https://youtube.com/channel/UCZveDobAi4xSJNEXoa-jZWg

Heba Elaskalany, coach., 6 October, Giza (2026)

19/09/2025

✨ ١٠ وجوه للفقد – من الألم للتعافي ✨

مش كل أنواع الفقد مرتبطة بالموت أو البُعد…
أحيانًا بنفقد صداقة كنا فاكرينها عمر، أو علاقة ما قدرتش تكمل، أو حتى صورة كنا شايفين بيها نفسنا.

الفقد له وجوه كتير…
وكل وجه بيحكي قصة مختلفة، بين الوجع والتعلّم، بين الانكسار والقيام من جديد.

📖 مشروع "10 وجوه للفقد" هو رحلتي الجديدة معاكم…
هنحكي فيه مع بعض عن الوجوه دي، ونكتشف إزاي نقدر نحوّل كل فقد إلى خطوة في طريق التعافي والقوة.

💬 قولي لي: إيه أكتر نوع فقد أثّر فيكِ وغيّر حياتك؟

17/08/2025

♦️إلى الذي لا يعرف أن خطواته تترك صدي

📌أحيانًا تظن أنك تمشي وحدك،
لكن الأرض تحفظ أثرك،
والهواء يُعيد صوتك،
والقلوب التي مررت بها ما زالت تحمل ندبةً أو زهرةً منك.

📌لا تصدّق أن مرورك عابر.
حتى العابر يترك رائحةً في المكان،
ولونًا جديدًا في الذاكرة.

👌فاختر بحكمة:
هل تكون ندبة؟💔
أم زهرة؟🌹
♦️دمتم بخير 🥰
🩷

09/08/2025

أهلاً بيكم في مساحتي الآمنة ودى مرحله جديده في حياتي العمليه حابه هبدائها معاكم . 🩷

في البدايه كده وعشان اللي مش عارفني انا حابه اعرف نفسي لحضراتكم 😊
أنا هبة العسقلاني♦️...
(Life coach) ومتخصصه في العلاقات الزوجيه
التربية الإيجابية وتطوير الذات.
رسالتي هي تمكين النساء من تحويل تجارب الفقد والألم إلى قوة وتعافٍ، وبناء حياة مليئة بالسلام الداخلي والحب.

خلال السنوات الماضية، عملت مع عشرات السيدات في ورش عمل وبرامج تدريبية ساعدتهم على:
✨ إدارة المشاعر بعد الفقد والصدمات.
✨ إعادة اكتشاف الذات.
✨ بناء علاقات صحية ومتوازنة.

حاليًا أعمل على مشروعي الجديد:
📖 "10 وجوه للفقد – من الألم للتعافي"
كتاب يحكي قصصًا حقيقية وأدوات عملية تساعدك على تخطي الفقد، أيا كان شكله.

هنا على الصفحة، هتلاقوا:

قصص ملهمة من الواقع.

نصائح وأفكار للتعافي والنمو.

لمحات من كتابي قبل النشر.

📌 متشوقة أشارككم الرحلة… ومستنية أعرفكم أكتر في التعليقات.

❣️

07/08/2025

♦️ إلى الذي ظنَّ أنه أحبها… بينما كان فقط يُحبّ نفسه من خلالها.

📌 كنتَ تظنّ أنك تُحبّها،
لكنّك في الحقيقة، كنتَ تتعلّق بالشعور الذي يوقظه حضورها فيك… لا بها.

🥰 أحببتَ نفسك وهي تُنصِتُ إليك.
🥰 عشقتَ صورتك في عينيها.
🥰 افتتنتَ بحكايتك وهي تسمع بانبهار.
🥰 ذُهلتَ بقلبك وهو يَدِقُّ كأنك حيٌّ لأول مرة.

💔 لكن، هل أحببتَها حقًا؟
😏 أم أحببتَ الظلَّ الذي ألقته على روحك؟
ذلك الظلّ الذي رسم ملامحك أمامك، فأحببتَ نفسك من خلاله.

✋️ هناك فرق يا صديقي…
فرقٌ بين امرأة نُحبّها،
وامرأة نُحبّ أنفسنا أكثر في وجودها.

