https://www.facebook.com/113535931623925/

Bright Steps Preschool and Nursery, 199 د. جارينيا. البوابة الأولى. حدائق الأهرام, Giza (2026)

21/12/2025

الأطفال زي النباتات بتحتاج رعاية وحب واهتمام
وكل زرعة بتحتاج ترويها باللي محتاجها عشان تكبر وترعرع .☘️
هتاخد وقت علي ماتشوف النتيجة بس لو زارع صح الزرعة ان شاء الله هتتطلع صح
احنا بنشوف ولادنا زي الزرع بالضبط محتاجين
حب ورعاية واهتمام وامان وحدود وحرية 💛

في Bright Steps نُقدّم:
• أمانًا نفسيًا قبل أي محتوى تعليمي
• حدودًا ثابتة تُقدَّم بهدوء دون قسوة
• روتينًا يوميًا يُشعر الطفل بالطمأنينة
• لغة واعية تحترم الطفل ولا تقلّل من مشاعره
• تعلمًا متدرجًا يحترم الفروق الفردية

احنا مش بنستعجل النتائج،
لأننا مؤمنين ان ما يُبني بهدوء يدوم.💛

‏ inspired #والدورف #⁩⁩autum⁩⁩⁩⁩⁩⁩

17/12/2025

امنح وقتا كافيا للتدريب" 💛
قاعدة تربوية مهمة جدا ،مش بس كده ده كمان نتقبل النتيجة .

خلينا نفتكر دايما ان اي مهارة جديدة محتاجة وقت وخطوات صغيرة وواضحة علشان الطفل يقدر يتقنها على راحته

اطفالنا قادرين يتعلموا اي مهارة لما نبسطها لهم خطوة خطوة، بشكل مفهوم ويقدروا ينفذوه من غير ضغط

في البداية، احنا بنمارس المهارة قدامهم، وهم بيتفرجوا ويتعرفوا عليها واحدة واحدة، لحد ما يحسوا بالثقة ويبدأوا يجربوا بنفسهم

مش مهم النتيجة تطلع شكلها ايه ،المهم الرحلة
المهم انه يجرب
ويغلط
ويتدرب
ويكرر

اطفالنا كل يوم بيقابلوا مهارات جديدة تقدر تساعدهم يكبروا نفسيا وجسديا وعقليا

وفي نقطة مهمة جدا بتفرق
تطور الطفل او توقفه
طريقة تعاملنا مع النتيجة
خلينا نبعد عن التعليقات السلبية لان المنتج النهائي مش هو الهدف.
الهدف الحقيقي انه يتعلم ، يزود تركيزه ،يطور مهاراته
ويحس انه قادر.
وده بالظبط اللي بنشتغل عليه كل يوم في Bright ☀️Steps

‏ inspired #والدورف #⁩⁩autum⁩⁩⁩⁩⁩⁩

16/12/2025

إحنا شايفين طفل صغير، والعالم مستعجل عليه أوي.
مطلوب منه يفهم ويحقق وينجح بدري، قبل ما يعيش طفولته على مهله.
انترفيوهات وضغوط وتوقعات أكبر من سنه، وأحيانا أكبر من قدراته.

إحنا مؤمنين إن السنين الأولى مش معمولة للضغط ولا للمقارنة ولا لإثبات أي حاجة.
السنين دي معمولة للعب، للضحك، للتجربة، وللغلط اللي نتعلم منه، وقت يحس فيه الطفل بالأمان.💛

كل طفل بياخد مساحته الحقيقية وهو صغير، بيكبر أهدى، وأقوى، وواثق في نفسه أكتر.

العالم بره صعب وضاغط، فإحنا بنختار نكون العكس. نكون الرحمة، والدَفا، والمكان اللي الطفل يحس فيه إنه متشاف ومتحب زي ما هو.

ونصيحتنا لكل أب وأم:
ما تسيبوش العالم يستعجلكم، ولا يحسسكم إن في حاجة هتفوتكم.
طفولة ولادكم مش سباق، ومفيش طفل بيتأخر عن فرحته.
عيشوا معاهم طفولتهم، العبوا، اضحكوا، واهدوا… الحب والهدوء هما أكتر حاجة الطفل محتاجها.

