https://www.facebook.com/504195002779393/

sp /Amira Abdelfatah, El-Mahalla el-Kubra (2025)

08/10/2025

لو الطفل ٤ سنين ولسه بيتكلم كلمات مفردة فقط
فالتخاطب هنا أهم من الدرس والتعليم مليووون مره
إنت ممكن تفضل تدى دروس سنين ومتلاقيش نتيجه لأنك محلتش المشكلة الأساسية بتبقى فاكر كولى أمر إنه مسيره هيتكلم ..
طيب ممكن ميتكلمش .. والأكيد أنه لما يتكلم لغته مش هتكون ظابطه ولا مناسبة إطلاقااا لعمره الزمنى وقتها
بعيدااا عن الكلمات الطفل فى الحالة دى بتبقى مهاراته أصلا قليله جدااا كإدراك وإنتباه وتركيز وذاكرة ومحتاج شغل عليهم بجانب اللغه
إحسبها صح 👌 ومتحرقش من وقت طفلك أكتر من كده

27/09/2025

نتيجه جلسات تعديل اللدغات الحمد لله 💖

#تخاطب

27/09/2025

📱❌ أضرار الموبايل على دماغ الطفل

👶 دماغ الطفل لسه في مرحلة النمو والتطور، و أي حاجة بيتعرضلها بتأثر على مستقبله.
الطفل اللي بيقضي ساعات قدام الموبايل:

🧠 تركيزه بيقل ومخه بيتعود على المثيرات السريعة.

😴 نومه بيتلخبط وده بيأثر على النمو الطبيعي.

😔 بيبقى عصبي أكتر ومعندوش صبر.

🚫 بيضعف التواصل الاجتماعي والقدرة على التعبير.

👦 أما الطفل اللي مش متعلق بالموبايل:

📚 قدرته على التعلم أعلى وذكاؤه بيتطور بشكل طبيعي.

🗣️ بيعرف يتواصل ويتكلم أفضل.

🎨 خياله أوسع وبيبتكر ألعاب وأنشطة بنفسه.

😊 صحته النفسية والجسدية أفضل بكتير.

⚖️ المقارنة باختصار:

طفل الموبايل = دماغ مشغولة دايمًا + توتر + قلة تركيز.

طفل من غير موبايل = دماغ نشيطة + تركيز عالي + تواصل صحي.

👉 احنا اللي بنحدد مستقبل أولادنا.. خلي الموبايل وسيلة تعليمية محدودة مش أسلوب حياة.

#تخاطب

19/06/2025

{وَمَا تَوْفِيقِي إِلَّا بِاللَّهِ ۚ عَلَيْهِ تَوَكَّلْتُ وَإِلَيْهِ أُنِيبُ}

الحمد لله نتيجه جلساتنا ارتفاع نسبه الذكاء من ٥١ ل ٧٩ 💖

اخصائيه التخاطب وتنمية المهارات د اميره عبدالفتاح

العنوان بشبيش بجوار مسجد الأربعين

#تخاطب

28/05/2025

مستغربه ليه ابنك عصبي و انتباه و تركيزه ضعيف ؟

خلينا نقولك على الأسباب اللي ممكن تكون ورا توتره وعصبيته:

1. الشاشات الكتير
📱 التعرض لفترات طويلة بيأثر على مراكز التركيز والمشاعر، وبيخليه أقل تحمّلًا لأي إحباط بسيط.

2. النوم المتأخر
🛏️ الطفل اللي مش بينام كويس، بيكون مش قادر يتحكم في مشاعره وتصرفاته.

3. السكريات والأكل السيء
🍬🍕 الأكل الغني بالسكريات بيخلّي المزاج متقلب، وبيأثر على توازن الهرمونات.

4. عصبية الأب أو الأم
⚡ الطفل مرآة للي حواليه.. لو البيت مشحون، الطفل كمان هيكون مشحون!

طيب نعمل إيه؟ الحل في التربية الواعية

❤️ التربية مش بس أكل ولبس، التربية:

إنك تسمع له

تديله وقتك

تعلمه الصح من الغلط

تهديه مش تزوده توتر

لما تربيه بحب وهدوء وصبر،
هيطلع إنسان متزن، عارف يتعامل، واللي يشوفه يقول: "ربنا يبارك في أهله!"

التربية مسئولية كبيرة.. بس نتيجتها تستاهل!

اخصائيه التخاطب وتنمية المهارات د اميره عبدالفتاح

#تخاطب

17/05/2025

"ابني عنده سنتين… بيتكلم صيني😂؟
لا يا جماعة، دي مش موهبة، دي علامة تأخر!”

