08/11/2025
فخورة جدًا إني كنت جزء من احتفالية مؤثرة ومليانة مشاعر جميلة مع جمعية أسرة الغد وهيلنج هاوس، في يوم مخصص لتكريم ودعم أهالي الأطفال اللي بيكافحوا مرض التليف الكيسي (Cystic Fibrosis) 💜
اليوم كان مليان طاقة دافية، مشاعر حقيقية، ضحك ودموع وفرحة وأمل… يوم فعلاً لمس قلبي وخلاني أفتكر إن أقوى الناس هم اللي بيحبوا وبيكملوا رغم كل حاجة 🌿
كنت فخورة جدًا إني كنت جزء من الحدث الجميل ده، وقدرت أشارك بقيادة جلسات العلاج الجماعي (Group Therapy) للأمهات والآباء.
اللحظات اللي قضيناها مع بعض كانت مليانة صدق، حكايات من القلب، ومشاعر طالعة من عمق التجربة الإنسانية ❤️
في كل كلمة اتقالت، كان في وجع، بس كمان كان في حب وأمل كبير.
اتكلمنا عن الخوف والتعب والذنب، لكن كمان عن الصبر، وعن القوة اللي بتيجي من الحب والإيمان
كل أب وأم في القاعة كانوا نموذج حقيقي للشجاعة… حبهم لأولادهم بيدّي معنى للحياة، ووجودهم ملهم لأي حد بيسمع قصتهم.
شكرًا من قلبي لـ جمعية أسرة الغد على الدعوة والتنظيم الرائع، وامتنان كبير لـ هيلنج هاوس على المساحة الداعمة اللي بيخلقها دايمًا للشفا، للوعي، وللرحلة الإنسانية 🙏✨
وشكر خاص لكل أم وأب فتح قلبه واتكلم… وجودكم هو اللي بيدي شغلي معنى وبيفكرني دايمًا ليه اخترت أكون هنا 💜
-------
