Elhakim pharmacy صيدلية الحكيم

18/11/2025

💊لو بتتعالج من الضغط بدوا من مجموعة Amlodipine أو من نفس العائلة زى النورفاسك Norvasc
او أملو Amlo

✨️يبقى البوست ده مهم ليك
لو لقيت رجلك بتورم... ومش عارف ليه؟ ممكن يكون السبب دوا الضغط نفسه!

ده عرض جانبي شائع نسبيًا ومش خطر في أغلب الحالات.
بيحصل لأن الدوا بيوسّع الأوعية الدموية، فـ يحصل احتباس بسيط للسوائل خصوصًا في الأطراف.

💡 إزاي تتصرف؟

أولًا: متوقّفش الدوا من نفسك.

راجع الطبيب لو التورم واضح أو بدأ يزيد.

ساعات الحل بسيط: الطبيب ممكن يقلل الجرعة أو يضيف دوا تاني يساعد الجسم يتخلّص من السوائل الزايدة.

✨ الحكيم بيقولك: خد الدوا في نفس المعاد يوميًا، ومارس حركة بسيطة يوميًا (حتى مشي خفيف) عشان الدورة الدموية تفضل نشيطة.

💬 سؤالنا ليك:
هل حصل معاك تورم بسيط في الرجلين وانت بتاخد دوا للضغط؟
اكتب في الكومنت تجربتك 👇
واعرف إن سؤالك ممكن يفيد غيرك❤️

13/11/2025

🤦‍♀️ حشرات الشعر مشكلة تواجه اغلب الامهات وخصوصا في موسم المدراس.

القمل مش بس إزعاج، لكن كمان بيسبب:

●حكة مستمرة بتسبب إلتهاب في فروة الرأس.

●تعب في تنظيف الشعر كل يوم.

●توتر وقلة ثقة بالنفس عند الأطفال.

والأصعب؟
إن أغلب العلاجات بتقضي على الحشرة نفسها،
لكن مش على البيض...
فترجع الشكوى تاني بعد أيام قليلة 🔄

️وهنا بييجي الحل 👇

💡فى الحكيم وفرنالك Ivermectin 1% (المادة الفعالة فى مستحضر الايفرزين)

✅️ اعلى فعالية للقضاء على القمل وبيض القمل
✅️بشكل آمن لفروة الرأس، وسهلة الاستخدام، ونتيجة ملحوظة من أول مرة.
✅️ لا تُسبب جفاف للشعر او تهيج للجلد.
✅️ تستخدم لعلاج :
▪︎ قمل الشعر (Hair lice) 🪳
▪︎ الوردية (Rosacea) 🌹
▪︎ العث الجلدى الذى يصيب بصيلات الشعر والغدد الدهنية بالجلد (Demodicosis)🧫

🧴 طريقة الاستخدام:
-ضعي كمية مناسبة من التركيبة على فروة الرأس والشعر الجاف،
-ودلّكي بلطف لعدة دقائق لضمان توزيعها جيدًا،
-ثم اتركيها لمدة ساعة، واشطفي جيدًا بالماء.
-يُفضّل تكرار الاستخدام بعد أسبوع لضمان القضاء الكامل على البيض.

📍متوفر الآن حصريًا في صيدلية الحكيم Ivermectin 1% على شكل سبراى و لوسيون
عبوة 75 مل.
✨️ لأن التفاصيل الصغيرة تصنع الفرق الكبير.👌

📩 اطلبِي تركيبة Ivermectin 1% دلوقتي من خلال الكومنتات او رسائل الصفحة.

أو تواصلي معنا على الأرقام دي :
📞01142228822 _ 📞01027269991
01027269992

11/11/2025

💨 يا ترى ليه بخاخات الإستنشاق اللى بتستعمل لعلاج حساسية الصدر ممكن تكون مفيدة لبعض الناس وناس تانية لأ؟؟

حتى لو بتعرف تستخدم البخاخات… خد بالك من الاحتياطات دي 👇

1️⃣ نظّف فوهة البخاخ بانتظام
كل كام يوم امسحها بقطنة ناشفة أو منديل — التراب أو بقايا الدوا ممكن تسد الفتحة وتقلل المفعول.