في☀️ Bright Steps
إحنا بنمشي الرحلة دي سوا… بحب، وطمأنينة، واحترام لطفولة ولادنا .
ونرافقهم في رحلتهم خطوة بخطوة… 🤍

‏ inspired #والدورف #⁩⁩autum⁩⁩⁩⁩⁩⁩

15/12/2025

تخيل طفلك يتعلم الحساب وهو مبسوط ومش حاسس انه بيتعلم حلمنا كلنا طبعا 😅💛

في ☀️Bright Steps، كل قصة او لعبة ممكن تتحول لدرس في الحساب بطريقة طبيعية ومرحة.
من خلال قصص الحيوانات او الاشياء المحيطة، الطفل يتعلم الاطوال والاحجام والطويل والقصير والكبير والصغير.
لما الطفل يمثل المشهد بنفسه، المعلومة تثبت في ذهنه بطريقة ممتعة.
اللعب والتمثيل مع القصة يساعد الطفل على فهم المفاهيم الحسابية الاساسية من غير حفظ تقليدي.

ليه ده مهم للحساب؟ 🧐
لان الطفل لما يفهم الفرق بين الكبير والصغير، الطويل والقصير، اكثر واقل، بطريقة ممتعة تساعد عقله انه يكون فعال مش بيحفظ وخلاص بيبني اساس قوي لكل مهارات الحساب بعد كده زي الجمع والطرح والمقارنة والتقدير بطريقة طبيعية وممتعة.

جربوا تعملوا كده مع أطفالكم :
• اختاروا قصة قصيرة مرتبطة بالمفهوم الحسابي
• شجعوا الطفل يمثل او يحاكي الاحداث
• اسألوا اسئلة تحفيزية بسيطة زي مين الاطول؟ مين الاقصر؟ او مين اكبر؟ مين اصغر؟

جربوا الطريقة دي مع اولادكم وشاركوا معنا اللحظات اللي اتعلموا فيها وهم مبسوطين، 😍
وابدأوا معانا رحلة التعلم الممتعة في ☀️Bright Steps

‏ inspired #والدورف #⁩⁩autum⁩⁩⁩⁩⁩⁩

14/12/2025

عارفين الطفل اللي تلاقيه ماسك عروستين
قاعد يعمل بينهم حوار
ويحكي قصة ومش مبطل كلام؟😅
ده اسمه "حكي"
ومش مجرد لعب
دي مهارة بنتعلمها وبنتدرب عليها
الحكي بيخلي الطفل يفكر، يجرب يتكلم
ويكسر حواجز كتير جواه.
في طفل صوته واطي ومكسوف
وفي طفل صوته عالي وبيتكلم كتير
وكل واحد فيهم ليه طريقته في التعبير

دورنا اننا نفتح لكل طفل باب
يحكي من خلاله
ويحس انه متشاف ومسموع ومقبول زي ما هو

في ☀️Bright Steps المعلمة بتبدا الاسبوع بقصة مرتبطة بموضوع الشهر
ومن بعدها كل طفل بياخد مساحته
يحكي بطريقته وباسلوبه وبخياله.
ومن الحكي بيطلع كلام كتير بيساعد الطفل يعبر اكتر
ويتكلم ويحكي ويبقى متفاعل وواثق في نفسه💛

اسمعوا اطفالكم للاخر
ما تستعجلوهمش وما تصححوش كل كلمة وهم بيحكوا
سيبوا الطفل يحكي بطريقته
حتى لو الحكاية طولت ،او كانت ملخبطة شوية.
مع الوقت الكلام بينظم نفسه واللغة بتقوى والثقة بتكبر.
لان الطفل اللي بيتسمع بيعرف يحكي ،ويعرف يعبر،وبيحب يتكلم💛☀️

‏ inspired #والدورف #⁩⁩autum⁩⁩⁩⁩⁩

10/12/2025

في Bright Steps ☀️
بنمشي مع الأطفال خطوة خطوة… من أول المفهوم لأبسط تجربة بإيديهم 🍓🌱

واحنا شغالين على حرف الفاء، قدّمنا للصغار نشاط حسي بسيط:
يحطوا بذور الحمص على مجسم الفراولة كأنهم بيكملوا بذورها.
التجربة دي بتعرف الطفل على شكل البذور، وبتربطه بكلمات زي فراولة – فلاح – فاكهة… من غير ما نعقّد عليه.

