معامل الشيماء

23/09/2019

🤔😔حد تاه قبل كده؟ 😥

💝دايما الناس يتخلبط بين
أنيميا البحر المتوسط thalassemia
و حمي البحر المتوسط familial mediterranean fever
فلازم ندخل نفض الخناقة دي 😁💉 وناخد فكره بسيطه
😁إيه الثلاسيميا؟ أو انيميا البحر المتوسط؟
هو اضطراب وراثي في الدم يتسبب في نقص الهيموجلوبين وقلة عدد خلايا الدم الحمراء في الجسم عن المعدل الطبيعي
🔬💉إيه الأعراض اللي ممكن نلاقيها؟

💉الإرهاق
💉الضعف
💉شحوب أو اصفرار الجلد و العنين
💉التشوهات في عظام الوجه
💉تباطؤ النمو
💉انتفاخ البطن
💉البول الداكن

🔬💉طيب إيه التحاليل اللي ممكن يطلبها الطبيب المعالج؟
💉CBC
💉Hb electrophoresis
💉 يمكن أن يطلب الطبيب المعالج أيضا مثل ferritin,TIBC, Iron 🔬 يمكن أيضا تحديد إصابه الاجنه عن طريق أخد عينه من المشيمه أو السائل المحيط بالجنين في أوقات محدده من الحمل
#لازم طبيب بلاش مجازفة... العلاج و التحاليل تحت إشراف طبي كامل متجريش تحلل و تدور وتجرب لانه مش هينفع

🔬🍁خلصنا أنيميا البحر المتوسط🍂 ☺️🌸ندخل بقي علي حمي البحر المتوسط🌼
🌸Familial mediterranean fever 🌼
حُمَّى البحر الأبيض المتوسط المتوارثة هي مرض وراثي ذاتي الالتهاب يسبِّب ارتفاعًا متكررًا لدرجة الحرارة وانتفاخًا مؤلمًا للبطن والرئتين والمفاصل

🌸💉الأعراض

🍁تبدأ علامات وأعراض حُمَّى البحر الأبيض المتوسط العائلية عادةً خلال مرحلة الطفولة. تأتي في شكل نوبات قصيرة يُطلَق عليها اسم الهجمات، وتستمر من يوم إلى ثلاثة أيام. قد تستمر هجمات التهاب المفاصل لأسابيع أو أشهر.

🍁💉قد تشمل علامات وأعراض حُمَّى البحر الأبيض المتوسط العائلية ما يلي:

💉الحُمّى
💉ألم البطن
💉ألم الصدر
💉ألمًا وتورمًا في المفاصل
💉طفحًا جلديًّا أحمر على ساقيك، وخاصة تحت ركبتيك
💉آلامًا في العضلات
💉كيس صفن متورمًا ورخوًا

🔍لو بتتكرر حرارة و الم بالبطن و وجع بالمفاصل بدون سبب واضح وارد جدا تكون حمى البحر المتوسط واللي يحدد ده الطبيب فقط

✋🏻وما بين الهجمة والأخرى ستشعر بأنك طبيعي. وقد تكون الفترات المنقطعة الأعراض قصيرة لتستمر لبضعة أيام فقط، أو طويلة؛ حيث تستمر لبضع سنوات.

🤔💉طيب إيه التحاليل اللي بيطلبها الطبيب المعالج؟
💉FMF
يتعمل في اي وقت
💉Amyloid A protein
بس لازم اثناء التعب لما يكون سخن و بطنه واجعاه

💉CBC
يتعمل أثناء الهجمه

✋🏻تنبية
🔬لازم في كلتا الحالتين سواء أنيميا البحر المتوسط أو حمي البحر المتوسط نتابع مع طبيب هو فقط اللي يحدد الفحوصات والعلاج ونسأله هو فقط
🔬لازم نبلغ الطبيب المعالج لو حد من العيله بيعاني نفس المرض أو الاعراض

#دمتم سالمين 💝

23/09/2019

السلام عليكم
😁هنتكلم عن التحليل اللي الطبيب بيستدل بيه علي وجود إلتهاب أو بياكد بيه وجود إلتهاب

😁 هنتكلم عن تحليل حاير طاير في التخصصات انف واذن شغال اطفال شغال، باطنه شغال، عظام شغال جميع الاعمار ما شاء الله 😅و لكن في جميع الاحوال بيدل علي وجود إلتهاب في حاله الارتفاع عن المعدل الطبيعي
😁طيب فين يا CRP؟
للاسف هو لوحده أخرة يقولك أوعي في إلتهاب لكن فين يا إبن الحلال الله اعلم
لكن مع الفحص السريري و الفحوصات الاخري يستطيع الطبيب المعالج فقط تحديد الشكوي