2️⃣ ما تشاركش البخاخ مع أي حد
حتى لو عنده نفس النوع أو نفس المرض..لأن ده نقل عدوى محتمل.

3️⃣ احفظ البخاخ في مكان جاف وبعيد عن الحرارة والشمس المباشرة
علشان الضغط والدواء ما يتأثروش.

4️⃣ لو البخاخ فيه كورتيزون (زي Seretide أو Flixotide)
اغسل فمك وتمضمض بعد كل استخدام علشان تمنع فطريات الفم وبحة الصوت.

5️⃣ راقب مؤشر العداد عشان تعرف عدد الجرعات،
لو العدّاد خلص → استبدله فورًا.

💡 الحكيم بيقولك
▪️لسهولة إستخدام البخاخ، استخدم ال Spacer سواء للأطفال أو كبار السن.

▪️لو حسّيت إن البخاخ مش بيشتغل زي الأول، متزوّدتش الجرعة بنفسك… راجع الطبيب.

📍 شارك البوست ده… ممكن نصيحة واحدة فيه تساعد حد يتنفس أسهل.👌

09/11/2025

😮‍💨 دخلنا موسم النيبولايزر (جهاز البخار) !
اللي كل بيت بيفتكره أول ما الكحة والنهجان يبتدوا 😷

✨️بس خلينا نفتكر دايمًا:
النيبولايزر وسيلة توصل الدوا مباشرة للرئتين،
وبيستخدم غالبًا مع حالات الربو، الحساسية، والكحة اللي فيها صفير أو ضيق نفس.

⚠️لكن في أخطاء بسيطة ممكن تقلل فائدة الجلسة!⬇️

✅ استخدم النيبولايزر بعد وصف الطبيب فقط.
❌ ما تبدأش جلسة لمجرد وجود كحة أو نهجان — مش كل كحة تستحق جلسة.

✅ استخدم كل دواء لوحده أو زي ما الطبيب وصف بالظبط.
❌ خليك حذر من خلط الأدوية من غير استشارة الطبيب — بعض الأدوية بتتفاعل مع بعض.

✅ استخدم محلول ملحي معقم (Normal Saline) فقط.
❌ لا تستخدم مياه عادية حتى لو مفلترة — ممكن تنقل بكتيريا للرئة.

✅ اغسل الكأس والماسك بمياه دافية وصابون بعد كل جلسة واتركهم ينشفوا في الهواء.
❌ ما تسيبش الجهاز من غير تنظيف — بيتحول لبؤرة بكتيريا وفطريات.

✅ غيّر الماسك والأنابيب كل فترة.
❌ ما تستخدمش القطع القديمة حتى لو شكلها سليم.

✅ استخدم الجهاز على سطح ثابت، ناشف، بعيد عن بخار أو ماء.
❌ ما تستخدموش في المطبخ أو على السرير.

✅ راقب الطفل طول الجلسة.
❌ لمنع تحرك الماسك أو الاختناق بالبخار العالي.

✅ استخدم الجهاز في مكان مفتوح أو قريب من شباك.
❌ ما تستخدموش في غرفة مقفولة لو المريض عنده برد أو عدوى — بينشر الفيروس.

✅ نظّف أو غيّر الفلتر الهوائي بانتظام.
❌ ما تسيبوش يتسد بالتراب — ده بيقلل كفاءة الجهاز.

💡 الحكيم بيقولك:
الإفراط في جلسات موسّعات الشعب (زي Ventolin أو Atrovent) ممكن يسبب سرعة ضربات قلب أو رعشة بسيطة، ودة إنذار إن الجرعة محتاجة مراجعة طبيب.

📍 شارك البوست، واعمل منشن لحد تعرفه بيستخدم النيبولايزر دايمًا 💨
ممكن البوست دة يفرق معاه 👌

Drug store

05/11/2025

💊 الفيتامين اللي يفرّح العظام🦴😊… ممكن يزعل الكُلى🥲

كلنا بنحب فيتامين (د) علشان “بيقوّي العظام” و“يرفع المناعة” ☀️
بس اللي ناس كتير متعرفوش 👇
إن الجرعات العالية منه من غير إشراف طبي
ممكن تزعل الكُلى جدًا 😬

🧠 إزاي؟
فيتامين (د) بيساعد الجسم يمتص الكالسيوم،
لكن لما يزيد عن الحد، الكالسيوم ممكن يترسّب في الكُلى
ويعمل حصوات 💧
خصوصًا لو الشخص بياخده لوحده أو مع مكملات كالسيوم من غير تحليل مسبق.

