https://www.facebook.com/pg/Noha.samy.life.coach963/services/

Noha samy relationship coach, Giza (2026)

24/12/2025

العقل لو شغال على وضع الخطر طول الوقت طبيعى جدااا
يخليك گبنأدم عايش فى حالة تهديد دائمة

وده معناها ان كل أمر تشغيل من مخك لجهازك العصبى ومن عقلك
على كل موقف هيكون أمر تشغيل مشوش ، كمان كل الرسايل اللى هتتبعت من جهازك العصبى فى خلال المواقف، و كل رد عليها هيكون
مخك فيها رافع إنذار الخطر🚩 ،
وبيعلن حالة الحماية فى أعلى أستنفار ممكن تشوفه ..

يعنى لو شخص عاش فى بيئة غير أمنة مليانة أذى وعنف
هتلاقيه بيتعامل مع غيره دايما فى وضع fit (التهديد)
سلوكه فعل او كلام كله عنف اثناء الموقف، او حتى بعده لو
فى حالة تفكير .. او حالة من الإستسلام والتجمد ..
لإن بالنسبة له منطقة الامان مش موجودة أصلا وهو لازم يحمى
نفسه بأى سكل و وسيلة ..
تخيل كل المواقف معك تعدى بالصراع والخناق والضرب والصريخ
والعصبية، او الكتمان والتجنب !!

طيب لو الشخص ده كان بيتعرض لإنتقاد ومقارنة وإهانة ..
هتلاقيه عايش على وضع (الخوف) الخوف من الفشل، الخوف
من ان
يكون على حقيقته، الخوف من المواجهة ..
يعنى سلوكه گ قول او فعل كله هروب او مثالية زايدة أثناء الموقف، .. او حالة من العنف الزايد لو تم رفضه او فشله ..

ما قولنا المخ لازم يحمى صاحبه بأى شكل عشان الألم صوته
عالى
والجرح هيتفتح ثانى .. ويوجع ثانى ...

تخيل تعيش عمرك مستخبى او محمل نفسك حمل زايد عشان
تعجب اللى حواليك وتنول قبولهم ومحبتهم، وفى نفس الوقت
تبقى يقظ ومنبه لحظة بلحظة اذاهم او لو ممكن يأذوك !!!

كل ده بسبب وضع الخطر ☠️ اللى المخ🧠 بيشغله عشان يحميك
من تكرار الآلم كحماية ليك.. لكن للاسف مخك بيشتغل
بشكل غير عقلانى مشوهه ..

طيب الحل إيه !!!!

غير وضع الخطر للهدوء .. إفصل الفيشة .. وإتعامل مع مخك
معاملة الإطمئنان .. فهمه إنك كبرت بما فيه الكفاية وتقدر تحمى
نفسك لأنك إتعلمت من خبراتك، وبقيت قابل للخبرات الجديدة

حاول تدخل فى السيستم بتاع مخك ان الألم مش جرح لكنه معلومة وخبرة بتتعلم منهم عشان تتطور ..

والاهم تدخل المعلومة دى
👈ان اللى كانوا بيأذوك مبقأش عندهم مقدرة الآن إنهم
يستغلوا ضعفك ...

لم تكن حياتك سيئة، كانت فترة سيئة،أنت قررت أن تغرق فيها عمراً كاملاً، إنهى وضع الخطر ، إفصل الفيشة ، انت باامان ..

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

24/12/2025

🌲🌲🌲🌲🌲🌲🌲🌲🌲🌲🌲🌲🌲🌲🌲
بما إننا فى نهاية السنة وصحيح مفيش جديد عن كل سنة
فى كل سنة، نفس الناس، نفس الأشخاص، نفس الأماكن،
نفس الحوارات نفس الأزمات، نفس الزعل، نفس المشاكل،
والله ده حتى نفس اللبس، ونفس الأكل، ونفس العمايل
لكن برغم ان كل حاجة نفس الحاجة،
لكن أنت مش نفس الشخص اللى كان قبل وقبل وقبل
يعنى لإنك الطبيعى بتتغير ..
يعنى 🌲

الكلام ده بيقول :

لو انت واعى و بتعالج المك هندسياً وبدخله للعقل الباطن
الجوانى يعنى »»»»» كمعلومة مش گجرح وتعيد ترميذه
لإنضباط .. هدوء ... وضوح .. قرارات محايدة العاطفة

النتيجة ان هما هيفضلوا هما و إنت مش هتفضل هما
وده معناه نهاية السنة ليك عبارة إمتنان لقصص شجاعة
ونجاح، وقوة وتغيير، وإعتراف بقصص فشل وإحباط
محتاجين تعديل مسار
عادى
يعنى المعوج بيحتاج تعديل طبيعى جداا .. بس منغير
إعتراف »»» المعوج مش بيتعدل أبدااااااا

تعالوا نقول المعادلة الهندسية اللى نمشى عليها ونتيجتها :
لا يعالج الالم عاطفياً بل يعالج هندسياً
يعنى
يدخل الصدمة(الجرح) كمعلومة + خبرة »»» للعقل الباطن
❌ وليس گجرح
النتيجة= قوة صامتة لا تنفجر بل تتحكم وتدير
يعنى اى شيئ مؤلم
يتحول إلى مصدر قوة نحو القمة وليس آلم ..

🤔 وهنا بعد ما تقرأ تسأل نفسك سؤال واحد

هل تستخدم آلمك ليقودك للقمة ام مازال آلمك يقودك ضد نفسك؟!!

لو انت لسه متعاملتش بطريقة الهندسة، ومسالتش نفسك
السؤال ده مرحبا بِك فى نسخة معادة فى كل حاجة يا شنونو ..