🌸بروتين سي التفاعلي C-reactive protein أحد البروتينات التي ينتجها الكبد استجابةً للالتهاب، ففي حال وجود التهابٍ في الجسم فسيبدأ الكبد بإنتاج كمياتٍ عالية منه ليقضي على الميكروبات الغريبة في الجسم، مما يجعله واحداً من مؤشرات الالتهاب التي يتم قياسها بالدم.
ومع ذلك فهو فحصٌ عام ولا يحدد موقع الالتهاب بشكلٍ خاص، مما يلزم القيام بالفحوصات التشخيصية الأخرى في حال ارتفاعه للحصول على تشخيصٍ أدق.

📉أسباب ارتفاع مستوى CRP في الدم:
بشكلٍ عام يدل ارتفاعه على وجود التهاب في الجسم، إلا أنه قد يترافق مع بعض الأمراض أيضاً، وأبرز أسباب ارتفاع CRP:

📌حدوث عدوى التهابية بسبب البكتيريا في أي مكان في الجسم، مثل الالتهاب الرئوي أو السل.
📌الأمراض الالتهابية المزمنة؛ وأبرزها:
التهاب الأوعية الدموية، والتهاب المفاصل الروماتويد.
📌الأمراض المناعية مثل الذئبة.
📌بعض أنواع السرطان والأورام الخبيثة بشكلٍ خاص، مثل سرطان الرئة وسرطان الدم.
📌الحمى.
📌بعض الالتهابات الفيروسية.
📌أمراض القلب المختلفة والنوبة القلبية.
📌أمراض الجهاز الهضمي والتهاب الأمعاء.
📌التهاب العظام.
📌الحروق.
📌التدخين والبدانة
🤔طيب هو غالبا مش بيطلب وحده و غالبا الطبيب المعالج بيطلب معاه تحاليل تانيه زي CBC صوره الدم الكاملة و ESR سرعة ترسيب و ASOT الميكروب السبحي وممكن تتاخد معاهم مزرعة من الحلق أو ممكن يتطلب مع فحوصات اخري خاصه بالقلب و الكبد والكلي وبيحدد المطلوب منهم حسب الفحص والتاريخ المرضي للحاله

😍في نوع منه مش مشهور و بيطلبوه اطباء القلب احيانا اسمه
🌸 🌿hs CRP🔔high sensitivty C. Reactive protein
لتقييم خطر الإصابة بأمراض الشريان التاجي، وهي الحالة التي يتم فيها تضيق شرايين القلب. يمكن أن يؤدي مرض الشريان التاجي إلى نوبة قلبية.
🔍يُعتقد أن ارتفاع نسبة بروتين سي التفاعلي عالي الحساسية في الدم ترتبط بارتفاع خطر الإصابة بالنوبات القلبية.
🔍 لكن لا يشير فحص نسبة بروتين سي التفاعلي عالي الحساسية إلى سبب الالتهاب و قد يدل على التهاب ناجم عن شيء آخر بخلاف القلب.
✋🏻ولكن في النهاية هو مفيد للمرضي الذين لديهم نسبة مرتفعة لحدوث نوبة قلبية
💝العينه المطلوبة :
عينة دم عادية جدا
💝طيب في تحضيرات للتحليل ده؟
لا ✋🏻
لكن ممكن تتطلب منك تحضيرات للتحاليل المرافقة ليه فعادي مش بتأثر عليه
📌اللي يحدد التحاليل المطلوبة الطبيب المعالج لانه بتختلف دلالته حسب الشكوي و الفحص ✋🏻✋🏻✋🏻
#يعني من الاخر متروحش المعمل تقول عايز CRP من نفسك روح للطبيب الأول
#دمتم سالمين 😍