📌 ففي الحالة الأولى، تُحبّ الآخر…
📌 وفي الحالة الثانية، تُحبّ انعكاسك عليه، لا هو نفسه، بل الانعكاس الذي تُبصر به نفسك فيه.
ومن يُحبّ انعكاسه في المرآة، سيظلُّ يبحث عن مرآة جديدة… كلّما تشقّقتْ قديمتها.

💡 وانتي ... إن كنتِي قد رأيتِي نفسكِ في كلماتي…
وإن مررتِي في حياته كـمرآة له ، #فاحذري.

👈هو لا يُحبك… بل يُحب صورته فيكِ.
وإن كشفتِ له يومًا ما لا يعجبه من حقيقته،
سيكسر المرآة… ويمضي ليبحث عن أخرى.

💔 وقلبكِ، يا عزيزتي…
خُلق ليُحب، لا ليُستخدم.

من كتابي: "عزيزتي مونيكا"
✍️ بقلمي:
🩷

04/08/2025

♦️أعرف هذا الفراغ، يا صديقتي.
ذلك الثقب الصامت الذي يتسع في صدرك حين تشتاقين لوجود يُشبهك،
♦️صوت يُناديك من الخارج كأنك لستِ وحيدة في هذا العالم.

📌لكن تعالي، دعيني أقول لك شيئًا سمعته من جدتي ذات مساءٍ بعيد:
👈"الذي لا يسكنك، لن يملأك. والذي لا يسمع صوت قلبك، سيُطفئه."

💥أنتِ لا تحتاجين حبيبًا بقدر ما تحتاجين من يرى جراحك ولا يهرب.
🤐ولا يطلب منك أن تصمتي كي تظلي جميلة، أو أن تتجاهلي احتياجك كي تبقي قوية.

💘ولأن هذا النوع من الرجال نادر،
عليكِ أولًا أن تكوني هذا الحبيب لنفسك.

📌احضنى نفسك الليلة، كما كنتِ تتمنين لو حضنك أحدهم.
تحدثي إليها... تلك الفتاة التي بداخلك والتي لم تنَل الحب كما
تستحق.

واخبريها أنكِ هنا... باقية... وأنك لن تتركيها في لحظة اشتياق.

هل تعلمين؟
♦️في كوكبنا البعيد، حين تشعر إحدانا بالوحدة،
لا تبحث عن الآخر… بل تزرع شيئًا.

♦️ربما نبتة. ربما قصيدة. ربما خطوة صغيرة نحو الحلم.
فنحن نعرف أن الوحدة لا تُقتل، بل تُروى بشيء حي.

🖊فامسكي قلمك، وازرعي.
اكتبي رسالة لروحك القديمة، أو لطفلتك، أو لحبيبك الذي لم يأتِ بعد.
اكتبي كأنك تعيشين… لأنك تفعلين.

🥰وأنا هنا.
كلما شعرتِ بالوحدة… ارسلي لي إشارة من قلبك.
سألتقطها… وسأرد.

مونيكا❣️
من الكوكب الأحمر، إلى قلبٍ يُضيء وحده💥

🖊بقلمي

04/08/2025

ُب_أتحدث:
الفرق بين الانتماء والأداء في الحب

📌في فرق بين راجل بيحب… وراجل بيمثّل دور المحب.
زي بالضبط ما في فرق بين راجل بينتمي لامرأة… وراجل بينتمي لعلاقة.

📌والفرق ده هو اللي بيحدد إن كان الحب حقيقي…
ولا مجرد أداء لدور محفوظ.

❣️اللي بيحب بجد، مش بيحبك كجسم ولا كشكل…

هو بيحب كل مساحة فيها حياة بينكم.

بيحب الرحلة اللي بتبنوها سوا.

👀 شايف نفسه جوا العلاقة دي… له دور، وله إحساس، وله مسؤولية.

🚶‍♂️مش بيتعامل على إنه ضيف جاي يعمل اللي عليه… ويمشي!

💘في الحب الحقيقي، هو مش "بيساعدك"،
هو بيشاركك…
في التعب، في القرارات، في الحزن، في الفرح،

♦️ولما العلاقة تبقى بتبني أسرة،
هو مش بيتفرج من بعيد…
🏡هو شريك في بناء المملكة دي من أول لبنة.