#دنياـالعلاقات

#الشخصيةـالنرجسبة #النرجسى #الامـالنرجسبة
#الغيرة #الامـالنرجسبة #عالمـالعلاقات

24/12/2025

"حين تخسر كل شيئ تصبح خفيفاً بما يكفى لتطير"
والمعنى ان القاع ليس نهاية لكنه بداية لتشكلك الحقيقى
ولن تتشكل عظامك دون آلم
ف الألم رسالة قوية وليس عقاب بل رسالة توكد ان
كل ألم مررت به كان يحاول بإخبارك شيئاً .. لكنك كنت مشغول بالصراخ فلم تستمع.
كان يخبرك بأن الطريق الذى تسلكه خطأ .. لكنك لم تنتبه .
كان يحاول مساعدتك من الغرق فى أوهامك .. لكن لا تجيد
العَوم .
اانك كنت تتمسك بشيئ زائف .. وحان الآن ان ينتزع منك
بقوة حتى تتحرر .
الالم لا يأتى ليكسرنا .. بل ليعيد توجيهنا لكل شيئ حاولنا
دائما الهروب منه .
نعم الالم انك فى القاع وحيد ولكنك فى زخم مع نفسك بما كان
وما قد يكون .
الالم لا يعزلك بل يهذبك حتى تحيا معهم بإتزان دون إنحياد
لمشاعرك، دون تقييد بأفكارك الخاطئة .
لا أحد يمر فى هذه الحياة دون أن يكسر .. وليس هناك كسر دون أن آلم.
أنت لست ضعيفاً لأنك تألمت .. انت انسان حقيقى يمر بتجربة
حقيقة ليكتشف نفسه ..

#دنياـالعلاقات

#الشخصيةـالنرجسبة #النرجسى #الامـالنرجسبة
#الغيرة #الامـالنرجسبة #عالمـالعلاقات

10/12/2025

اللى بيحصل مع #محمدـصلاح ه‍يعلمك 7 دروس مهين فى
الحياة :

1- الناس ذاكرتهم قصيرة:

فطبيعى الحلو بيتنسى والسقطة الواحدة اهم من تعب عشر
سنين عشانهم »»» فاااا متزعلش على تعبك العيب فى ذاكرتهم
اللى بتتغذى ندالة ومصلحة 👌

2- متراهينش على حَد أبدااااااااااااا :
والله دى بالذات مش محتاجة شرح »»» خيباتك مش ه‍تكدب عليك ..

3- النهاية أهم البداية عند البشر :

محدش بيغفر النهاية عشان بدايتك كانت حلوة، »»» عشان كده
تظل النهاية هى بدايتك الصح اللى هتبقى أحلى، ما تتمسكش
بالبداية وتحاربهم عشان يفتكروا حلاوتك، ما تستهلكش نفسك
على الفاضى ده إستنزاف ليك ..

4- مفيش حاجة ثابته :
لا إنت ولا اللى قدامك ه‍يثبت على حال »» عادى تبقى فوق
وتنزل تحت وغيرك كمان »»» هى الحياة زى المّرجية من تحت لفوق ، التغير من قوانين الثابتة فى الحياة تقَبل ..

5- حُبك لمكان او حَد مش كفاية :

حبك مش سبب إنك تفضل فى مكان أو مع حَد مش عارف
قيمتك ولا بيقدرك ، ساعات الرحيل بيكون هو الحل مش
التمسك والعناد »» عالج نفسك من التعلق 💔 ..

6- مش كل الناس ولا الأماكن ه‍تحبك :

يعنى دى مش بتاعتك فبلاش تشوف نفسك لازم تستحق
الحب من الكل، آه إنت حلو و تستحق، بس مش لازم كل الناس
تشوف ده، او تحس به »» » فى حاجة إسمها غيرة، حقد، غِل، مصلحة،
عدم توافق، يعنى فى حاجات تمنع محبتك إحترمها ..

أهم درس .. كومبو ترشقه فى مخك

7- متستعماش إشارات الإنذار اللى بتشوفها :👀

مفيش حَد تعرفه، او طريق بتمشى فيه إلا و إشارت كثير بتقلب
لك النور عشان تأخذ بالك أن فى حاجة غلط ، بس إنت بتتجاهل عشان عايز الحاجة حتى لو أذى ليك .
»»» يبقى حلال عليك الكشاف اللى ه‍يعميك ويخل توازنك
أصل اللى يتجاهل إشارات الإنذار بيقع كده كده .. سقوطه
مؤكد وحاسم ..

اما #موووووـصلاح فتمام الراجل لاعيب زى الفل، خبرته كافية فى الحياة تخليه يتعامل مع مشاكله اللى بيقابلها بإدارة جيدة
وبنجاح ..
هو بس خلص دورته فى الإستقرار واخرها 2025 وعايز يبدأ دورة جديدة من اول وجديد، هو بيحب الإستمرارية فطببعى يعيشها حتى لو بالمعاناة
إتعلم انت بس منه ال 7 دروس وحياتك ه‍تغير للأبد ..

#محمدـصلاحـليفربول

#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

09/12/2025

نكمل »» ازاى فى #عالمـالعلاقات القلق كإضطراب Generalized Anxiety Disorder سبب كافى لتدمير أى علاقة وخرابها !!!

لازم نعرف فى الأول إن العلاقة ما بينهم عميقة ومعقّدة نفسيًا، لأن القلق ليس مجرد شعور عابر، بل منظومة إدراكية،عاطفية،سلوكية تؤثر مباشرة في طريقة الشخص في التواصل، التفسير، الاحتياج، وحدود العلاقة.

🌪️ أولًا: إزاى بيشتغل القلق كإضطراب داخل الدماغ
إتجاه العلاقة؟

🧠 مبدئياً القلق بيدفع عقل الشخص التفكير بآليات دفاع
كالآتى:

👈🏻 تهديدات متخيّلة بدلاً من رؤية الواقع كما هو..
👈🏻 تضخيم أي تصرف صغير كلغز أو مؤشر خطر فيه تهديد للعلاقة..
👈🏻الاعتماد على سلوكيات دفاعية (سيطرة – هروب – حماية مفرطة – إرضاء)..
الآليات دى تجعل العلاقة نفسها مرهونة لمستوى القلق، وليس لمستوى الحب أو التفاهم.
---

💣 ثانيًا: إيه هى الآليات التي يدمّر بها القلق العلاقة؟

1️⃣ الشك المفرط وتفسير النوايا بشكل سلبي
القلق يجعل الشخص حساسًا لأي تغيير في نبرة الصوت،
تأخير في الرد، أو اختلاف بسيط في السلوك.
"اتأخر ليه؟"
"بطل يحبني؟"
"أكيد في حد تاني؟"
وده بيخلق صراع مستمر، حتى لو الطرف الثانى بريء تمامًا.
---

2️⃣ التمسّك الزائد أو #التعلّقـالقَلِق (Anxious Attachment)

القلق يخلق:
احتياج زائد للاطمئنان
خوف دائم من الهجر
مراقبة الطرف الآخر
وده بيسبب اختناق للطرف الآخر، فيبدأ يبتعد…
فينشط القلق أكثر…
فتدخل العلاقة في دائرة "مطاردة–انسحاب"
علاقة مرهقة يعنى .
---

