https://www.facebook.com/145550958637672/

Dt : Sabreen Gad, Elmahalla el_kubra, El-Mahalla el-Kubra (2025)

04/10/2025

النجاح مش حظ.. النجاح صنعة!

لو بصيت حواليك.. هتلاقي الناجحين مش ناس محظوظة، لكنهم ناس اشتغلوا على نفسهم، وتعبوا، ودرسوا، ووقعوا وقاموا تاني لحد ما حققوا اللي عايزينه!

وده الفرق بين شخص مستعد يشقى علشان حلمه، وبين شخص مستني الفرصة تيجي لحد عنده!

الحياة مش هتديك حاجة ببلاش، كل شيء ليه ثمن، والثمن هو اجتهادك وصبرك ، فـ يا إما تبقى ملتزم وتدفعه، يا إما تفضل مكانك تلوم الظروف والحظ🖤✨

25/09/2025

الحمدلله فرق ٣٨ كيلو بدون أي أدوية و مكملين إن شاءالله 💪🏻♥️

أكتر درس إتعلمته في حياتي عموماً وفي شغلي تحديداً هو إن دائمًا وأبدًا الإنسان نتاج ألمه وتجاربه..
التجارب الـلي بتكون أكبر منه، من طاقته، من عقله، لكنها تستحق الإمتنان لإنها مربّيَة.
الآن، يمكنني أن أعترف أن الألمَ في الحياة خير معلم، وأن خير زادٍ فيها الصبر..

وما نحن إلا محاولات والله، واسأل الله ألا تنقطع محاولاتنا للقرب منه، والسعي لرضاه و عيّش الحياة كمّا يُحِب رَبّنا ♥️

ما زرع الله فيك رغبه الوصول ل أمر معين إلا لأنه يعلم أنك ستصل إليه وفي كُل طريق صعب .. هناك نهايات جميلة ♥️✨
#صحة #تغذية

20/09/2025

تعرفوا إن وجبة الإفطار متحكمه في اليوم بتاعكم كله من حيث الجوع والشبع و الحالة المزاجية؟

وده لأن وقت النوم بيكون مستوي سكر الدم منخفض ومع أول وجبه بيبدأ يرتفع علشان كده لازم أكون واعي ل أكلي الصبح و أتجنب تماما الوجبات السريعه و اللي فيها سكر عالي زي النوتيلا و المربي و العسل و المخبوزات و البسكوتات بأنواعها ..

مهم أوي وجبه الفطار تكون غنيه بالبروتين زي البيض و الفول و الطعمية الصحيه و التونه والألياف الصحية زي الخضروات بأنواعها والحبوب الكاملة زي عيش التورتيلا بالحبه الكاملة أو العيش الردة أو عيش الشوفان 🤍

#صحة #تغذية

16/09/2025

بسم الله علي الغَايات حتي نَصِل .. بسم لله علي الأحلام حتي نَراهَا …♥️✨

البطلة الحقيقية لا تستسلم ، بل تستمر في المحاولة حتي تصل ل هدفها 💪🏻♥️

صاحب الهمه لا يقف حتي تتم المُهمه 💪🏻

27/08/2025

بتبسط أوي لما أشوف صور حد من الحالات بتوعي وهما خاسين ومنورين وحابين شكلهم وبقوا يلبسوا ألوان جديدة واستايل جديد 💖✨

بينتابني شعور غريب كده اللي هو "that’s my girl " هذه بنتي صُنع يدي 😂💖

الحمدلله غيرت حياة أكتر من ٤٠٠ بنت ، منهم الأطفال و منهم البنات و منهم الآنسات ومنهم الأمهات ، ومع كل حالة منهم بتوصل ل هدفها بكون في قمة سعادتي حقيقي و بحس إن ربنا خلقني للدور ده في الحياة 💖

ربنا يّمتعكم بالصحة والعافية جميعاً💖

09/08/2025

✨بعد سنين في رحلة التعافي...٢٢ خطأ يومي ممكن يدمر جهازك الهضمي من غير ما تاخد بالك! (الجزء الثالث)

🧨11. بتاخد أدوية الحموضة أو فوار بشكل يومي؟

ناس كثيرة تستخدم مضادات الحموضة "فوار الحموضة" بدون إشراف طبي وده بيكون حل مؤقت لمشكلة مزمنة.
لأنها بتغطي علي الإحساس بالحرقان أو وجع في المعدة، لكن الحقيقة إنها بتعالج العرض مش السبب، وبتطفي الإنذار اللي جسمك بيطلّعه من غير ما تحل المشكلة نفسها.