أوقات بنضحك على تأخر الكلام ونقول:
“سيبه لحد ما يدخل الجامعة هيتكلم لوحده!”
بس الحقيقة؟
👂 التأخر في الكلام مش دايمًا حاجة تتحل مع الوقت

لو ابنك:
🔸 مش بيقول كلمات مفهومة
🔸 مش بيركب كلمتين على بعض
🔸 أو كل كلامه طلاسم…

ممكن يكون محتاج تقييم تخاطب،
مش درس لغة صينية 😅

✋ متخليش الضحك يضيع وقت مهم
اللي بندركه بدري، بيتحل أسرع!

لاي استفسار ابعتولنا ♥️

اخصائيه التخاطب وتنمية المهارات. اميره عبدالفتاح

العنوان بشبيش بجوار مسجد الأربعين

#تخاطب

05/05/2025

لان أولادنا غاليين علينا عملنا مبادره اطمني على ابنك بالمجان 🥰

- لو ابنك متاخر فى الكلام
- لو بتنادى عليه مش بيرد
- لو دائما مش مرکز ولا منتبه معاك
- لوشقى و بيتحرك كتير
- لو بيصدر منه سلوكيات غريبه ومختلفه

🎗️معانا بنقدم ليك الحلول لكل المشكلات
مع تشخيص وتقييم مجانا

خصم خاص على الاختبارات والمقاييس يصل إلى٥٠ ٪

-اخصائية التخاطب وتنمية المهارات د. أميره عبدالفتاح
العنوان :بشبيش بجوار مسجد الأربعين

#تخاطب

03/05/2025

جزء من شغلنا في تنميه المهارات ✨️❤️
والتركيز والانتباه 👌🎖🧩
شعارنا دايماً التميز 🪄✨️🥰

اخصائيه التخاطب وتنمية المهارات د. أميره عبدالفتاح

العنوان :
بشبيش بجوار مسجد الأربعين

#تخاطب

02/05/2025

مشكله.. " النقل من علي السبوره" ..

من مشاكل الأمهات

✨انا ابني راجع خطه وحش جداااً والكلام مش واضح وفي كلام متكرر اكتر من مره مفهمتش حاجه رغم انه في البيت بيكتب بخط حلو جدااااً مش عارفه بيحصل ايه لما بينقل من علي السبوره .🙆🙅

* صوت في الخلفيه لمامي طفل تاني*

✨ الحمدلله ان بيكتب اصلاً انا ابني بقا بيرجع الكراسه بيضا خااااالص ويوم مايكتب بيكتب كل كلمه في سطر ويمكن كمان كل كلمه في ورقه مختلفه 🙆🙅..

✨ انا ابني بقا ملحقش يكتب خالص ومعرفش حتي اخدوا ايه النهارده،، 🙆🙅

طيب الحل ايه انا تعبت؟؟ نضربهم اسهل 👀🤔..

لا يامامي برررراحه كدا ضرب ايه بس 🙆😂😂..

احنا هنا عندنا مشكله ولازم ندور ليها علي حل سوا.. 💁

مشكله يتاعتي ملهاش علاقه بخط طفلي او لاء...

مشكله هنا في حاجتين هما
1- الادراك البصري " التنقل بين مثيرات "
2- الذاكره البصريه

حلووووو جداااً ... الحل ايه بقا علشان انا تعبت 🙆👀🙄

الحل ان احنا لازم علشان ننمي مهاره النقل من علي السبوره.. نشتغل سوا علي مهارتين الادراك البصري والذاكره وهنشتغل عليهم من خلال انشطه..

طيب فين الانشطه دي اكتبي تم و هبعتهالك ♥✨

اخصائيه النطق والكلام د. أميره عبدالفتاح

#تخاطب

27/04/2025

ابنك مهما كان عمره الزمني… لو لاحظتي عليه الحاجات دي، اعرفي إن في مشكلة محتاجة تدخل!

هل لاحظتي إن ابنك:
▪️ بيسرح كتير وصعب يركز؟
▪️ بيتشتت بسرعة ومش بيكمل واجبه؟
▪️ عنده خجل، توتر أو بيبعد عن صحابه؟
▪️ بيتحرك كتير ومش بيتابع دروسه؟
▪️ بينسى بسرعة ويكرر نفس الأخطاء؟
▪️ سلوكياته عنيفة من غير سبب واضح؟
▪️ بيعاني من صعوبة في القراءة أو الحساب؟

كل دي مش "مرحلة وهتعدي"!
دي علامات ممكن تكون وراها صعوبات تعلم، فرط حركة، نقص انتباه أو تأخر في المهارات.
وتجاهلها ممكن يأثر على مستواه الدراسي وثقته في نفسه!