3️⃣ التوقعات المثالية والضغط العاطفي من كوارث القلق :

الشخص القَلِق يعتقد أن العلاقة يجب أن تكون:
خالية من الخلافات
مليانة بالاهتمام الدائم
فيها ردود فورية ومشاعر ثابتة
ولما ده مش يحصل يشعر القلوق أن العلاقة فاشلة.
فيبدأ افتعال مشاكل، أو فقدان الثقة في العلاقة.
---

4️⃣ التركيز على الاحتمالات بدل الواقع حرصاً فى الامان

القلق بيخلق سيناريوهات كارثية:
"هيتغير عليا فى يومًا ما"
"هيجرحني زيه زي اللي قبله"
"لو حبيته قوي هسيب نفسي واتأذى"
فيتجنّب الشخص الاستقرار العاطفي خوفًا من الخسارة.
---

5️⃣ التواصل القَلِق (Anxious Communication Style)

ده بيكون اسلوب التواصل المتأثرة بالقلق عند القلوق !!
👈🏻نبرة دفاعية
👈🏻استجواب -لوم بدل التعبير عن الاحتياج
👈🏻تفجير مشاعر بدل الحديث الهادئ
ودى أكثر الأنماط اللى تخرب التواصل، واللى هو قلب أي علاقة.
---

6️⃣ إرهاق الطرف الآخر عاطفيًا :

القلق يجعل الشخص القلوق
شديد الحساسية
كثير الطلبات
سريع الانزعاج
لا يستطيع التهدئة الذاتية
وده بيجعل الطرف الآخر يشعر أنه دائمًا "يمشي على قشر بيض"
فتنخفض رغبته في الاستمرار .
---

7️⃣ الانسحاب المفاجئ كآلية حماية :

أحيانًا القلق لا يظهر في صورة تمسّك… بل في صورة:
برود
تجنب
إغلاق عاطفي
الانسحاب عند أول مشكلة
وده خوف من التعرض للأذى، وطبعا ده احسن تدمير للعلاقة .
---

💔 ثالثًا: لماذا يظهر القلق في العلاقات تحديدًا؟

لأن العلاقة العاطفية هي أكثر حاجة:
تثير مخاوف الهجر
تكشف الجروح القديمة
تختبر الثقة
تهدد الإحساس بالأمان
فالقلق ينشط داخل العلاقات أكثر من أي سياق آخر.
---

تخيل بعد كل اللى ذكرته ده شكل العلاقة ه‍يكون إيه ؟!!
غير دمار فى دمار 🤔

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

08/12/2025

فى #عالمـالعلاقات إيه علاقة اضطراب القلق كنمط تفكير ممكن يؤدى لخراب العلاقة او تدميرها ؟!!

أولاً
إيه هو #القلق ؟!!
حالة من التوتر والخوف والترقب من توقع حاجة هتحصل
او خطر او مشكلة
وعادة ده السبب اللى بيحرك المخ يدور على حلول بديلة فى حالة حاجة حصلت فيكون حاطط خطط جاهزة للتعامل مع اى سيناريو مخالف للمتوقع ..

اما #إضطرابـالقلق Generalized Anxiety Disorder
حالة بيكون فيها العقل شغال طول الوقت منغير ما يفصلش

على إيه بقى العقل شغال ؟!!!
على 3 جمل مفيش غيرهم
طب لو حصل كذا »»
طيب لو محصلش كذا »»
طيب إيه اللى ممكن يحصل بعد كده »»»
ويعيش الشخص اللى محصلش وهو لسه محصلش ..

هنا فى تحول من شيئ عادى(فِكر) ومطلوب ومهم الى شيئ غير عادى(فِكر مضطرب) مهم للشخص»»» غير مهم فى الواقع
لإنه غير حقيقى وبيعجز و يدمر ..

ليه؟!!
لإن مخك بيعيش فى وضع تحذير وحالة خطر وهمية طول الوقت
يعنى بدل ما أقلق من موقف عادى حصل فى الحياة او الشخص »»»» ابتدى أقلق من الحياة كلها او العلاقة كلها
أقلق من اللى حصل .. واللى ه‍يحصل ... واللى لسه محصلش اصلاً
شايفين التحول .. المزعج ده ..

اسبابه بتكون إيه!! او بمعنى اصح
👈🏻 انا ليه ممكن اعيش الوضع ده!!
ليه عندى إضطراب قلق مش قلق عادى زى البنأدمين ؟!!
»» خبرات سيئة فى الماضى
»»» تربية فيها خوف زايد ونقد مستمر ومقارنة
»»» مشاعر مكبوته من الخوف والخذلان والعار والعجز
»»» استعداد نفسى شخصية يعنى
»»» تجارب حياة مليانة ضغوط وعدم آمان
»»» خوف زايد من المستقبل بسبب عدم الأمان
»»» عدم تقبل الفشل
»»» الخوف من فقد السيطرة

👈🏻 طيب أعراضه على سيادتك !!!
»»» توقع الأسوء فى ابسط الحاجات
»»» تفكير مستمر مش بيقف نهائى» Overethinking
»»» صعوبة فى النوم
»»» نوم غير منتظم وغير مريح
»»» قلق عام فى الجسم كله
»»» صداع دائم ومستمر
»»» ضيق فى التنفس
»» توتر يودى الى إشتباكات
»»» عدم الإتزان فى المشاعر
»» تفكير كثير ومبالغ فيه
»» توقع سيناريوهات كارثية
»» عدم القدرة على التركيز
»» العصبية المبالغ فيها

‼️طيب الشخص بيكون واعى لكل ده !!
آه .. الشخص واعى أنه قلقان بس قادر يفصل الفيشة، عقله مش بيحس بآمان وراحة الا لما يضعه على وضع القلق حتى لو غصب عنه وفى مقاومه من جسمه، لان ده الامان بالنسبة له ..

