https://www.facebook.com/145550958637672/

Dt : Sabreen Gad

Home
Egypt
El-Mahalla el-Kubra
Dt : Sabreen Gad

أخصائية التغذية صابرين جاد ، بكالوريوس نظم التغذية جامعة المنصورة ، دبلومة المعهد القومي للتغذية🍊🥝

15/02/2026

كلنا فاكرين إن في طريق سهل…
بس الحقيقة إن مفيش حاجة سهلة.

المشي نص ساعة يوميًا صعب.
بس إنك تفضل تتعب من أقل مجهود… أصعب.

الإلتزام بالأكل محتاج قرار.
بس الندم كل مرة تبص في المراية… أتقل بكتير.

في الآخر إحنا مش بنختار بين سهل وصعب،
إحنا بنختار أي صعب فيهم يخدم حياتنا.

إختار الصعب بتاعك.
ولو جاهز تبدأ دلوقتي وتاخد أول خطوة صح،
إبعتلنا رسالة علشان تبدأ المتابعه أون لاين 🤍✨

13/02/2026

وأنا بفطر النهارده فتحت الفيسبوك لقيت آية قدامي بتقول:

📖 (فَلْيَنظُرِ الْإِنسَانُ إِلَىٰ طَعَامِهِ) 📖

ركزت وفهمت إن الأكل مش مجرد وجبة بتشبعك وخلاص.. الطعام ده آية في كل شيء:

✅ هو سبب الصحة والمرض 🩺
✅ هو سبب السعادة أو الكآبة 😊😔
✅ هو سبب النجاح أو الفشل 💪📉

عشان كده ربنا حط لنا بعض الآيات في القرآن ومن 1400 سنة لسه العلم بيحاول يكتشفها.. تعالوا ننظر إلى طعامنا (زي ما ربنا أمرنا) ونشوف المذكور في القرآن: 🧐✨

1️⃣ "والتِّينِ وَالزَّيْتُونِ" 🍃🫒
العلم بيقول: لما بتاكل التين مع الزيتون، الجسم بيستفيد من مادة اسمها "الميثالونيدز"، ودي مادة بيفرزها المخ ومسؤولة عن نضارة الجسم وحيويته وتقليل أعراض الشيخوخة ، زيت الزيتون لوحده معجزة للقلب والشرايين، والتين منجم ألياف ومعادن.

2️⃣ العسل 🍯
"فِيهِ شِفَاءٌ لِلنَّاسِ"
العلم بيقول: العسل فيه أكتر من 200 مادة فعالة ، هو "مضاد حيوي طبيعي" لأنه بيحتوي على مادة فوق أكسيد الهيدروجين اللي بتقتل البكتيريا، وكمان منشط جبار للمناعة وبيعالج الحساسية ومشاكل الجهاز الهضمي.

3️⃣ "فِيهِمَا فَاكِهَةٌ وَنَخْلٌ وَرُمَّانٌ" 🍎🌴
العلم بيقول: الرمان هو "ملك مضادات الأكسدة" ، فيه مركبات اسمها "بونيكالاجين"، دي أقوى بكتير من اللي موجودة في الشاي الأخضر ، الرمان بيقلل التهابات المفاصل، وبيحمي من أمراض القلب، وبيحارب الخلايا السرطانية.

4️⃣ "وَهُزِّي إِلَيْكِ بِجِذْعِ النَّخْلَةِ تُسَاقِطْ عَلَيْكِ رُطَبًا جَنِيًّا" 🌴📅
العلم بيقول: الرطب فيه نسبة عالية من الأوكسيتوسين (هرمون الطلق الطبيعي)، وده اللي بيساعد في تسهيل الولادة وتقليل النزيف، وده إعجاز علمي في قصة السيدة مريم ، كمان هو غني بالمغنيسيوم اللي بيهدي الأعصاب.