✅ الحكيم بيقولك : ما تاخدش فيتامين (د) من نفسك، اعمل تحليل الأول 🔬

خده بعد الأكل الدسم علشان الجسم يمتصه كويس 🍽️

✨️وانت بتستعمل فيتامين (د) واتواصفلك مكمل غذائي فيه حديد زى فيروجلوبين
فلازم
نفصل بينهم ٤ او ٥ ساعات

🧸نفس الحكاية لو مكتوب لطفلك فيتامين (د) زى فيدروب ووصفله نقط حديد زى انريتش
لازم
نفصل بينهم برده ٤ او ٥ ساعات



اشرب مية كفاية طول اليوم 💧

وخلّي المتابعة عادة، مش رفاهية 👌

💬 قولنا بقى:
لو تعرف حد بياخد فيتامين (د) بشكل مستمر،
اعمله منشن 👇 وقوله “اقرا البوست ده قبل الكبسولة الجاية!” 😉
وانت؟ بتاخد فيتامين (د) بانتظام ولا لأ؟ شاركنا رأيك في الكومنتات 🗣️

23/10/2025

بتدور على الايفرزين؟
إسئل فى الحكيم

#معمل _
Elhakim pharmacy صيدلية الحكيم

22/10/2025

💊 مين كان يصدق إن مضاد حيوي ممكن يقلل مفعول حبوب منع الحمل؟ 😮

كتير بنفتكر إن الأوجمنتين وأمثاله زى هايبيوتك والايموكسيكلاف مجرد مضاد حيوي قوي…
بس الحقيقة إن في مفاجأة مهمة جدًا للسيدات 👀👇

🧠 المضادات الحيوية دى ممكن تقلل فاعلية حبوب منع الحمل الهرمونية المركبة
وده بيحصل لأن الدوا بيأثر على البكتيريا المفيدة في الأمعاء
اللي بتساعد في امتصاص الهرمونات المسؤولة عن منع التبويض.

النتيجة؟ 😳
ممكن يحصل انخفاض مؤقت في فعالية الحبوب… يعني فرصة الحمل تبقى أعلى شوية لو مفيش وسيلة احتياطية.

✅ الحكيم بيقولك :لو بتستخدمي حبوب منع الحمل المركبة يعنى اللى فيها هرمون الاستروجين والبروجييسترون، وخدتي أوجمنتين أو أي مضاد حيوي مشابه:

استخدمي وسيلة إضافية (زي الواقي الذكري) 💡

لمدة العلاج + يومين بعد آخر جرعة 👌
علشان تكوني في الأمان 100%.

💬 سؤالنا ليكم:
كنتِ تعرفي المعلومة دي قبل كده؟ 😍
اكتبي في الكومنت “أول مرة أعرف!” لو فعلاً فاجئتك المعلومة.

📚 المصدر:
https://www.ncbi.nlm.nih.gov/books/NBK538164/

12/06/2025

دي مش فاتورة دي بردية 😌
منشن لجدو 👨‍🦳 خليه يبص على رقم التليفون في الفاتورة ويخمن دي كانت سنة كام والتوقع الصح هيكسب فاتورة مشتريات بقيمة ٢٠٠ جنيه

📜 لأننا في صيدليات الحكيم لينا تاريخ طويل من الثقة…
من زمان وإحنا معاكم 👨‍⚕️❤️

🎉 مسابقتنا بريحة زمان! 🎉

👨‍🔬

05/06/2025

🎉🐑 عيدكم فرحة...
كل عيد وأنتم طيبين 🎈
وخروفكم فرحان، وجوّكم مليان بهجة 😊
عيدكم دوا للروح، وضحكة من القلب ❤

فروعنا :