»»» الحل إيه بقى ؟!!
مفيش حل سحرى لان ده نمط تفكير ولازم يتعالج
وفى طريقين بس
»» عن طريق الشخص أنه يستبصر عن اضطرابه ويبدأ يستغل على نفسه ..
»»» يأخذ قرار ويروح لمتخصص يعلمة
١ـ إدارة الأفكار ومهارة تهدئة الجهاز العصبى
٢- تغير نمط التفكير من السيطرة للتسليم
٣ـ مهارة إدارة المشاعر
٤ـ مهارة الحضور هنا والآن

غير كده هيفضل الشخص فى حالة خطر وتأهب حياته كلها
خايف ياخذ خطوة فى اى حاجة، ومفيش حاجة اصلا حصلت

طيب علاقته إيه بتدمير العلاقة او خرابها !! ده فى البوست اللى بعده

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

29/11/2025

في #عالمـالعلاقات وبالتحديد مع #النرجسى لازم تكون مدرك وفاهم الحيلة الدفاعية المفضلة واللذيذة اللى بيلجأ لها #النرجسي عشان يتهرب من أفعاله المشينة المؤذية، وكمان يهرب من شعور الذنب اللى بداخله بكل برود و سهوله ويسر .. ويلبسك إنت
كضحية نتايج افعاله المنحرفة بعد ما طلعك على المسرح
وجعلك إنت السبب ..

الحيلة دى إسمها ⭐ الإسقاط (Projection) بيكون ممزوج معها جزء من قلب الحقائق + نقل اللوم إسمه (Blame shifting)..
---

⭐ 1. الإسقاط – Projection ..
⭐ 2. نقل اللوم – Blame Shifting ..

كمثل هنا صلاح بيقول لزوجته بعد ما ارتكب جريمته وراح عليها كملجأ آمن متاكد أنه ه‍ يحميه .

إيه يا شيرين انتى مصدومة ولا مستغربة !!
🛑 مش دى اللى حضرتك طردتينى بسببها
🛑 وخربتى بيتنا عشان واحدة زيها
🛑 أدينى قTلتها عشان اثبتك إنى مبحبهاش
🛑 مبسوطة دلوقتى !!
🛑 راضية عنى !!

هى دى آلية الدفاع النفسية اللى بيستخدمها #النرجسى بالظبط مع ضحيته اللى بينسب فيها كل أخطائه، وعيوبه، ونواياه، و سلوكياته هو إلى ضحيته ..

يعني إيه؟ لو هو:

بيغلط → يتهمك إنك ضغطتي عليه يعمل كده.

خائن → يقول إنك غير مخلصة او أنك مقصرة.

كذّاب → يتهمك إنك بتكذبي.

مهمل → يقول إنك السبب في إهماله.

خَرب البيت »»». يتهمك إنك خرابة بيوت.

قtل»»» يتهم الضحية إنها السبب فى اللى عمله.

هو حرفيًا يرى في الضحية ما لا يستطيع الإعتراف بوجوده في نفسه، "مش هو اللى خاين مروة هى اللى ضحكت عليه"
مش بس كده .. لاء .. ده كمان يلوم الضحية ويحملها ذنب فعله..
"انت اللى خلتينى اعمل كده عشان ارضيكى" !!

زى ما حصل من صلاح لزوجته فى شبه استراتيجية كاملة تلاعبية لتحميلها مسؤولية "جريمته اللى إرتكبها" ..

---
مثال ثانى لإلقاء اللوم على الضحية زى ما حَمل حماه مسؤلية تصرفه، يعنى دى حيل بيستخدمها مع الكل ..

🛑 عمى أنت قولتلى إتصرف وأنا هستناك ..
🛑 وأدينى إتصرفت زى ما قولت لى ..

#النرجسى مش بيستخدم الإسقاط بس ده كمان بينقل اللوم
للضحية فى شبه استراتيجية كاملة تلاعبية لتحميل ضحيته مسؤولية سلوكه و تصرفاته .. عشان يهرب من مسؤلية افعاله ونتايجها .. وكمان يشرك الضحية فى اخطاىه وانحراف سلوكه
كإدانة ليها، فتتولى هى مسؤلية ما حدث وكمان إصلاحه ..

يعنى مثلا ٠:

"إنتى اللى عصبتينى وخلتينى أضربك "

“لو كنتي بتعامليني كويس ماكنتش خنت.”

“أنتي اللي خليتيني أزعق.”

“أنا غلطت بسببك.”

“لو كنتي فاهمة كنت هتخليني أحسن.”

هو هنا يقلب المسرحية كلها بحيث يظهر أمام نفسه إنه الضحية، وأنتي السبب.

---

⭐ ليه #النرجسي يعمل كده بيسقط ويلوم فى نفس الوقت؟

لانه:
👈 بيخاف من إحساس العار اللى بيجى بعد الغلط او الخطأ .
👈 غير قادر على تحمل إحساس الذنب كمسؤلية وليس شعور .
👈 عنده صورة ذاتية هشة جدًا، وأي اعتراف بالخطأ يهدد شعوره بالعظمة. خلى بالك من العظمة دى، محور حياته أصلاً ..
👈 لازم حد يشيل عنه المسؤولية، زى اى طفل إعتمادى سخيف.
👈 محتاج يحافظ على نفسه في دور “المثالي” ويرمي الغلط عليه .
👈 المثالية الزائفة القناع اللى بيجعل ليه إحترام فى مجتمعه
عشان كده لازم يحافظ عليه ..
👈 هو اكثر هشاشة وسهولة للكسر ولو إعتراف بالخطأ صورته الداخلية الهشة هتتكسر وهو ميقدرش يتحمل ده ..
---

⭐ . كيف تميز الإسقاط عند #النرجسي؟

ببساطة عزيزى/تى هتلاقي دايمًا إن التهم اللي بيرميها عليك:

مبالغ فيها جداااااااااااا فيها تضخيم ..

مفيش عليها دليل ولا اى دليل ملموس ..

مش شبهك مش طباعك مش سلوكك ..

لكنها شبهه هو تمامًا زى طباعه وسلوكه وأفعاله..
---

🛞 بعيدا عن المسلسل كيف تتعامل مع الإسقاط واللوم؟

ما تدخلش في نقاش منطقي وتدافع عن نفسك… لأنه مش منطقي أصلًا تدافع عن نفسك قصاد كذب .

قول لنفسك: “ده إسقاط… مش حقيقتي.” وخاصة لما يكون
الإتهام مش شبهك أصلا .

ثبّت حدود واضحة: و واجه النرجسى وقوله “تصرفاتك مسؤوليتك مش مسؤوليتي.” استخدمي جملة هادئة: "أنا مش مسؤولة عن أفعالك"

فهمه إنك واخد بالك من الحيلة اللى بيستخدمها معك، وان اللى بيقوله بيقصد به اللى جواه هو ..