23/09/2019

23/07/2019

السلام عليكم 😍نغير شويه بقي ونتكلم عن الخناقات 😁🙁؟
👩‍🔬🔍💉ليه المعامل بتطلب عينة أخري؟؟؟💉
😩أكتر كلمه بتستفذ المريض هي كلمة عينة أخري خاصة لو كانت الحاله لطفل
🙁طيب ليه بيطلبوها؟هاه ليه؟
🤔😏عايزين الحقيقة صح؟
🌼اول حاجة لو العينة عينه بول أو براز غالبا بتبقي جبتها غلط وخبيت أو جبتها غلط وأنت مش عارف إنك غلطان زي العينات من السيدات وقت الدوره الشهريه أو عينات البوتي للاطفال والاتنين مرفوضين أو تكون أتكبت بالخطأ أو العينه قليله أو ظهر فيها حاجة تستوجب طلب عينه أخري
🌼تاني حاجة عينات الدم بقي بيطلب منك عينه أخري أما للتأكيد علي وجود حاله مرضيه من عدمها أو مسئول سحب العينات سحب كميه أقل من المطلوب وده بيبقي لسببين أما الخبره غير كافيه و الحاله من النوع اللي بيصوت فالاتنين مرتبكين ونلاقي في النهايه العينه قليله 🙁✋🏻
أو الشغل علي العينه تطلب شغل إضافي وإعادات كتير دي نتيجة يا جدعان الموضوع مش سهل و كل تحليل ليه كميه محدده بنشتغل بيها أو حصل حادث داخل المعمل و الانبوبه اتكسرت ومش بعيد حد يكون أتاذي و عرض نفسه للخطر أو أخد عدوي من حضرتك و هو بيحاول يتلاشي سقوط الانبوبه
💉فياريت نتعاون طلب عينة أخري إن دل فبيدل علي ضمير حد نحتسبة عند الله بيراعي ربنا و في النهاية كلنا بشر فنتعاون
🙁أحيانا بقي بيكون مطلوب منك عينة بول و يتصلوا يطلبوا عينه دم 😑😑😑 وراك وراك برضة؟ طيب ليه؟؟؟
في حاجات زي السكر أو الصفرا لما بيظهروا في البول لازم يتسحب قصادهم عينه دم لتقدير السكر في الدم او الصفرا في الدم و ده ممكن يتسبب في تغير شكل التقرير تماما و التشخيص كمان و البول غير كافي للبت فيهم طالما وضعك الصحي مش هيسبب ظهورهم في البول... و بالتالي وجودهم هيتبني عليه فحوصات و علاج فنسمع الكلام 😍💉
#شكة تفوت و لا حد يموت

#منزعلش لما يقولك دخل إعاده أو صوم تاني أو اللي يقعد يراجع ويأكد عليك كتير ده لمصحلتك 😍
💝والمهم في النهاية تاخد نتيجتك صح 💝
#دمتم سالمين 💞

23/07/2019

🌼🌼السلام عليكم😍
🤔🤔🤔🤔نراجع شويه علي الفيروسات الكبدية ببساطة؟
فيرس C
فيرس B
فيرس A
الايدز
🌸هنتكلم عن العدوي و العينه🌸
⚖️🌼🔍أول حاجة بقي هنتكلم عن طرق العدوي الشائعه

💉🌸HCV Abs
🌸تحليل فيرس C(الالتهاب الكبدي C)
🤔العدوي بتحصل ازاي غالبا
💉عن طريق التعرض لدم المصاب بالفيرس
💉في احتمال بسيط يحدث عدوي عن طريق العلاقة الخاصة بين الزوج والزوجة
💉الوشم

💉🌼HBS Ag
🌼تحليل فيرس B(الالتهاب الكبدي B)
🤔العدوي بتبقي عن طريق
💉الاتصال الجنسي
💉مشاركة استخدام الإبر(المدمنين تسخين الابره ممنوش داعي برضه هتتعدي)
💉الوخز بالإبر على نحو عرضي
💉من الأم إلى الطفل
💉الوشم أو ثقب الجسم (زي ثقب الاذن لتركيب حلق مثلا)
💉التعرض لدم المريض
💉☘️HAV IgM
☘️فيرس A(الالتهاب الكبدي A)
عادة ما ينتشر الفيروس عن طريق تناول الطعام أو الشراب الملوث بالبراز، حتى ولو كان بقدرٍ قليل جدًا. لا ينتشر عن طريق العطس أو السعال.
🤔العدوي بتحدث عن طريق

💉تناول طعام حمله شخص مصاب بالفيروس ولم يغسل يديه جيدًا بعد استخدام الحمام
💉شرب الماء الملوث
💉تناول محار نيء من مياه ملوثة بمياه الصرف
💉التلامس القريب مع شخص يحمل الفيروس — حتى وإن لم تظهر عليه أي علامات أو أعراض
💉ممارسة الجنس مع شخص يحمل الفيروس
🍁💉HIV I&II
🍁الايدز
🤔العدوي بتنتقل عن طريق
💉 عن طريق الاتصال الجنسي
💉 الدم(الوشم، الحقن، نقل دم ملوث)
💉من الأم لطفلها خلال الحمل، أو الولادة أو الرضاعة الطبيعية.
👩‍🔬طيب مطلوب منك اي تحضيرات قبل التحليل ده؟
الاجابه لا

