Dr. Heba Elaraby - د. هبة العربي

30/12/2025

بتجوعى فى الشتا وشهيتك مفتوحة ومش عارفة تسيطرى؟
مستنيه ايه يلا اتواصلى معايا عشان تبتدى تنظمى اكلك واخدك معايا فى رحلة ممتعة لنزول الوزن بشكل صحى وآمن وبدون حرمان 🤩

هتاكلى اللى بتحبيه بس بذكاء👌

متاح متابعة اونلاين على مدار24ساعة وانتى ببيتك بوجباتك على مدار اليوم وكل استفساراتك 🤗

او تنورينى كل يوم اتنين واربع و سبت
مركز جولدن للسمنه و النحافه
للحجز والاستفسار التواصل ع الواتس
01115648667
دايت السعاده
دايت بدون حرمان
مع سفيره الجمال والرشاقة دكتوره هبه العربي

29/12/2025

أفكار لوجبات الغداء صحية ولذيذة ومشبعة💕🌟❤️🌹🌹❤️🌟🎀🎀🎀

26/12/2025

شوربة العدس "الراعي الرسمي" للشتا في مصر،
ومش بس عشان بتدفي، دي كنز فوايد حقيقي.
خليني أقولك بتعمل إيه في جسمنا بالبلدي كده:

​١. قنبلة طاقة ودفى
​أول ما بتشرب طبق الشوربة، بتحس بالدفا نزل في جسمك كله. العدس مليان كربوهيدرات معقدة بتديك طاقة محترمة تخليك قادر تقاوم البرد وتتحرك.

​٢. حديد عشان "الأنيميا"
​العدس من أكتر البقوليات اللي فيها حديد. يعني لو حد وشه باهت أو عنده أنيميا، طبق شوربة عدس مع عصرة لمونة (عشان فيتامين C يخلي الجسم يمتص الحديد صح) بيبقى أحسن من مية دوا.

​٣. شبع لفترة طويلة
​عشان مليانة ألياف وبروتين، لما بتاكلها بتحس إنك "شبعان ومكتوم" لفترة طويلة. وده بيساعد جداً لو حد عايز يحافظ على وزنه وما يلقطش أكل كتير بين الوجبات.

​٤. مفيدة للقلب والشرايين
​العدس ملوش علاقة بالكوليسترول الوحش، بالعكس ده فيه "فولات" وماغنسيوم، ودول أصحاب القلب، بيساعدوا على تدفق الدم وبيريحوا الشرايين.

​٥. منجم فيتامينات ومعادن
​فيها كل حاجة جسمك محتاجها:
​بروتين نباتي: بديل ممتاز .
​زنك: عشان المناعة والشعر.
​بوتاسيوم: عشان ضغط الدم يبقى مظبوط.
​تركة مصرية: عشان تاخد الفايدة كاملة وما تتعبش القولون، يفضل تنقع العدس شوية قبل السلق، وتضيف "كمون" وأنت بتطبخه عشان يمنع الانتفاخات.

22/12/2025

رأي استاذة آية من اجمل المتابعين معايا
شكرا ليكي يا جميله ❤️🙏🏻

22/12/2025

😲 تعرفي إن ناس كتير مش واخدة بالها من خضار صغير ممكن ينقذ صحتها؟

الكرنب الموف؟ معظم الناس فاكرينه بس طبق جانبي… الحقيقة إنه مليان مضادات أكسدة بتحمي قلبك، تقوي عضمك، وتحافظ على دماغك من التدهور المبكر! 💜

🥬 فوائد الكرنب الموف المخلل:

يقوي المناعة ويظبط الهضم بفضل البروبيوتيك الطبيعي.

يساعد على تنظيم السكر والكولسترول.

بيحميك من الأمراض المزمنة ويخلي بشرتك أصغر وأنقى.

💔 تخيلي إن أغلب الناس بيفوتوا الفوايد دي كل يوم بس عشان مش عارفين سر التخمير الطبيعي!

🥣 إزاي بيتخمر الكرنب الموف خطوة بخطوة:

1. قطعي الكرنب قطع صغيرة أو متوسطة.

2. رشي ملح على الكرنب (حوالي 2% من وزنه).

3. اعجني باليد لحد ما يطلع عصارة طبيعية.

4. حطي الكرنب في برطمان زجاجي نظيف واضغطي كويس لحد ما يغطي العصارة كل الكرنب.

5. غطي البرطمان جزئيًا علشان الغازات تخرج.

6. سيبيه في درجة حرارة الغرفة 5–10 أيام حسب الطعم اللي تحبيه.

7. بعد كده، خزنيه في التلاجة عشان يفضل طعمه وفوايده لفترة أطول.

💡 السر: البكتيريا الطبيعية اللي موجودة في الكرنب هي اللي بتحول المخلل لبروبيوتيك صحي يقوي الهضم والمناعة.