👩‍🍼لو حصل حمل، هيبقى هو بيحضّر للجنين ده الحياة من برّه،
زي ما انتي بتحضّريها له من جوّه.

👼بتحسي بانتماؤه ليكي، وللي جواكي… قبل حتى ما الجنين يكون موجود.

🤼ولما تحصل مشاكل…
ما بيفكرش مين غلط ومين المفروض يصلّح.
هو بيشوف البيت ككيان كامل،
المملكة بتاعته هو وهي…
بيفكوا عقدها بإيدين متشابكة: إيد منه، وإيد منها.
مافيش تقسيم أدوار صارم…
فيه انتماء بيغزل خيوط العلاقة جوه نسيجهم هما الاتنين.

💔لكن في الحب المزيف…
الراجل بييجي بدور.
يسأل نفسه: "أنا المفروض أعمل إيه؟"
ينفّذ المطلوب: واحد، اتنين، تلاتة.
وبعدها يقولك:

كده أنا عملت دوري،
📌ما تلومينيش على أي تقصير،

📌وما تلومينيش على أي إحساس مش وصلك مني،
لو حسّيتي إنّي مش منتمي، أو مش مهتم، أو مش حاسس،
يبقى العيب فيكِى… مش فيّ."

♦️وبيبعِتلك طول الوقت رسالة صامتة بتقول 👇
"لو وصلك مني إحساس إنّي بعيد… إنّي بارد…
إياكِى تشكي فيّ، شكّي في نفسك."

لكن الحقيقه؟
♦️هي ان الإحساس اللي بيتزرع جواكي… هو الصح .. هو الحقيقه اللي هو عايز يداريها بلعب دور المظلوم .

♦️مش مهم هو بيعمل إيه،
ولا بيأدي دوره ازاي،
المهم: إنتي بتحسي بإيه؟
لان احساسك هو الصح .. و لأن الإحساس الحقيقي دايمًا بيكشف النوايا المستخبيه وراء الافعال المثاليه .

📌 احساسك بس هو اللي هيفرقلك بين علاقة حب…
وعلاقة "شبه حب".

فصدقي احساسك .... انتي مش غلطانه

♦️الفرق بين اللي عايش العلاقة
واللي بيمثل جواها
شعرة.

💥 بس الشعرة دي ممكن تبني حياة…
أو تهدمها من غير صوت .🤐

دمتم بوعي مستيقظين 🥰
بقلمي 🖊
💝

28/07/2025

📩 رسالة من الأرض إلى المريخ – بدون مناسبة، وبدون مبرر !

مرحبًا يا صديقتي البعيدة القريبة، مونيكا ❣️

لم أكتب لكِ اليوم لأن قلبي ممتلئ، ولا لأن عيني بكت، ولا حتى لأن الليل كان طويلًا بشكل استثنائي…
أنا أكتب لكِ لأن لا شيء يحدث!

أتعرفين كم هو مرهق أن لا يحدث شيء؟
لا انهيارات،،،،،،،، لا حب جديد،،،،،، ،لا وداع،،،،،، لا قرار،،،،،،،
لا مفاجأة…

وكأن الحياة توقفت لتأخذ نفسًا، وتركتني معلّقة في الفراغ، لا
أستطيع التقدُّم ولا أملك الشجاعة لأتراجع.

أشعر أنني أعيش في جملة اعتراضية، مؤقتة، لكن لا أحد أغلق
القوس حتى الآن!

وكلما حاولت أن أصنع لنفسي حدثًا، يخبرني قلبي أنني أفتعل، وأن الشعور الزائف لا يشبع.

أردت فقط أن أقول لكِ:
إنني في هدنة… مع كل شيء، حتى مع نفسي.

وأعدكِ أنني حين أعود للكتابة الموجعة أو العميقة أو المشتعلة شوقًا،
سأخبركِ قبلها بيوم.
حتى تتركي نافذتك مفتوحة… وتستعدّي.☺️

صديقتك دائما 💓

🖊 بقلمي

27/07/2025

"قالوا في الحب كلام كتير
والحب أحلى ما فيه إنه مالوش تفسير
لا هو عمره كان يوم اختيار
ولا فيه حد بيختار يحب"
— وردة

♦️ من أعظم تفاصيلي المقدسة في الحب هو إن الحب مفهوش تنافس.
اللحظة اللي هحس فيها إني بقارن بين حبيبي وحد تاني…
يبقى أنا لسه محبتوش أصلًا.