---

الحل عندنا
لأننا بنآمن إن كل طفل يقدر ينجح لما نوصله بالطريقة اللي تناسبه:

✅ تقييم دقيق ومفصل للمشكلة
✅ خطط فردية تقوي التركيز ومهارات التعلم
✅ جلسات تعديل سلوك فعالة
✅ تنمية مهارات التواصل والعلاقات الاجتماعية
✅ دعم للأهالي خطوة بخطوة
✅ علاج لتأخر اللغة والتطور اللغوي

---

خدامتنا تشمل:
✨ تأهيل فرط الحركة وتشتت الانتباه
✨ جلسات تعديل سلوك
✨ علاج التأخر اللغوي
✨ تحسين التركيز والانتباه
✨ تأهيل صعوبات التعلم
✨ دعم لحالات التوحد، التأخر الدراسي والعلاج الوظيفي

---

ابدئي بدري… التدخل المبكر بيصنع فرق كبير!

العنوان
بشبيش بجوار مسجد الأربعين

#تخاطب

12/04/2025

يعني إيه تعديل سلوك؟ وإمتى أقول إن ابني محتاج جلسات؟

تعديل السلوك هو استخدام أساليب علمية لتغيير سلوك الطفل السلبي وتعزيزه بالإيجابي، عشان نساعده يتعلم التصرفات الصح، ويتجنب الغلط… مش بالعقاب، لكن بالفهم والتوجيه.

---

المشكلة:

بعض الأطفال بيظهروا سلوكيات بتسبب قلق للأهل زي:

العناد الزائد

العصبية أو العدوانية

العزلة والانطواء

الكذب أو العنف

فرط الحركة أو التشتت

ولما السلوك يستمر لفترة، ويأثر على حياته في البيت أو المدرسة… هنا لازم تدخل متخصص.

---

الأسباب:

تقليد سلوكيات من البيئة أو الأقران

نقص في مهارات التواصل أو التعبير عن المشاعر

مشكلات نفسية أو اضطرابات زي ADHD

طريقة التربية (شدة زائدة – تدليل مفرط – تناقض في التوجيهات)

---

الحل:

✔️ الملاحظة أول خطوة: راقبي سلوك ابنك، ودوّني الأوقات أو المواقف اللي بيتكرر فيها السلوك.
✔️ تقبلي مشاعره… ووجهي سلوكه: الطفل مش دايمًا فاهم هو بيعمل كده ليه.
✔️ استشارة متخصص لو السلوك مستمر، وبيأثر على حياته أو علاقتكم.
✔️ جلسات تعديل السلوك بتساعد الطفل يتعلم المهارات الإيجابية، ويتخلص من التصرفات اللي بتأذيه أو بتقلقكم.

---

لو حسيتي إنك محتاجة دعم… متتاخريش
اخصائية التخاطب :أميره عبدالفتاح

#تخاطب

11/04/2025

👈طفلك مبيقعدش مكانه
بينسى ومش بيركز
اندفاعي
عنيد وسلوكياته مش كويسه ومش عارفه تعملي معاه ايه

👈ده برنامج للتعامل مع طفل فرط الحركه والطفل الشقي
1 نظام اكل صحي :
ممنوع السكريات
ممنوع الألوان الصناعية
ممنوع الملونات الصناعية
ممنوع المثبتات الصناعية

2. تدريب رياضي ٣ ايام بالأسبوع قدرتوا تكتروا الايام يكون أفضل.ولكن يكون رياضه الطفل يحبها علشان هيكون نابغ جداا في الرياضه

3 الأحضان كتيير

4. ممنوع التعنيف أو الضرب
لأنه اضطراب عند الطفل بيكون غظب عنه

5. لو طفلي مثلا بيعمل ١٠ أخطاء نعاقب عن ٥ ونتغافل عن ال٥ الباقي

6. توكيل الطفل باي مهمه ولكن يكون الطفل قادر يسويها

7. نعززه دايما بعد كل شى صح يسويه حتى لو بيفعل شئ بسيط جداا
التعزيز ممتاز جدا وفعال
٨ ندخل الأب في روتينه يعني اي مشوار يسويه الأب يكون الطفل معه ويخليه هو اللي يعمل المبادرة مثل السوبر ماركت نخلي الطفل هو اللي يحاسب ويعطي النقود

٩. مبدأ المشاورة ممتاز جداا يعني نتحدث مع الطفل وكأننا بناخد رأيه مثلا. هناكل دجاج ولا لحم
هنخرج اليوم عند تيتا ولا بكرا
هتلبس التيشيرت الأحمر ولا الأزرق دي كلها أمثال

١٠. مانلجأ لأدويه ابدااا أو عقارات أو مهدئات

١١. مانستسلم كاسرة في توجيه الطفل
نحن أشخاص كبار وبالغين ولغاية الان بنفعل أشياء خاطئه كثير ولكن مافي شخص بيعاقبنا
فانلتمس العذر لاطفالنا

١٢. تنميه المهارات وملأ فراغ الطفل مهم جدااا وممتاز

#تخاطب

sp /Amira Abdelfatah

08/10/2025

27/09/2025

27/09/2025

19/06/2025

28/05/2025

17/05/2025

05/05/2025

03/05/2025

02/05/2025

27/04/2025

12/04/2025

11/04/2025

Address

Website

Alerts

Shortcuts

Share

Category