🏥 فرع العبودي (مستشفى الندى):
📞 01110602220
☎️ 2152047

🏙️ فرع وسط البلد:
☎️20407060
☎️2040697
📱01142228822
📱01027269991

🌳 فرع الحادقة:
☎️2055781
☎️2055795
📱01027269992

📍 فرع سنورس
☎️ 2936403

18/04/2025

عرض شم النسيم ميتفوتش! لأول مرة اشترى واحد و احصل على واحد مجاناً من معطر الفم ايجاكس. عرض خاص لفترة محدودة

Drug store

26/12/2024

- هو إيه حكاية الدور اللي داير؟
- الشتاء هو أكثر فصول السنة بينتشر فيها الفيروسات التنفسية، في يونيو الماضي ظهر أحدث متحورات كوفيد 19 واسمه " XEC " في ألمانيا ثم الولايات المتحدة وبعض دول أوروبا، ولأن " XEC " حسب معلوماتنا بيتميز بسرعة الانتشار فقطعًا بياخد جولة في باقي دول العالم، ولمعلوماتك ذروة الإصابة بكوفيد بغض النظرعن متحوراته بتكون في شهري ديسمبر ويناير.


- لا بس ده البيت كله عيان والدور مابيخلصش!
- ده لأنه أصبح عندنا خليط من متحورات جديدة وقديمة لكوفيد 19، بالإضافة طبعًا لفيروسات نزلات البرد والأنفلونزا اللي ملزمانا طول الوقت، ومع تكرار التجمعات في المدارس والجامعات بترتفع نسب العدوى، برودة الطقس كمان بتخلينا كأفراد عيلة مجتمعين فترات طويلة داخل المنازل وده سبب تاني لتزايد العدوى.


- اعرف منين طيب إنه برد ولا اللي بالي بالك؟
- في الحقيقة مع توطن كوفيد بمتحوراته - بقينا عيلة خلاص - مش هيفرق كتير نفرق ما بينه وبين أدوار البرد العادية، بس لو ضروري بالنسبة لك فالسعال الجاف والتهاب الحلق وارتفاع درجة الحرارة والإجهاد الشديد والصداع والرعشة بالإضافة لفقدان حاستي الشم والتذوق أحيانًا من أبرز أعراض المتحور الجديد.


- الدنيا أمان يعني نروح ونيجي براحتنا!
- لا مش كده، حابب اطمنك الأول إن المتحور الجديد مش أخطر من المتحورات السابقة، لكن يبقى كوفيد بكل متحوراته خطير على أصحاب الأمراض المزمنة من ضغط وسكر وغيرهم وأيضًا أصحاب أمراض ضعف المناعة، خطير على كبار السن والأطفال والحوامل، فالتزم بكمامتك لو ظهر عليك أعراض، واعزل نفسك في بيتك لو حصل ارتفاع في درجة الحرارة لحد ما تنخفض حماية لنفسك ولغيرك.


- تنصحنى بإيه لو تعبت؟
- انصحك بالراحة المنزلية، تناول الأطعمة الصحية الفواكة الغنية فيتامين سي واتغلب على الأعراض بخوافض الحرارة زي البنادول أو البروفين وأيضًا ملطف للحلق ومهدئ للسعال ولو حسيت إن حالتك بتسوء والأعراض بتتفاقم زي صعوبة التنفس توجه فورًا لزيارة طبيبك

(صيدليات الحكيم .. للثقة عنوان 👌)

15/12/2024

شياكتك هتكمل بريحة نفس منعشة✨

ودع ريحة نفسك المزعجة واستمتع بإنتعاش وثقة في كل نفس، مع معطر الفم من إيجاكس اللي بيقضي على ريحة الفم الكريهة من أول رشة.

بفضل احتوائه على المنتول وخلاصة السينامون ومواد مضادة للميكروبات؛ بيقضوا على البكتريا الموجودة في الفم ويحافظوا على ريحة الفم منتعشة طول اليوم💚

معطر الفم إيجاكس أساسي معاك في كل خروجة👌 📌اشتريه دلوقتي بعرض ميتفوتش( 3 + 1 مجاناً ) وحجم صغير في جيبك وأربع نكهات منعشة (فراولة_تفاح_ليمون نعناع_برتقال)

🔻العرض ساري في جميع صيدليات الحكيم )