5️⃣ "وَيُسْقَوْنَ فِيهَا كَأْسًا كَانَ مِزَاجُهَا زَنْجَبِيلاً" ☕️🔥
العلم بيقول: الزنجبيل صيدلية متنقلة للمعدة ، بيقضي على الغثيان، وبيزود حرق الدهون، والأهم إنه "مضاد التهاب" قوي جداً، لدرجة إن مفعوله بيتقارن ببعض المسكنات الكيماوية في علاج آلام المفاصل والبرد.

6️⃣ العنب 🍇
ذكر في أكتر من 11 موضع، منها "وَعِنَبًا وَقَضْبًا"
العلم بيقول: العنب، وخصوصاً القشر والبذر، فيه مادة اسمها "ريسفيراتول" (Resveratrol) ، المادة دي بتحمي جدران الأوعية الدموية وتمنع جلطات القلب وتطول عمر الخلايا.

7️⃣ اليقطين 🎃
"وَأَنبَتْنَا عَلَيْهِ شَجَرَةً مِّن يَقْطِينٍ" (في قصة سيدنا يونس).
العلم بيقول: ليه اليقطين بالذات؟ لأنه أسهل أكل في الهضم، ومنجم فيتامين (أ) و (ج) ، هو مريح جداً للأمعاء الملتهبة (زي حالة سيدنا يونس بعد خروجه من بطن الحوت)، وبيساعد في ترميم الجلد وتقوية المناعة.

🔶كمان غني جداً بالزنك اللي بيقوي الذاكرة والتركيز وكمان بذور اليقطين فيها مادة بتساعد على استرخاء البروستاتا عند الرجال وبتحسن جودة النوم لأنها بترفع هرمون الميلاتونين. 🧠💤

8️⃣ السدر (النبق) 🌳🍒
"فِي سِدْرٍ مَّخْضُودٍ"
العلم بيقول: ثمار السدر غنية جداً بفيتامين C (أكتر من الموالح أحياناً)، وبتحتوي على مركبات بتساعد على النوم الهادئ وعلاج الأرق وتطهير الدم.

9️⃣ "لَّبَنًا خَالِصًا سَائِغًا لِّلشَّارِبِينَ" 🥛🤍
العلم بيقول: اللبن هو الغذاء الوحيد "المتكامل" تقريباً ، فيه الكالسيوم للعضم، والبروتين (الكازين والوي) لبناء العضلات، وفيتامين B12 للأعصاب.

🔟 "وَالْحَبُّ ذُو الْعَصْفِ وَالرَّيْحَانُ" 🌿💎
العلم بيقول: الريحان مش بس ريحة حلوة، ده "مضاد أكسدة" قوي جداً ، فيه زيوت طيارة بتقتل البكتيريا الضارة في الأمعاء، وبيستخدم دلوقتي في طب الأعشاب لتقليل التوتر النفسي (Adaptogen).

06/02/2026

فرق ١٧ كيلو مع تحدي جديد بينجح بفضل الله 🖤

كان تحدي صعب حقيقي ومشاكل كتير✖️✖️

1️⃣كسل غدة درقية
2️⃣ سكر
3️⃣وضغط متذبذب
4️⃣تليف في كليه من الكليتين

لكن مفيش مستحيل مع المحاولة بالعلم والورقه والقلم و التوكل علي الله 🖤✨

30/01/2026

لسه مستنه يوم السبت ؟ ولا بعد رمضان؟ ولا بعد المناسبه؟
الحقيقه الوحيده إن أنسب وقت تبدأي فيه هو دلوقتي 👇

مش محتاجه دايت قاسي ولا حرمان
محتاجه نظام يناسبك + متابعه صح + تشجيع يخليك تكملي ✔️

✨ معايا هتلاقي:
• أكل مش معقد ومتاح من بيتك
• خطه حسب وزنك وهدفك
• متابعه وتعديل مستمر
• دعم نفسي قبل ما يكون دايت