من الاخر ⚡ الإسقاط حيلة دفاعية للهروب من شعور العار⚡

بلاش تحاسب على مشاريب إنت مطلبتهاش 👌

#مسلسل #وردـشيكولاته مسلسل عبقرى فى فضح الكائن #النرجسى المضطرب بإضطراب الشخصية النرجسية ..

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

27/11/2025

فى #عالمـالعلاقات محتاحين نفهم إيه شكل العلاقة بين الزوجة(الضحية الأساسية #للنرجسى) و #الزوجـالنرجسي، من خلال ديناميات علاقتهم الزوجية ..

مبدئياً هى علاقة زوجية سامة ومؤذية، حيث تقع ضحية(الزوجة) الشخصية النرجسية في إطار علاقة زوجية ظاهرها استقرار امام المجتمع … وباطنها وجع نفسي مستمر مليئ بالمعاناة والقهر النفسى .

طبيعة شخصية زوجة النرجسى هى نموذجًا شديد الحساسية والدقة لعلاقة غير متكافئة ،لانها تتجسّد فيها جميع ملامح الارتباط المؤذي القائم على السيطرة النرجسية من طرف الزوج، والتضحية والصبر المفرط من طرف الزوجة.

🛑 مع بعض نفهم هذه العلاقة كيف تم بنائها وإيه ملامحها !!

لازم نفهم ان زوجة النرجسى ليها طبيعة محددة، والطبيعة دى اللى بيتم بناء عليها إختيار النرجسى ليها، ومن خلالها يتم بناء العلاقة نفسها ..

🔹 أولًا: الزوجة بتكون ضحية نفسية مثالية للنرجسي !

لإنها زوجة طيبة، حساسة، مسالمة، متعاطفة، تحمل ضميرًا حيًا وتفضّل الهدوء والاستقرار على المواجهة والصراع. شخصيتها تميل إلى الاحتواء والتسامح، وتقدّم الحب بطريقة غير مشروطة، احيانا
تعانى من ترومات فى الطفولة من الخوف من الفقد او الهجر او الوحدة وهي خصائص تجعلها هدفًا مثاليًا لشريك نرجسي يحتاج إلى السيطرة والتحكم والإعجاب المستمر والتعاطف ..

وطبعا ده بيجعل المنطق اللى بتتعامل منه الزوجة فى العلاقة الزوجية برغم إدراكها لسوء شخصية زوجها، وبرغم إرهاقها
ودمارها النفسى
هو منطق التعاطف والتسامح والمثالية اللى بيكون فى شكل الحفاظ على البيت مهما كان الثمن، حيث ترى في التضحية
واجبًا وليس خيارًا،
مما يسمح لزوجها النرجسى بتجاوز الحدود، وإستغلال شعورها
بالتعاطف والخوف على استقرارها و استقرار البيت والأسرة ..
فنلاقى إهانات، وإساءات، وعنف، وخيانة، للزوجة ومع ذلك مكملة.

🔹 ثانيًا: الزوجة بتكون ضحية مادية مثالية للزوج النرجسى !

النقطة دى بعيداً عن المسلسل لكنها توجد فى الواقع
غالبا بيختار النرجسى زوجة بتكون فى احتياج مادى، حيث انها ليست مستقلة ماديا، وايضا لا تملك دعم مادى او معنوى من اتجاه أسرتها
(الاب الام العاىلة) ليدعمها اما الزوج
، و #النرجسى يدرك حالة العوز اللى الزوجة بتكون نشأت فيها ، وبيقوم بإستغلالها والضغط على الزوجة من خلالها فى حالة مقاومته ..

‼️ نتيجة الطبيعة دى للزوجة بيكون تعامل الزوج النرجسي في
العلاقة كالآتى :

كثير من الوعود بعد كل خيبة وخذلان، لكنه لا يلتزم بها.
من آمن العقاب أساء الادب كالعادة ..

إستنزاف عاطفي للزوجة ولا يعطي مقابلًا . اللعب على مشاعر
الذنب عندها والضمير ..

إظهار اهتمامًا مُفتعلًا وقتما يشعر بفقد السيطرة على العلاقة .
ليضمن بقاء الزوجة فى حالة ادمان لمثاليته الوهمية ..

اللوم المستمر على الزوجة بأنها سبب أخطائه وخياناته.
لتحميلها مسؤليه العلاقة وانجاحها والحفاظ على الاستقرار ..

لا يشعر بالذنب، بل يبرر سلوكه دائمًا ويستخدم حيلة الإسقاط
عليها .
نوع من الهجوم لجعل الضحية فى حالة دفاع دائم ..

يمارس التلاعب النفسي (Gaslighting) فيجعلها تشك في نفسها وفي مشاعرها .
حتى تفقد الصواب وتصبح مهزوزة فى قرارتها نحوه ..

إستغلال إحتياجها المادى وعدم إستقلالها وعدم وجود دعم اسرى لها ، بالتبجح بافعاله علنيا والاساءة المستمرة لها، والضغط عليها ماديا ان حاولت المقاومة ..

هذه السلوكيات المتلاعبة للاسف تُدخل الزوجة في دائرة مؤذية تجعلها غير قادرة على رؤية الواقع بوضوح، مما يجعلها ان تلجأ للشعور بالذنب والتقصير إتجاهه، مما يدفعها لمسامحته حيث يهيأ لها شعورها بالتقصير من طرفها هو الدافع الاساسى
لتصرفاته معها وليس إنحرافه ..
وان عليها بذل مجهود اكثر لأنجاح العلاقة، وقبول تصرفاته
المُشينة وغفرانها

‼️‼️ طيب هتقولى ليه بتستمر الزوجة رغم الأذى والخيانة
والعك النفسى ده والدائرة المؤذية دى ؟

1) تعلق صدماتي يعنى:

يُظهر الزوج لحظات اهتمام قصيرة ثم يعقبها أذى كبير، ما يخلق لدى الزوجة رابطًا عاطفيًا قويًا يحبسها في أمل زائف للتغيير.
(تغيره طبعا)
لأنها تظل متعلقة بالنسخة اللطيفة منه التي ظهرت في بداية الزواج، رغم أنها لم تعد موجودة. لكن الامل بيهيأ لها ان كل ما
تصبر وتعطى اكثر وتسامح النسخة الجميلة هترجع ثانى ..

2) جلد الذات:

تتأثر الزوجة بالتلاعب النفسي، فتبدأ تلوم نفسها على كل خلاف، وتعتبر أن عليها دورًا في إصلاحه، حتى وإن كان هو المخطئ.