مضادات الحموضة بتقلل حمض المعدة، واللي ناس كتير مش عارفة إن الحمض ده ضروري جدا لهضم البروتينات وامتصاص معادن أساسية زي الحديد، الكالسيوم، وفيتامين B12.

لو فضلت تاخد مضادات الحموضة مدة طويلة وحصل ضعف هضم و امتصاص المغذيات دي مع الوقت ممكن يحصلك أنيميا، ضعف عام، إرهاق مزمن، وهشاشة عظام.

كمان تقليل الحمض بيسمح للبكتيريا الضارة تتكاثر في الجهاز الهضمي، لأنه بيكسر أول خط دفاع طبيعي في الجسم.
عشان كده، الاعتماد المزمن على مضادات الحموضة من غير ما تعالج السبب الحقيقي

✅ الافضل: لو عندك أعراض مستمرة زي الحموضة، الحرقان، الانتفاخ، أو اضطراب الهضم…
متعتمدش على المسكنات ومضادات الحموضة لوحدها.
راجع السبب، شوف الأكل، راقب عاداتك،
الحل مش في تسكين الألم، لكن في فهم ايه سبب الالم
كتير من المتابعين اتحسنت حالتهم بعد ما عدّلوا نظامهم الغذائي،
بدل ما يكمّلوا العمر كله على الأدوية.

🧨12. بتاكل فواكه بعد الأكل على طول؟

الفاكهة بتتهضم أسرع من البروتين والنشويات. فلما تاكلها فوق وجبة تقيلة، تفضل في المعدة وتبدأ تتخمّر عن طريق البكتريا في الأمعاء والقولون
وده يسبب غازات وانتفاخ وأحيانًا إمساك أو إسهال.

✅ الافضل: خلي الفاكهة وجبة خفيفة بين الوجبات، وسيب بينها وبين الوجبة الرئيسية ساعتين على الأقل.

🧨13. بتمليء كمية كبيرة في الطبق و لازم تخلصها ؟

الحقيقة إننا محتاجين نسمع لإشارات الشبع. الاستمرار في الأكل بعد الشبع بيضغط على المعدة، يوسّعها، ويخلّي الهضم أبطأ.
ومع الوقت… ده بيسبب ارتجاع، شعور بالثقل، واضطراب في إفراز الهرمونات المنظمة للشهية.
✅ الافضل : لو بتاكل كمية كبيرة في طبقك كل وجبة خذ المرة القادمة ٧٥- ٨٠٪ فقط يعني استبعد ربع الطبق لا تأكله وانتظر ١٥دقيقة او اكثر
وسيب فرصة لجسمك يقولك "كفاية" بعد ٢٠ دقيقة هتلاقي انك حسيت بالشبع بدون ما تكمل ربع الطبق ده

وبكدة تقدر تقلل ٢٠-٢٥% من سعراتك في الوجبة بدون احساس بالجوع

🧨14. ما بتتحركش كفاية طول اليوم؟
نمط الحياة الخامل بيبطّأ حركة الأمعاء،
وده معناه: إمساك مزمن، انتفاخ، تعب ذهني، ومناعة أضعف.
الدراسات بتقول إن حتى ٢٠ دقيقة مشي يوميًا بتحسّن وظائف الجهاز الهضمي، وتقلل الالتهابات.

✅ الافضل: حرّك جسمك كل يوم، بأي شكل يناسبك. مش لازم جيم… انزل اتمشي ... الركن عربيتك اخر الشارع ... اطلع السلم بدون اسانسير
لو مش بتنزل العب رياضة جوة البيت مش لازم جيم أو أجهزة ... شوف فيدهات تمارين في البيت بدون اي ادوات وتعملها ..اتحرك باي شكل وبدون اي اعذار

🧨15. بتعامل جهازك الهضمي كأنه "آلة"، مش كائن حي؟

أخطر خطأ… إنك تتعامل مع جسمك كأنه لازم يستحمل أي حاجة!
الجهاز الهضمي مش سلة بترمي فيها اي حاجة وخلاص
لكن الحقيقة إن جهازك الهضمي حساس، ذكي، وبيفهم وبيكلمك بإشارات واضحة: انتفاخ، توعك، تعب بعد الأكل،تقلصلت ،غازات امساك…
دي طريقته أن يكلمك وينبهك
لو تجاهلتها، ممكن يسكت شوية… وبعدين يصرخ بمشكلة كبيرة.
✅ الافضل: اسمع لجسمك، لاحظ الإشارات، وابدأ التغيير بهدوء ما تستناش الألم يبقى عادة.