التدرّج ده بيخلي التعلم أسهل، وأقرب ليهم، ويفضل فاكرينه وقت طويل 💛.
ومع كل نشاط… بنفركهم إن التعلم عندنا رحلة ممتعة، بيعيشوها خطوة بخطوة.

‏ inspired #والدورف #⁩⁩autum⁩⁩⁩⁩

26/11/2025

البيات الشتوي يدق الأبواب 🐜
الأيام اللي فاتت، أولادنا في ☀️Bright Steps فتحوا باب جديد من الاكتشاف…
اتفرّجوا على عالم النمل عن قرب:🐜
إزاي بيحفر النفق… يجمع الأكل… ويخزّنه في أماكن منظّمة جوا بيته.

وبعد المشاهدة… كل طفل جرب يمثل بنفسه دور النملة:
يمشي بخط سير… “يجمع الأكل”… ويروح يحطه في “المخزن”.
تجربة بسيطة جدًا… لكنها غرقت الأطفال في خيال، وتركيز، وفهم حقيقي لطريقة عمل النمل.

ليه النشاط ده مهم؟

لأنه بيساعد الطفل على:
• تنمية مهارة الملاحظة
• فهم مبسّط لدورة حياة كائن حي
• تطوير التخيل والتمثيل
• إدراك فكرة “جمع – نقل – تخزين”
• تنظيم الحركة وترتيب الخطوات

أنشطة الاكتشاف بتفتح للطفل عالم كامل من الفهم بدون تلقين… وده جزء كبير من فلسفتنا في Bright Steps.

اكتبوا لنا في الكومنتات… ايه الكائنات اللي أولادكم بيحبوا يستكشفوها وبيسألوا عنها 😍
‏

‏ inspired #والدورف #⁩⁩autum⁩⁩⁩⁩

20/11/2025

في ☀️Bright Steps أهم حاجة عندنا هي إن الطفل يفضل طفل.
عشان كده كل يوم بنحرص على إن:

🧡 نوفّر بيئة آمنة وهادية… الطفل يتحرك، يغلط، يجرب، ويتعلم من غير خوف.
🎨 نفتح له باب اللعب الحر… لأنه مش وقت ضايع، ده وقت ينمو فيه عقله ومشاعره وخياله.
🌱 نحافظ على إيقاع يومه… نوم، وأكل، ولعب، ووقت هدوء… من غير زيادة في المثيرات أو تحميل زيادة على قدره.
👂 نسمع له كويس… صوته مهم، واحتياجاته دايمًا أولوية.
🤝 نعلّمه يحس بغيره… مشاركة، واحترام، ولُطف… قيم يعيشها مش بس يتعلّمها.
✨ نراعي حواسه… أنشطة حسية مناسبة لعمره وتطوره.
📚 نقدّم تعليم حقيقي يناسب سنّه… من غير ضغط ولا مقارنة.