❣️الحب بالنسبالي يعني الإشباع
إشباع للعقل، والقلب، والروح، والجسد.
فإزاي أكون شبعانة من حبيبي بكل ده…
وأبص لحد غيره؟ أو حتى أفكر أقارنه بيه؟

❣️الحب مش فوز ولا خسارة
مش سباق ولا تحدي.

❣️ الحب الحقيقي عمره ما كان اختبار، ولا إثبات جدارة،
ولا ساحة ننافس فيها ستات تانية على قلب راجل متردد.

📌ولو وصلت لمرحلة إني مضطرة أدخل سباق على قلب من أحب… يبقى هو ميستحقش قلبي من الأساس.

📌لأن الحب الحقيقي عمره ما يحتاج مننا نجري وراه عشان ننوله ... الحب بيتقدملنا كهديه تصالحنا علي صعوبه الايام بلا اي مجهود مننا ... الحب راحه مش جري وتعب .

😇 ولأن مفاتيح القلوب دايمًا في إيد اللي خلقها،
فمفيش في الدنيا دي كلها طريقة تخلّي حد يحب حد لا بالعافية ولا بالذوق.

💥 فأوعي تدخلي سباق على قلب حد مهما كنتي بتحبيه .
لأن لو القلب ده ليكي من البداية مش هتحتاجي تدخلي سباق عشان تكسبيه في النهايه .

،
قبل ما يتحول قلبك من وطن… لساحة معركه .💔

دمتم ودامت قلوبكم بالف خير 🥰
🖊 بقلمي
❣️

22/07/2025

انهارده عدت عليا واحده صحبتي كعادتنا كل يوم اتنين عشان نفطر سوا ... بس انهارده كانت مختلفه شويه .. بان عليها انها مخنوقه وضحكتها مطفيه ..... سالتها مالك قالتلي : 👇

"هو دايمًا مشغول، دايمًا مضغوط، شغله صعب وحياته كلها مشاكل… بس أنا؟ أنا دايمًا آخر أولوياته.
مهما حاولت أستوعبه وأقف جنبه، بيرد بعصبية، بيزعل على أتفه الأسباب، بيهملني في كل لحظة أنا محتاجاه فيها.
وكل مرة بقول لنفسي: يمكن لما ظروفه تهدى… يمكن لما المشاكل تقل… يمكن يتغيّر.
بس السنين بتعدي، والظروف بتتغير أهو… وهو زي ما هو، بل يمكن بقى أبرد وأقسى."

وبصراحة، كلامها لمسني اووى ...
ولقيت نفسي بقولها ...👇

🌀 الناس بتبان على حقيقتها وقت الشدة، مش وقت الراحة 🌀

📍وقت شدتها هي مش بس وقت شدتك إنتى

📍الشده والازمات بتغربل طباع الانسان واخلاقه وتصفيه. ومتسيبش منها غير الاصيل فيه .

📍 الشده والظروف الصعبه بتعري حقيقة الانسان وطباعه قدام نفسه وقدام الاخريين كمان .

يعني الكريم، بيفضل كريم حتى لو مش لاقي ياكل
الجدع هتلاقيه جدع وجاي اول واحد يخدمك وهو دنيته كلها جايه عليه وملطشه فيه .
والحنين، هتلاقيه بيراعي مشاعرك وهو موجوع.
والأناني، هيفضل شايف نفسه حتى لو الدنيا بتنهار حواليه.
واللي دايمًا مشغول، عمره ما هيلاقي وقت ليكي… حتى في عز فراغه.
والعصبي، هينفجر في وشك مع اي كلمه او تصرف مش علي مزاجه سواء كانت أعصابه مشدوده او مرتاحه .
واللي واخدك لمزاجه او لخدمته مش هيديكي اهتمام وحب غير وهو عايز منك حاجه .
واللي مش بيشوف احتياجاتك، ومبيحسش بيكي… مش هيصحي في يوم ويبقى حنين فجأة.