04/08/2025

✨بعد سنين في رحلة التعافي...٢٢ خطأ يومي ممكن يدمر جهازك الهضمي من غير ما تاخد بالك! (الجزء الثاني)

🧨6. بتعتمد على المسكنات بشكل يومي؟

استخدام المسكنات يوميًا فعلا خطير لأنه لا يعالج سبب الألم المزمن ، ده يغطّي عليه فقط

مع الوقت المسكن ممكن يسبب أضرارًا جسيمة.
المسكنات البسيطة المنتشرة ممكن تؤدي إلى تلف الكبد لو تم استخدامها فترات طويلة بشكل يومي وجرعات كبيرة

وطبعا مع الوقت تبداء تاخذ انواع مسكنات اقوى
ودي تزيد خطر قرح المعدة والنزيف الداخلي، وتؤذي الكُلى وترفع احتمالية الجلطات وارتفاع ضغط الدم وأمراض القلب.
كمان ممكن تسبب حالة اسمها "صداعً مزمنً مرتبطً بالافراط في استخدام المسكنات"

وتؤخر تشخيص السبب الحقيقي للألم.

الحل الآمن هو استخدام المسكنات عند الضرورة القصوى وتحت إشراف طبي، مع البحث عن أصل المشكلة وعلاج حقيقي للألم المزمن بدل الاعتماد المستمر على الحبوب المسكنة بشكل عشوائي

ممكن يكون الحل ففي نظام غذائي مناسب أو شرب سوائل وماء

✅ الافضل: ما تستخدمش أي دواء بشكل يومي إلا تحت إشراف طبي. ولازم تدور على أصل المشكلة وتعالجها بدل ما تداري علي الأعراض فقط بطريقة ممكن تسبب لك مشاكل صحية اكبر.

🧨6. بتشرب شاي أو قهوة بعد الأكل مباشرة؟
فاكر إن الشاي بعد الأكل "بيظبط الهضم"؟ في الحقيقة، الشاي والقهوة بعد الأكل مباشرة ممكن يقللوا من امتصاص الحديد وبعض المعادن (زي الزنك والمغنيسيوم). كمان الكافيين ممكن يقلل امتصاص فيتامينات زي B12، خاصة لو شربته مع أكل غني بالبروتين الحيواني. والنتيجة؟ فقر دم على المدى الطويل، تعب مزمن، أو ضعف تركيز.

✅ الافضل : لو هتشرب شاي أو قهوة، خليك مستني ساعة بعد الوجبة الرئيسية. وهتستفيد أكتر لواستخدمت شاي اخضر "اقل في الكافيين"او بدلتهم بمشروب عشبي زي البابونج او اي اعشاب خالية من الكافيين

🧨7. بتشرب عصير أو مشروب غازي مع الأكل؟
كتير يظن إن العصير بيساعد على الهضم… لكن الحقيقة إن السكر السريع يبطء إفراز الإنزيمات الهاضمة،
ويرفع سكر الدم بسرعة، خصوصًا مع الأكل.

أما المشروبات الغازية فبتزود الضغط والغازات في المعدة، وتمنع صمام المعدة من يقفل كويس… وده سبب شائع جدًا في الارتجاع الصامت.