مطبخك الصحي يبدأ بخطوة بسيطة: جربي الكرنب الموف المخلل يوميًا واستمتعي بالطعم والفوائد! 💜

🌿 مع تحيات
د. هبه العربي

21/12/2025

21/12/2025

"كنت فاكرة إن الدايت عقاب… لحد ما اكتشفت إنه كان طوق نجاة 🛟"

واحدة من الحالات اللي شرفتني في العيادة دخلت وقالتلي:
"يا دكتورة، أنا جرّبت كل حاجة… بقيت بخاف من الميزان ⚖️، وبخاف أكتر من نظرة الشفقة في عيون اللي حواليا 😔
أنا جاية ومستنية تقولي: احرمي نفسك من كل حاجة."

ابتسمت وقلت لها:
"إحنا هنا مش عشان نحرِمك 🚫
إحنا هنا عشان نرجّع لك نفسك 🤍
النفس اللي تاهت وسط الوجبات السريعة 🍔 والتوتر 😵‍💫 ومحاولات فاشلة كتير."

وبدأنا الرحلة…
ما كانتش رحلة أرقام بتنزل ⬇️
كانت رحلة وعي 👣✨

اليوم اللي قدرت تمشي فيه نص ساعة من غير ما تِنهَج 🚶‍♀️💨… كان يوم عيد 🎉
اليوم اللي دخلت تشتري لبس ولقت مقاسها بسهولة 👗… كان انتصار 🏆
واليوم اللي أكلت فيه قطعة شوكولاتة وهي مستمتعة 🍫😌 من غير تأنيب ضمير…
كان قمة النجاح 👑

التغذية الصح مش سجن 🔒
ولا ورقة بنمشي عليها شهر ونرميها 🗒️❌

التغذية الصح إنك تفهمي جسمك محتاج إيه 🧠
وتحبيه كفاية إنك تدّيه أحسن طاقة ممكنة ⚡🤍

أكبر مكسب عندنا في العيادة مش رقم بينزل على الميزان ⚖️⬇️
أكبر مكسب هو لما نشوف الثقة وهي راجعة لعينيك من جديد ✨👀

لو لسه مترددة أو خايفة تبدأي عشان خايفة من الفشل 😟
حابة أقولك إن البداية الصح
بتبدأ بقرار بسيط جدًا 🌱

سيبي (تم) في كومنت 💬
أو ابعتي لنا رسالة 📩 وقولي:
إيه أكتر حاجة مخوّفاكي أو مصعّبة عليكي فكرة الدايت؟

20/12/2025

مفيش حد بيعمل ريجيم آخر السنة يا سيد، أمال هنكتب ايه في أهداف السنة الجديدة

15/12/2025

🔷 يا دكتوره أنا كشفت عندك من سنة و خسيت شوية .. ينفع آجى متابعة ‼️ 🙄

🔷 يا دكتوره أنا مش حاجزة النهارده بس عايزة أجي و أخش على طول علشان سايبه العيال ف الشارع و عمتى بتعمل عملية‼️ 😵‍💫

🔷 يا دكتوره أنا عارفة إن الساعة أربعة الفجر بس عايزة أعرف الفشار بيتخن ‼️ 🫩

🔷 يا دكتوره أنا جاية في توكتوك ودافعة ٥٠ جنيه ، هخصمهم بقى من فلوس الجلسة ‼️🤦‍♂️

🔷 يا دكتوره قولتلى تعالي متابعة بعد أسبوع و أنا لسه مخستش علشان بوزن عندى ‼️ 🤔

🔷 يا دكتوره اوعي الدوا يكون فيه هرمونات ‼️😌

🔷 يا دكتوره اوعي الدوا يكون مضر ‼️ 😎

🔷 يا دكتوره اوعي الدوا يكون غالي ‼️ 🤗

🔷 يا دكتوره بتطول مع الحالات ليه ؟‼️☺️

🔷 يا دكتوره متكتبيليش برشام علشان مش بعرف أبلعه و بلاش حقن علشان بخاف منها و مش عايزه فوار علشان بقرف منه ، اكتبلي أي حاجه تانيه ‼️🥴🙆🏻‍♂️

🔷 يا دكتوره أنا سلفتى جاية معايا المتابعة و هتسألك على كذا حاجه كدا بس مش هتكشف ‼️😎

🔷 يا دكتوره الدوا اللي إنت كتبهولى مجيبتوش عادى ؟ ‼️🤔

🔷 يا دكتوره هو إنت بتشرب كوفى ميكس و منعاناى منه ليه ‼️😩🥹🤕

15/12/2025

افكار لوجبات صحيه من أكل البيت عاليه في البروتين مشبعه جدا

01115648667 للاستفسار عن المتابعات
____________

15/12/2025

دايت خمول الغدة الدرقية
🖋تعليمات النظام :
١. الأولوية للبروتين + الخضار + الدهون الصحية.
٢. تقليل السكريات و الدقيق الأبيض لدرجة المنع .
٣. دعم اليود + السيلينيوم + الزنك ( مهم للغدة ) .
٤. ممنوع الإكثار من الأطعمه النية ( كرنب ، بروكلى ، قرنبيط ، فجل ) المطبوخ فقط .
٥. تجنبوا الصويا لأنها تعرقل إمتصاص الهرمون .
٦. الأدوية تؤخذ على معدة فاضية ، مع ماء فقط ، من غير قهوة ولا لبن لمدة ساعة بعدها .