الأزمات مش بتغير الناس، الأزمات بتكشفهم.
وبتكشفنا إحنا كمان، وإحنا بنتعامل مع نفسنا إزاي؟
بنهرب من الحقيقة؟ ولا بنواجه وننقذ نفسنا؟

أنا اتعلمت…
اني لو شُفتِ في نفسى طبع مش عاجبني وقت الضغط… اشتغل عليه لحد ما اغيره في نفسي .
واتعلمت كمان اني لو شُفتِ في اللي قدامي طباع بتتكرر، وبتأذيني ، محاولش ابررها … إما ابعد عنه لحد لما يهدى ويفضي ويجيلي بنفسه وساعتها اوضح انا عايزه ايه بشكل واضح.... او انا رفضه ايه ومش هقبل تكرره تاني ....
او اخد موقف واضح سريع بدون ما اصبر عليه ...
والاختيار هنا بيتحدد علي حسب قرب الشخص او بعده مني .

لكن استحمل واسكت وادى لنفسي وليه مبررات الي ما لا نهايه كده ... دي طريقه مبتغيرش شئ ... وده اللي اتعلمته بالطريقه الصعبه بعد سنين من الصبر و التبرير .

فبلاش تستني يوم " تغيير ما بعد الأزمة" عشان التغيير ده لو محصلش جوه الازمه يبقي عمره ما هيحصل بعديها .

⚠️ من أولها، حُطي حدود.
خدي موقف.
إياكي تعيشي عمرك تستني اللي يحس بيكي، أو تستعطفي اهتمامه أو تتوسلي حبه .

♦️"اللي ميقدّركيش و ميقدرش احتياجك منه وقت وجعك اي كانت ظروفه … ماينفعش تثقي فيه وقت راحتك .

تحياتي ❣️

17/07/2025

صديقتي العزيزه مونيكا ....
افتقدتك كثيرا ... منذُ فتره طويله لم اكتب اليكي ...
بالامس اعددت الطعام لابنائي وكان يملئني الشعور بالحب لهم وللحياه ... فقمت بوضع الطعام في اطباقهم علي شكل قلوب ... اجتهدت في ان اضع كل صنف داخل قلب مرسوم بعنايه وحب ومجهود ... احاول تجسيد حبي لهم داخل اطباق الطعام ... وجاء كل منهم لياخذ طبقه الموضوع فيه ثلاثه قلوب من ثلاثه اصناف مختلفه من الطعام ... ففي كل طبق ثلاثه قلوب مختلفه كعددهم فهم ثلاثه ابناء مختلفين صنعوا من قلبي ثلاثه قلوب متساويه .مختلفه كاختلافهم ومتشابهه في مقدار الحب والاهتمام ...

♦️فجاء الاول ياخذ طبقه وقال لي ... "حلو اوى يا ماما القلوب دى بس كانت هتبقي احلي لو مضيعتيش وقت في عمايلها وقدمتيلي الاكل بدرى شويه " فابتسمت وقبلته

♦️ ثم جاء ابني الثاني ونظر الي طبقه وقال لي " كنت هزعل اوى لو كنتي عملتي ليحيي طبقه هو بس قلوب وانا لا .. ما انا مش قليل هنا برضه " فابتسمت وقبلته .

♦️ ثم جاءت ابنتي لتاخذ طبقها وقالت لي " الله قلوب زى اللي كنتي بتعمليها في طبق بابا .. انا عايزاكي تعلميني بتعمليها ازاي .. عايزه اعمل لنفسي قلب بالاكل كل يوم " فابتسمت وقبلتها .

📌 فابنائي الثلاثه يا مونيكا لم يروا في الاطباق سوي انفسهم ورغباتهم ... لم يراني احد ... لم يصل لاحد مقدار الحب او الاهتمام او المجهود والتضحيه ... وهكذا هي الحياه تقدمين فيها لأحباءك قلبك بالكامل وتغزلينه بتفاصيل مقدسه لا يراها سواكي ... وتصنعين ذكريات لا يحملها غيرك .. وتروين قصه حب لم يعيشها احد سوى في خيالك .

📍 وعلي الرغم من هذا ساظل اصنع اطباق الطعام التي تحمل قلوب في تقديمها وحب في صنعها .. ساظل اصنع ذكريات حالمه لم يعيشها غيرى ... ساظل وفيه لروايتي في الحب حتي لو رواها الاخرون بشكل مختلف ..