3) الخوف من الهدم:

ترفض فكرة الانفصال خوفًا من كلام الناس، ومن فقدان صورة البيت المستقر، ومن تأثير ذلك على حياتها المستقبلية.

4) الوفاء المبالغ فيه:

الزوجة من النوع الذي يرى أن الحب مسؤولية، فتتمسك بالأمل مهما كان ضعيفًا، وتغفر حتى حين لا ينبغي الغفران.

‼️ طيب ايه المراحل اللى بتعدى بيها الزوجة فى العلاقة مع النرجسى عشان توصل انها تبقى قابلة جنان وسخافة وانحراف النرجسى؟

1. مرحلة التودد والوعود :
حيث يظهر الزوج النرجسى بصورة مثالية خيالية تُشعرها بالأمان الكاذب وانه الشخص اللى يقدر يسعدها ويحميها ويمنحها الحب.

2. مرحلة فوق وتحت :
يوم لطيف جداااا مليان حب وتودد وسعادة وفرح مبالغ فيه… يليه يوم مليء بالجرح والإهانة و الصمت وطبعا التذبذب يبقيها متعلقة، تلهث وراء اليوم الحلو .

3- مرحلة التحطيم العاطفي:
يبدأ بالانتقاد، التقليل من شأنها، وتجاهل مشاعرها، وإشعارها بالذنب، مما يجعلها فى حالة لوم دائم لنفسها بالتقصير .

4. مرحلة الهيمنة والسيطرة :
يقرر عنها، يعزلها نفسيًا، ويجعلها تشك في حكمها على الأمور.
يجعلها فى حالة إعتمادية نفسية وعاطفية ومادية كاملة عليه
تخشى اخذ قرار فعلى خوفا من نتائجه، لانها دايما غلط، زى ما برمج عقلها النرجسى.

5. مرحلة التذبذب :
يوم لطيف جرعة اوفر دوس من المثالية… يليه يوم مليء بالجرح والخيانة.

6- الإبتزاز العاطفى :
اللعب على مشاعر الذنب والتقصير والتعاطف، مع لعب دور الضحية
فى العلاقة .

الدوائر النفسية دى بتخدم احتياجاته، وتُضعف ثقتة الزوجة بنفسها أكثر فأكثر،
ومنها يضمن #النرجسى استمرار ضحيته(الزوجة) فى شِبَاك العلاقة
ويضمن لنفسه الاستمرار فى انحرفاته دون رادع ..

🔷 الخلاصة

صوّر شيرين فى مسلسل “ورد وشيكولاتة” علاقة عميقة ومؤلمة بين زوجة تحمل قلبًا صادقًا حساسا متعاطف وشريك نرجسي لا يعرف قيمة هذا القلب.
نموذجًا واقعيًا لامرأة تعيش بين الحب والجرح، بين الأمل واليأس، إلى أن تعود في النهاية إلى نفسها وتكتشف أن الخلاص يبدأ من الداخل.
هنا بتكون نقطة التحول… حين تعود الضحية (الزوجة) إلى ذاتها
و تدرك أن:

التضحية المستمرة لا تغيّر شخصًا لا يريد التغيير.
"النرجسى مش بيتغير"

الحفاظ على البيت لا يبرّر خسارة الذات.

الاحترام لا يُطلب… بل يُمارس.

الأعتماد بيكون على النفس وليس الاخر .

هذه اللحظة تمثّل الخروج من دائرة التعلق الصدماتي، حيث تستعيد الزوجة وعيها وقيمتها، وتبدأ في وضع حدود لأول مرة
تحد به استنزافها النفسى والعقلى والجسدى ..

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

27/11/2025

مش كل الوقت إنت مجبور على على أفعالك، او ردود أفعالك
مش كل الوقت إنت فى حالة جبر على البقاء فى مكان مش مكانك
مش كل الوقت إنت مُجبر مش مُخير على الحياة اللى إنت عايشها

الإنسان يملك كثير من الإختيارات،

لكن كثرة الإحتمالات بالخسارة، بتخليه خايف يستخدم مفاتيح
زنزانته اللى ه‍ تحرره من القيود ..

فعلياً المخاوف هى القيد الحقيقى، اللى بتجعل شخص مكمل

فى علاقة مؤذية ..
فى بيئة مؤذية ..
فى خيالات غير حقيقية ..
فى وضع بيقضى عليه ..

مخاوف الإنسان هى السَيد، وهو عَبد ليها ..

والمضحك أن أغلب مخاوف الإنسان تكاد تكون غير حقيقة على أرض الواقع،

لكن عقله بيصنعها وبيضخمها من تجاربه السابقة الموجعة
عشان يحميه من أى آلم ممكن يعيشه
ثانى،

يعنى بالبلدى
"ه‍ثبتك فى المنطقة الآمنة عشان أحميك"

ويهيأ له أن العلاقة المؤذية، هى اكثر بيئة آمنة، هى منطقة آمان مش أذى ..

حتى لو كلها أذى، من مبدأ الأذى ده أهون من اللى هتعيشه
بعد كده ..

فيبقى فى إيدك المفتاح اللى يَحررك، لكن إنت عمال تبكى
وتدبدب وتصرخ من وراء الباب ان حَد ينقذك ..

"إفتح الباب أسهل " مش ممكن تكون مخاوفك كلها وهم
وانت اللى مضخمها !!!

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

17/11/2025

فى #عالمـالعلاقات #النرجسية خلينا نتفق ان الشخص #النرجسى عمره العاطفى الشعورى 7 سنين فقط حتى لو بلغ من العُمر أرذله ..

وده معناه إنك لما ه‍ تتعامل معه فى أى موقف يفشل فيه إنه يتحكم فى مشاعره، ويسيطر على الموقف بينك وبينه
إنت بالتأكد هتشوف حاجة غير منطقية ولا مناسبه مع طوله وعرضه ...

يعنى ه‍ تتفاجأ إنك بتتعامل مع طفل عمره الزمنى لا يتخطى
السبع سنوات، لكنه طفل مضطرب سلوكياً سيكوباتى ..

يعنى:

فى لحظة تعرضه للإهانة أو الإساءة .. ه‍ تلاقيه عيل بمعنى
الكلمة جباااان، عَيل مرعوب بيحاول يستخبى بسرعة من كثر
رعبه،، بيجرى على أى مكان ظلمة، و اخر الليل ينام فى سريره
و مموت نفسه عياط 😭 عمال يدور على أى حد ينفع يحميه
من جرح الإهانة .. وطبعاً الأفكار الشريرة والمؤذية بتبقى
سيد الموقف ..

