مركز الإيمان للأطفال وحديثي الولادة

30/04/2025

ايه هو فيروس الهربس الفموي !؟🦠
دة مرض فيروسى بيجى للأطفال 👶خاصة الرضع أقل من 6 شهور أو بعد عمر السنة للأطفال اللي حصل ضعف مؤقت
لمناعتهم
•الفيروس بيكون خامل في الخلايا العصبية المصابة وبينشط بعد فترة قصيرة واحيانا بعد فترات طويلة ممكن توصل لسنوات !
و بيعتمد على مناعة طفلك هتضعف إمتى؟؟
•غالبا الشفاء من المرض دة بتكون فى خلال أسبوع
•إزاى المرض دة بيجى للاطفال ؟؟
1- ينتقل عن طريق اللعاب (طفل بيشرب مكان طفل تانى) أو عن طريق تقبيل الأطفال الرضع. 🧸
2- ينتقل عن طريق استخدام الأغراض الشخصية لشخص مصاب (فرشاة الاسنان وأدوات الطعام).🪥
3- ينتقل عن طريق الرزاز (العطس أوالكحة).🤧
4- ينتقل عن طريق لمس المنطقة المصابة.👇
•أعراضه:
1 - سخونية🤒
2- قرح فى ( الشفتين - الحلق - اللوزتين- اللسان)
3- صعوبة ف البلع (الطفل رافض أى أكل)
4- سيلان لعاب متواصل
5-التهاب في العقد الليمفاوية
•العلاج :-
1- لازم كشف على الطفل لتحديد العلاج المناسب على حسب شدة الاعراض.📄
•لكن فيه بعض النصايح اللى الام هتعملها هتكمل العلاج دة:
- ممنوع الطفل ياكل أى أكل حمضى ( البرتقال – اليوسفى- الليمون )🍊🚫
- ممنوع المشروبات والأكلات الساخنة
- الاكل يكون مايل إنه يكون بارد وسهل فى البلع (نفس قوام الزبادى )

الوقاية :-
1 - ممنوع تقبيل الأطفال
2- تطهير الأدوات الشخصية للأطفال المصالة وفصلها عن كل أفراد الأسرة
3- غسل اليدين قبل وبعد التعامل مع الأطفال المصابة🧼
ولكن بننصحك انك تزوري الدكتور عشان تحددي العلاج المناسب لطفلك وتطمني

30/04/2025

تنتشر هذه الايام متلازمة القدم واليد والفم او عدوي فيروس كوكساكي
_______________________________
ومن اعراض فيروس كوكساكى:-

ارتفاع درجة حرارة الطفل🥵
احمرار أو احتقان في الحلق
مغص وتقلصات شديدة في البطن، بسبب التهاب الغدد الليمفاوية المصاحب لهذا الفيروس
ويمكن نلاحظها في البداية.
١-الطفح الجلدي😱😱
٢-قرح الفم🥱
٣-البثور في اليدين والقدمين
٤-طفح جلدي وبثور على منطقة المقعدة والساقين والذراعين

علاج فيروس كوكساكي :
فيروس كوكساكى يحتاج الي مناعة قوية
والعلاج يكون عبارة عن خوافض للحرارة، وبخاخ مسكن للفم، بالإضافة إلى شراب مضاد الفيروسات يساعد الطفل على التعافي سريعا، وفى خلال أيام يتعافى الطفل وتختفي أعراض فيروس كوكساكي.

المضاعفات : تسبب قرح الفم الي صعوبة البلع بشكل كبير وقد يحتاج الطفل الي محاليل وريدية لحين التعافي
قد يسبب الفيروس في الاطفال الذين يعانون ضعف المناعة من وصول الفيروس الي الدم والي التهاب قشرة المخ

طرق الوقاية من فيروس كوكساكى تتلخص فى :
١_ الامتناع عن تقبيل الاطفال وخصوصا من الفم.
٢_ تعويد الطفل على استخدام أدواته فقط سواء كانت أدوات الطعام أو الأدوات الشخصية.
٣_تعقيم ألعاب الأطفال باستمرار، والاهتمام بنظافة المنزل خاصة الأسطح والأرضيات.
٤_تهوية المنزل جيدا يوميا، وتعويد الطفل على غسل يديه باستمرار خاصة قبل وبعد الطعام. ، وعقب الخروج من المرحاض.

