26/04/2021
ايه فايدة ال ٦ تحاليل الل الدكتور بيطلبهم أول ما يأكد الحمل؟ 😄
لو حامل جديد, وعلشان سلامة الجنين من سلامتك, أول ما طبيبك يأكد الحمل بيكتب لك ورقة ويقول لك هنحتاج نعمل التحاليل دى.
لو مفيش أى شكوى سابقة فغالبا الورقة دى فيها ست تحاليل مشهورين جدا:
1- صورة الدم CBC
2- التوكسو بلازما Toxo
3- سكر عشوائي RBS
4- تحليل غدة درقية TSH
5- تحليل بول عادي urine
6- الفصيلة Rh
اشمعنى الستة دول؟ 🤔
ده لأن كل تحليل فيهم بيدى إشارة لأشهر مشاكل بتتعرض لها الحامل سواء فى بداية أو خلال الحمل أو أثناء الولادة
صورة الدم على سبيل المثال مهمة فى البداية علشان الطبيب يشوف الحالة العامة للجسم فى بداية رحلة الحمل, هل محتاجة مقويات؟ الهيموجلوبين كويس ؟ هل فى إشارة لمشكلة مناعية؟ هل الصفايح الدموية تمام؟
ولأن الطبيعى أو الغالبية العظمى على مدار فترة الحمل ان الهيموجلوبين بينقص فده من التحاليل المهمة
التوكسو : ودا فيروس بيتنقل من اللحوم المجمده أو القطط و انه سبب من اسباب الإجهاض لا قدر الله
السكر العشوائي عشان نطمن ع السكر للست الحامل لأن لو فيه لا قدر الله سكر بتحتاج متابعه خاصه وساعات بيكون فيه سكر حمل
الغده الدرقيه : وده لأن أي خلل ف الغده فيه خطر ع الجنين وممكن يسبب تشوهات واجهاض لا قدر الله
تحليل بول كامل :وده من التحاليل المهمه جدا عشان لو لا قدر الله فيه أملاح أو صديد ودي ليها مخاطر ع كيس الحمل بعد كده ونشوف لو فيه التهابات
حلل واطمن 💝
العنوان الفيوم مساكن التعاونيات أمام بوابة مستشفى الجامعة الجديدة عمارة 13 الدور الثالث
للتواصل والاستفسار علي الرقم الآتي 01095550036
#سيجماكير
