29/10/2025
بدءنا نشوف بداية مضاعفات امراض تقلبات الجو
ايه اللى بيخلى الدور يزيد ويبقى صعب
اولا التاخير فى التشخيص وان الطفل يتجرب فيه مليون نوع علاج ولو متحسنش نبقى نوديه للدكتور بالاخص فى فترات تقلبات الجو ده اكبر غلط لازم الفحص فور ظهور اى اعراض وبالاخص السخونية
ثانيا الاطفال اللى مخدوش تطعيم الانفلونزا اكثر عرضه للمضاعفات عن غيرهم وللاطفال الاصغر من ٦ شهور تطعيماتهم الاضافية
الاطفال ذوى المناعة والضعيفة والحساسية ومحدش يقولى قولى نوع فيتامين اعدى بيه الشتا مينفعش كل طفل ليه ظروفه وليه احتياجاته مينفعش ندى الطفل اى نوع وخلاص لازم طبيب اللى فحص الحالة هو اللى يكتبله روشتة المناعة الخاصة بيه زى ما كل شخص ليه بصمة مختلفة زى ماكل طفل ليه مناعة وظروف مختلفة مش كله واحد
نيجى للنصايح العامة
العسل الابيض للى اكتر من سن سنة
الاهتمام بالتغذية الجيدة والخضروات والفواكه والعصائر الطبيعية والبعد عن المواد الحافظة والحلويات
الاهتمام بالنشاط البدنى والرياضة
تانى وتالت ورابع التطعيمات الاضافية وتطعيم الانفلونزا منتاخرش عنهم
النفسية السليمة للطفل هامة جدا فى مناعته وتنظيم الوجبات
محدش يقول ابنى سخن اديله ايه ابنى بيكح اديله ايه ابنى مناعته ضعيفة اديله ايه رغم ان اول مهنزل البوست هلاقى نفس الاسئلة بس هرجع واقولكم لازم توقيع الكشف الطبى على الطفل عند الطبيب المعالج ولازم نتابع مشاكل التغذية والمناعة علشان مصلحة الطفل
حفظ الله ابنائنا