أما فى حالة الخوف ه‍ تلاقيه وقع فريسة لشعور مرعب بالتهديد من إيه معرفش بس ده بيكون شعوره،
مجرد فكرة إن كيانه مهدد، أو إنه فى حالة خطر بيقرب منه
،هنا كل تفكيره بيكون أنا لازم أحمى نفسى ، وهنا الرعب
بيسيطر عليه ودى الحالة اللى بيحَضر فيها شعور الغضب 😬..

اما حالة الغضب .. ياااا الله، أنت فعلياً بتواجه طفل طايش
مندفع مليان شحنة خوف ورعب، بيحركها شعور تهديد بفقد السيطرة على ضحيته، وطبعا بيكون واخد إستعداده إنه يكسر ويأذى،
ويضرب ويموت ..اللى قدامه، عشان بس يحافظ على نفسه ويأمنها،
و منغير تردد ، ومنغير اى رد فعل للضحية بينفِس و بينفذ
غضبه فيها على طول 😡 ..

اما فى حالة الكذب 🤥 .. فيا هلااااا واهلااااااااً بالتمثيل اللى
مليان عبقرية فى الإستعطاف ومليان دموع، وأسفات
كثييييييير بقى، شحتفة، و ركوع وتوسل ومرمغة،
فعلا دموع تماااااسيح ... بدون مبالغة ..
ويااا ويل الضحيه لو مصدقتش دموعه، وسامحته، واخدته فى حضنها، وكمان إعتذرت له كمان ..

اما حالته فى فقد العائل النرجسى اللى رباه بالموت😈 ..
فى دى من أمَر، وأصعب اللحظات اللى بييمر بيها ،
لإنه يفقد فيها عائِله اللى كان بيغذيه بنرجسيته، زى الاب أو الأم، اللى كانوا يا نِد ليه،وكان عايش فى صراع معهم بيحسسه إنه موجود، او اللى جعلوه إمتداد ليهم، فأعطوه جميع الصلاحيات
انه يكون مكانهم،
يكون هما، يقدر من خلاله يتسلط و يتحكم ..
هنا بجد النرجسى بيفقد هويته للأبد .. للأبد وبيواجه حقيقته الهشة الضعيفة،
المهانة، اللى بيكرها،
عشان كده اغلب النرجسين بيدخلوا فى فترة إكتئاب حادة بعد وفاة والديهم او احدهم خاصة اللى كان بيمارس عليه الأذى ..

وفى كل حالة من حالاته، ملامح #النرجسى من تعابير وحركات وريأكشنات بتتغير حسب قوة الشعور اللى بيحركه ..

بس اللى مش تعرفه الضحية إن كل التعابير والريأكشنات اللى
بتشوفها الضحية، أغلبها مفتعلة، وغير حقيقية ، وتمثيل

زى عباية التمثيل اللى بيلبسها الممثل عشان يتقن الدور
#النرجسى كمان بيلبس العباية عشان يدارى خوفه ورعبه وهشاشته وضعفه، وكراهيته لنفسه ...

Noha samy relationship coach

#دنياـالعلاقات

#الشخصيةـالنرجسبة #النرجسى #الامـالنرجسبة
#الغيرة #عالمـالعلاقات

15/11/2025

فى #عالمـالعلاقات وخاصة العلاقة مع #نرجسى خلينا نتفق على حاجة مهمة جداااااااااااااااااااااااااا ومنغير زعل

👈 إن برغم كل الكذب اللى بيكذبه وتزيفه للحقايق و اللاعيبه الوسخة، اللى بيعملها مع ضحيته، وكل الأفكار الشيطانية اللى بيمارسها عليها ،
لكنه ه‍ يفضل صادق وحقيقى فى بعض الحقايق اللى بيقولها للضحية
زى لما يقول لضحيته
👈 بعد ما عزالها عن نفسها وعن حياتها وعن العالم ،
وشككها فى نفسها واللى حواليها، وأقرب الناس ليها،
وخلالها تتخلى عن شغلها وعلاقتها، وصداقتها، وحياتها كلها،
وأجبرها تعيش فى وحدة تكلم نفسها والمراية اللى فى بيتها،
بعد ما خانها و أقنعها أنها ناقصة، وغير كافية، وغبية، وبشعة،
ولا تطاق، واوحش إمراة على الكوكب،
بعد ما عيشها فى ذل وإهانة، وحاوجة ليه، وقلة قيمة، وعنف،
بعد ما جننها و وصلها باللاعيبه لمرحلة الجنان والرغبة فى الموت،

أنه يقولها فى الأخر إنتى مريضة و محتاجة تتعالجى !
ويطلق جملته الشهيرة، ال ideal عند كل #نرجسى مع ضحيته
يا حبيبتى "إنتى لازم تروحى لدكتور نفسانى وتتكلمى معاه "
"إنتى إتجننتى على الأخر ولازم تتعالجى"
"أنتى مريضة ومش طبيعية انتى بقبتى مجنونة "
"الكل بيقول عليكى مجنونة حتى ولادك وأهلك "

هنا هو صادق مكذبش زى كل حاجة كذب فيها قبل كده

طبعاً لأنها الحقيقة ومنغير زعل ..

يعنى بعد كل عمايله الشيطانية دى، ما الضحية فعلا لازم توصل لمرحلة المرض النفسى، وتصاب بلعنة الإكتئاب والأمراض النفسية، لدرجة إنها تكره نَفسها واللى حواليها والحياة،

وتصدق إن المشكلة فيها وإنها مجنونة ، وإنها سبب خراب حياتها،
وحياته، وكثر خير #النرجسى أنه مستحملها و قابل يكمل معها ..

وهو فعلا صادق لما بيبحث لها بنفسه على دكتور نفسانى، ويحجز لها، ويفضى نفسه، ويوصلها للعيادة النفسية، ويدفع ثمن الجلسات، ويهتم ويواظب على مواعيد جلستها، ولو فى علاج دوائى، هو بنفسه بيشتريه، ويتأكد إنها بتلتزم بتناول الجرعة كمااااان

هو فعلا صادق فى فعله، البخيل اللى بيحاسبها على اكلها وشربها، وبيستخسر يشترى لها هدمتين او حتى يعالجها من اى مرض ..