🖋الفطار و العشاء :
🚫بدون نشويات
فقط بروتين + خضار + دهون صحية زى المكسرات ، زبدة الفول السودانى ، زيت الزيتون.

🖋الغداء :
ربع بروتين + خضار + ربع نشويات
المأكولات البحرية غنية باليود
وهذا أفضل بروتين للغدة الدرقية

🖋السناك :
فاكهه و زبادى

🖋بخصوص الكميات بعد الطهى :
👇النشويات :
- الأرز = ٤ معالق.
- المكرونة = نصف كوب كبير او كوب صغير .
- البطاطس = ثمرة واحدة صغيرة .
- البرغل أو الفريك = ٥ معالق.
- العيش = ربع لنص رغيف صغير .
- البقوليات = كوب
👇البروتين :
- ورك ، صدر فرخه.
- قطعة لحم واحده.
- سمكة كبيرة نص كيلو .
- ٢ ل ٣ بيضات فى اليوم .
- علبة تونة .
- بقوليات = كوب .
- جبنة قريش = ٣ ل ٤ معالق.
- زبادى.
👇الدهون الصحية:
- ٣ معالق صغيرة فى اليوم :
زيت زيتون أو سمنة بلدى طبيعى أو زبدة بلدى طبيعى.
- ٧ حبات مكسرات .
- معلقة واحدة زبدة فول سودانى.
- ٣ ل ٤ زتونات مخلله.

13/12/2025

الشوربه من الأكلات اللى ليها دور مهم فى الدايت، لأنها خفيفه وتشبع من غير ما تزود وزن
النهارده جايبالكم 2 من الشوربات اللى بيكملوا أى سفره صحية:
🔹 شوربه الخضار بالفراخ
🔹 شوربه العدس
تعالوا نشوف التفاصيل والطريقه 😋👇
🥦🍗 شوربه الخضار بالفراخ
المكونات:
جزر 🥕 + كوسه + بطاطس صغيره + بصل + فص توم + قطع فراخ مسلوقه منزوعة الجلد + بهارات (كمون + فلفل اسود + رشه ملح).
الطريقه:
1️⃣ نقطع الخضار مكعبات صغيره.
2️⃣ نشوح البصل مع فص التوم فى معلقة زيت صغيره.
3️⃣ نضيف الخضار مع كباية مية أو شوربة الفراخ ونسيبهم يغلو.
4️⃣ نضيف قطع الفراخ والبهارات ونسيبها تستوى على نار هاديه.
5️⃣ تتقدم سخنه مع رشه بقدونس 💚.
القيم الغذائيه (لكوباية كبيره ~250 مل):
🔸 120–150 كالوري
🔸 بروتين: 12 جم
🔸 ألياف: 3 جم
الفوايد:
✅ تشبع من غير تقيل.
✅ بروتين يحافظ على العضلات.
✅ فيتامينات ومعادن للخلايا والمناعه.
🌾🥣 شوربه العدس
المكونات:
عدس اصفر + جزر 🥕 + طماطم + بصل + كمون + كركم + رشه ملح وفلفل + معلقة زيت زيتون صغيره.
الطريقه:
1️⃣ نغسل العدس ونحطه فى حلة مع الجزر والبصل والطماطم.
2️⃣ نضيف مية كفاية ونسيبهم يغلو لحد ما العدس يستوى.
3️⃣ نضرب الخليط فى الخلاط أو بالهاند بليندر.
4️⃣ نرجعه الحلة، نضيف التوابل والكركم ورشة زيت زيتون ونسيبه يغلى دقيقتين.
5️⃣ يتقدم سخن مع عصرة ليمونه 🍋.
القيم الغذائيه (لكوباية كبيره ~250 مل):
🔸 160–180 كالوري
🔸 بروتين: 10 جم
🔸 ألياف: 5 جم
الفوايد:
✅ مصدر بروتين نباتى قوى.
✅ بيشبع وبيزود طاقه.
✅ غنى بالحديد والفيتامينات.

الخضار بالفراخ تنفع كوجبه متكاملة 🥦🍗، والعدس ملك الشتا 🥣💛