وذلك لوقايته من جميع الفيروسات، وليس فيروس واحد

30/04/2025

قشرة الرأس لدى الرضع. وازاى تتعاملى معاها. cradle cap
____________________________________

👈يصاب الرضع احيانا بطبقة من القشرة تغطى رأس الطفل..
👈تظهر فى الثلاثة اشهر الأولى وتختفى عند ٨ اشهر واحيانا تستمر حتى السنة الأولى.
👈وهي ليست بكتريا ولاحساسية ولاتسبب العدوى.

🧐اسباب الظهور:
غير معروفة لكن ليس لها علاقة بقلة العناية ،و تظهر في الاشهر الاولى من العمر على فروة الرأس والحواجب والرموش وخلف الاذن وممكن ان تظهر بين الفخد والبطن وفي هذه الحالة عادةً يكون سببها زيادة في افرازات الغدد الدهنية فتتكون طبقة قشريه صفراء وقد يكون الجلد تحتها يميل الى الاحمرار لكنها لاتضايق الطفل ولاتسبب الحكة

🤔العلاج..
استخدام زيت زيتون او فازالين لمدة ربع ساعه ثم غسل الشعر باستخدام شامبو مخصص للأطفال....
ثم تمشيط الشعر بهدوء باستخدام فرشاه ناعمة مخصصه للاطفال.
ويكون نفس التعامل ما اذا كانت هذه القشرة ممتدة الى الحاجبين او وراء الأذن.
🥺ولكن الحذر🚫 من تقشيرها باليد لأنها قد تزيد الحالة وقد تسبب جروح.

📣📌 في حال ملاحظة زيادة بالقشرة او انتشارها اكثر في الجسم ومعها فطريات بالفم أو بدأ ظهور دمامل فيجب مراجعه الطبيب الاخصائي لانها قد تكون التهبت او سببها فطريات وتحتاج الى العلاج
📌 وفي حالة رجوعها مرة ثانيه ايضاً يجب مراجعه الطبيب لانها قد تكون اكزيما وسببها غالباً حساسية .

30/04/2025

صلاحيه الادويه داخل الثلاجه ..مهم لكل أم

30/04/2025

30/04/2025

هاااام جدا وخصوصا مع انتشار الجديري المائي اليومين دول ((منقول للتوعيه))
النهارده اول مره اشوف حالة Reyes syndrome
الولد توفي للاسف خلال 4 ساعات بعد مادخل في غيبوبه كبديه
انا بكتب البوست ده وقلبي موجوع علي اهله وصوت مامته وهي بتقول انا السبب لسه بيرن في وداني 😪
نفسي البوست ده يوصل لاكبر عدد من الناس لاني اكتشفت ان ناس كتير اوي متعرفش المعلومه دي
ممنوع منعا باتا استخدام الاسبرين (aspirin)في الاطفال لحد سن 18 سنه لانه لو كان الطفل عنده عدوي فيروسية زي مثلا الجديري المائيchicken pox واخد اسبرين بيحصلوا حالة Reyes syndrome دي وبيدخل في غيبوبه كبديه وغالبا مابيتوفي للاسف
الاسبرين زي اللي باين في الصوره ده متوفر تقريبا في كل بيت مصري وبسبب انه رخيص طبعا بيستخدم علي الفاضي والمليان فبجانب اضراره التانيه علي الكبار والصغار زي سيولة الدم الا انه بيعمل كارثه في الاطفال
ارجوكم محدش يستخدم اسبرين مع الاطفال نهائي تحت اي ظرف copied

30/04/2025

الغازات لدى الرضع والأطفال عبارة عن حالة صحية شائعة لكن هناك خمسة طرق لمساعدة الطفل على التخلص من الغازات هي:

- وضع الطفل على بطنه:
يساعد هذا الوضع في إخراج الغازات من معدة الطفل بسهولة وبالتالي تخفيف الأعراض ويمكن حمل الطفل على بطنه أثناء المشي به لتهدئته.