وفي النهاية…
إحنا هنا علشان نحمي طفولته… ونكبرها معاه، مش نسرّعها عليه.💛

‏

‏ inspired #والدورف #⁩⁩autum⁩⁩⁩⁩

19/11/2025

في اليوم العالمي للطفل 💛
بنحب نفكّركم إن من أهم حقوق الطفل… اللعب.
أطفالنا دلوقتي بيتعرضوا لضغوط كبيرة من مدارس ومذاكرة وروتين مليان مهام …
علشان كده متنسوش حقهم الأساسي:
يِلعبوا… يتحركوا… يكتشفوا… ويكون ليهم وقت بس يكونوا أطفال. 💛
‏

‏ inspired #والدورف #⁩⁩autum⁩⁩⁩⁩

18/11/2025

في ☀️Bright Steps بنحب نخلّي كل حرف ليه روح وحكاية،
فعشان نشرح حرف الياء؛ بدأنا الأول بـ قصة فيها كلمات بتبدأ بيه…
علشان الأطفال يسمعوا صوته، يميزوه، ويحسّوا إنهم “شافوه” جوا الأحداث قبل ما يكتبوه.

وبعد الحكاية دخلنا على جزء اللعب والتجريب:
✏️ كتبناه بالرمل
🎨 ولوناه
وشوفناه بطرق مختلفة
علشان الطفل يربطه بحركة وصوت وصورة… فيثبت جوّه بسهولة ومن غير ضغط.

التعلّم عندنا دايمًا رحلة صغيرة…
بنبدأها بالخيال، ونكمّلها بالإيد، ونوصل منها للفهم الحقيقي. 💛

كملوا معانا رحلتنا، اللي بنراعى فيها فضول الطفل وإيقاعه الطبيعي ☀️

‏

‏ inspired #والدورف #⁩⁩autum⁩⁩⁩⁩

17/11/2025

اللعب الحِسّي مش مجرد مكونات علي بعض وخلاص ! …
ده باب كبير للاستكشاف والكلام الجديد.😍

لما الطفل يحط إيده في مادة مختلفة زي الطين، ويلقي جزر 🥕 جوّه أو حاجة مستخبية، دماغه بتشتغل في اتجاهين:
⬅️ يستكشف بجد… يشم، يلمس، يضغط، يجرب.
⬅️ ويتكلم… يسمّي اللي لاقاه، يوصف ملمس، لون، حجم، أو حتى يسأل “ليه؟”.

الأوقات دي هي اللي بتبني قاموس الكلمات عند الطفل بشكل طبيعي، من غير تكرار مصطنع ولا حفظ.
المسميات اللي بيكتسبها وهو مركز ومستمتع بتثبت أسرع لأنها مرتبطة بتجربة حسية حقيقية.

علشان كده بنقول دايمًا:
اللعب الحسي هو أقصر طريق إن الطفل “يسمع – يحس – يفهم – ويعبّر”.
شاركونا: أكتر حاجة طفلكم بيحب يستكشفها؟ 🤩

11/11/2025

في ☀️Bright Steps، بنستلهم من فلسفة والدورف رؤيتها للتعلّم كرحلة حقيقية…
رحلة بيكتشف فيها الطفل العالم مش بالكلمات، لكن بالحواس والتجربة.
النهارده استخرج الأطفال ألوانهم من الطبيعة:
الأصفر من الكركم،
والأزرق من الكرنب الأحمر،
والأحمر من البنجر ،"طعمه لذيذ واتاكل😌"
والأخضر من السبانخ 🌿

تجربة بسيطة في شكلها، لكنها غنية في معناها.
اتعلموا فيها إن الجمال ممكن يخرج من الطبيعة حوالينا،
وإن الطبيعة جزء من رحلة التعلّم والنمو.

كل تجربة زي دي بتبني جوا الطفل وعي مختلف،
يربط بين الفكر والإحساس، وبين العلم والحياة اليومية 💫

في Bright Steps… ما بنعلّمش “عن” العالم،
إحنا بنتعلّم منه 🌍

رحلتنا مع الأطفال لسه في بدايتها…
وكل يوم فيها مليان تعلم واستكشاف. 🎨

‏

‏ inspired #والدورف #⁩⁩autum⁩⁩

Bright Steps Preschool and Nursery

21/12/2025

17/12/2025

16/12/2025

15/12/2025

14/12/2025

10/12/2025

26/11/2025

20/11/2025

19/11/2025

18/11/2025

17/11/2025

11/11/2025

Address

Telephone

Website

Alerts

Contact The Practice

Shortcuts

Share

Category