https://www.facebook.com/105193652458747/

صيدلية د/ احمد الزيدي - Dr. Ahmed Elzaidy Pharmacy

Home
Egypt
Giza
صيدلية د/ احمد الزيدي - Dr. Ahmed Elzaidy Pharmacy

نسعي لنكون:
*الأقرب والأفضل🩵
*الأكثر ثقةً وأمانا🥰
*عونًا للناس دومًا🤍
لنؤدي رسالتنا علي أكمل وجه👌

01/11/2025

لو عاوزين تعرفوا الفروقات بين أنواع السيروم ودورها
دا فيديو مبسط
ولو في أي سؤال اكتبوا ف الكومنتات

16/10/2025

دا شخص شغال اوبر عدي علي الصيدلية بالصدفة امبارح وطلب شوية أدوية وبعد ما شرحلي اللي عنده
اتضح أن في نوع بياخده مش مناسب معاه لانه مريض قلب وضغط ورشحتله نوع تاني آمن لحالته وزودت له نوع اخر
وأخد شوية نصائح بخصوص تنظيم الاكل عشان حالته ،
والحمد لله دا الانطباع اللي خده عن المكان بفضل الله ..

مهنتنا مهنة إنسانية من الدرجة الأولي
مش مجرد بياع بيبيع أدوية ف صيدلية أو حد يناول العلاج من ع الرف 👌

29/06/2025

تعالي اقولك علي شوية أدوية شائعه اوعي تاخدها مع اي حاجه فيها كافيين زي القهوة والشاي🤗

👈🏼 ١- أدوية البرد
🔵 لأن بيبقي فيها كافيين أو مواد تانيه قابضه للأوعية الدموية ودا بيضاعف تأثيرها وممكن تعمل توتر شديد وقلق وزيادة في ضربات القلب.

👈🏼 ٢- أدوية الغدة
🔵 لازم تبعدها عن القهوه من ٢-٤ ساعات
لأن الأدوية دي حساسة جدا للأكل عموما وللكافيين تحديدا
واللي بدوره بيسرع حركة المعدة ويبطل مفعولها.

👈🏼 ٣- أدوية الضغط والقلب
🔵 لازم تفصلها عن الكافيين برضو ب ٢-٤ ساعات
لأن الكافيين له تأثير معاكس ليها تماما
وده ممكن يخلي مفعول الدواء قليل جدا وتفتكر أنه مش
جايب نتيجه والمشكله اصلا بتبقي في الكافيين.

👈🏼 ٤- مسكنات الألم
🔵 الكافيين بيزود حمض المعدة ، وبرغم أنه بيساعد في تسكين الألم لكن للاسف ده مع المسكنات ممكن يعملك التهابات شديدة في المعدة ممكن توصل لقرحة في المعدة لو بتاخدها كتير

👈🏼 ٥- أدوية الفيتامينات والمعادن
🔵 الكافيين يؤثر علي امتصاص فيتامين د ويقلل عدد المستقبلات الخاصة به من الأمعاء وبالتالي يؤثر علي امتصاص الكالسيوم.
وأيضا يؤثر علي امتصاص فيتامينات ب و الحديد والماغنسيوم.

🔴 عشان كدا هقولك كام نصيحة تقلل بيهم التأثير السلبي للكافيين 👌

✅ ١- عدم شرب القهوة أو الشاي مع أو بعد الوجبات مباشرة (يفضل الانتظار ساعة أو ساعتين على الأقل) أو علي معدة فاضيه أو بالليل من بعد المغرب وطالع.

✅ ٢ـ تقليل استهلاك الكافيين اليومي إلي ١-٢ كوب يوميًا

✅ ٣- زيادة تناول الأطعمة الغنية بالفيتامينات والمعادن لتعويض أي نقص محتمل.

✅ ٤- يمكن تناول الفيتامينات في أوقات لا يصاحبها شرب الكافيين.

طب يادكتور هو الكافيين ملوش تأثير ايجابي؟
👈🏼 لأ أكيد له تأثير إيجابي زي أنه بيحفز الجهاز العصبي فيزود التركيز و الإنتباه واليقظة وسرعة الاستجابة والتحمل البدني و يعزز معدلات حرق السعرات الحرارية ويحسن المزاج 🔶 بس كل دا بدون إفراط في تناوله👌

دمتم بصحة وعافية 🥰✨

10/05/2025

ليه الأمراض زمان كانت أقل من دلوقتي؟
إيه اللي اتغير في حياتنا النهارده عن أيام زمان؟

👈زمان في السبعينات والتمانينات، الناس كانت بتاكل الأكل اللي بيطلع من الأرض علطول، يعني كان طبيعي ١٠٠%
وكنت بتنزل تجيب الخضار طازه اليوم بيومه
و مفيش حتة كيميا ولا جينات معدلة.
إنما دلوقتي الدنيا اختلفت أوي، كله معلب وبيعدي على خط انتاج في المصنع قبل ما يوصلك، الأكل بقى مليان بمواد زي الـ"Sodium Benzoate" بنزوات الصوديوم والـ"MSG" جلوتامات احادية الصوديوم اللي بتدي نكهة،
دول بقى مع الوقت بيسببوا مشاكل في نظام الهضم ولخبطة في الهرمونات ..

