26/01/2022
كل المتخصصين ف العالم بيقولو ان الكل هيصاب بدور اوميكرون أو البرد زي ما بنسميه
الحمد لله الفيروس مش بيسبب دخول مستشفيات كثير .. الا انه سريع الانتشار جدا جدا جدا ..
وكل اللي هنعمله اننا هنحاول نفهم التعامل مع الاعراض كويس ونعرف كويس ازاي نعالج نفسنا ..
الأخطاء فى التعامل مع دور البرد ده هو سبب الوفاة لكثير من الناس خلال هذه الأيام .
عشان كده البوست ده هيبقى مهم جدا إنك تخليه قدام عينيك وتلتزم بيه كويس جدا
الأعراض وطريقه التعامل معها :_
1_ السخونيه ( الحرارة) :
هتتاكد الاول ان حرارتك ارتفعت ودا بالترمومتر لان ف الناس بتذعر وبتحس انها سخنه لكن هي حرارتها طبيعية ..
فلو حرارتك ارتفعت فوق 39 لازم ناخد خافض حرارة من مشتقات الباراسيتامول زي ( ابيمول - بارمول - بانادول - سيتال )
والجرعة بتكون عند اللزوم كل 8 ساعات 1000 مللجرام يعني 2 قرص من كل نوع ذكرناه فوق
طيب لو الحرارة م نزلتش بنعمل تبادل مع نوع اخر كل 4 ساعات زي البروفين مثلا ودا لازم تاخده ع معدة مليانة
2 _ الإحتقان :
مهم جدا المشروبات الساخنة عشان نقضي على الإلتهاب اللى بيسبب الإحتقان.
وممكن نستخدم اى إستحلاب لو مفيش تحسن بالمشروبات الدافئة .
3_ الكحه:_
لو الكحه جافة أي أدوية للكحه مش مضر وافضلهم ف السوق نوتوسيل و توسيستوب شراب
وجرعته معلقه كبيره 3 مرات .. وسيلجون اقراص برده قرص 3 مرات . لكن الأفضل استمر على المشروبات الساخنة .
ولو حاسس إن فيه بلغم وزورك مقفول ممكن جدا أي مذيب بلغم أو طارد ومهدئ للشعب الهوائية .
ومن افضلهم ميكوفيلين او لوبري كوف او برونكوفين والجرعة معلقه كبيرة 3 مرات
وممكن استيل سستين 200 و 600 كيس كل 8 ساعات
4 _ رشح مستمر وعطس شديد :_
هتاخد اي دواء للرشح والعطس امن وليكن زيرتك اقراص قرص مرة واحدة يوميا
او بنادول كولد اند فلو قرص كل ٨ ساعات
ترايميد فلو قرص كل ١٢ ساعة
5_ ضيق تنفس أو أكسجين منخفض أو زرقان فى الشفاه أو عدم القدرة على النوم بصفة مستمرة مع خمول مع حرارة مش بتنزل ( يجب مراجعة الطبيب فورا والذهاب للمستشفى )
انت هنا دخلت ف الخطر م دام الخطر وصل للرئة والنفس انت هنا لازم تستشير دكتور ..
6_ لو عندك مرض مزمن او من اصحاب المناعة الضعيفه او بتاخد ادويه كثير لازم هنا تخاف من الدور يزيد عليك او دواء يتعارض مع علاجك و يجب إستشارة الطبيب الخاص بك أولا
7_ بالنسبه للفيتامينات :
يفضل أخذ فيتامين سي من الفواكه والخضروات زى ( البرتقال _ اليوسفى _ الفلفل الألوان _ الجوافه _ ........). لو م بتكلهمش كويس ممكن ناخد من مصدر خارجي زي سي ريتارد 500 و فيتاسيد سي قرص كل 12 ساعة
لو محتاج فيتامين دال ممكن من الصيدلية زي اوسوفورتين 5000 قرص يوميا والأفضل التعرض للشمس فى الأوقات الصحيحة لذلك .
لذلك
أهم النصائح :_
1 بلاش حقنة البرد ال 3×1 اللي بتاخدها مره واحده دي بتقلل مناعتك م بتقويهاش صدقني
2 ممنوع المضاد الحيوي إلا بإستشاره الطبيب لان ف الاول والاخر دا فيروس
3 امتنعوا عن المشروبات الغازية
4 الأكل يكون صحي ويفضل مسلوق
5 بدلوا السكر بالعسل الأبيض
6 اكثروا من تناول الخضروات والفاكه
وربنا يسترها علينا جميعا ويعدي الفترة دي على خير 🌷
