقشة و الحوار
والله ما في مرض اسمه سكر
و لو فيه يعالجوه ؟؟؟؟؟
مش بينزلوا السكر في الدم
😂😂😂😂😂😂😂

12/11/2025

ليه المضادات الحيوية غير فعالة مع العدوي الفطرية ؟

10/11/2025

الجرب

المعروف مصريا بحمادة لجرب 😂

هل حمادة كان اجرب فعلا ولا ده كان لفظ دلع ليه ؟

المهم

الجرب أو ما يسمي الـ mites و الذي ينشأ من parasite اسمه sarcoptes sacabiei ما علينا ملهوش اي لازمه الكلام ده المهم اللي جاي 😯

إزاي الجرب بيتنقل من شخص لشخص اللي هو طريقة العدوي أو ما يسمي بـالـ mode of action

* عن طريق انك تلمس حمادة لجرب المرض هيتنقل ليك فا لما تلاقي حد عنده الجرب متقربشي منه و حاول متاثرشي علي نفسيته الا لو كان مصريا زي حمادة لجرب ده بالعكس بيحب يتقال ليه كدا 😂

أنا هاثر علي نفسيته اكتر ما الناس هتاثر عليه في
البوست 🥲

* برضوا بيتنقل عن طريق انك تستخدم هدوم حمادة لجرب أو ما تسمي الملابس الشخصية بتاعت حمادة لجرب 🥲

طب ازاي اعرف ان عندي الجرب و اكون متاكد ان عندي الجرب ما يمكن تكون حساسية أو أي حاجة تانية ؟

عندك حجتين تعرف بيهم

* كلنيكالي : انك تحس حكة شديدة و خصوصا بليل
و ممكن توصل لـ scratches اللي هي خدوش و ممكن يحصل vesicles و pustules

* معمليا : روح المعمل يا حمادة و ريح دماغك و شيل الوسواس القهري ده من عندك

الفني أو الاخصائي هيعمل نفق في الجلد بإبرة و هيفحص المحتويات تحت عدسة مكبرة علشان نشوف الـ adult mites أو الـبيضة أو أي مرحلة من مراحل اطوارة المختلفة

العلاج بقي و ده اهم حاجا إزاي تعالج نفسك من الجرب 🥲

* النظافه الشخصيه يا حمادة تستحمي يوميا بصابونة كبريت لمدة 5 أيام متباقش معفن و تنام معفن يا معفن 🤢

* النظافه البيئية يعني تغير ملابس و الفرشة اللي بتنام عليها و ملابس و مليات اسرتك و مينفعشي قولتلك فوق تلبس هدوم حد أو حد يلبس هدومك و تعقم هدومك

* العلاجات الموضعية

نستخدم مرهم كبريت تركيز من 10 لـ 15 ٪

نستخدم الـ emulsion benzyl benzoate تركيز 25 ٪
أو نستخدم لوشن يكون فيه benzyl benzoate تركيز 68% و benzocaine 12٪ و tween 80 تركيز 14 ٪

اخر حاجا حبيب الملايين و المشهور في علاج الجرب
و ناقص حاليا 🥲 الـ ectomethrin lotion 🧴

و بس كدا 🥲

اخر حاجا متزعلشي مني يا عم حمادة لجرب مجتشي عليا يعني اقولك كدا 😒

10/11/2025

❤️❤️

🌿 عمل طيب يُخلّد الذكرى 🌿

في لفتة إنسانية نبيلة وراقية تعبّر عن الوفاء والمحبة، قام اليوم الأحد الموافق 9 نوفمبر 2025
تبرع طلاب الفرقة الخامسة بكلية الصيدلة (فارما D) بـ جهاز رسم قلب ومونيتور خمس وظائف لصالح مستشفى كلية الطب بجامعة الأزهر بأسيوط، كصدقة جارية عن روح زميلهم المرحوم/ محمود أحمد شعبان البكري – رحمه الله وأسكنه فسيح جناته 🤍

جاء ذلك بحضور كل من:
👨‍⚕️ د. بهاء عبد الحافظ – مدير الاستقبال والطوارئ
👨‍⚕️ د. رشوان عبد الله الأزهري – النائب الإداري
إلى جانب المسؤولين عن صيانة الأجهزة الطبية بالمستشفى.

نسأل الله أن يتقبل هذا العمل الطيب، وأن يجعله في ميزان حسناتهم، ويرحم فقيدنا رحمة واسعة 🌸

09/11/2025

TMP-SMX

Synergistic action

الـ TMP لوحده DHFR هيشتغل
كـ bacteriostatic
الـ SMX لوحده DHPS هيتشغل
كـ bacteriostatic

الـ TMP-SMX الاثنين مع بعض stepwise blocking folate هيشتغلوا كـ bactericidal

هو بيعمل kill لكله عن طريق folate synthesis inhibitor لكن في الـ pneumocystis ده fungus like برضوا و هيشتغل كـ folate synthesis inhibitor

بس هيبقي first line drug

لمحبي الميكروبيولوجيا😍
خمن اسم المضاد الحيوي 👇
#ميكروبيولوجي #ميكروبات

06/11/2025

البوست الاخير اتكلمت عن الترايكتين و قد ايه هو مضر
و الناس مش واخدة بالها و برضوا بتاخدوا لزيادة الوزن