- تدليك البطن:
من أفضل طرق علاج غازات البطن عند الرضع هي عمل تدليك لبطن الطفل بحركات دائرية مستمرة، مع القيام برفع ساقي الطفل لأعلى بين حين وآخر وكذلك تحريك الساقين بطريقة العجلة فهذا يساعد في إخراج الغازات من بطن الرضيع.

-وضعية الرضاعة:
ينبغي على الأم إبقاء رأس طفلها أعلى من مستوى المعدة أثناء الرضاعة الطبيعية أو الصناعية، لأن هذه الوضعية تساعد الحليب على الوصول إلى المعدة وصعود الهواء الموجود بداخلها إلى أعلى على هيئة تجشؤ
كما يراعى رفع زجاجة الحليب لأعلى قليلًا لتجنب تجمُّع فقاعات الهواء في الحلمة.

- التجشؤ بعد الرضاعة :
يجب على الأم أن تساعد طفلها بعد الرضاعة على التجشؤ، وإذا لم يستجب على الفور، ينصح بوضعه على ظهره لبضع دقائق، ثم إعادة المحاولة مرة أخرى.

- تغيير طعام الأم :
قد تكون الغازات عند الطفل ناتجًا عن الأطعمة التي تتناولها الأم واختلاط حليب ثديها بعناصرها الغذائية المسببة للانتفاخ، مثل منتجات الألبان والكافيين.

30/04/2025

👈 ٩٠٪؜ من حالات الاسهال مش بتحتاج اي علاج والمطهرات المعوية فى أغلب الأحيان غير مفيدة

👈 مش مهم الاسهال يقف أو يقل وأساسا الصح ان احنا منحاولش ابدا ندي ادوية توقف الاسهال

👈 اهم حاجتين انتي كأم لازم تتابعيهم عند طفلك لو عنده اسهال ؟

🌙 الترجيع.....الطفل لو بيسهل كتير ومفيش ترجيع و احنا قادرين نعوض اللى هو بيفقده ده متقلقيش‎
🌙 البول..... الطفل بيجيب بول كويس ولا لا و ده دلالة ان السوايل في جسمه مش متأثرة و مدخلش في مرحلة الجفاف

👈 طول ما الحاجتين دول طبيعيين يبقى هنفضل متطمنين ان شاء الله

👈 لازم نعرف ان علاجنا الاساسي هو أننا نعوض بمحلول جفاف وسوايل

🔴 امتي تقلقي؟؟؟

⬅اسهال مع قئ مستمر
⬅اسهال مع ارتفاع شديد في درجة الحرارة
⬅اسهال مع بول قليل
⬅اسهال بدم
⬅اسهال مع اضطراب في درجة الوعي

30/04/2025

🌀ارتجاع المرئ عند الرضع حالة شائعة تصيب حوالي 50% من الرضع في أول سنة من عمرهم

👈 عادةً بينتهي الارتجاع لوحده مع نمو الطفل ومعظم الأطفال بيكونوا كويسين تمامًا بعد عمر سنة ونص

✋ بس فيه بعض الحالات اللي ممكن يحتاج فيها الطفل للعلاج لو كان الارتجاع شديد أو مصاحب لأعراض تانية زي
🚨البكاء المطول أو الصراخ أثناء الرضاعة
🚨صعوبة التنفس أو السعال
🚨القيء المتكرر أو الشديد
🚨 الوزن المنخفض
⚠️ لو لاحظتي أي من الأعراض دي على طفلك لازم تروحي للدكتور عشان يشخص الحالة ويحدد العلاج المناسب