🤔✋🏻طيب والعينة
هيتاخد منك عينه دم فقط

😥😥😥طيب لو طلعت مصاب لا قدر الله تعمل إيه؟
✋🏻اول حاجة نلتزم بجرعات العلاج و المحظورات اللي يحددها الطبيب المعالج ونلتزم بالمتابعات
✋🏻تاني حاجة نسأل ازاي نحمي اللي معانا في البيت من العدوي سواء اذا كانوا هياخدوا تطعيم فيرس B اَو احتياطات النظافه وعدم استخدام الادوات الشخصيه للمريض كأدوات الحلاقه او ادوات الطعام ، ناخد بالنا واحنا بنتعامل مع الحقن والتخلص منها بطريقه سليمه وجعلها بعيدا عن متناول الاطفال و ازاي نتعامل مع ملابس المريض وهكذا
#دمتم سالمين 😍💉

20/06/2019

من الحاجات اللى لازم ناخد بالنا منها جداا.👇👇

-ازدياد ملحوظ فى معدلات النوع الثانى من السكر فى الاطفال.
-ودا ماكناش بنشوفه لحد وقت قريب.

-بس للاسف حصل بسبب انتشار معدلات السمنة والاطعمة fast food الاكل اللى خارج البيت المشبع بالدهون والنشويات اللى ولادنا اتعودوا عليه.
-للى مايعرفش النوع الثانى من السكر اخطر كثيرا من النوع الاول من السكر.

-نعم يعنى النوع اللى بياخد اقراص بالفم وعنده بس معاوقة انسولين فقط بدون نقص افراز ملحوظ اكثر خطورة من النوع اللى بياخد انسولين وبتشكشك اربع مرات باليوم .

-اه والله زى مابقولك كدا ..اخطر كثيرا وانا ببقى حزين جدا لما اشوف طفل نوع ثانى سكر .
-اكثر عرضة لمشاكل القلب والاوعية الدموية.
-اكثر عرضة لارتفاع ضغط الدم.
-اكثر عرضة لارتفاع دهنيات الدم.
-اكثر عرضة لحدوث دهون على الكبد.
-اكثر عرضة لحدوث مشاكل البلوغ وتكيسات المبيض فى البنات.
-اكثر عرضة لمشاكل اعتلال الكلى.
-لازم ناخد بالنا من اولادنا ونتابع وزنهم بااستمرار لان السمنة دى هى الخطر القادم عليها.

-انك تحرمه من الاكل الضار اللى بيدمر صحته مش معناه انك اب او ام قاسى او بخيل ..لا عوده وعود البيت كله على الاكل الصحى.
-عوده على ممارسة رياصة منتظمة بدال ماتجبله موبايل او تاب يقعد عليه طول اليوم ووزنه كل يوم يرتفع غير المفاهيم الغلط اللى بتتزرع فيه.
-بلاش استخدام المشروبات الغازية عمال على بطال اللى دخلت كل بيت وبقت ادمان.
-زمان كنا بنشربها فى المناسبات فقط.
-مين الطفل اللى اقلق عليه واعمله تحليل لاستبعاد النوع الثانى من السكر ..
*السن المناسب لعمل screening هو سن ال 10 سنوات او مع بداية البلوغ ايهم اقرب فى حالة وجود الخصائص دى فقط:
-وزن الطفل اكتر من 85 بالمية من المناسب لسن الطفل وجنسه مع وجود اثنين واكتر من الخصائص دا:
1.تاريخ مرضى للعائلة للنوع الثانى من السكر فى الاب والام والجدود.
2.تاريخ مرضى للام بحدوث سكر اثناء الحمل gestational diabetes.
3.الطفل للى بيبقي مولود حجمه صغير intrauterine growth retardation وبعدين بنلاقى زيادة كبيرة وسريعة فى وزنه.
4.البنات اللى عندهم تكيسات مبيض واختلال هرمونى بيوخر الدورة اثناء سن البلوغ.
5.اى طفل عنده مشاكل متصلة بمعاوقة الانسولين زى ارتفاع ضغط الدم وارتفاع دهون الدم او ارتفاع وظائف الكبد.
-------------------------------------
-التشخيص بالتحاليل الاتية:
1.السكر الصايم ودا بيتعمل بعد 8 ساعات من صيام ليلي والطبيعي بيبقي من 70 ل 100 مجم وتشخيص السكر 126 مجم فااكثر.