✅ الافضل : بلاش أي مشروبات سكّرية أو غازية مع الأكل. لو حتي بعد الأكل العصير غير مفيد لصحتك .. كل الفاكهة نفسها احسن وافيد
والمشروبات الغازية مشروب صناعي مليان مواد مضرة وسكر كتير جدا ... كل ده مضر بصحتك
لو عطشان جدًا أثناء الاكل خد رشفات بسيطة من ماء فاتر
واشرب بعد الأكل ب ٤٥ دقيقة أو أكثر

🧨8. بتشرب مياه ساقعة جدًا مع الأكل؟
تحب تشرب "كوباية تلج" مع الأكل؟ بتحس إنها بتساعدك تهضم؟
الحقيقة إن المياه الساقعة جدًا وقت الأكل بتقلّل من تدفق الدم للمعدة، وده بيأثر على إفراز الإنزيمات الهضمية الطبيعية. كمان بتبطّئ من حركة المعدة، وتخلّي الأكل يقعد فيها فترة أطول،
وده ممكن يسبب انتفاخ، عسر هضم، أو تجشؤ مستمر بعد الوجبة. في حالات القولون العصبي، ده بيضاعف الأعراض.

✅ الافضل: اشرب مياه بدرجة حرارة الغرفة، أو ماء فاتر (اخلط ماء بارد مع ماء بره الثلاجة يصبح ماء فاتر) لو محتاج تشرب أثناء الأكل، اكتفي برشفات بسيطة. ويفضل كوب ماء قبل الأكل بـ ٣٠ دقيقة أو بعد الأكل بنصف ساعة.

🧨9. بتاكل متأخر بالليل؟
بتتأخر في العشا أو بتاكل وجبة تقيلة قبل النوم؟

الجهاز الهضمي بالليل بيشتغل أبطأ. الأكل المتأخر بيزيد من فرص الارتجاع، الحموضة، اضطراب النوم، وتخزين الدهون.
ولو عندك ارتجاع صامت أو ضعف في عضلة المريء… النتيجة بتكون نوم سيئ وكوابيس أو تنميل في الأطراف.

✅ الافضل: خلي آخر وجبة قبل النوم بـ ٣ ساعات على الأقل. علشان عملية الهضم تكتمل ويفضل تكون الوجبة خفيفة، مشبعة، وقليلة الدهون.

🧨10. تاكل وانت مش مركز؟
بتفتح تلفزيون، موبايل، أو حتى ترد على مكالمة وانت بتاكل؟
جسمك مش هيعرف يهضم الأكل وهو مشغول…
لأن الجهاز العصبي بيحتاج يكون في وضع "الراحة والهضم" علشان يشتغل بكفاءة.
لما بتاكل وإنت متشتت، الهضم بيكون أضعف، والمعدة ما لا تفرز حمض كافي، وده ممكن يسبب بطء هضم، حموضة، أو شعور بالامتلاء الزائد.

✅ الافضل: خليك حاضر ذهنياً وقت الأكل. اقفل الموبايل، اقعد في هدوء، وكل وانت مركز مع لقمتك… شكله ، طعمه ، ريحته، خلي ربع ساعة الوجبة تكون فاصل عن كل حاجة ثانية
هتتفاجأ بالفرق في الهضم.

دمتم متعافين♥️

03/08/2025

✨بعد سنين في رحلة التعافي...٢٢ خطأ يومي ممكن يدمر جهازك الهضمي من غير ما تاخد بالك! (الجزء الأول)

🧨 1. تبدأ يومك على معدة فاضية بكوباية شاي أو قهوة ؟
فيه ناس كتير بتصحى من النوم،قبل ما تفتح عينها كويس…
تمسك الكوباية شاي، قهوة، نسكافيه، أي حاجة فيها كافيين. انت فاكر إن ده بيصحّيك أو ينشّطك او بيفوقك؟
، لكن في الحقيقة إنه بيدمّر جهازك الهضمي بالتدريج وانت مش واخد بالك.
لما تشرب كافيين على معدة فاضية:
بيحصل تحفيز مفاجئ لإفراز أحماض المعدة (حتى من غير وجود طعام).ومع الوقت، ده ممكن يسبب تهيّج في الغشاء المخاطي للمعدة. ممكن يوصل لالتهاب جدار المعدة،
ويقلل من حمض المعدة الطبيعي، ويزودوا الإحساس بالحموضة أو الغثيان على مدار اليوم.

الدراسات بتقول إن الكافيين مع الصيام بيزيد إفراز هرمونات التوتر (زي الكورتيزول)،
وده بيخلّي القولون أكثر حساسية.
فبدل ما تبدأ يومك بهدوء، بتبدأه بجهاز عصبي مستنفر، وهضمي مجهد.
ولو عندك ارتجاع صامت أو التهاب معدة... النتيجة بتكون أسوأ.
والأسوأ؟ إن ده بيضعف الهضم لبقية اليوم، لأن المعدة تعبت قبل ما تبدأ تشتغل فعليًا.
النتيجة؟ حرقان، ارتجاع، التهابات مزمنة، أو حتى "معدة عصبية" مرتبطة بالتوتر.

