Rheumatology clinic

04/11/2025

هي مش بتبالغ…
هي فعلاً بتتعب من التعب نفسه.
تنام وتقوم كأنها ما نامتش.

وجعها مش باين، بس حقيقي.
بيحتاج تعاطف… مش شك.

إحنا صوت محاربي الفيبروميالجيا،
بنشوف اللي الناس مش شايفاه،
وبنحس بيهم حتى لو ما قالوش.

شارك البوست عشان يوصل صوتهم 💜

#شايفينكم #فيبروميالجيا

19/09/2025

06/09/2025

06/09/2025

👁️🔥 التهاب القزحية المناعي..جرس إنذار ! 🔥👁️
لو عينك دايمًا بتلتهب، وبالذات نفس العين بتتكرر فيها المشكلة أو مرة دي ومرة التانية بشكل متناوب، فممكن يكون السبب مش ميكروب عادي، لكن التهاب قزحية مناعي مرتبط بمرض روماتيزمي.
🔍 إزاي نفرّق بين الالتهاب المناعي والميكروبي؟
• الميكروبي (بكتيري/فيروسي):
✅ إفرازات أو صديد
✅ التهاب في القرنية أو الملتحمة
✅ غالبًا معاها حرارة أو عدوى بالجسم
✅ يتحسن بالمضاد الحيوي أو مضاد الفيروسات
• المناعي (مرتبط بالروماتيزم):
🚫 مفيش إفرازات ولا صديد
🚫 العين حمراء + ألم شديد + حساسية شديدة للنور
🚫 متكرر غالبًا في نفس العين أو بالتبادل بين العينين
🚫 ممكن يسبق أو يصاحب أعراض روماتيزمية في المفاصل أو الجلد
📌 الأمراض المناعية اللي ييجي معاها التهاب القزحية حسب شدة وخطورة الالتهاب العيني:
• التهاب الفقار اللاصق (Ankylosing spondylitis): الأكثر شيوعًا وبيعمل نوبات متكررة شديدة.
• متلازمة بهجت (Behçet): من أخطرهم على العين، ممكن يوصل لفقد النظر لو متعالجش صح.
• التهاب المفاصل الصدفي (Psoriatic arthritis): بييجي أقل من بهجت والتيبس لكن ممكن يكون مزمن.
• الروماتويد (RA): أقل شيوعًا في القزحية، لكنه ممكن يظهر.
• الساركويد: يسبب التهاب قزحي مزمن وأحيانًا حبيبي (granulomatous).
💊 العلاج:
• البداية: قطرات كورتيزون + موسعات حدقة + أحيانًا أقراص أو حقن كورتيزون.
• لو الالتهاب متكرر أو شديد: أدوية مناعية أقوى (مثبطات مناعة).
• متى نحتاج بيولوجي؟
• لو النوبات متكررة أكتر من 2–3 مرات بالسنة
• أو لو حصل مضاعفات رغم العلاج التقليدي
• أو في الحالات الخطيرة زي بهجت أو التيبس مع التهاب عنيد
👉 أشهر البيولوجيات: مضادات TNF (أداليموماب/إنفليكسيماب).
⚠️ المضاعفات لو العلاج اتأخر:
• التصاقات داخلية في العين
• ارتفاع ضغط العين (جلوكوما)
• إعتام عدسة (كتاراكت)
• ضعف أو فقدان النظر نهائيًا
👨‍⚕️ المتابعة الصح:
• دكتور رمد متخصص في القزحية لمتابعة العين
• دكتور روماتيزم لتشخيص المرض المناعي وضبط العلاج
✨ لو عجبك البوست شيره و فيد غيرك
عيادة الروماتيزم د. أحمد السمان

07/07/2024