👈وكمان الحكاية اختلفت خالص ، يعني الـ"Organic" اللي هو الطبيعي بقى قليل وصعب تلقاه. وماكنش فيه الكلام اللي اسمه "pesticides" اللي بنسمعه دلوقتي، اللي هي مواد بتقتل الحشرات، اللي أكيد برضو بتسيب أثر في الأكل اللي بناكله، أما بقى موضوع الـ"Genetically Modified Organisms" أو الـ"GMOs"، التعديلات الوراثية اللي بتدخل علي النباتات دي فيلم لوحدها،
يعني إحنا بقينا نغير في الجينات عشان الفاكهة أو الخضار يكبروا بسرعة، علشان نوفر أد كده في البذور والحشرات.

👈تعالى بقى للبلاستيك:
كل حاجة من أول الإزازة اللي بتشرب منها للمعلقة اللي في إيدك، كلها بلاستيك، والمواد البلاستيكية دي فيها حاجة اسمها "Bisphenol A" أو الـ"BPA" بيسفينول، ودي مع الحرارة زي اللي في المطبخ بتعدي في الأكل والشرب من غير ماتحس، والمشاكل منها كتير ممكن توصل لحد إضطرابات في النمو عند الأطفال.

👈نيجي بقى للمعلبات ونزول الـوجبات السريعة والجاهزة اللي غزت العالم، بقت الناس مش بتحضر أكلها في البيت زي زمان، كل حاجة بقت سريعة، اللي اكيد طبعا ده بيجي على حساب الجودة وكله شغل تجاري اهم حاجه المكسب.
يعني الـوجبات السريعة دي مليانة كميات كبيرة جدا من الدهون والزيوت المهدرجة والاملاح والسكريات وانت مش مش حاسس غير بطعمها الحلو وبس ومش عارف انت بتدخل جسمك ايه!
وده على المدى الطويل بينعكس على الصحة، يعني القلب يبتدي يتعب، السكر يزيد، الضغط يعلي، فرط حركة ف الاطفال، قلة تركيز ونسيان و..و...

👈وبرضو، الملونات الصناعية اللي ف الأكل اللي بتدي لون في الحلويات والـكاندي والعصائر والأطعمة المختلفة كلها الدراسات أثبتت أنها بتسبب فرط حركة وقلة انتباه وتركيز عند الاطفال وبعض أنواع السرطان ومرض السكر.

👈كمان زمان، كان فيه حاجات بسيطة تخلي الناس تهدى، زي القعدة في شوية هوا، دلوقتي بقى كله موبايلات وأخبار على مدار اليوم، يعني التكنولوجيا والموبايلات والنت اللي خلونا طول الوقت تحت الضغوطات، دي لوحدها فتحت الباب لأمراض زي الـقلق والتوتر والـعصبية وارتفاع ضغط الدم لأن جسمنا مش متعود على الضغط العصبي ده!

عشان كده، إحنا دلوقتي بنشوف الأمراض بشكل أكبر عن زمان بسبب الحاجات الجديدة اللي دخلت في حياتنا، والتغير اللي حصل في كل حاجة حوالينا وده بسبب الإيقاع السريع والمصطنع اللي بنعيش فيه النهاردة 👌

منقول بتصرف عن د. احمد الطيب

12/04/2025

✅ الدهون الثلاثية (Triglycerides)
بتزيد إزاي في الجسم؟
الناس متخيلة إن الدهون الثلاثية بتيجي من أكل الدهون بس!
وده غلط كبير جدا.

الحقيقة؟
الدهون الثلاثية بتيجي أكتر لما تاكل سكريات ونشويات (كربوهيدرات) زيادة عن احتياج جسمك.

ليه بقى؟

أول ما تاكل سكريات (عصير، سكر، فاكهة كتير، نشويات بسيطة كتير)
👈السكر يعلى بسرعة
👈 الجسم يطلع إنسولين علشان يدخل السكر ده للخلايا

لو الخلايا مش محتاجة السكر ده كله (لأنك مش بتتحرك أو وزنك زايد عن اللزوم)
👈 الجسم يروح لمخزن الطوارئ
👈 يحول السكر الزيادة لدهون ثلاثية
👈 ويخزنها في الدم والكبد والدهون حوالين البطن

يعني ببساطة:
🔴 كوب عصير على الريق = ارتفاع سكر مفاجئ

🔴 فاكهة بدون حساب = سكر فاكهة (فركتوز) عالي

🔴 حلويات على مدار اليوم = سكر زيادة

🔴 سناكس نشويات = سكر زيادة

👇
النتيجة = دهون ثلاثية عالية

أما السمن البلدي والبيض؟
الدهون الطبيعية زي السمن البلدي، البيض، الزبدة النقية لا ترفع الدهون الثلاثية لو اتاكلت باعتدال، لأنها مش بتتحول في الجسم لدهون ثلاثية زي السكر.

الخلاصة النهائية:
⬅️ الدهون الثلاثية مش مشكلتها الدهون الطبيعية…
مشكلتها "سكر كتير + كربوهيدرات بدون حساب"
والجسم بيتعامل معاهم على إنهم دهون لازم تتخزن!

Address

شارع ترعة شلبي بجوار مسجد العريان (التقوي) , ناهيا/كرداسة/الجيزة
Giza

Telephone

+201143059088

Website

facebook.com

Alerts

Be the first to know and let us send you an email when صيدلية د/ احمد الزيدي - Dr. Ahmed Elzaidy Pharmacy posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to صيدلية د/ احمد الزيدي - Dr. Ahmed Elzaidy Pharmacy:

Shortcuts

Want your practice to be the top-listed Clinic in Giza?