❄️طيب إيه أسباب ارتجاع المرئ عند الرضع ؟؟
💭 عدم اكتمال نمو عضلات المريء
💭 وضعية الرضيع أثناء الرضاعة
💭 الزيادة في وزن الرضيع
💭 الحليب الصناعي

👈 ودي بعض النصائح اللي ممكن تساعد في تقليل أعراض ارتجاع المرئ عند الرضع
✅ الرضاعة في وضع رأسي
✅ عدم الإفراط في الرضاعة
✅ تجشؤ الطفل بعد كل رضعة

30/04/2025

📢 يا دكتور العيال مبتكبرش ووزنهم قليل وغلبت معاهم فواتح شهية وعلاج ومفيش فايدة⁉️

🚥 طيب عملتي تحليل براز 💩⁉️ شفتي الديدان ‼️

🔥 انا تعبت من الديدان يا دكتور مبتروحش أبدا من عند الولد◀️دي مرافقاه أكثر من صحابه 🫂‼️

💡خلي بالك بالنسبة لأي طفل دلوقتي في مدرسة أو حضانة اكيد هيجيله ديدان كذا مرة في السنة‼️

🤨إيه يا دكتور‼️ يعني أقعد الولد من المدرسة ولا إيه ⁉️

📌 لا طبعا هيروح عادي وهيلعب وكل حاجة بس لازم تركزي معايا فى الكلمتين دول 🔊

🪙 تعالي أقولك إية هي أعراض الديدان ⁉️

1️⃣ المغص المتكرر

2️⃣ إن الطفل ميكبرش ووزنه ميزدش أو يخس

3️⃣ الهرش وقلة النوم والإحساس بالرغبة في الهرش من عند فتحة الشرج خاصة بالليل .

4️⃣ طفل يكون عنده أنيميا ومبتتحسنش رغم إنه بياخد علاج للأنيميا ومفيش فايدة

5️⃣ اننا نشوف الديدان بعنينا👀 يأكد وجودها 🙀

6️⃣الصداع🙉 إية يا دكتور ‼️معقولة الديدان تعمل صداع⁉️أه طبعا .. تخيلي ‼️

7️⃣الطفل ياكل كتير وميبانش عليه

8️⃣يجوع بسرعة وياكل حاجة بسيطة ( جوع كاذب).

9️⃣الإمساك ‼️ وممكن كمان الديدان تعمل إسهال و وقتها ممكن يكون فيه دم 😱

🔟 الهمدان⬅️ تحسي إن إبنك همدان ومعندوش حيل يلعب .

1️⃣1️⃣ ريالة الطفل وهو نايم بس مش كل الديدان بتعمل كدة

✨️ملحوظة هامة✨️

♦️مش لازم كل الاعراض تكون موجودة ممكن عرض واحد بس أو اتنين يشككنا فى وجود ديدان

♠️ طيب الديدان دى أصلا بتيجي للطفل ازاي⁉️

🔥الطفل المصاب⬅️ الديدان اللى عنده بويضاتها بتنزل في البراز وبتكون موجودة حوالين فتحة الشرج ولو هرش من تحت إيده 🖐 بتكون مليانه بمئات البويضات 🥚اللي بينشرها في كل حته في البيت وكل حاجه يمسكها وأي حد يلمس إيد الطفل أو أي حاجة الطفل لمسها البويضات تلزق في ايده ولو أكل
حاجه أو حط إيده في بقه من غير ما يغسلها تجيله الديدان علطول‼️

😵‍💫ده كده يبقي وباء يا دكتور ‼️

🔥أه فعلا هو وباء ⬅️عشان كده نادرا ما طفل يفلت منه في المدارس أو في تجمعات الاطفال ‼️

🚨مش كده وبس ممكن بعض الديدان تنتقل عن طريق شرب مياه ملوثة أو أكل ملوث وبالذات الخضروات والفواكة أو عن طريق لبن ملوث أو لمس حيوانات مصابة بالديدان دي 🫤

🔑طيب اعمل اية علشان احمي ابني منها ⁉️

1️⃣عودي طفلك يغسل إيده بالصابون قبل أي أكل وبعده

2️⃣ غسل اليدين بالصابون بعد البراز أو لما يرجع من المدرسة أو من اللعب بره البيت .