هدفنا مش بس رقم على الميزان
هدفنا جسم أريح، طاقه أعلى، وثقه في نفسك💪🏻

لو ناويه تتغيري بجد…
📩 ابعتيلي رسالة بكلمة “جاهزه” وابدأ معاكي أول خطوة 👌🔥

26/01/2026

"في الحياة، الحلو موجود والوحش كمان موجود ، الفرق بيبدأ من عندك... إنت اللي عليك الإختيار ، إتعلم تختار الصح ، وإتعلم من كل قرار بتاخده علشان تبني حياتك و تبني جسمك بالشكل اللي تستحقه."🤍👏🏻

25/01/2026

في رمضان أكبر المشاكل اللي بتواجهك لخبطه نظامك الغذائي و إنك دايماً عاوز عصير أو حاجات مسكره 🌙

في البوست ده هتلاقي خطوات سهله وبسيطه علشان توصل ل هدفك في رمضان و تحافظ علي وزنك 👇🏻👇🏻

تقدروا تتبعوا الخطوات دي وتاكلوا من كل حاجة بدون تأنيب ضمير 🤍🌙

#رمضان #رمضانيات

02/11/2025

متقلقيش يا دكتورة أنا باكل في طبق واحد زي ما حضرتك قولتي

الطبق =🙂🙂🙂

04/10/2025

النجاح مش حظ.. النجاح صنعة!

لو بصيت حواليك.. هتلاقي الناجحين مش ناس محظوظة، لكنهم ناس اشتغلوا على نفسهم، وتعبوا، ودرسوا، ووقعوا وقاموا تاني لحد ما حققوا اللي عايزينه!

وده الفرق بين شخص مستعد يشقى علشان حلمه، وبين شخص مستني الفرصة تيجي لحد عنده!

الحياة مش هتديك حاجة ببلاش، كل شيء ليه ثمن، والثمن هو اجتهادك وصبرك ، فـ يا إما تبقى ملتزم وتدفعه، يا إما تفضل مكانك تلوم الظروف والحظ🖤✨

25/09/2025

الحمدلله فرق ٣٨ كيلو بدون أي أدوية و مكملين إن شاءالله 💪🏻♥️

أكتر درس إتعلمته في حياتي عموماً وفي شغلي تحديداً هو إن دائمًا وأبدًا الإنسان نتاج ألمه وتجاربه..
التجارب الـلي بتكون أكبر منه، من طاقته، من عقله، لكنها تستحق الإمتنان لإنها مربّيَة.
الآن، يمكنني أن أعترف أن الألمَ في الحياة خير معلم، وأن خير زادٍ فيها الصبر..

وما نحن إلا محاولات والله، واسأل الله ألا تنقطع محاولاتنا للقرب منه، والسعي لرضاه و عيّش الحياة كمّا يُحِب رَبّنا ♥️

ما زرع الله فيك رغبه الوصول ل أمر معين إلا لأنه يعلم أنك ستصل إليه وفي كُل طريق صعب .. هناك نهايات جميلة ♥️✨
#صحة #تغذية

20/09/2025

تعرفوا إن وجبة الإفطار متحكمه في اليوم بتاعكم كله من حيث الجوع والشبع و الحالة المزاجية؟

وده لأن وقت النوم بيكون مستوي سكر الدم منخفض ومع أول وجبه بيبدأ يرتفع علشان كده لازم أكون واعي ل أكلي الصبح و أتجنب تماما الوجبات السريعه و اللي فيها سكر عالي زي النوتيلا و المربي و العسل و المخبوزات و البسكوتات بأنواعها ..

مهم أوي وجبه الفطار تكون غنيه بالبروتين زي البيض و الفول و الطعمية الصحيه و التونه والألياف الصحية زي الخضروات بأنواعها والحبوب الكاملة زي عيش التورتيلا بالحبه الكاملة أو العيش الردة أو عيش الشوفان 🤍

#صحة #تغذية

Address

Elmahalla El_kubra
El-Mahalla El-Kubra
6733877

Website

facebook.com

Alerts

Be the first to know and let us send you an email when Dt : Sabreen Gad posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dt : Sabreen Gad:

Shortcuts

Want your practice to be the top-listed Clinic in El-Mahalla el-Kubra?