النهاردة بقي تعالي للمصيبة الأكبر اللي هو الديكسازون
و اللي بيحتوي علي مادة اسمها dexamethasone

دي حاجة اصلا مش لزيادة الوزن الخالص ده الـ side effects بتاعته بتعمل زيادة في الوزن و حاجا اسمها facial mooning اللي هو بنقول عليه الوش القمر ده المقلبظ 🌝

الـ dexamethasone ده بندرجة تحت حاجة اسمها glucocorticoids من اسمها كدا تعرف هي بتعمل ايه

بتعمل تنظيم للـ metabolism بتاع الكربوهيدرات
و البروتين و الدهون و بعض الالكتروليات و توزان الماء في الجسم

ما علينا أن جاي اتكلم في حتة معينة و أن الناس بتاخد الديكسا لزيادة الوزن طب ازاي بقي ؟

* بيحبس السوائل في الجسم خصوص في الوجة و البطن
ولو فيه ناس هنا بتبعني علي التيك توك بقول بنفس اللفظ ( بيحبس ميه تحت الجلد ) و ده عن طريق أن هو بينشط مستقبلات mineralocorticoid receptor ده بيزود من امتصاص الصوديوم و الماء في الكلي و بالتالي هيحبس ميه تحت الجلد

* بيعمل علي زيادة الشهية لانه بياثر علي مراكز الجوع
في الـ hypothalamus داخل المخ و بيرفع إفراز
الـ neuropeptide و يقلل الـ leptin و بالتالي هتحس بالجوع زي الجوع السـ ـافل بالظبط 😂

* زيادة تكوين الدهون حاجة اسمها lipogenesis
و توزيعها غير الطبيعي و نفس الوقت بيقلل من تحطمها حاجة اسمها lipolysis و ده هيؤدي إلي تراكم الدهون
و خصوصا في الوجة تعمل حاجة اسمها moon face
و الرقبة و الكتف تعمل حاجة اسمها buffalo hump بعد كدا هتحصل اكتر عرض بنخاف منه اللي هو stretch marks 🥲

* زيادة مقاومة الأنسولين الديكسا بيرفع سكر الدم عن طريق عملية اسمها gluconeogenesis في الكبد و ده هيؤدي الي ارتفاع الأنسولين في الدم و بالتالي تخزين دهون في الأنسجة

تعالي بقي في الحتة دي و اول مرة اعرفها بصراحة قراتها في بروتوكول لسه حالا و انا بجيب مصادر البوست ده

المهم ده بيعمل حاجة اسمها muscle wasting يعني انخفاض في الكتلة العضلية عارف ليه ؟

بسبب تكسير البروتينات في العضلات للحصول علي الطاقة

بعد البوستين دول هتقرر تاخد الترايكتين و الديكسازون تاني لزيادة الوزن ؟

02/11/2025

التركيبة دي
التركيبة دي
التركيبة دي

ابوس ايديكم محدش يجربها نهائيا و محدش يسالني عليها في لايف 🥹

تعالي بقي نتكلم عن الترايكتين و نسيب المعلم التاني ده بوست لوحده علشان ليلته كبيرة اوي و بيعمل سرطان
و بيجيب فشل كلوي

هو بيعمل سرطان فعلا لكن فشل كلوي دي كبيرة شوية أنا بس بخوفك من الكورتيزون علشان متخدشي التركيبة دي مع بعض 😂

الترايكتين أو الـ cyproheptadine ده اصلا مش علاج approved من الـ FDA في زيادة الوزن خالص

طب الناس بتستخدامه لزيادة الوزن ليه ؟

الـ cyproheptadine ده اصلا antihistamine من
الـ first generation يعني مش يستعمل في زيادة الوزن خالص

لكن بجانب أن هو antihistamine بيشتغل
كـ antiserotonergic يعني ايه برضوا

يعني الترايكتين بيشتغل كمضاد لبعض مستقبلات السيروتونين ( HT2-5)

السيروتونين ده الهرمون المسؤول عن الاحساس بالشبع يعني لما الترايكتين يقفل المستقبلات دي الهرمون هيقل افرازة
و بالتالي الشعور بالشبع هيقل و بالتالي هتفضل تاكل كتير
و بالتالي هتزيد في الوزن

المشكلة فين في العلاج ده أن هو هيخليك تحس بالنوم
و الخمول علطول و هتحس بجفاف في الفم و و دوخة
و ممكن توصل أن يحصلك زغللة في العين بسبب تأثيرة علي الـ parasympathetic كـ antiserotonergic

طب دلوقتي أنا عاوز ازيد في الوزن اعمل ايه ؟

اوعي تصدق اي حد يقولك خد ده لزيادة الوزن في خمس ثواني ولا مكمل هيزودك 15 كيلوا في عشر ايام كل ده كذب في كذب أو في الغالب فيه كورتيزون

الصح أننا لازم نعملك نظام غذائي بجانب الأدوية و المكملات الغذائيه اللي بتزود الوزن العلاج لوحده مش كفاية لازم نظام غذائي و كدا كدا هنقول كل المكملات و الأدوية اللي بتزود الوزن هنا علي صفحة الفيس فقط

#الكسيرـالحياةـ💊🍷