3️⃣غسل الخضراوات والفاكهة كويس جدا وياريت ننقعها في خل ربع ساعة‼️

4️⃣عودي نفسك تعملي تحليل براز لإبنك بإنتظام كل ٦ شهور أو بالكتير كل سنة
5️⃣منشربش ماية منعرفش مصدرها

6️⃣ قص ضوافر أطفالك 💅بإنتظام ومتخليهاش تطول وتجنب عادة قرقضة الضوافر🤐

7️⃣غيريله الملابس الداخلية بإنتظام وخاصة البنات 👧

8️⃣غيري الملايات ومفارش السراير بانتظام

9️⃣إنشري اللبس في الشمس بعد الغسيل وياريت تغسلي السجاد و تشمسي المراتب والمخدات والبطاطين
كل فترة

✴️طيب قولي بقي يا دكتور نعالج الديدان ازاي ⁉️

1️⃣ الموضوع محتاج تحليل براز علشان نعرف نوع الديدان ⬅️لأن لكل نوع ديدان دوا فعال معاها .

2️⃣🕯ملحوظة هامة جدا🕯

وارد يكون فيه ديدان وتحليل البراز يطلع سليم ‼️
♦️لأن حتة البراز 💩اللي إتاخدت في التحليل مكنش فيها ديدان بالصدفة

♦️️بس لو فيه أعراض ممكن وقتها ندي جرعة مضادات ديدان

♦️ وممكن نعمل تحليل البراز ٣ مرات ورا بعض علشان نحاول نطلع الديدان في التحليل‼️

3️⃣في الديدان الدبوسية🪱اللي معظم الأطفال بتتعدي بيها ⬅️جرعة الدوا بتكون لكل أفراد الأسرة‼️

🤬إيه يا دكتور لـ كله ⁉️
✨️اه كله 👨‍👩‍👦حتي الأب والأم وكل اللي بيعيشوا في مكان واحد⬅️ لأن الديدان دي معدية جدا وغالبا الكبار بيكون عندهم بس مبتأثرش فيهم ومش بيبان عليهم أي أعراض لكن الطفل هو أكتر واحد بيتأثر

🛑دي شغلانه صعبه يا دكتور ‼️

❤️‍🔥معلش بقي كله في سبيل العيال يهون😘

🤲كده بإذن الله تعيشوا من غير ديدان 👈 في سلام

28/02/2025

كل عام وانتم بخير ..رمضان كريم

27/10/2024

🌹 معلومه صغنونه 🌹

💥كيف نتعامل مع تورم مكان التطعيم لدى الطفل🙄🙄

🛑تورم فخذ الطفل من الأعراض الجانبية لتطعيمات الحقن في الشهور الأولى وتطعيم السنة والنصف.

📍لذلك علينا ألا نقلق🫣🫣، وتأكدي أن هذا التورم طبيعي تمامًا ويزول في غضون 48 ساعة من وقت التطعيم💪

📍ولكن في حالة الاحمرار الزائد عن الحد أو استمرار التورم لفترة أطول مع وجود ألم، لا بُد من استشارة الطبيب فقد يحتاج الطفل مسكن للألم.

🛑ضعى كمادات مياه فاترة أو باردة برفق على مكان التورم كل ساعتين إلى ثلاث.... باستمرار لحين زوال الاحمرار

🛑ضعى كريم مهدئ، وهو مُجرّب في مثل هذه الحالة بوصف الطبيب...خصوصا في حاله الاحمرار الشديد .