✅ الافضل ابدأ يومك بكوب ماء فاتر ، ثم فطار خفيف غني بالبروتين، وبعدها بساعة اشرب قهوتك أو الشاي بأمان أكبر. او تجرب مشروبات اعشاب كثيرة بدون كافيين زي البابونج او شاي اخضر فيه مضادات اكسدة اعلي و كافيين اقل

🧨2. بتبدأ فطارك صباحا بحاجة سكرية؟
كتير من الناس يبدأوا الصبح بكورنفلكس، بسكويت، مربي، أو عصير… وده بيفتح بوابة "عدم الاستقرار" طول اليوم.لان السكريات على معدة فاضية ترفع سكر الدم بسرعة، ويتم افراز هرمون الانسولين من الجسم بعدها يهبط السكر فجأة…
النتيجة؟ إرهاق، توتر، رغبة في أكل تاني بعد ساعة. كمان بتغذّي البكتيريا الضارة في الأمعاء، وده يزود الانتفاخ والغازات.
✅ الافضل : فطّارك لازم يحتوي على بروتين خفيف (زي البيض)، مع دهون صحية زيت زيتون، ونشويات معقدة (بطاطس مسلوقة).

🧨3. بتفكّر في الشغل أو المشاكل وانت بتاكل؟
لو بتفكر في الشغل، أو مشكلة معلقة، وانت بتاكل… فإنت بتعمل العكس تمامًا من اللي جسمك محتاجه. الهضم محتاج جهازك العصبي يكون في وضع "راحة وهضم" (Rest & Digest)،
مش "توتر وهروب" (Fight or Flight). المخ لما يبعت إشارات توتر، بيوقف إفراز الإنزيمات والعصارة، وده يبوّظ كل مراحل الهضم من أولها.
✅ الافضل : الوجبة لازم تاكلها بهدوء وتركيز. كل لقمة فيهم استثمار لصحتك.

🧨4. بتاكل وانت مستعجل وبسرعة كأنك في سباق؟
الأكل السريع هو العدو الأول للهضم.
المضغ السريع بيمنع إفراز اللعاب الكافي، وده أول خطوة مهمة للهضم.
وكل ما زاد عدد مرات المضغ، كل ما كانت الإشارات العصبية أوضح، وده بيحضّر المعدة والأمعاء لشغلها.
الأكل السريع كمان بيزود احتمال دخول هواء… وده معناه: غازات، انتفاخ، وتجشؤ مستمر.
الهضم بيبدأ في الفم، واللعاب فيه إنزيمات تفتت النشويات. لما تبلع الأكل بسرعة، بتبعته للمعدة الاكل قطع كبير ةمن غير تجهيز،محتاجة مجهود أكبر للهضم، والمعدة تفرز حمض زيادة،
فترتفع فرص التخمّر، والانتفاخ، وسوء الامتصاص. كمان لو بتاكل و انت واقف أو منحني قدام شاشة موبيل و ده بيقلل من تدفق الدم للمعدة.

الدراسات العلمية بتربط بين الأكل السريع وبين السمنة، وعسر الهضم، وحتى مقاومة الإنسولين.
✅ الافضل : حاول تمضغ كل لقمة على الأقل ١٥–٢٠ مرة، وخلي الأكل فرصة حقيقية للراحة والتأمل مش مجرد مهمة سريعة عايز تخلص منها ..
اقعد، استرخي، امضغ كويس، وخلّي كل وجبة فعل واعي و ممتع
الوجبة تحتاج علي الاقل 15-20 دقيقة و صدقني الثلث ساعة لن ينهار العالم

🧨5. بتشرب كمية كبيرة من المياه مع الأكل؟
ناس كتير تشرب كوبين مياه وسط الأكل، وتفتكر إنها بترطّب المعدة... لكن الحقيقة إن ده بيخفف تركيز العصارة الهضمية، ويقلل من كفاءة هضم البروتين والدهون. كمان ممكن يزود الضغط داخل المعدة، ويزق الأكل بسرعة للأمعاء قبل ما يتهضم كويس.
✅ الافضل : اشرب كوب ماء قبل الأكل بـ ٣٠ دقيقة، وخد رشفات بسيطة أثناء الوجبة. وبعد الأكل استنى على الأقل ٤٥ دقيقة قبل شُرب كمية كبيرة.

