The Size Specialist دكتور مينا نبيل أخصائي التغذية العلاجية و تنسيق القوام

14/12/2025

تنبيه اخير بخصوص أوزمبيك × ويجوڤي
المادة الفعالة في الاتنين اسمها سيماجلوتايد

اوزمييك المتاحة حاليا تركيزاتها ربع نص 1

لحد كدا التركيزات بالارقام دي ثبتت فعاليتها في تظبيط مستوي السكر اكتر من نزول الوزن فالبتالي اصبحت مخصصة و خدت الموافقة لعلاج السكر

استخدامها لنزول الوزن ببعتبر off label use و ممارسة لغير الغرض المخصص بالتالي مش برشحها غير لمرضي السكر بس و فوق تراكمي معين حسب guidelines الي المفروض بنمشي عليها

ابتدت الشركة تجرب ترفع الجرعة علشان تشوف تاثير نزول الوزن و فعلا ثبت لما وصلت الجرعة ل 1.7 و 2.4 فعالية اقوي في نزول الوزن

بالتالي الشركة نزلتها في صورة ويحوڤي المصرح بيها لنزول الوزن

و دي الي هاتكون متاحة اول السنة إن شاء الله (مفيش اخبار عن التسعير الرسمي لحد دلوقتي)

بالتالي انا هارفض اي بوست او كومنت بترشيح اوزمييك لنزول الوزن لحد ماتتوفر الويحوڤي بشكل رسمي

مش اي حاجة بيتقال انها بتنزل الوزن تتاخد و خلاص لازم نحترم الموافقات الي كل دوا واخدها و الا هاتبقي سلطة
اتمني تكون الصورة وصلت

03/12/2024

جلسات اكواليكس هي الاسرع الاقوي من الجلسة الاولي في إذابة الدهون ( منطقة البطن _ منطقة الأرداف _ اللغد _ الذراع )

مميزات الجلسة : *نزول سريع من الاسبوع الاول.
*منتج أوربي ١٠٠ ٪ بدون تخفيف .
*الجلسة مرة واحدة في الشهر مش كل اسبوع

الجلسة ١٠ دقائق فقط و تقدري تمارسي يومك الطبيعي بعد الجلسة .
*السرنجات بتجهز في نفس الجلسة بدون اضافة اي منتج اخر .

متاحة بالحجز المسبق فقط

23/11/2024

سعيد بالتواجد ان شاءالله وسط زمايلي في المؤتمر الخاص بجمعية الشرق الأوسط للتغذية العلاجية و السمنة بدعوة كريمة من زميلتي الغالية Dr Nermin Saber

ان شاءالله مؤتمر موفق و ناجح و مليان بكل جديد

03/12/2022

سمعتوا عن قصة الدايت و البكتيريا الشريرة 😁
تعالوا احكيلكوا قصة قبل النوم

قدام كل خلية بشرية في جسمنا فيه 10 كائنات حية عايشة معانا... يعني تريليونات عايشة معانا ومعظمهم مفيد ومحتاج احافظ عليه زي حاجة اسمها الميكروبيوم (Microbiome) اللي موجود بالمليارات في المعدة و تجويف الانف و الفم و الرئتين و كل مجموعة في مكانها ليها دور بس الي تهمنا دلوقتي ميكروبيوم المعدة و الأمعاء .

مؤخرا في دراسات كتير اتعملت و لقت حاجة غريبة ان الميكروبيوم مش كلها زي بعض… منها اللي ابن حلال وبيحب السلطة والفاكهة ومنها الشرير اللي بيحب العيش الفينو و ماك 😂

😀 وعلى حسب مانت تروض الميكروببوم عندك
… كل ما كان اكلك فاست فوود الميكروبيوم الشرير هيزيد ويتكاثر فالعدد على حساب الميكروبيوم الطيب بتاع الاكل الصحي والسلطة.

نيجي للنقطة التانبة الأهم ان الدراسات لقت حاجة اغرب ان لما بتغير نظام اكلك وتشيل النشويات مثلاً وتبدل الاكل الدسم بأكل صحي مين بيزعل؟!

الميكروبيوم الشرير ويحس بالخطر لانه كائن حي و عنده غريزة البقاء و يبتدي يدي اشارات لمخك انه عايز الاكل اللي بيحبه و متعود عليه وتبدي تجيلك افكار ماك و الشيبسي تراودك

- لو ضغطت علي نفسك شهر مثلا بتاكل صحي الميكروبيوم الطيب هايبتدي ينشط ويخليك لما تجوع يبقى نفسك في اكل صحي او سلطة مع ان ده عمره ما حصل قبل الدايت…

والميكروبيوم الشرير بتاع كنتاكي هايبدأ صوته يوطى!
وده اللي عايزين نوصله علشان كدا فيه ناس بعد شهرين دايت ممكن ميبقاش ليهم نفس ياكلو برا اصلاً و نفسهم ماتروحلوش

فحاولوا تربوا كائنات طيبة يا جماعة و صاحبوهم دول ولاد حلال و سيبكوا من اصدقاء السوء التانيين دول
واعرف ان لما تجيلك فكرة انك تطلب اكل من برا ده بطنك حرفياً اللي بتتكلم!

المصادر في التعليقات

25/07/2022

17/07/2022

علشان نقطع الشك باليقين الأدوية دي اكيد عدت قدامنا كتير علي النت او للاسف بتتباع في مراكز تخسيس إدارة الصيدلة عاملة الضبطية دي لأدوية مش مستورة لا دي متعبية هنا في مصر علشان بس محدش يقنع حضراتكم أنها اصلية اللي هي علي فكرة مضزوية برضه و فيها مواد ممنوعة من التداول لخطورتها علي الصحة و تسببها في الوفاة في بعض الحالات

16/07/2022

فعلًا في المجال دا كل يوم بنكتشف حاجات جديدة و غريبة

دا الفرق بين مستوي السكر في الدم بعد اكل رز ابيض بعد الطهي مباشرة (الصورة ال فوق)
وبعد وضعه في التلاجة يوم كامل واعادة تسخينه ( الصورة ال تحت )
البحث بيؤكد ان الرز البايت افضل للصحة 🤣🤣🤣

It's all about the presence of "Resistant Starch" (RS). It's consistently well-known that the richest source of RS is cooling of a cooked carbohydrate-rich food.

الأمر كله يتعلق بوجود حاجة اسمها "النشا المقاوم" (RS). من المعروف دايما أن أغنى مصدر لـ RS هو تبريد الأطعمة المطبوخة الغنية بالكربوهيدرات.

و مش بس الأرز .. نفس القاعدة تنطبق على الكربوهيدرات الأخرى مثل الخبز و البطاطس و المكرونة و غيرها. يعني من الآخر: إطبخ النشويات و بيّتها في الثلاجة، و سخّنها و تاكل منها بألف هنا و شفا بسعرات حرارية أقل و مستوي سكر في الدم اقل بكتير من مستواه من لو اتاكل بعد الطبخ. فعلا زي المثل مابيقول : ربك رب الغلابة؛.