2.السكر الفاطر بعد الاكل بساعتين والطبيعى اقل من 140 مجم والسكر بيتشخص اكتر من 200 مجم.

3.السكر التراكمى او الهموجلوبين السكرى والطبيعى اقل من 5.7 بالمية انما السكر بيتشخص رقم 6.5 فااكثر .

4.السكر العشوائى ودا مالوش علاقة بالاكل والطبيعى اقل من 200 مجم انما السكربيتشخص 200 مجم فاامثر مع وجود اعراض زى زيادة التبول والعطش والتهابات المهبل فى البنات والتبول اللاارادى بدون سبب وغيرهم.

01/11/2018

❤خصم خاص علي تحليل فيتامين د ❤

--------------------
⏩معامل الشيماء للتحاليل الطبية⏪
بطره شارع الشيخ جاد الحق منزل الحاج حسن يوسف الدور الارضي
اتصل ليصلك مندوبنا لسحب العينات أينما كنت
&01060540551 &📲01063775661📲

03/10/2018

هنتكلم النهاردة عن حقنة الار اتش RH ...
----------------------------------------------------------

يعن ايه ار اتش ومين المفروض تاخد الحقنة ومين متخدش وامتى ناخدها وناخدها ليه ؟؟
اولا لازم نعرف ان الار اتش ده عامل موجود فى دم بعض الناس وناس تانيه مش موجود عندهم ودى حاجه عادية طبيعية مش اللى عنده احسن من اللى معندوش 😃
---------------------------------------------------------------
امال ايه المشكله !!!

المشكله ان لو اختلط الدم اللى فيه ار اتش مع الدم اللى مفيهوش ار اتش بيبدأ الجسم بتاع اللى مافيهوش يطلع اجسام مضادة تحميه من الحاجه الغريبه عليه واللى هوا مش متعود عليها زى اللى عنده ار اتش .

طب ايه اللى دخل اللى عنده واللى معندوش والكلام الغريب ده فى الحمل !!!!
لو الام عندها فى دمها ار اتش يعنى فصيلتها موجبه كده الموضوع امان ومفيش مشاكل 😊😊😊

طب الام اللى معندهاش ار اتش يعنى فصيلتها سالبه ...لنا هنا وقفة !!!!
لو طلع الزوج برضه معندهوش يعنى سالب
فكده مفيش مشكله 😊
لو الزوج كان عنده يعنى موجب..هنا تبقى المشكلة 😯😯😯
طب ليه مشكله !!!!
لان لو الجنين طلع عنده يعنى موجب زى باباه
يبقى كده فى اختلاط دم الام السالب مع دم الابن الموجب 😭😭😭
وده يعمل ايه!!!
ينتج اجسام مضادة فى دم الام عشان تحميه من الار اتش اللى جالها من جنينها 😱😱😱
يا خبر وده يؤذى الجنين اللى موجود !!!
لا الحمد لله لان الاختلاط ده مش بيحصل الا فى حالة الولادة وانفصال المشيمة او فى الاجهاض او لو فى نزيف اثناء الحمل .
طب هيؤذى مين!!!!
الجنين القادم 😣😣😣
طب لو الجنين اصلا طلع زى مامته معندوش
ومطلعش زى باباه اللى عنده ار اتش!!!!
كده يبقى مفيش مشكله ماهو اصلا مفيش عند الام او الجنين ار اتش عشان يكون فيه اجسام مضاده او غيره 😂😂😂
------------------------------------------------------------
طب كده يبقى ناخد الحقنه امتى !!!!
بعد الاجهاض مباشرة
بعد الولاده مباشرة
فى اثناء الحمل لو كان فى نزيف مع الحمل
وفى اخر دراسات تم التوصية على ان تؤخذ جرعة وقائية للحامل فى عمر حمل 28 اسبوع..

cpd & edited

-----------------------------------------------
⏩معامل الشيماء للتحاليل الطبية⏪
بطره شارع الشيخ جاد الحق منزل الحاج حسن يوسف (الدور الأول)
اتصل ليصلك مندوبنا لسحب العينات أينما كنت 01060450551📲

23/05/2018