21/09/2022
هاقولك كام نصيحه علشان متظلميش نفسك
١ متظلميش نفسك وتاكلي بواقي العيال علشان مستحرمه بواقي الأكل تترمي لأنك كده بتدمري صحتك بالتدريج ومن غير ماتعرفي وكمان كل ١ كيلو زياده عن وزنك المثالي بيزود الحمل على الركب ١٠ كيلو فارحمي ركبك
٢ متظلميش نفسك و تهملي تمارين الحديد لأنها هتزود الكتله العضليه وترسم جسمك وتعلي الحرق ف جسمك كله
٣ متظلميش نفسك و تاكلي سكر ونشويات كتير
٤ متظلميش نفسك وتاكلي فاكهه كتير خصوصا
لو عندك كرش
٥ متظلميش نفسك و تهملي المشي لانه. مهم جداً لعضله القلب و لصحه العظام
٧ متظلميش نفسك و تاكلي جلد الفراخ علشان بيبقى فيها هرمونات
٨ متظلميش نفسك وتحاولي ترضى كل الناس لان محدش نجح يعمل كده حتى الانبياء
٩ متظلميش نفسك و تاكلي عيش بلدي او فينو لأنهم سعرات عاليه بدون قيمه غذائيه
١٠ متظلميش نفسك و تعطي اي شخص اكتر من حجمه لأنك هتندمي ف وقت معين
١١ متظلميش نفسك و تتواضعي زياده عن اللزوم علشان معظم الناس هتترجمه انه ضعف شخصيه
١٢ متظلميش نفسك وتعملي انك تاكلي و تشربي حاجات فيها مضادات اكيده لأنها مهمه جدا ف تجنب مرض السرطان زي
شيكولاته دارك و افوكاتو و شاي أخضر وقهوه وقهوه خضراء و خضار كل الأنواع
١٣ متظلميش نفسك و تفكري دايما ف التفاصيل علشان كل ماتركزي ف التفاصيل هتتعبي اكتر
١٤ متظلميش نفسك وتنسى تاخدي يوم لنفسك تفصلي فيه وتفرحي فيه نفسك
١٥ متظلميش نفسك و تنسى تشربي ٣ لتر مياه يوميا
١٦ متظلميش نفسك وتنسى تنامي ٨ ساعات ف اوضه ضلمه
١٧ متظلميش نفسك و افتكري انك علشان متعجزيش لازم تاخدي كولاجين كويس وده موجود ف شوربه عضم البقر وخدي منها سلطنيتين أسبوعيا
١٨ متظلميش نفسك وتاكلي فاست فورد اكتر من مرتين أسبوعيا
١٩ متظلميش نفسك وتاخذي سمن او زيت نباتي وخليكي ف البلدي سمن او ذبده او ذبده جوز الهند
٢٠ متظلميش نفسك وتنسى تاخدي ٢ ليمونه يوميا على كوب ماء علشان جسمك محتاج فيتامين سي علشان تجديد الخلايا والمناعه