دمتم متعافين ♥️

24/07/2025

كنا بنتعلم في الكلية عن malnutrition، وازاي الجسم بيدخل في مرحلة catabolism، ويبدأ ياكل نفسه بنفسه…
ازاي العضلات تضعف وتضمر في muscle wasting، وازاي الدهون تذوب في lipolysis،
ازاي الكبد ممكن يتحول لـ fatty liver، وازاي المناعة تنهار لدرجة إن المريض يموت من opportunistic infections،
كنا نذاكر ونتخيل… لكن عمرنا ما تخيلنا إننا هنشوف ده بيحصل حوالينا.

ماكناش نتصور إن الـ kwashiorkor اللي شوفناه في الصور هو وش الطفل الغزاوي اللي جلده منفوخ ومليان edema بسبب نقص البروتين،
ولا إن الـ marasmus هو جسم الرضيع اللي ضلوعه باينة، وعينيه غايبة في سواد الجوع.

الجوع مش بس رقم في تقرير،
الجوع انهيار metabolic pathways،
الجوع انهيار إنساني.

المعدة الفاضية وجع،
بس وجعها أهون من وجع القلب اللي بيشوف ابنه بيموت قدامه علشان شوية لبن،
ومن وجع الأم اللي مش لاقية مضاد حيوي تعالج بيه سخونية بنتها،
ولا حتى شاش تعقم بيه جرح ابنها.

غزة مش جرح بعيد…
غزة جرح في الكبد،
في الضمير،
في الوعي.

غزة مش مجاعة، دي forced starvation،
مش أزمة غذاء، دي collective punishment،
مش نقص موارد، ده خنق متعمّد،
وخنق الروح أشد من خنق الجسد.

بس رغم كل ده، غزة ما بتموتش،
بتنهار الأجسام… وتفضل الأرواح شامخة،
بيتكسّر اللحم… وتفضل الكرامة واقفة.

احكوا عن غزة،
، بلغة القهر، بلغة الحق،
اكتبوا في نوتاتكم "الطفل ده مات من severe acute malnutrition، بس الحقيقة إنه اتقتل من الصمت"،
واكتبوا "غزة علّمتنا وعلمت علينا، وعرفتنا حجمنا الحقيقي💔💔

07/07/2025

‏العلاقة بين #الكورتيزول ( ) وتخزين #الدهون في البطن، وكيفية التعامل معاه بطرق طبيعية مدعومة علميًا:

المشكلة الأساسية ليست في الدهون، بل في ارتفاع الكورتيزول—وهو هرمون التوتر الذي يُفرز عند الضغط النفسي المزمن.

هذا الهرمون لا يؤدي فقط إلى تخزين الدهون في البطن، بل يُسبب خللاً في الدماغ، ويُضعف الإرادة، ويزيد من الرغبة في تناول الأطعمة السريعة.

التأثيرات السلبية للكورتيزول:
•يزيد تخزين الدهون، خصوصًا في منطقة البطن
•يُضعف الذاكرة والتركيز
•يُقلل من دوافعك لممارسة الرياضة
•يُصغر قشرة الفص الجبهي (المسؤولة عن ضبط النفس)

“جسمك ليس مكسورًا، جهازك العصبي فقط عالق في وضع الطوارئ”

9 خطوات علمية وطبيعية لخفض الكورتيزول وحرق الدهون:

1-الاستجمام بالغابة (Forest Bathing)التواجد في الطبيعة 20-30 دقيقة يخفض الكورتيزول بنسبة 50%. روائح الأشجار تهدئ الأعصاب وتحسّن المزاج.

2-المشي حافي القدمين (Grounding)المشي حافيًا على التراب أو العشب يُقلل الالتهاب ويُعيد توازن الجهاز العصبي.

3-تجنب السكريات المخفية، الكورتيزول يزيد الرغبة في السكر. تجنّب السكريات في الصلصات، والمنتجات “الصحية” تحافظ على استقرار السكر والطاقة.