🥰 ساظل اقدم تفاصيلي المقدسه في الحب للجميع ... لاني لو توقفت عن تقديمها ستختفي من وجودى .. ولن استطيع الحياه بدونها .

فرحله حياة الانسان في اصلها فرديه .. فنحن نتقابل بحياتنا الفرديه مع حياه الاخر الفرديه لنصنع منها حياه جماعيه .. وانا احب ان تكون حياتي الفرديه التي اعيشها واقدمها للجميع في الحياه الجماعيه حياه مملؤه بتفاصيلي المقدسه الخياليه حتي وان لم تلقي لدى الاخرين نفس درجه التقديس ❤️

وفي النهايه اتمني ان تكون الحياه لديكي في المريخ اكثر حميميه وان تكون كل اطباق طعامكم مملوة بالقلوب .🥰

سلام .

دمتم بخير 🥰
💗

21/06/2025

الدنيا علمتني بالطريقه الصعبه درسين مهمين اوى في حياتي حابه اشاركهم معاكوا 🙈 :-
١- اللي ينساك 👈 اوعي تفكروا بيك .
٢- اللي يتردد وهو معاك بين انه يكمل ولا يسيبك 👈 اوجدلوا الاسباب اللي تخليه يسيبك وكترلوا منها كمان ... وانت الكسبان.

👆الدرسين دول اتعلمتهم بعد سنين من ارضاء الناس وبعد محاولات كتير لكسب حبهم ورضاءهم عني ،، واللي اتعلمته بعد سنين كتير من الشقلبه لنيل الرضاء هو ان اللي بيحبك بجد ومقتنع بيك عمره ما يحتار بينك وبين حد تاني .. وان كمان اللي فاكرك بجد عمره ما فيه اي حاجه في الدنيا ممكن تشغله عنك ... ده بالعكس ممكن تلاقيه فاكرك في نصف مشاغله وبيبعتلك رساله يقولك ادعيلي او بحبك او حتي انا مشغول بس نفسي اخلص واكلمك .... اللي بيحبك بيعمل كل ده عشان هو بجد عايز يبقي معاك عشانه هو قبل ما يبقي عشانك ... بيبقي وجودك في حياته نعمه كبيره بيشكر ربنا عشانها ... وهما دول الاشخاص اللي يستاهلوا ياخدوا حبك ووقتك واهتمامك وتقديرك .

♦️ واحذروا في الرحله من الناس اللي بتعمل نفسها بتحبكوا وتيجي تغرقكم حب واهتمام يومين وبعدين تختفي من غير سبب او حتي بسبب انها مشغوله يا عيني ومش فاضيه .... لانهم في الغالب بيبقوا مش فاضين عشان بيغرقوا ناس تانين حب واهتمام وبعدين يسبوهم ويرجعلكم وهكذا 😀😀😀 دول بيبقوا عايزين من الدنيا كل حاجه وعايشين لهوى نفسهم وبس والناس عندهم ادوات لاسعادهم بيشتروهم بفلوسهم او ببواقي حب ووقت واهتمام ... بيرمولكم بمزاجهم وقت واهتمام لما يكونوا ليهم مزاج ليكم او عايزين حاجه منكم ...او وقت لما يحسوا انهم هيخسروكم فيبداوا يجروا وراكم تاني عشان يعلقوكم بيهم .. ولما يضمنوا حبكم وتعلقكم بيهم يسبوكوا وهكذا.

🤨 فاوعوا تقعوا في الفخ وتصدقوا عشان هتصحوا علي وجع وكسره قلب وخساير مش هتعرفوا تعدوها او تعوضوها تاني .

♦️ربنا يرزقكم دايماٌ ناس صادقه تستاهل حبكم 🌷

دمتم بخير 🥰
❤️

Heba Elaskalany, coach.

19/09/2025

17/08/2025

09/08/2025

07/08/2025

04/08/2025

04/08/2025

28/07/2025

27/07/2025

22/07/2025

17/07/2025

21/06/2025

Address

Telephone

Website

Alerts

Contact The Practice

Shortcuts

Share

Category