لكنه طبعا مش صادق فى رغبته إنها تخف وتتعافى من جننها ..
لاء طبعاً
لكن عشان يأكد ليها ولكل اللى حواليها أنها فعلا مجنونة وإن
هو الضحية
اللى مستحمل، ومن حقه يعمل اى حاجة، يرميها مثلا ويسيبها
منغير حقوق، ويبقى كثر خيره .. والدليل إنها بتتعالج ..

خطة فى منتها الذكاء والشفافية والمصداقية والصدق 👌

عرفتوا ليه #النرجسى شيطان على الأرض لا ينفع يتعاشر ولا ينفع
يتوب ولا ممكن يبقى إنسان طبيعى !!!

#النرجسى من اول يوم مع ضحيته عارف السيناريو اللى هينفذه معها، مخطط ومدبر و بينفذ، مبيضيعش وقت عمره ..

يعنى أول ما #النرجسى يقول جملته الشهيرة

"انتى مريضة محتاجة تتعالجى نفسياً" لازم الضحية واللى حواليها يعرفوا إن #النرجسى وصل للهدف اللى كان وضعه من اول لحظه ونفذ السيناريو بكل دقة وإحترافية 👌

لو فى ضحية عاشرت #نرجسى لسه بتشك فى نفسها،

👈 بطلى يا عزيزتى شك فى نفسك انتى مش مجنونة، لكن انتى محتاجة تتعافى من سموم النرجسى اللى بثها فى عقلك وغرسها فى قلبك وروحك وجسمك ..

صدقيه بس فى الجمله وإوعى تصدقيه فى النيه لأنه والله كذاب.

#
#دنياـالعلاقات

#الشخصيةـالنرجسبة #النرجسى #الامـالنرجسبة
#عالمـالعلاقات

12/11/2025

#مسلسلـوردـوشوكولاته مش محتاج تحليل، ولا تشخيص لنوع الإضطراب اللى عند كل شخصية،
ما شاء الله الكل حلل وشخص الشخصيات وغالبا اللى شخصتوه صح✔️✔️✔️

لكن الحقيقة هو مش محتاج تشخيص بس، لكن محتاج منا
مُشاهدة بكل هدوء . معها مراقبة جيدة لردود افعال
الشخصيتن لكل كلمة و فعل و موقف بيحصل، و احداث
بيمروا بيها من لحظة إستدعائهم لذكريات الطفولة والمواقف
اللى مروا بيها مع اباىهم وأمهاتهم ..
مرورا بكل الاحداث اللى صنعت منهم الشخصيات الغير سوية
اللى شفتوها .. الشخصيات اللى عمالة تأذى فى غيرها وتأذى
فى نفسها، وتنتقم من الاخرين والعالم كله ..

تأخذ بالك من الاب #النرجسى او #المضطرب اللى صنع محامى
عظيم بداخله طفل مشوه ضعيف، مُهان، شاعر بالدونية، وعدم القيمة، بيضخم فى ذاته، ويستخدم اللاعيبه المريضة عشان
يضمن وجوده فى آمان، منغير ما يتعرض لإهانة او تعدى عليه
زى ما حصله
فى طفولته من اب قاسى مُنتقد جلاد .. وازاى استخدامه
للتلاعب وادواته كان اساس فى حمايته من البيئة الغير آمنة اللى عاش فيها وهو طفل، وكانت أسلوب حياته لما كبر وبلغ و بقى ليه مكانه
وإزاى فضلت الأساليب التلاعب دى منطقة آمان تحميه
لحد ما دمرته ودمرت كل اللى حواليه ومستعمرته اللى بناها
بالغش والخداع والتزيف والكذب والخيانةوالتسلط، والتشويه والقتل ..

تلاحظ شكل #الامـالنرجسية المتسلطة اللى صنعت مذيعة
مشهورة زى الماريونيت، شايفة نفسها سلعة تُباع بأبخس
ثمن عشان تضمن بقاء امها واخوها فى منطقة الراحة والأمان
وتضمن إنها تقدر تعيش حياة مفهاش جوع ثانى، ذل و ولا إهانة
حتى لو كان جسدها وسمعتها ثمن لشرههم و طمعهم ومرضهم
النفسى ..

إنك تفهم معنى إن كل إحتياج لم يُلبى فى طفولتهم إزاى إتحول بداخلهم لدافع مريض مليان إستسلام للأذى، و تجنب لعلاقات سوية، وإفراط فى تعويض مبالغ فيه مليان غضب، وخوف،
واذى، وتلاعب، ومخاطرة وإندفاع ..

المسلسل ده مش عشان نعرف عن الشخصية #النرجسية او #الحدية
ونشاور عليهم، ونسقف على شطارتنا ..

المسلسل ده وعى جديد بيعلمنا نفهم👇

إزاى الشخصيات دى إتكونت !!

و إيه طريقة ال ( schema)المخططات الفكرية اللى نمت ورعرعت بداخلها افكارهم ومعتقداتهم ومشاعرهم و قناعاتهم وسلوكياتهم !!

إيه هيا اشكال اساليب التلاعب اللى بيستخدموها عشان يضمنوا بقائهم، ويستلذوا بالإنتقام من الأخر !!

صدقاً الجسد يتذكر كل شيئ، ويظل كل أذى تعرض له كل شخص عالق فى جسده، بيظهر فى كل موقف وحدث يعبر عن مدى آلمه
ومدى رغبته فى تعويض ما لم يستطيع فعله لما إتأذى من اكثر منطقة آمان له (الاب ـالأمـ اسرته) ..

تخيل اب، وأم، و بيئة غير أمنه، تشكل عقلية طفل بإن إستحالة
ان يكون العالم فى الخارج خطر، فيصدق إن العيب فيه،
إنه شخص وحش، وسيئ، لا يستحق ان يعيش بنادم حقيقى
يشعر بإنسانيته ووتميزه وتفرده ..
فيقرر يعيش = وَحشْ
فيقرر تعيش = ضحية

#دنياـالعلاقات

#الشخصيةـالنرجسبة #النرجسى #الامـالنرجسبة
#الغيرة #الامـالنرجسبة #عالمـالعلاقات

Noha samy relationship coach

24/12/2025

24/12/2025

24/12/2025

10/12/2025

09/12/2025

08/12/2025

29/11/2025

27/11/2025

27/11/2025

17/11/2025

15/11/2025

12/11/2025

Address

Telephone

Website

Alerts

Contact The Practice

Shortcuts

Share