4-الشوكولاتة الداكنة (85%+)تحتوي على الماغنيسيوم والفلافونويد، تخفض الكورتيزول خلال 30 دقيقة. 1-2 مربعات يوميًا كافية.

5-الحركة الواعية (Mindful Movement)التمارين الزائدة ترفع الكورتيزول.
التوازن المثالي:
المشي يوميًا، تمارين مقاومة 3 مرات أسبوعيًا، وتمارين استرخاء (يوغا/تمدد).

6-العلاقات الاجتماعية
العزلة تُشبه التوتر المزمن في تأثيرها على الكورتيزول. تواصل بسيط مع أحبائك يطلق “الأوكسيتوسين” الذي يُخفض الكورتيزول.

7-الابتعاد عن الشاشات (Digital Detox)الاستخدام المفرط للشاشات يُرهق الدماغ. حدد أوقات خالية من الهاتف:
بعد الاستيقاظ، قبل النوم، وأثناء الأكل.

8-روتين مسائي مريح
الكورتيزول يجب أن ينخفض ليلًا للنوم العميق. استخدم الإضاءة الهادئة، الاستحمام الدافئ، القراءة أو كتابة اليوميات قبل النوم.

9-تمارين التنفس (Breathwork)تقنيات مثل 4-7-8 أو “box breathing
(• تنفس ٤-٧-٨ :استنشاق ٤ ثوانٍ، حبس النفس ٧ ثوانٍ، زفير ٨ ثوانٍ)
• تنفس الصندوق :استنشاق ٤ ثوانٍ، حبس النفس ٤ ثوانٍ، زفير ٤ ثوانٍ)” تهدئ القلب وترسل إشارات بالأمان إلى الدماغ، مما يُخفض الكورتيزول.

الرسالة الأخيرة:

إن لم تتعامل مع الكورتيزول، فكل حمية أو تمارين لن تعطي نتائج حقيقية.

الهدف هو إعادة برمجة جهازك العصبي ليخرج من وضع “النجاة” إلى وضع “الاسترخاء”، مما يُعيد التوازن الهرموني ويحسن من عملية حرق الدهون.

06/07/2025

طريقة سهلة جدا للعيش مفيد وصحي جداً وبديل للعيش السن والأبيض ومن غير عجن ولا فرن ومفيد لمرضي السكر💯

🥖 هنعمل عيش الشعير 👇

وينفع للفطار أو مع أي وجبة —
جربوه ومش هتبطلوا تعملوه 👇

🧾 المكونات:

1 كوب دقيق شعير (موجود عند العطار أو في السوبرماركت)
يفضل يتنخل

¾ كوب زبادي

ربع معلقة صغيرة بيكنج بودر

رشة ملح
2 معلقه كبيرة ماء أو (حسب الحاجة)

معلقة زيت زيتون

🔥 الطريقة:

1. في بولة، نخلط دقيق الشعير مع الزبادي والبيكنج بودر ورشة الملح والزيت

2. هنضيف المياه تدريجيًا ونعجن لحد ما تبقى عجينة طرية وسهلة التشكيل.

3. هنقسم العجينة كرات صغيرة ونفردها على شكل أرغفة رفيعة علي شويه من الدقيق لعدم لازق العجينه في النشابه

4. هنسخّن طاسة غير لاصقة على نار متوسطة.

5. هنحط الرغيف في الطاسة، ولما ياخد لون نقلبه على الناحية التانية (كل وش بياخد 2-3 دقايق تقريبًا).
ممكن نضيف نصف معلقه ص خميرة
مع 2 معلقه دقيق كامل الحبه

✅ الفوايد:

غني بالألياف = شبع يدوم وقت أطول

مفيد للهضم والقولون

بديل ممتاز للعيش الأبيض أو السن

🧊 التخزين:

ممكن نحفظه في التلاجة لمدة ٣ أيام، أو في الفريزر لشهر.
وقبل التسخين نرش عليه نقطة مية ونرجعه للطاسة أو الميكرويف 💯

Dt : Sabreen Gad

04/10/2025

25/09/2025

20/09/2025

16/09/2025

27/08/2025

09/08/2025

04/08/2025

03/08/2025

24/07/2025

07/07/2025

06/07/2025

Address

Website

Alerts

Contact The Practice

Shortcuts

Share

Category